119韓國站 (已結業)

可能深水埗區未有咩韓國料理餐廳， 所以呢間嘢一開， 又有優惠， 就搞到成日排長龍。我在呢間嘢食lunch已有5，6次， 其實食物質素好一般，只係因為想試新嘢先來食。今日試左新村冷麵， 啲麵比較淋， 同埋個汁麻醬味重手左少少， 最失敗係個雞肉， 是用水灼熟的， 因為完全無味。另外覺得呢度啲音樂太大聲, 加埋啲客人傾偈聲， 非常吵耳。 圓筒形木椅都唔舒服。

好耐冇食韓國野啦已經～次次食親都係韓燒，經過見到呢間野d野食都幾特別就入咗去試喇～先點了飲品，這裡的飲品抵讚！好新奇呢～～～我點了愛迪生柚子梳打，哈哈，其實係燈泡形的杯入面加了柚子蜜和梳打水，但我一試愛上！柚子蜜好足料，有好多柚子，但吸管太細，吸唔哂。不過好配合好清新又消濟，讚！而朋友點了過個，造型好吸引😍有綿花糖的汽水，是蘋果味的韓國汽水，我試了少少，很清甜但不太重蘋果味，但大大支，很不錯，因為食物有點辣😝食物方面點了韓式海鮮鐵板燒，小辣，但本人覺得如果唔係好食得辣就唔好叫辣了，真的愈食愈辣。我地叫咗半份，但都好大份！大量新鮮爽口的高麗菜，半隻肉質彈牙的龍蝦，兩隻大大粒的帶子，兩隻好鮮甜肥美的蠔，和適量粉絲，粉絲的味道最好吸收了精華。但整體味道很辣，很過引，但油偏多。來到時其實好滿唔係好知點燒，好彩待應都會幫手處理。另外要大讚蟹籽手拌飯！真係比埋手套用手拌！而且好香好惹味，清哂成碗！有蟹籽，肉鬆，紫菜和沙律醬，拌好後係充滿蟹籽的鮮味和咸味，肉鬆的甜味和沙律醬油份的幼滑拌飯！推介！最後點了豆腐牛肉窩，也是有點辣的，但感覺好韓式好傳統，而且很清的湯和牛肉，一點都不肥膩，牛肉很有𡁻頭，很香

呢間餐廳成日好多人等位, 又有多好運, 諗住實好食la,但今日一試真係中哂伏,,,呢個芝士烤雞好大份, 睇落好正, 有勁多芝士, 上枱之後先開始煮溶d芝士, 睇到都好邪惡.但食落無咩芝士味, 而雞件亦好硬, d肉有雪味, 個汁辣辣地, 成件雞好似放左好多日咁... 真係唔好食, 比較好味dd既係入面既蕃薯粒, 都幾粉既, 但同芝士唔多夾, 最後食左幾件雞就放棄.之後呢個野牛漢堡拼盤亦好一般, 個漢堡係用烘左既多士夾住,,, 入面有2塊牛, 有小小蕃茄汁, 成個"漢堡"好dry, 多士同入面既料好唔夾, 好奇怪, 旁邊既薯角比較好食...呢餐好失望, 又唔平, 唔明點解咁多人排隊...

空軍芝士烤雞 $128半份🧀🧀🧀🧀又系芝士控必食個鐵板一路食🔥🔥一路加熱，好正個雞本身系師父烤完，又香又脆，又有微辣🌶🌶🍡另外有辣年糕，捲埋芝士食系perfect！烤雞都系一樣，食完彷彿覺得自己去左韓國食烤雞，食完會好滿足，只系半份就已經好多🙄🙄，足夠3個人食，夠哂滋味！😂😂😂kfc炸雞食得太多，吃雞的朋友們系時候要轉下口味！。牛肉拌飯 $88👍🏻👍🏻一個好健康嘅飯，又好好味嘅飯呢碗十足有韓國嘅味道，五彩繽紛，好吸引食欲😍再撈埋豆瓣醬食，真心興趣🐄🐄個牛肉重要系燒出黎嘅牛肋骨肉淨系望到距都流哂口水💧💦👭👫重等啲咩，快啲約班吃貨出黎，食食食🏃🏿💨

呢間韓國站119做左好耐半價半隻雞今日終於黎試下佢我黎叫左金湯奶奶雞, 陸軍拌飯, 燒肉生菜包野食選擇唔多首先講講燒肉生菜包, 五花腩佢燒好先上台, 唔洗成身油煙, 不過就無左個樂趣兩睇啦 睇你想自己燒定咩, 可能佢都想客人食完快d走令到大家唔洗等咁耐所以幫你燒嘛啦燒肉普普通通, 肉燒得尚算脆身, 但菜只限一盤, 無得免費添加, 如果d肉剪細就唔係好夠分, 配菜個d都一樣無免費添加奶奶雞湯都足料, 飲完成身暖哂, 半隻雞都唔錯, 煲到好淋身陸軍拌飯係全部都係菜無肉的, 所以無咩可評, 只係辣醬份量有d少, 撈完都無咩味, 只好用埋佢生菜包個d辣醬奶奶雞半價都食得過, 但其實野食味道普通, 唔值得要等咁耐去排隊去食加上泡菜係韓國餐廳必備, 無得添加有少少扣分

