119韓國站 (已結業)

由於係優惠期嚟所以好多人排個裝修好韓國feel陸軍拌飯個人覺得依個飯麻麻地除非你好鍾意蔥味Edison Dream個形狀好有特色 我叫左蘋果味有果肉係底係梳打嚟都幾得意燒肉生菜包依個燒肉係豬肉嚟我覺得個燒肉燒得幾夠味唔洗點醬都ok 可以跟個人口味包埋泡菜但個泡菜同平時食開唔同係有薑味嘅依個燒肉包埋生菜食 好味 空軍芝士烤雞個雞幾好味辣辣地年糕都好好咬口記得唔好開咁大火 啲芝士燶晒就冇芝士食

早前和朋友去行深水埗 ,深水埗亦是平民美食天堂,在附近找了一間韓國餐廳，之前亦光顧元朗分店,今次試下深水埗店,,2個人叫了2個食品，南瓜芝士年糕味道幾好味,芝土味濃郁，南瓜味道亦都鮮甜 ,芝土雞翼亦都不錯，雞肉亦都好滑 ,這裡食品亦都好味 ，平均100元 ,價錢可以接受，地方亦都適中 ，服務都OK

本來訂左枱，但因為差一位先齊人加上實在太多人等位（是日星期二）所以都等左一等不過係值得架：）芝士雞有半價，唔知promo到幾時但真係好抵，我地四個女仔（2大食 2正常）叫左半隻芝士雞、綠豆泡菜餅、細wasabi炸雞、南瓜年糕、同埋share左杯大大杯既蘋果蘇打（好似係）芝士雞：肥！但好滿足！芝士好多，雞件都幾淋，但食左幾件都有d多細骨，可能係雞胸位置多，味道搭救啦綠豆泡菜餅：我諗食番正常泡菜餅會好d,綠豆雖然去左皮，但未煮到好淋，食落粉粉地咁再夾雜住d泡菜，怪怪地（我地都食唔慣）wasabi炸雞：有wasabi味無wasabi既嗆辣，大家都可以放心食～雞炸得好香脆，會再翻兜！南瓜年糕：用左南瓜仔黎裝住，賣相好得意！而且南瓜仔係新鮮的，連埋南瓜肉（唔係菠蘿炒飯果d器皿），而年糕都煮得岩岩好，糯糯地，南瓜略嫌唔夠甜同唔夠滑，加多d cream會好d.Apple soda drink (類似的）：一個字「甜」！一上黎d冰未溶，大家飲左啖都覺得就黎糖尿既感覺；等d冰溶左會好少少⋯但都係好甜⋯野飲實在有待改進啊不過有機會會再去試下個貌似雲吞雞既雞鍋既

原本對香港嘅韓國食店都印象唔差，食過好多間都覺得唔錯，就係咁放下咗戒心。見呢間都有幾間分店，又多人排，就一於試佢。就係咁，中哂伏。韓國冷麵，一睇個樣就中哂伏。朋友話個感覺好似豉油王麵咁，仲要係凍嘅。佢嘅評語係難食。 韓國炒粉絲，呢個個樣正常返少少。另一友人話唔係特好食。 另一個韓國豬肉飯，又係一上檯見到就知出事。無味道可言，只可以自己整都無咁難食。 一檯人嘅結論係，唔會再幫襯。同埋可惜我只可以俾一星，有得揀，我會揀0.

