2+2 Café (已結業)

黑芝麻白朱古力慕絲蛋糕絕對係自助晚餐既甜品之冠如果叫雲石蛋糕會更加貼近，佢既顏色好似水墨畫咁，我欣賞左好耐都唔捨得落刀。食落黑芝麻味相當濃郁，無諗過自助晚餐既甜品會係咁高水準有個師傅一路係兩底糯米糍後面，一底綠茶味一底紫薯味，如果想要係唔可以自己拎，師傳會用兩枝鐵匙舀手起刀落般係底糯米糍上劃開一小份，用鐵匙撈起再放落你碟上。一食落口覺得佢完全打破糯米糍既定義，口感遠超煙韌，近似入口即溶既棉花糖呢種棉花糖口感既糯米糍係第二度搵唔到！

The overall food was quite tasty. the sashimi is worth mentioning as the salmon was extremely fatty, but very filling. the sweet shrimp was also very tasty, highly recommend! the sushi was also very tasty, especially the grilled shrimp and salmon!the pork ribs were quite tough and not tender enough. the ribeye but I personally was not a fan of it. however, I thoroughly enjoyed the pork chop in thai sauce and the chicken nuggets! the grilled lobster was mediocre, quality wasn't the best and didn'

近來睇戲 咁送優惠券先試左佢嘅晚餐 連加一優惠價三百幾四百蚊不知是否因用優惠卷 安排到坐到出門口出面嘅門口位所謂嘅龍蝦鵝肝主題 簡直不知所謂龍蝦還好但食完一份量半隻之後唔會有聯想到再食下半隻鵝肝 真係食過酒店裡最差的 比指甲辰大一點的size吃下去還是苦的 又乾。。。牛肉冇味 燒雞又鞋又冇味 係燒豬肋骨面啲醬係夠味最值得嘅係甜品區 有多款選擇 有幾樣真係幾好味係有款糍粑唔知咩來歷 成塊好大塊然後割一忽你食綠茶味 香芋味 試左一舊 唔知想點 點解會存在哩款食物？又冇咬口又冇味道 由拎到試食只存在堆問號另外普普通通正正常常嘅有 長腳蟹 三文魚刺身 沙律之後試埋佢個午餐淨價188佢都係有甜品 沙律 刺身 同埋海鮮 蝦 青口真係抵食好多最後 是門口的知客哥哥與內廳的侍應哥哥前者就是正常應對招呼 正常安排座位後者見我抱住BB即刻好醒目由中間靠牆邊位 轉為安排到近最食物的位置

今日來到沙田搵野吃，就見到呢間帝都酒店2+2 cafe,個時係晚上8點10，都見到一條小人龍，我地個日冇book位，又唔知食咩好，咁就試左呢間.餐廳環境都幾整潔，燈光光亮.食物種類都有好多，都係d大路食物，龍蝦，燉湯，刺生，壽司，羊架etc.. 但係，冇左生蠔 有就會好d咁咯，燉湯好飲，仲有隻飽魚仔係湯入面，不過每人只能拎一盅，龍蝦都好好食，佢有海膽醬或乳酪醬揀，跟住燒一燒 香噴噴 敗筆在龍蝦有點細隻，到甜品方面，佢個糯米磁好搞笑，不是圓形的，是成塊板咁自己拔，有綠茶味同香芋味，外形特別但味道一般。。其它食物味道都不過不失，總括來講正評

慶祝屋企人生日黎食自助晚餐，食第二時段$488 加一，主題係「龍蝦•鵝肝盛宴」海鮮自助晚餐，呢個係官網嘅cap screen 鵝肝菜式只有鵝肝多士，而鵝肝非常細小，實物如下龍蝦方面，有火炙龍蝦，每人每次限拎半隻，龍蝦肉非常乾身鞋口，唔好食但實物同官方宣傳圖片相乎呢碟嘢裏面，啲粟米最好食😂 塊牛又係好鞋口，不得不提嘅係燒龍蝦呀姐態度非常唔友善 而冰鎮海鮮，係無龍蝦、生蠔、翡翠螺、鮑魚仔......只有以下三款：蟹腳、蝦同青口因為食第二時段嘅關係，啲海鮮都無乜點fill，而且已經放咗一段時間，碟青口仲有好多啲殼係崩壞嘅，完全唔吸引 但我都食咗隻青口，佢已經出水，霉霉地，我有啲驚食到肚痾，無再挑戰蝦同蟹腳 熱葷方面，佢啲烤雞、豬肋骨、燒三文魚，都係好鬼鞋，唔知點解要整到肉類咁鞋口每位客人敬送佛跳牆湯一客，內有鮑魚仔一隻，螺頭仔仔一粒（有沙）至於甜品，款式都唔少，賣相都ok，但係其實係唔好食，尤其係朱古力撻，係苦嘅！🤮朱古力慕絲亦都好難食🤢建議大家食即整窩夫同埋haagendaz 雪糕，窩夫係脆嘅，haagendaz 亦都無伏至於其他嘢食，例如刺身、沙律、壽司就正常味，但係如果要食呢啲，我覺得

