37 Steakhouse & Bar HK (已結業)

為了避開人羣，減低感染傳染病機會，家人book 了房。這次再來，感覺 service 進步了很多， 誠懇、有禮、殷勤、主動。當晚的食物，由 appetizers, main courses 一路到 dessert ，味道都不錯。在家憋了很久很久，偶爾短暫出來很舒服，但可惜自私的人太多太多，由停車場出來，不少人在山頂廣場竟然不戴口罩(相關物業管理公司亦不妨學習 Swire 等告示：物業範圍內請戴上口罩，相信大多數市民會為此貼心舉動暗暗加分的。) 另外特別感謝當晚的各服務員，因為知道我們關注餐廳衛生，所以非常擔心當晚有食客在餐廳不斷咳嗽(但可惜門似乎有點問題關不好)，所以他們不斷不嫌煩地幫我們手動關門，同時亦打開了另一邊獨立的通風小走廊，感覺安心很多。謝謝。

好耐無去山頂，星期六學人抗疫上山頂行下山，lunch順便食埋Linch!去到以前常來的峰景餐廳位置，已換了另一間扒房，不過都想試試！我們一行4個人，大家都叫左澳洲西冷牛扒。2人覺得牛扒好食,另外2位朋友就覺得太肥！牛扒有醬汁選擇,但完全冇問過我哋，就自行幫我們安排！感覺花園餐廳都會問問，而這間反而問！感覺有點奇怪！🤷‍♀️一般高級餐廳通常主動問我哋要唔要芥辣，但係呢間要我哋主動問先至拎出嚟！🤷‍♀️另外叫咗杯咖啡又冇匙羹用，要問才有！不過叫另外2杯飲品，都好好飲！👍🏼👍🏼每人食左$600，但感覺有點唔值得！因大部分坐嘅地方冇景睇、服務又嫲嫲地！應該不會有下次！

今次黎到山頂呢間餐廳試吓依家係一間牛扒餐廳餐廳個景觀都唔錯但係因為冇book位既關係所以坐唔到窗口位呢間餐廳只有好少張枱可以有靚嘅景觀望落去都真係幾靚但係衛生就真係麻麻啦我哋入去見到啲侍應都有戴口罩但係再望一望入去廚房見到所有廚師都冇戴口罩佢哋仲要大聲傾計都唔知有冇滴到啲口水落去嘢食到講番啲嘢食先牛扒會幫你切埋既都唔錯但係就覺得有啲鹹青口嘅份量就非常之少最好食嘅竟然係黑松露薯蓉大家想睇靚景嘅都可以試一試但係要記得提早打電話訂位食物水平就真係一般

今日同老公慶祝拍拖周年記念日，去咗呢間餐廳，環境好舒適，枱同枱之間嘅距離啱啱好，好方便我哋傾計，員工招呼令人非常滿意，最令我回味嘅就係啲菜式，簡直一試難忘。基本所有食物都令人好滿意，最特別嘅就係老公叫咗魚，連平時唔係幾鍾意食魚嘅我都覺得幾香脆，好新鮮。我最鍾意就係個甜品，好特別，入口嘅感覺令我唔能夠忘記，濃郁得來又唔太膩。可惜今日有啲飽，希望下次可以再試多幾種唔同嘅菜式以後慶祝紀念日又多一個好去處啦！

情人節中午與太太到山頂共進午餐，這一家餐廳，想來過好多次，但是他們中午後不到 3 點就關門，所以一直沒有機會。這次正常中午來吃午餐，為了慶祝情人節的同時，也希望找個安全不容易感染肺炎流感的地方。食物中上，員工都很積極服務客人。牛排味道不錯，甜品也是。看得出做食物特別用心。喜歡他們的套餐前菜，可以選青口，味道很鮮，它的海鮮汁用麵包來點是一流的，所以 waiters 見到我食完多次想拿走我都叫停了 😅不過可能大家思路一樣，在疫情緊張的狀況下，居然差不多 full house👍👍👍