空軍芝士烤雞🍖（$188/Full)黎到119必食嘅芝士烤雞，今次司令就叫左個Full set，絕對夠哂四、五個人食呀。一開始要先將底層厚厚嘅芝士煮溶，芝士開始溶化就可將烤雞同配料撈。司令建議芝士溶就可熄火，唔係會要燶底架啦😉。味道方面，烤雞本身醃得入味，帶點少少辛辣，再配上芝士，另有一番風味😋，而其中嘅配料仲有蕃薯，質感鬆軟，味道帶甜，作為配料絕對唔失禮。 119牛肉拌飯🐮🍚（$88）睇相就知料仲多過飯，配料有芽菜、粟米🌽等，口感非常豐富，再配埋個韓色辣醬撈埋一齊食，kimchi 味十足，而牛肉嘅味道仲好濃添，唔會俾其他味道搶左風頭。 芥蜜炸雞🍗（$58）炸雞熱辣辣上，但唔太脆，有啲失色。但味道方面都算唔錯，本身已經有啲味，而沾醬後亦都唔錯。再配埋蔥咁一齊食，亦係另一種風味，但由於司令覺得炸雞一定要夠脆，所以司令有啲失望喇！ 豆腐牛肉燉鍋 （$88）呢個又幾驚喜😳，湯🍲既牛味好重，而且有好多菜，食完咁多肉類同重口頭味既食物，都算refresh下。而牛肉都幾好，牛味冇流失，而且唔老。湯仲有帶少少辣🌶味，飲落幾好！

空軍芝士烤雞 要左全份雞，一開始要先將底層厚厚嘅芝士煮溶，芝士開始溶化就可將烤雞同配料撈。烤雞本身醃得入味，帶點少少辛辣，再配上芝士，另有一番風味😋，雞肉唔太乾，入口幾好，都唔會太膩。而其中嘅配料仲有蕃薯，質感鬆軟，味道帶甜。

身邊有好多韓國粉絲朋友，迷戀上韓國的所有東西，只要是來自韓國的，她們都愛不釋手。今晚相約一位韓國迷食飯，目標當然是韓國菜。 牛肋骨生菜包。自己親手烤肉，再用蔬菜包上，加上辣醬和泡菜。牛肋骨肉質軟腍入味，入口軟腍不鞋口，當中有些帶筋，但味道惹味無比。蔬菜爽脆，看出是有細心清洗。 芝士烤雞。大大盤芝士經煮熱後滾滾的樣子，用雞件製成拉絲雞件，雞肉微微炸得香脆，肉質較乾，但味道非常惹味。大大盤芝士炸雞，當中有烤蕃薯和年糕，非常飽肚香口。 龍蝦薄餅。薄薄的餅底，加上大量千島醬和芝士烘烤而成，鋪上龍蝦肉。龍蝦肉質不夠爽口，但尚算惹味，餅底不夠脆身，但醬汁味道豐富，所以味道很突出香味。

深水埗出名美食多籮籮，㗎咉多、蛋牛治、蝦子麵⋯最近韓流突襲深水埗，繼星星炸雞後再掀起新熱潮！ 空軍芝士烤雞: 以厚身鐵鏟盛載，重點莫過於成鏟邪惡到不行嘅芝士，憑目測啲芝士可以拉到成10cm高！另外，烤雞經自家製香濃醬汁醃製，肉質特別嫩滑，而且相當惹味！鐵鏟烤雞有全份或半份選擇，兩個人嚟撐枱腳嘅話，建議叫半份開心Share，份量就啱啱好！

一年之前去過元朗店，食過芝士排骨，印象深刻，知道深水埗開了分店，就當然要有一日放工找男友去試！去到7PM左右，已經見到長長的人龍！深水埗的119韓國站環境和元朗的不同，元朗的119明顯是消防主題，這兒則有點似救火現場。但兩者同樣有油桶座位設計，隨身物品可以放進桶內。每枱也會有一個爐子，用來加熱各款食物。一直已鎖定招牌菜 空軍芝士烤鷄（$64) ，想不到原來做緊半價優惠，只需$64!! 太抵食了！我們點了半份，半份已經足夠2-3個人食，份量很多！這碟芝士烤雞除了有已斬件的雞塊，也有其他配料，如年糕和薯仔。職員先在我們面前整盤加熱，過了幾分鐘，他就幫我們將熱溶了的拉絲芝士完完全全地卷住所有材料而雞件本身已經調味，有少少辣，惹味得來，即使加了芝士也不會漏。我本身不嗜辣，但仍然覺得辣度適中，容易接受! 除了雞，年糕和薯仔撈了芝士都同樣好味! 食物沾上很多很多芝士，製造拉絲效果, 十分吸引。結果我們二人食得超級乾淨，連芝士都鏟起清光，完全沒有浪費! YEAH! 蛋包韓粉絲（$68) ：蛋包飯平時就經常見，蛋包粉絲就真的第一次見，而且不是落茄汁，反而面頭淋了肉醬。蛋尚算嫩滑，粉絲也炒得彈牙乾

