101手工涮涮鍋 (已結業)

想打邊爐，朋友帶我到這間店，佢之前幫襯過，價錢合理。牛肉唔錯，脂肪分布均勻，又唔韌。海鮮亦都唔錯，好鮮甜。而最特別係有唔同嘅飲品選擇，唔止係一般嘅汽水啤酒，連沖調嘅飲品都有提供。

101手工涮涮煱並非一般的差，是好差！小妹為咗佢都要第一次寫食評，免得佢為害人間！這間自命來自台灣的台式手工火煱！但一點台式火煱感覺都沒有！只有低層次的港式邊爐食物！就算是最後送來的布甸甜品也不能入口！挑戰人類極限！看似任食的菜單，但任食的只有低端食物，簡直是欺騙觀眾！我是因為看到這裡的正評才嘗試，點知........ 伏，好伏！不單單食物差，而且價錢貴，每人平均消費差不多要$400，一點也不值得！店內職員服務可算得上是極品中的差，自以為是的服務態度，差到不能接受！還有店裡尤如沒有冷氣，只放上幾把風扇！可以想像在空氣不流通的密室打邊爐會是什麼感覺！當真是熱上加火！😡😡！

都有一段時間冇黎呢度打邊爐啦!今日同友人臨時想慶祝一下，係無訂枱既情況下，下午6點半左右到餐廳門口，唔駛等位已經可以入座啦!由於有一段時間冇食，佢既湯底都多左唔少，因為以前已經試過卜卜蜆同三杯雞既湯底，侍應好熱情地介紹我食一個麻辣鍋...但我唔記得左個名，個鍋入面有鴨血、鵝腸、豆腐豆卜、豬大腸的!個鍋味道好濃，叫小辣都好辣好麻，好好味!入面D餸吸哂D味，真係好好食!侍應姐姐仲話我地D呢個鍋可以送多個辣湯俾我地加落去，可惜我地最後用唔著!我仲加左每人$40海鮮既海鮮拼盤，不過擺法就冇以前咁靚啦!佢既小食都唔錯!個手撕雞好快就俾我食哂啦!同以前一樣我地食完個鍋，食埋D手工丸牛肉魚皮果D之後已經好飽了!已經追加唔到佢D野食!只係加多左個菜姐!飲品方面我就繼續唔飲有氣既野飲，友人就飲佢既沙冰，我就飲佢既水果茶!食到最尾侍應有問我地要唔要甜品，我地只係要左一個試下，因為真係太飽了!個甜品係仙草芋圓，都OK既!我地有機會會再黎食，因為侍應非常有禮貌，而且食物既質素都非常唔錯!

今日同朋友食左呢間台灣野，48蚊一人火鍋仲加送野飲。湯底揀左台灣沙茶湯，味道唔錯！之後再揀三個餸，要左沙茶牛肉、芝士竹輪卷同Q彈正方形魚腐，真係好彈牙。麵就揀左台灣渝川拉麵，幾特別！杯珍珠奶茶仲要勁大杯，茶同奶嘅比例啱啱好。午餐真係好抵食！

難得約到一班舊同事，人多自然想起打邊爐😆同事們推薦這間位於尖沙嘴厚福街樓上鋪的台式火鍋-101手工涮涮鍋。因為8位以上需要付$1000訂金，星期六剛好要去尖沙嘴便去付款，當日可以憑簽收紙向餐廳領回訂金。經理安排了房給我們，我星期六亦順道去看看。因為我們訂了15位，經理提醒可能會坐得較逼，當晚我們只有13人所以坐得比較寬鬆😌大部分食物均以無限追加為主，海鮮、肉類、丸類、蔬菜有多款選擇，部分肉類/海鮮需每份叫；飲品方面有$38任飲啤酒🍺，其他飲品總類有沙冰、汽水等。如果用匯豐卡埋單會送一碟肥牛，哈哈我們當然沒有錯過😄火鍋湯底方面我們選了三款：沙茶雞鍋、酸菜白肉鍋&冬陰功卜卜蜆海鮮鍋🥘因為每個湯底的湯料都很足夠，不太需要豉油/辣醬🌶️。有幾款肉類&丸類拼盤以「每兩位送一碟」形式叫的，我們總共叫了6碟💪🏻份量很夠，食物也很新鮮！唯一希望就是炸魚皮可以薄點再脆一點(本人比較喜歡食脆嘅嘢😆)服務方面waiter waitress都周不時中入來看看我們需要什麼、加單、加水等，他們都很有禮貌，服務周到，值得一讚👍🏻埋單$4671，每人大約$360，價錢以市區來說是不錯👍🏻😋我們亦在房裏吃了3個小時的晚餐

