101手工小火鍋 (已結業)

#LuBie西灣河出去太安樓覓食 見到對面馬路有間鋪頭排晒隊，有人排隊味道應該唔會差 所以就同朋友去試試佢。🔽排緊隊果陣睇完個menu 原來呢間鋪頭主打係台式小火鍋，$72就可以有晒一個小火鍋 一個主食 同埋一杯特飲， 都幾豐富下 而且仲唔洗加一，感覺幾抵食 仲可以加錢追加其他火鍋配料 同一啲台式既小食，一定可以食飽飽 仲可以試好多唔同既食物。🔽同朋友叫左兩個小火鍋 主食要左台式手工拉麵 兩杯特飲 同一啲追加配料。🥘麻辣三杯雞小火鍋三杯雞味道香濃 辣辣地 但係可以接受既辣度 就算唔太食得辣都食到 雞肉都係俾雞脾肉 啖啖肉得黎 又嫩又滑。呢個鍋除左有雞之外 仲有好多其他食物 有台灣腸 魚腐 肥牛 玉子豆腐 同其他幾種既蔬菜。食到最後 落埋個台灣手工拉麵落去 個湯底度，手工拉麵好Q彈 煮耐左都唔會糊埋一齊 索晒啲湯汁 掛汁能力好高 好好味。🥘沙茶牛肉小火鍋沙茶湯底都好香 牛肉幾滑 似係滑牛咁 同樣都有台灣腸魚腐 肥牛等材料之外 仲有豆卜，豆卜好吸湯汁 吸滿湯汁既豆卜咬落去充滿沙茶味 勁重味 勁正。🥤彩虹幻影呢杯野由紅莓汁、水蜜桃汁、青蘋果汁mix 埋一齊，但紅莓味就比較出啲，都算幾夾既

本身同朋友諗住去太安樓掃街，無意中見到呢間餐廳好多人等位，於是我地又去八下啦，原來係食台式小火鍋，一人套餐包括鍋物，主食同特飲，只係$72咋，見咁抵即時同朋友轉食呢個啦😊。。。。。。。。。。。。。。。。麻辣三杯雞小火鍋(台灣麻辣湯，雞脾肉，Q彈正方形魚腐，美國肥牛，玉子豆腐，包心菜，蕃茄，粟米，金菇，紫洋蔥，台灣腸）▸我地嗌左少辣，所以個湯底唔算話好辣，同埋辣得黎帶少少甜，好夠味👍🏻 雞脾肉都幾大件同幾滑，而其他配料都唔錯😋。。。。。。。。。。。。。。。。沙茶牛肉小火鍋(台灣沙茶湯，沙茶牛肉片，Q彈正方形魚腐，玉子豆腐，包心菜，蕃茄，粟米，金菇，紫洋蔥，長豆卜，台灣腸）▸相比起麻辣個款，味道無咁濃，如果濃啲會更好，沙茶牛肉片都幾滑，而個魚腐都好味😋。。。。。。。。。。。。。。。。跟餐可以配米線，手工拉麵，米粉，公仔麵同白飯😊 另外唔夠飽仲可以追加配料添，整體來說性價比很高

夜媽媽入嚟西灣河，肚仔餓起上嚟都唔係人咁品，雖然隔離就係好聞名嘅掃食聖地太安樓，不過咁夜都係想搵個環境好少少，坐低冇咁攰，可以同朋友傾吓計嘅地方，咁啱對面就有一間睇落有啲人氣嘅餐廳（因為有人龍），羊群心理之下就用吓腳骨力排吓隊等吓啦！一入去，嗱嗱臨睇menu，發現幾多有成11種邊爐可以選擇，咁就考起有選擇困難性嘅我地，結果都係揀咗卜卜蜆鍋同蟲草花呢兩個招牌鍋。打邊爐最怕冇嘢飲，但係佢$72包埋飲品真係幾細心，仲有大大碗麵𠻹！我地食落就覺得啲湯料夠清，感覺夠晒養生，啲雞肉食得出有啲處理手法，所以又幾特別！

今次朋友帶我食好西，佢話呢頭附近開左間新嘅火鍋店，係食台式火鍋嘅，於是就一齊試下喇。鋪頭唔算大，不過都好貼心咁，每張枱上面都有個電磁爐，係for客人打邊爐一人一鍋嘅台式火鍋真係第一次試，今次就試下個三杯雞，三杯雞當然係辣喇，辣又唔係好辣，都比較大眾化。我個人都幾中意食辣野，不過又唔食得太辣，所以都好岩我口味雞件都幾大舊，肉質林滑又入味，我幾中意食其他配料都好多，當然唔少得我最愛嘅肥牛同金菇，已經夠滿足我嘅願望了

西灣河除了太安樓外又有一個經濟實惠的「醫肚」地方。 這間火鍋店推崇台式小火鍋，每位客人可以選擇自己的湯底和配料享用，而且選擇都算多。蟲草花養生小鍋主要走清淡健康路線，除了有少量蟲草花外，還有雞件，粟米，豬肉，青蔥等材料。雞湯味清香，而且油分不多。湯底內亦都有紅棗，為湯底帶來甜味。蕃茄濃湯豚肉小火鍋卻走香濃路線。蕃茄湯較甜，不過配合豚肉的味道就剛剛好。湯底亦都有豆卜做配料， 豆卜吸收了蕃茄湯後十分滋味。兩款湯底都設有附送的自選粉麵和飲料。價錢來說十分經濟，多追加一兩款材料都不需要一百元結帳， 性價比值相當高。