天氣凍凍地最好就係去食下韓國嘢今次就選擇去食一隻雞係韓國試過之後就深深愛上了原隻雞上枱確保真材實料店員會把雞剪開濃濃的湯底把雞炆得十分香滑再配上麵條完全可以吸引湯底的精華除了一隻雞後還點了五花腩不用自己燒的三層肉免去了油煙味廚師把三層肉燒得香脆內軟外脆

難得平日放假,夜晚決定食韓國野,119 店面不算大 等左一陣就有位店內音樂聲還算可以，119 用油桶座位設計, 袋子可放桶內國民烤豚肉 半份（$128）入面有泡菜、豆腐、豬腩肉、豬頸肉同車厘茄，肉質嫩滑，收了海鮮和醬料精華的粉絲，滑溜可口，豆腐配上調味料和泡菜顯惹味。韓式的餐廳吃到pizza, pizza夠加上泡菜微酸辣感令人會記得它是韓系pizza有著很豐富的芝士層咸香滋味 肉塊厚實啖啖肉, 爽口帶甜蝦味新鮮濃郁 

早排見到呢到有個芝士烤雞做緊半價，半份只需要$64十分吸引！所以今次飯局特登揀到呢到，位置亦好方便，係西九龍對面，不過唔知係咪個個都俾半價優惠吸引到，所以我地等左差唔多1個鐘先有位，上到去唔算太迫，亦都有韓國餐廳專有既又可以放野又可以坐既油筒櫈，不過呢到呢張櫈設計十分差，個坐墊一放歪少少就會成個人坐唔穩坐落個窿到，我地有幾次都嚇親搞到次次坐底都提心吊膽！落完單等緊野食個陣見到有包零食，好似媽咪麵咁，味道淡淡地，仲有d糖粒係入面，加埋一齊食幾特別，有d似肉桂味，等緊野食有d野咬下都唔錯蘋果味cider($48)一淋支cider落去d綿花糖就溶哂啦，不過就算溝埋d綿花糖都唔會好甜，同7喜差唔多味，底仲有蘋果粒，但飲管太幼好難啜，都幾大杯幾抵飲⋯⋯芥蜜炸雞($58)有6舊，都幾大舊而且無骨，而且芥辣蜜糖味一定無得輸，醬汁既份量亦都啱啱好，唔好太乾又唔會太濕太多醬，而且啱啱炸起仲熱辣辣脆卜卜，撈埋d葱食幾正泡菜綠豆煎餅($68)我覺得同普通泡菜煎餅差唔多，不過佢另外仲有d泡菜係面所以食落去比出面既味道濃d，邊位亦都煎到香口，都唔錯芝士南瓜年糕($58)個南瓜仲有d肉可以食埋，個汁同卡邦尼差唔多

海鮮鍋係用水煲上，非常特別，入面海鮮有帶子，大蝦，啖湯鮮味得好過份牛肋肉燒烤精選牛肋肉既肉同脂肪比較均衡，加上泡菜再加同生菜包住一齊食，勁正。龍蝦PizzaPizza 餅底好脆，估唔到咁多龍蝦肉，我估份量成隻龍蝦都有重點既海鮮粉絲鐵板燒隻生豪有我大掌咁大，仲有帶子青口，配上餐廳特制既海鮮醬，好食到我地連D粉絲都食晒棉花糖汽水韓式燒酒小食都好特別大力水手？ 乜係韓國架咩？

難得平日放假, 呢日同朋友仔去採購布料佈置房間,夜晚決定食韓國野, 原來呢度都開左<119 Korea Station>好才時間仲早, 等左一陣就有位啦!見到好多野都想食, 但得2個女仔,又唔可以點太多, 最後點左2-3樣~<魚糕泡菜>朋友好鍾意食韓國的魚糕醃得好入味, 食完之後胃口大增<濟洲焗元貝> $68/4隻元貝比想像中大隻,加埋上面的芝士沙拉醬焗更惹味,建議趁熱食今餐的主角就係它啦~<119金湯一隻雞/半份>用左一個大煲上, 好震撼的畫面雖然半份, 但份量十足湯底清甜, 充滿濃濃的雞香味雞肉肉質都算嫩滑配上醬料之後味道更顯突出我地差唔多飲晒整鍋湯,如果多人食唔夠飽仲可以另加年糕等配料而且店員仲會好貼心幫客人切開隻雞!呢度除左野食好味, 連飲品都好特別朋友點的<Mango Smoothie light> 芒果沙冰配上梳打水, 用燈反轉插在杯上賣相精緻, 味道香甜而我就點左<柚子味米酒>用一瓶米酒加入柚子醬以及冰塊自己搖勻後盲可以飲,濃濃的米香配上酸酸甜甜的柚子味,酒味唔會太重, 岩晒女