同系同事，輾轉認識了五年。有新人有舊人，可以容納一大班人的時刻，少不了打邊邊。人多勢眾，訂位時已留了一間房給我們，傾講談笑大聲了點也不怕。沒有限時，食品任叫任食，唯飲品逐杯計。但聚會勝在開心，無計了。一圍枱三個爐: 杯杯蜆肉小辣鍋、沙茶雞鍋、酸菜豬肉鍋。配菜方面，少不了牛豬雞，還有特別併盤(丸子全部都是芝心，連獅子狗也釀了芝士)。結尾有菜魚烏冬長腳蟹柳及鹵水併盤，追加牛豬及丸。最後連甜品水晶包也下湯烚熟了(但是湯底是鹹的，把甜品烚熟放進口，又鹹又甜，感覺好像怪怪的。)因為某銀行信用咭優惠，特別多送一盆牛肉。結賬時亦有奶茶/香芋木糠奶凍贈送，感覺很飽足完滿。

宜家好興台式火鍋，因為冇去酒樓打邊爐咁Hea,好多都做到好精緻。呢間台式火鍋店就係尖沙咀厚街，招牌唔顯眼，揾左好耐先見到湯底揀左台灣香辣三杯雞，餐廳唔係叫佢做湯底，而係主菜，因為好足料，有好多雞，其實食完已經半飽，雞肉都好入味每兩個人會送一碟手切安格斯牛頸脊肥牛片，呢個真係好正，牛味重，唔韌，入口雖然唔似和牛咁入口即溶，但都好軟熟。一碟真係唔夠喉，好彩我地四個人有兩碟，話明手工涮涮鍋，當然唔少得手工野，呢個特選手工火鍋拼盤好吸引我最鐘意係墨魚汁鳥結糖，好彈牙而且仲有粒粒墨魚肉，好有口感另外仲有幾款黑松露餃，味道好濃，不過就分唔出邊款打邊款，因為味道都差唔多，但係好食既即炸響鈴卷同魚皮呀，一人一條極大響鈴，熱辣辣岩岩炸起，就咁食都好好味，魚皮就正常任食既配料質素都中上，我推介八吋長鱈場蟹棒，不過食一兩條就會膩，因為真係好長不過呢到就唔平，連加一差唔多$300 一個人，但質素係有保證既

之前同事推介尖沙咀一間台式火鍋放題！本心諗住平常心態食火鍋放題，因為以任食放題嚟講都唔會抱太大期望！點知呢間有驚喜！無論食物品質及擺設都係用上心機之作！連無限添飲都唔馬虎！員工態度奕有禮！環境好！同一班朋友都食得暢快！值得推介！

我只能說這店還真的請了很多打手。人人都說多精緻，我說不外如是。1. 二至六人一個鍋，七人以上兩個鍋？首先爐頭並非設於枱的中心位置，，而係兩旁位置，若六人一鍋未免太不方便。再者，並非人人吃辣，部分人吃辣，部分不吃辣，要兩個鍋就強迫你加 $138 加一個小鍋，問題是按人頭收費，難道不能三人份辣鍋、三人份不辣鍋，經理卻跟我們說你們分開坐，才可以免費有兩個鍋，感覺超不爽，好像是我們錯一樣。2. 湯底還不如平民價的港式火鍋湯底 無可奈何就加錢點了兩個鍋： （一）台灣香辣三杯雞涮涮鍋(中辣) （二）酸菜卜卜蜆鍋 *本來都沒有刻意想評論這店，所以沒有認真的拍。但還是想讓其他人多了解這店，還是放了。3. 配料 擺盤還好，還不過是很一般的配料（餃子、魚腐、三色丸子)4. 飲料選擇很多，這點是挺好的 有一半人想喝啤酒，一半不喝，他就強迫所有