見到太安樓對面開左間新嘅火鍋店，我鋪邊爐癮突然發作，好想打邊爐！夜晚見到門口好多人，我諗都係有原因嘅，因為呢度嘅一人一鍋真係好抵食一個餐$72，有個小火鍋，主食同飲品我嗌左個卜卜蜆鍋鍋仔都唔算細，入面嘅材料好豐富，蜆嘅份量都有翻咁上下，無空殻，粒粒脹卜卜，都算唔錯我幾中意個湯底，有啲冬瓜，清清地咁，唔怕肥膩，配埋少少蟲草花，感覺都幾養生主食都有好多選擇，我揀左我最愛嘅烏冬，正！另外，升級左個特飲，夠大杯，爽啊！呢餐真係豐富抵食！

某日下午看完醫生經過此舗，見下午茶一人一鍋餐牌好吸引，價錢適中。我選了沙茶湯手作麵配沙茶牛肉Q版魚腐蟹子丸＋盆栽香芋奶茶，共＄55。味道尚算OK。下次都會再試其他款式。

最近發現左這間101小火鍋。見天氣涼涼地入去試試先其實説小火鍋也可以説是一碗熱騰騰的麵。我覺得最重要夠熱！一切巳好好味，至怕係暖。感覺冇咁好。這方面這個小鍋麵肯定做到了我叫左三杯雞。味道不錯。濃味！小小辣。配手工麪索汁！晚餐這樣已經好滿足了。重點我叫了杯台灣特飲我覺得幾抵呀因為外面一杯都二十幾蚊啦⋯⋯我坐低吃也是72元！已經好正啦！感覺不錯👍👌🏾

之前食過101火鍋，今日去開太安樓見倒對面開左101嘅一人一鍋，咁就梗係要去試下啦。去到嘅時候係夜晚7點半，但門口已經好多人排隊喇蟲草花養生小鍋，一上枱已經見倒啲湯好清，感覺好養生。底底有4至5舊大雞件，雞件建意先夾起以免淥得太耐會老我食嘅時間就岩岩好，啲雞都好滑，個湯底加左粟米，特別鮮甜淨係睇個鍋好似唔係好夠飽咁，但其實套餐入面仲有一個粉麵俾你揀，我揀左台灣手工拉麵，食落好彈牙，有小小似幼版刀削麵。呢個係麻辣豚肉小火鍋，個湯底唔算好辣，但麻嘅感覺就超重，食完個口過個陣果重麻卑嘅咁感覺點餐紙後面仲有得追加食物，谷穀肥牛片，細細片好快就熟，食落都幾重牛味除左牛仲有黑毛豬肉片，一上枱睇落都已經覺得啲色好靚喇！黎得101當然唔小得杯盆栽特濃朱古力啦，超濃嘅朱古力加埋啲餅碎真係冇得輸阿！就咁叫一個鍋都係72蚊，真係扺到爛

平時同男朋友去開屯門、尖沙咀、旺角呢D位都行到悶，於是就同男朋友就先去左太古行街睇戲，之後本身打算轉戰西灣河GE太安樓掃街，諗住掃盡果邊好西，點知一出地鐵站就見到有人派傳單，原來有間新野叫101手工小火鍋新開，見到都好似幾多日食Bo，於是就過去Try 一Try先。招牌果外型好得意，中間個0字好似一個小圓火鍋爐咁，而2個1字有D似1對筷子、1隻湯匙咁，正好配合佢地GE主題一人一鍋GE概念。台式小火鍋一人套餐($72)，包1個鍋物、1個主食同1杯特飲，無加一，我覺得性價比都高GE。我叫左個蟲草花養生小火鍋($72)配台式米粉同熱無糖茉莉花茶：男朋友叫左台灣卜卜蜆小火鍋($72)配台灣手工拉麵同凍無糖茉莉花茶。打邊爐我最鐘意就係食菜，同吸湯汁GE配料，有男朋友包或呀嘛！於是我好放任咁叫左勁多黑毛豬肉片($28)、芽菜($10)、金菇($10)、長豆卜($10)、蟹粉丸($12)、花枝丸($12)同上湯金蒜娃娃菜($20)食，嚇到對面搭檯嘅食客都側左下目，食返一星期嘅菜通下便姐，洗咩咁驚XD，哈哈。男朋友GE台灣卜卜蜆小火鍋先黎到，都十分充料下，眼見有卜卜蜆、蟲草花、玉子豆腐、蕃茄、粟米、洋蔥

西灣河除咗太安樓, 附近仲有好多好嘢食. 今日行過, 見到間新開食肆, 即刻入去試下. 話哂新開張, 裝修座位當然新淨.座位以四人一桌為主, 仲有幾個單邊『自閉位』.全店以台式火鍋主打, 一人一鍋. 下午茶時段, 價錢非常吸引.一款湯底 + 二款餸 +一款麵 +一款特飲 ,  埋單$39. 湯底共6款, 有辣有唔辣, 以台式為主, 分別為: 台式麻辣湯, 香辣三杯雞湯, 台式豬骨清湯,  台式沙茶湯, 田園新鮮蕃茄湯, 同蟲草花養生湯. 麵底共5款, 有米線, 台灣手工拉麵, 台灣新竹米粉, 公仔麵, 驚唔飽仲可以叫白飯!! 配料有27款, 叫兩餸就$39, 三餸$47, 四餸就$55!跟餐仲有5款特飲, 加錢就有多8款選擇. 價錢唔貴, 份量就一D都唔少. 我叫咗手工拉麵, 分量足, 又好食.配料叫咗沙茶牛肉加鮮蝦雲吞, 鍋入面仲有京蔥, 芽菜, 生菜, 蕃茄同栗米, 大大鍋!! 材料幾豐富, 三塊牛肉, 兩隻雲吞.特飲我選咗凍蜂蜜檸檬茶, 飲得出有蜜糖, 幾好飲!! 埋單無加一, 真係$39出門口!!