米仔要去買電腦，當然跟住去，睇佢買電腦，我就帶佢去食野。。知道附近開了間韓國燒烤，就去碰運氣，當天運氣不錯，也可能我們早就不用等位。。。不過，過一陣子，全店就已爆滿了!Smoothie Light 芒果 賣相非常吸引，金黃色的芒果冰沙，上面放著載滿梳打的燈膽，濃郁的芒果混合著梳打，味道好濃，而且份量也很多!Popeye Cinder 蘋果大大杯，底部有蘋果果肉的果醬，杯上還有一大舊如漂雲的綿花糖，賣相吸睛，還可以一片片撕下品嚐，食左一半，我就加入梳打，綿花糖就瞬間溶掉，整杯味道清甜可口，解渴良品!燒牛肋骨生菜包大大件牛肋骨。自己慢慢煎，剪開一片片就容易處理，每片牛肉都十分香口，可用生菜包著泡菜及韓式辣醬一起吃，減低油膩感之餘，口感也豐富!國民沙律頂層有幾片芝士、蕃茄，軟軟的芝士配著新鮮蕃茄一起吃，味道非常的夾，再加上下層的蔬菜，絕對可以中和肉類的飽肚感，是個不錯的冷盤選擇!國民烤海鮮。半份兩人份量，材料包括龍蝦。帶子。魷魚。蠔。韓國粉絲。椰菜等，店員會親自炒，把每樣材料切件，方便進食之餘還可把材料的味道帶入椰菜及粉絲裡，龍蝦雖然細細隻，但都夠肉，質感都算新鮮。混雜所有配料一起吃，味道很

是日因為同事介紹，去深水埗食韓國嘢，所以好順便去黃金行街，睇吓有咩電腦用品可以買~~行到咁上下，同大少朋友集合之後，就去119拎位，因為一早book好，所以都唔需要等太耐~大力水手麵食……非常得意，入面除有麵食餅乾之外，重有硬糖，甜甜的~辛辣海螺肉 - 超好味，雖然因為我啲牙唔太好而覺得有少少硬，不過味道真一流，辣度啱啱好，主要用青瓜絲拌海螺燒牛肋骨菜包 - 雖然覺得應該泡菜一齊煎，但係……我覺得泡菜熱就唔好食，所以一早就夾走晒~個牛肋骨超淋，好好味，雖然應該未有先醃過，但係只要加泡菜、辣醬就已經好好味真露海鮮湯 - 真露……無記錯應該係韓國米酒，不過呢個湯只係飲到好強勁海鮮甜味，完全唔覺有酒味入面有白蜆、蝦、元貝、青口、大量黃芽蔔，超級推介龍蝦辛辣薄餅 - 味道好好，雖然唔知餅底汁係咩，不過絕對好味，啖啖芝士、龍蝦，餅底唔厚，係我最鍾意嘅薄批蘋果K-Sake Rita - 好甜蘋果味道，酒味比平時少，當然……都係少飲為妙，最後大少飲晒~~鐵鏟國民烤海鮮(全份) - 有龍蝦、韓式粉絲、蠔、青口、元貝、黃芽蔔、蔥，最上面有韓式辣醬，因為好似煲好耐都未滾關係……大少同朋友決定倒海鮮湯落去，

一月頭同朋友兩人去左深水埗新開張既119韓國站到食晚飯晚上6點未開閘已經大排長龍! 好誇張!環境比想像中細 同埋多人既時候 兩個人無可避免要搭枱同朋友各自叫左一杯野料 menu上大部分野飲都有酒精成份Smoothie Light (HKD68)呢杯野飲係芒果味 我覺得味道一般 比較淡口!Popeye Beer (HKD58)呢杯反而有驚喜 啤酒配炸雞就食得多 啤酒配綿花糖又試過未🙈 綿花糖溶左落啤酒後 味道甜左 少左種苦澀 好岩d唔係成日飲啤酒既朋友😘芝士南瓜年糕 (HKD58)真心推介呢個芝直南瓜年糕 超香南瓜味!而且因為加入左芝士 令到南瓜蓉依附係年糕上面燒牛肋骨生菜包(HKD68)呢個好似平時韓燒 包住生菜既食法只不過依家當小食黎食 份量較少而且牛質都幾嫩滑 加埋D醬汁同泡菜包住一齊食好惹味!空運芝士烤雞 (HKD 128👉🏻HKD 64-跳樓價)由於119 Korea Station 新開張 半份雞半價發售 大概六十幾蚊 雖然半份 其實都幾大份 我同朋友叫左兩個小食同半份雞都食唔晒 飽到上喉嚨 而且食物keep住有質素 d芝士超多超多 仲加入左泡菜醬汁係上面 所以會食到辣辣地