天氣炎熱，最好當然是坐在室內慢慢品嚐甜品！今次 one+one cafe 主題是水蜜桃🍑及朱古力甜品下午茶自助餐$128（平日15:15-17:00）！到達後，職員先付一個order no,然後差不多15:00左右開始排隊，再由侍應帶入坐！每人入坐後有一杯白桃梳打（差點以為是淸水😅）有很多款甜品，眼花撩亂，所以每款要了一件試試，份量剛好！我欣賞紫薯白朱古力班尼，紫薯味濃👍而最受歡迎當然是「即製梳乎厘班戟」，值得耐心等候！小朋友就非常喜歡任食Haagen-Dazs 雪糕，有六款口味

今次第二再來食下午茶時段自助餐，在openrice 打印優惠券星期日以每位$198食下午茶 3：15→5：00 。今次其中一款熱食物轉了煎釀三寶，唔夠以前的意大利粉放在原舊芝士上攪拌吸引和好味，沙律沒有了大蝦鮮果沙律, pizza , 三文治,咖哩角都幾好味，甜品還算很多花款，但人手不夠只得一個人負責 pancake，窩夫，雪糕，要排隊等很久, 浪費時間在排隊上，還有今天餐廳冷氣不夠有點熱。

首先個場唔夠冷氣，雖然唔係熱到底褲都濕，但絕對額頭出汗，同服務員講，佢話剛剛開到最大，耐心等等（服務員態度絕冇問題）第二係上個月開始已經冇左生蠔（我問服務員員點解冇，佢話上月開始冇貨）淨係冇冷氣都已經可以入黑名單😡

好耐冇來過, 以前細個每逢新年都會來, 今日就尼慶祝生日順便睇下2+2變成點, 今次主題係龍蝦.鵝肝.和牛 入到去格局唔同晒 闊落左一坐底就去拎野食 食物種類唔算多 前菜有沙律 涼拌芽菜 螺肉等 主食有炒飯 豬牛雞鴨 海鮮(燒的烤的) sushi 咖哩等 最後有甜品同飲品海鮮有蝦 蟹 龍蝦 魷魚 蝦鉗鮮味不太突出 蟹殼半碎,要再咬一咬先可以食到舊肉,唔夠過癮 但舊肉都比較大而且肉質實蟹腳水味重 沖淡左原先的味道, 有點可惜 而隻蝦比較腥 燒的較香較好味 魷魚比我想像中好 以為佢會韌點知一咬就得 good!至於燒龍蝦, 有點"頭大身細", 少肉但香, 我加左蟹肉籽忌廉汁食飯時龍蝦係隔尼都嗅到!! 好的係舊肉一吉就起, 好方便片皮鴨唔好加太多醬, 第一次加太多蓋左個鴨味. 第二次加得好少就ok, 鴨唔肥, 啖啖肉燒牛肉即燒即拎即食 熱熱熱 一D都唔韌 有BBQ的味道美國燒肉眼(生生地果個) 切薄d口感會更好  sushi有紫菜碎同木魚花可以加 如果有埋章魚小丸子就好 燒的壽司雖然凍左但都好香飯糰沙律醬味重左少少 一舊拎走沙律醬食就冇咩味 雖然見佢加左d紅粉 但唔太大特別甜品選擇較多 當中黃

是次食評為下午茶甜品自助餐服務方式:全自助座位:有部分為半卡位有baby seat 同baby 餐具提供語言:廣東話/英文都ok等候時間:建議預早打電話book咗先現場所見，都少少滿場食物種類:-雪櫃 ~ 有大約六種甜品-主食檯 ~ 有十多種蛋糕甜品-雪糕方面 ~ 有六種桶裝Haggen Dazs味道-即叫即整類 ~ 班戟同窩夫-飲品 ~ 有一杯welcome drink(汽水嚟)，同咖啡機自己沖價錢:用open rice 優惠，98蚊一個，免加一點評:- 甜品款式足夠，味道尚可，未到好好食- 雪糕有六款同有職員幫手，值得一讚- 整體，以一百蚊唔洗嚟講，一試無妨相:

呢幾年自助餐食得多左之後, 唔想食D質數太差既自助餐, 因為又要比錢又會肥（´◔​∀◔`) , 所以開始對食物種類,質數愈來愈有要求, 話哂食一餐BUFFET閒閒地都要幾百, 酒店既DINNER BUFFET 更加貴添, 冇300+ 都落唔到樓, 所以食之前都要做下功課 (･ω´･ )上網搵左一陣, 都揀左幾間心水最後決定去食呢間2+2  (ﾉ>ω<)ﾉ因為佢可以一次過滿足我四個願望 + 符合BUDGET(其實都唔易的~( ◕‿‿◕ )~ )當日準時到埗, 唔洗等就安排入座了餐廳地方都OK大, 環境唔錯, 係樓底矮左D, HAHAA我既座位係蠔吧附近, 幾好喎, 方便拎生蠔男友遲到 . . . . (#`Д´)ﾉ咁係食之前, 出去遊一圈先我訂既係全時段, 可以慢慢食, 唔急趕沙拉吧配料種類唔算少, 睇落都幾新鮮不過我當晚冇食, 比唔到COMMENT沙拉醬料選擇有6款, 都算多呢 自選車仔面檔其實好想試喇沙, 可惜已經食到好飽, 食唔落（殘念です）飲品區唔算多選擇, 不過都OK我見大部份人都飲提子梳打, HAHAA行左半圈, 見人多個邊唔好意思過去影相個個都拎野食, 得我

上網見到沙田帝都酒店甜品自助餐都係98加1，就即刻book左位同朋友去食啦！  環境幾好幾大，就算有成6個朋友去都夠坐  甜品種類好多，有cheese cake，甜品杯eg芒果布丁，朱古力撻，酥皮拿破崙等等，食完飽到晚餐都唔洗食  場內仲有即場制作梳扶里同格仔餅，食客可以自己簡落咩配料同醬等等，幾個朋友自己配搭一份再share就可以試齊唔同口味啦  飲品方面提供左茶同咖啡，可以幫助解膩，如果可以再提供多d飲品就好啦  總括黎講，百幾蚊食到咁多甜品真係好抵呀！不枉我地咁遠都走過黎試下！  

適逢慶祝家人生日，食自助餐都不失為一個好建議。最緊要係生日蛋糕，可以喺dessert bar度自己砌。呢間buffet價錢適中，魚生方面有即開生蠔，每次只限拎兩隻。當天唔太多人，所以條隊唔長，好快就拎到。另外，三文魚、甜蝦、長腳蟹、青口都係我嘅must eat items! 雖然佢哋嘅鵝肝多士細細舊，一啖就食完，不過勝在量多，出得好快。熟食就唔多講，因為我食得唔多。跟住就梗係要出動我嘅dessert肚。黑茶焦糖布甸、朱古力撻都比較吸引，味道就一般啦。最後食埋雪糕就飽lu～ 呢間自助餐位置方便，喺連接沙田新城市嘅， 去開沙田都可以試吓。

一年一度父親節..周圍都 full booking,幸好book到2+2 cafe..一坐低便開始食了..眼見其實款式都好多..雖然我每樣只夾了少少，但都試唔曬..食得最多當然是生蠔每人每次可以拎3隻..好鮮甜呀刺身有幾款：有三文魚、鯛魚、吞拿魚、八爪魚...而我就試了三文魚..（是三文魚腩）..龍蝦意粉同鵝肝多士都好好食..呢兩款淺嘗便可以了，否則會太飽其他的有這些..因為不想浪費..每樣都是少少甜品種類都算多..最後當然唔少得雪糕另外每位都有一隻芝士焗龍蝦..這個反而一般！可以太多芝士同埋灘凍左..總括今餐父親節飯..大人小朋友都滿意

適逢細佬就嚟生日，唸住連埋做節飯一齊食，就食豪d啦。今晚呢間酒店靜中帶旺，嘢食都幾有質素。基本刺身就一定有，仲有即煎鵝肝、羊架、北京填鴨、生蠔、蟹腳。食到呢幾款嘢都已經過夠皮啦！超級滿足！今晚個超濃野菌湯好好飲呀！