10幾人打邊爐叫左3款湯底，全部都好足料分別酸菜白肉鍋，冬陰公卜卜蜆海鮮鍋，冬瓜卜卜蜆海鮮鍋個人最鍾意冬陰公卜卜蜆鍋如果你都係鍾意食蜆和飲冬陰公湯真係要試下好脆口又大條既手工炸響鈴黃金炸魚皮都好好食唔會有食落成口油既感覺手工火鍋拼盤好有特式全部都好食，手打丸爽口又新鮮特別鍾意太極冬菇，芝士蝦丸，黑松露芝士豚肉餃手切肥牛西班牙玫瑰黑毛豬頸肉食完熱辣辣既火鍋，仲有仙草芋圓8:55pm後入座免費任飲cocktails唔飲酒既可以試下蜂蜜水果冰茶

再一次同朋友嚟101打邊爐，今次照舊揀咗「極上“吃到飽”套餐」，選擇多、任揀任食任飲（酒精飲品另計），職員好好笑容，服務亦都好好，非常滿足嘅一晚！今次一行7人，可以揀2款湯底。👑 台灣沙茶雞涮涮鍋好濃郁嘅湯底，好多雞件，推薦！👍🏻🥢 冬瓜卜卜蜆海鮮鍋因為有朋友有d唔舒服，所以揀咗呢個清清地嘅湯底，都唔錯。👑 西班牙伊比利亞黑毛豬肉片黑毛豬肉片唔會切太薄身，有口感，好味道，推薦！🐷👑 101特選手工火鍋拼盤擺盤好吸引，大家都會好奇，邊食邊估係咩食物，正！👑 手工即炸響鈴卷大大條即炸響鈴卷，放落湯底浸幾秒拎上嚟食，好脆好香好好味！👑 芝士丸好流心，大愛！😍👑 巨峰提子雪碧砂冰賣相好得意，大大杯，好解渴！🥢 手切安格斯Prime Grade牛頸脊肥牛片🥢 附送免費甜品

之前一直都係食101的Lunch而今日呢難得去食101 的dinner咁我地係8:45後入座咁呢其實所有日本啤酒同cocktail任飲仲有珍珠奶茶同果茶揀其實d野飲好好飲而且又多選擇所以我地都叫左好多杯下咁我地火鍋湯底揀左冬瓜卜卜硯因為我地吾食辣的個湯底其實吾錯 又唔會太清或太濃而佢d食物呢都好ok尤其係自家制手工餃個碟野成碟野都有黑松露在入面好好食強列推介一定要叫咁另外佢個響鈴卷好大舊好好味魚皮亦都唔錯其實整體上幾ok食完其實幾飽下而且環境幾ok我當時同朋友坐卡位好清靜真係一個傾計相聚的好地方強烈推薦呀