最近人氣高企的119韓國站、聽講晚晚排長龍、氣勢迫人。韓國痴的友人嚷著要試、今晚終於達成願望。礦坑作主題不失一貫韓風装潢。坐位比較狹窄、枱細小、放了一碟己沒位置再放其他、有點坐得不自在。柚子Edison Dream＄４８其實是柚子梳打、燈泡造型、賣相吸引。粒粒的柚子甜甜地、頗清新的飲品。焗濟州元貝＄６８面層的沙律醬非常惹味、元貝亦鮮甜、只可惜太細隻只手指公大小、末能盡興。Seafood in Metal Pot＄９８湯底清甜有鮮味、大量的蔬菜是我最歡喜的。海鮮有元貝、蝦和青口。今次元貝比較大隻有嚼口。蝦肉爽脆。不錯！國民烤海鮮全份＄２２８大堆頭大製作。材料有龍蝦、蠔、元貝、魷魚、菜蔬、粉絲、大荳芽等。先放在電磁爐上、代煙冒起、店員就會代勞煮熟。海鮮最欣賞蠔、好嫩滑蠔味出眾；　龍蝦就大失所望、跟本沒太多肉食、全冇鮮的感覺。蔬菜、粉絲吸盡海鮮汁的精華、原本好好味但可惜太辣（只叫小辣）、辣的程度接受不了、唯有放棄。整體食物水準中等、用膳舒適程度要有待改善。

韓食吃好多，都介绍過不同類的店，因為我是韓迷，任何韓國的事都着迷，今次介绍人氣韓食店119韓國站格局是新派韓食店，坐位不太多，來時最好訂坐，坐下每枱都有free小吃，好貼心至.愛韓式飲品，令你眼睛和胃口大開，柚子味梳打水配韓式清酒，柚子的甜味我清淡的梳打水中和了酒味，容易入口，酒味剛剛好小食order了焗濟州島元貝，上枱時以為是芝士焗，好驚喜，原來是酸甜的千島汁，好開胃好特別，元貝都鲜味，爽口吾乾，好juicy牛肉拌飯，賣相吸引，上枱熱呼呼的，好多蔬菜是伴飯的賣点，再加上辣酱更加可口，粒粒的飯，入口爽口的，不會諗諗的，牛肉軟硬適中，送飯一流，還有是底層有小小飯招，我至愛最後order了國民烤海鮮上枱時是半熟的，在爐上加熱，服務員會来處理，是韓食的服務，不用自己處理，又可看看服務員的手勢，海洋是雪貨，但可能加上自選辣度的辣酱，吾覺有雪味，蔬菜加上粉絲再加上海鮮，整體不錯，鮮甜味濃，不肥膩好清新，又其大量蔬菜我至愛，整餐都可打八分。

寒流襲港，幾度天氣下返工係需要念力 + 毅力~~為左獎勵自己，今晚決定食大餐暖身~~晚上7點黎到深水o步~發現大量人群聚集店前~~鼎鼎大名119韓國站是也！由於店內已經客滿~~所以就算訂位了，亦要乖乖等候安排~~大約20分鐘後獲得安排入坐~~寒冬需要儲存脂肪暖身~~2位大胃王餐單：空軍芝士烤雞 (半份) HKD 64燒牛肋骨生菜包 HKD 88燒肉生菜包 HKD 68焗濟州島元貝 HKD 68其中芝士烤雞做半價推廣！客人必點之選！飲品方面：Makgeolli Shake It HKD 68Sky Beer HKD 48店內吊滿鎢絲燈膽，加上水泥牆~台上鐵筒有齊所需用具~餐牌、筆、水杯、筷子、鐵匙、較剪、零食~零食印有大力水手，忍唔住就開黎試下~~無味版點心面  大家不試也罷飲品先上Makgeolli Shake It將柚子蜜加入瑪格利酒~瑪格利酒來頭唔細~係韓國歷史最悠久的酒~酒精濃度不高，但蛋白質含量高！而且熱量低，更含有豐富的乳酸菌與酵母菌~~味甜而熱量低，女仕恩物？！上台估唔到咁大枝…一大瓶其實足夠2人分享~~如果落單時，待應溫馨提示一下就更好~初時柚子蜜沉底，奶白色瑪格利酒留在

天氣凍唔想煮飯就出街食啦，諗住幫襯d新屎坑，但最後竟然去到間服務好差ge餐廳，食後不吐不快，忍唔住開個Account寫下。6點半去到ge時候已經有人係門口等位，咁我地無訂位，咁都係攞飛等位啦，攞完飛見前面都係得兩三個號碼就等下啦，不過門口個接待員唔知做梗d乜，成日又叫返前面d no.同叫錯no.，成個安排都好混亂，其實好多2個人ge去食，但個接待只係一味識問有無4個人ge等梗位啊，我心諗，乜唔可以將d 4人枱變做2張2人枱咩？總之最後等左9個字先入到去，上到去坐低之後好快就叫左野食啦，坐左一陣，有個侍應話有枱8個客ge要上嚟，可唔可以調位，是但啦，其實調位都無咩問題ge，咁咪調囉。調位之後d野食都陸續嚟到啦，其實我地都好快咁食，我諗我地坐左40分鐘到啦，個侍應見我地枱面無乜野食，得返個飯，就問我地可唔可以埋單，話有好多人等位喎，我都無乜所謂，因為個到d凳都唔算好坐。埋單個陣諗住碌卡，佢地話唔收卡，ok，畀現金都得ge，咁我地就攞錢出嚟啦。攞錢ge時候，d侍應問都唔問就收左我地個飯，其實我地未食完個飯咖，而家諗起都重嬲嬲地，問一句重要唔要其實有幾難啊至於野食呢，我地叫左個拌飯、烤肉生菜包

上次黎到呢~ 見到好多人排隊，之後令菲，話要兩個鍾。我地當然唔等啦，今日特登5:30黎等，6點終於成功入座。不過外面還是一樣在排長龍。看到這張...覺得好多野都好似好吸引喎，我地最後簡左兩樣野食，各一杯野飲。第一樣.....食物送上黎個樣係唔錯喎，煮熟左試下先，中伏了，由於醬汁只係在某個位置，味道完全不平均。豆乾有豆乾味，茄有茄味，豚肉有肉味，不過加埋一齊食只能夠講，同....食既野冇分別，豚肉都好小小，起馬低到有燒汁。帶出左一點點既味道，可惜既係旁邊係泡菜，原來兩樣野加起黎，可以咁唔夾既。念住再黎既會好小小.....看樣貌其實都唔錯，不過原來係幻覺黎架姐。難道我真的上了美女廚房???這道菜主要以蠬蝦，蠔，帶子仲有魷魚為主。下面加左好多蛙蛙菜，最上仲加入左辣椒。當煮熟菜後，侍應算好人，為我地搞均，仲切埋...蠬蝦某些食到既位，開餐啦，菜竟然得個辣字。呢個只係惡夢既開始，蠬蝦竟然乾埋到....一點鮮味都食唔到...仲差過食蟹柳，帶子個D都一樣，淡而冇味，完全唔覺得自己係食緊韓國野最少起馬辣漿用韓國辣醬，不過佢地都冇咁做。最後...上面係梳打水，再有士多啤利味既沙冰，飲洛去，咩黎架??糖漿