雖然冬天已悄悄地離去，但打邊爐的心仍在，就拉埋同事收工一齊食個好邊係尖沙咀返工，午餐都黎過101，因為48蚊有3餸，仲包埋一大枝飲品，真係同區抵食之選，素質都唔錯。所以今次想試埋佢個晚市晚市就有極尚吃到飽套餐，好似西餐dinner set咁， 總共有5個dishes前菜有手工麻辣麻醬手撕雞 & 麻辣木耳 & 蓮藕三者既麻辣都好香，木耳爽身，係手撕雞肉質實左啲之後就要係八款主菜入面揀湯底，我哋就叫咗冬瓜卜卜蜆，有海鮮食之餘仲有冬瓜，感覺都冇咁熱氣。 而且煮到一定時候，店員會過黎幫手撈起冬瓜，再切成件，服務幾貼心跟住餐單數落去第三行，係時令海鮮拼盤，因為只係30蚊一位，睇到我哋心郁郁，又桶蠔、又有馬刀貝，係同事對海鮮咁熱切既心之下，就嗌埋拉蠔真係好大隻，而且夠飽滿，蠔味和蠔汁也是滿滿的馬刀貝同蜆係超級新鮮，因為係仲郁緊架而且馬刀貝size都好巨型，肉質彈牙，30蚊係抵食架食完海鮮，就介紹手切安格斯牛頸脊肥牛片呢個都係正野，肉質超爽，脂肪比例同分佈都好好，肉味鮮，夠滑得黎又唔覺肥，一碟真係唔夠喉我同同事都叫左101特選手工拼盤，睇個名就知唔係普通野，當中最特別就係墨魚汁烏結糖，好彈牙，又係好

今日係科學館一日遊，又到晚飯時間，打開OpenRice,見到有間爆笑既涮涮鍋就係附近，就去試下喇，時間早六點幾，好在walk-in 都有位，開始嘅時候送上兩款前菜，分別係麻辣手撕雞同埋麻辣木耳。兩款都好食好開胃，唔會交行貨。餐廳推介長腳蟹鍋底加左長腳蟹的湯 味道特別鮮甜，似係大阪食過嘅巨型蟹店！安格斯肥牛片，牛味濃郁，脂肪分佈均勻， 口感嫩滑全手工製併盤，特別喜歡黑松露海鮮軍艦 同手打丸，手打丸非常彈牙，海鮮軍艦，黑松露香味濃郁。即炸嘅響鈴同埋魚皮真係十分推介非常鬆脆又大件！炸魚皮當小食食一流！另外每人加咗30蚊，就有海鮮食。桶蠔大大隻，同大蜆海蝦都好新鮮，超值！飲品任飲性價比極高, 不是一般罐裝飲品, 係每一杯到手調製出來，有熱有凍。手調台式飲品，飲多幾杯都值會票價！

來到厚福街真的很有口福，因為這裏真的有很多美食，今晚就來到很多朋友都介紹過的101手工涮涮鍋 ，食個靚火鍋！101手工涮涮鍋位置低調，門口唔大，要上一層樓梯， 但入座之後地方係大嘅，座位闊落， 而且冷氣十足！餐牌大大張紙看似簡單，但係食落殊不簡單！屬前菜嘅麻醬手撕雞同麻辣木耳都好好食！鍋底我哋叫咗冬瓜雪場蟹腳海鮮鍋， 湯底非常足料！ 有成斤冬瓜放咗喺入面，鱈場蟹腳都有十多件！湯底同埋蟹腳都好鮮甜！幾經辛苦拆曬大量蟹腳之後就開始打邊爐啦， 每兩位一盤嘅肥牛紋理又靚，色澤紅嫩， 好有牛香。每位加$30仲有盤新鮮嘅海鮮，美國桶蠔有我隻手掌咁大！店家手工響鈴同魚皮厚身爽脆，不是街外貨色，大讚！ 可惜係限量供應，冇得encore，因為真係食完想再食！配料方面可以揀手工丸類或者台灣滷水拼盤。見未試過，就試下鹵水拼盤，放落鍋入面灼一陣就食得！ 鹵水非常入味， 鴨舌，牛肚，豬腸，豬耳正到不得了！另外仲有幾十款配料任點，但係食完頭先嗰啲已經好飽！只係可以食得落紫薯水晶包，因為甜品放另一個胃！ 紫薯水晶包煙韌香紫薯味，落鍋灼完，又鹹又甜好過癮！但其實仲有好大個甜品囉， 仲有特色台灣飲品 ，今餐真係飽到上心