話說今日幫朋友慶祝生日，幾日前bk左七點食佢講明人齊先入得，我地準時齊人，唔入得！其實我六點半已經到左，但等到8點過啲，有張五人枱入左仲未入得，原因係經理話俾街客先！其實等緊期間，有好多walk-in既都比我地入先，佢話要公平返，咁我地bk位做咩？！眼見有好多bk位既都比walk-in遲入，請各位排隊啦，實快過bk!最終我地bk位都要等多兩個鐘幾三個鐘先入到黎仲要上到黎見到圓枱有坐3人都有坐5人，管理好有問題！上到去仲聽到經理哥哥話reception，好慘上到黎，其實環境係ok，有啲韓文歌，枱同枱之間都幾近，聽到隔離講野，排除裝修有啲似茶餐廳。食緊果陣，地下冼搞到有個staff冼低左，好慘，見到佢個頭浸左入水桶，仲有上菜速度都幾慢，半個鐘之後先有第一樣菜到，只可說可一不可再

早前系Facebook 見到119 station 系深水埗開左分店，而朋友又有興趣試，於是就拿拿林訂位啦。呢間店似乎好受歡迎，小妹19:00左右到已經見到門口企滿晒等位既人。深水埗分店以礦場為主題，裝修大多以木為主，店入面可以見到好多燈膽～話明有好多燈膽，佢地有d飲品都有用到燈膽黎盛載，夠晒特別 呢款名為Edison Dream ($48), 有柚子同蘋果味簡。圖中系蘋果味，佢其實系梳打黎既，入面有切到好細粒既蘋果肉🍎 飲落去覺得冇咩蘋果味，只系飲到梳打水味，有少少失望另一款飲品系Smoothie Light ($68), 有芒果同士多啤梨味。份量都幾多，兩個人share會好d~~~小妹簡左芒果味, 燈膽入面裝既系梳打水，倒插系一個高身杯度混合smoothie 一齊飲。對比起上面既蘋果梳打，呢個就好飲好多，芒果味好濃我地叫左一個豆腐牛肉燉煱（$88）。入面有菜，牛肉，菇同豆腐～其中菜佔既比例最多。D牛肉得三舊，不過都幾大舊嫁～但系佢真系好韌，好難咬個湯就辣辣地，有d咸同埋好似落左好多胡椒粉咁😥😥 呢個系芥蜜炸雞（$58）。外皮炸得脆口，雞肉亦都幾鮮嫩，配蜜糖芥末醬好惹味不過略

今日同朋友落深水步行街, 行到咁上下諗住一齊食埋飯, 佢話西九中心對面開左間韓國野食, 長期排隊, 見仲早可能唔洗排咁耐, 見佢咁想食, 就下佢就睇睇啦. 時間係6點多D, 所以樓下未有人, 不過侍應話人齊就可以入座, 我地兩個人所以即刻入得.上到去地方都算大, 裝修用工業風幾特別, 一貫油桶設計既凳, 保留韓式風味.餐牌兩大板, 主要都係食大鐵板既菜式, 另外仲有冷盤, 小食, 飯類等等.先要左個"柚子Edison Dream"$48, 無酒精既柚子梳打, 賣相係時下最興既燈膽杯, 幾吸引. 味道清清地唔會太甜, 梳打夠汽夠凍, 好解渴.先試個小食"芥蜜炸雞"$58, 炸雞外皮香脆, 肉質嫩滑, 唔油膩. 而個汁芥味唔太濃, 但蜜味甜甜地, 味道不俗.主食"國民烤豚肉-全份小辛"$188, 堆頭好大好多, 主要有豚肉, 泡菜, 豆腐干而成, 侍應話等個鐵鑊熱左, 將堆材料撈埋就可以食. 左邊的炸一條條唔知係咩材料, 不過未撈前係炸得好脆卜卜, 就咁食好香口. 豚肉小小辣, 肉質幾腍身, 飽滿肥美, 入口無渣. 食埋其他配菜都幾飽肚.仲要左個無咁飽肚既"焗濟州元貝"$68, 因為焗所以