與山頂闊別多時，最近的某一天，趁著春節假期，往山頂走了一轉，山頂風景依舊，沒有太大改變，但凌宵閣與山頂廣場內的店舖食肆，就換了不少新顏，當中有些看來都頗為吸引，而我與太太，就揀了這間扒房酒吧吃午餐。餐廳地方甚大，環境舒適，設計典雅堂皇，而且有部分地方還可透過玻璃，清楚看到窗外的漂亮景色，實在不錯。我倆的座位雖然看不到室外的美麗風景，也坐得甚為舒服，感覺寫意悠閒。這裡的「午市套餐」（$208）包括前菜、主菜與餐飲，要是想吃甜品的話，就可加 $38享用原價 $88的甜品一客。午餐前菜雖有五款，但其中三款都要另加數十元才可吃到，真正不用額外付款的只有「是日餐湯」和「日式沙律配蘋果醋汁」。是日餐湯是「蘑菇湯」，兩夫妻都選了它，這湯口感濃稠，甚為creamy，但味道太淡，要是味道濃些，分數也會多些。餐湯的味道雖稍嫌平淡，餐前奉上的麵包就都不錯。三款不同的麵包，蘸點橄欖油伴湯吃，還是好的，而且還可添吃呢！主菜跟前菜一樣有五款選擇，當中的和牛西冷與羊架都需要加錢，太太選了「澳洲M3和牛西冷、日本米飯配照燒汁」，我就揀了「烤味噌鱈魚、日本米飯配紫菜蓉」做午餐。我的「烤味噌鱈魚、日本米飯配紫菜蓉」鱈魚是

之前在IG看到這個扒房美美的照片，就打算過來吃個聖誕晚餐。我們一行6個人，有人早到有人遲到，可是這裡的待應都不懂得要先上麵包讓先到的人吃，讓早到的人乾等。晚餐當人有一半的餐廳都是吉的，但是待應還是不太夠。餐單方面有set menu 也有 a la carte，set menu 不算貴，但我們有太多東西想吃，所以散叫了。到齊人後我們點菜share 本吃，點了四個頭盤，有紅蝦薄片、牛肉他他、帶子薄片和虎蝦沙律，味道沒有什麼驚喜，份量也不算大，每樣要點兩份才夠。尤其是牛肉他他，只夠兩個人分，他他是在你面前撈的，跟紫菜天婦羅吃，是四個頭盤最好味的。其後帶子薄片也不錯，有一點小辣。之後點了海鮮湯，就似龍蝦湯煮急凍海鮮，湯味道不錯，海鮮就很老，過熟也沒有什麼味道。主菜我們點了最出名的和牛肩蓋肉，有點過肥，油脂分佈不平均，還有幾多筋。另外亦點了比利時熟成西冷，這個就很好吃，肉味得濃，煎到好香。除了牛肉外，肉類我們還點了春雞，煮得太熟有點老。IG 上很多的都是海膽意大利飯的圖片，當然我們也有叫到，味道普通不特別，反而紅蝦意粉更好味，重重的濃蝦味。配菜我們只點了黑松露薯蓉配雞蛋，這個很好吃，由於份量很細

今日係anniversary, 所以去左山頂慶祝。因為10年前食既同一位置既餐廳執咗所以book 同一位置既新餐廳試吓。我哋叫咗oysters 做頭盤，Aussie rib eye 做 main, 甜品係抺茶撻。oysters 係Irish 既，好 fresh and 爽Rib eye 無渣，有少少咬口，同個red wine source 好配👍🏻。 最後流心既綠茶撻，暖暖的，配雪糕，有心太軟feel, 但係抺茶味，好岩抹茶控既我一邊欣賞維港景，一邊食嘢，overall 都係好正

朋友生日🎂，決定賀一賀佢食好d。朋友鍾意食氣氛多過食食物，於是選了這間位於山頂廣場的西式日式fusion餐廳。我們怕大風，特意選了室內看到夜景的位子坐。當日天朗氣清，維港璀燦夜景盡收眼底🌃。我們選了開胃的前菜手切牛肉他他，主菜選了澳洲安格斯牛柳，意大利紅蝦扁意粉和甜品牛柳最好食，外面一層煎得很香，脆脆的，入面多汁。最喜歡的是餐廳的氣氛，木造牆壁和傢私有種沉實高雅的感覺。餐廳也播著柔和的聖誕歌，很有氣氛。唯一美中不足的是座位後的 cushion 墊經常掉到地下

好耐無同女朋友上過山頂行過山頂 見到一間新餐廳於是入去睇下有咩好食啦 原來有兩間餐廳 我地就簡左steakhouse 入到去 燈係較暗既 不過都算清楚睇到野可能因為少人既關係 安排左我地坐窗口位可以見到成個維港 真係好靚當日雖然餐廳唔多人 但係服務都做得好足有個男仔serves我地我好記得佢個名 因為同我一樣 叫Thomas因為好少去扒房食 我地都問左好多問題但係佢都無黑面 仲笑住答哂我地啲問題最後我地簡左個日山和牛 部位唔記得喇因為以前未聽過不過就好淋好juice 好岩我地食 而且係佢介紹既 我地都食得好開心 估唔到山頂有間咁出色既餐廳我相信我地會多啲上黎食最緊要係價錢方面唔算貴

Boxing Day 同家人去咗呢間餐廳食lunch, 座低之後叫咗個waiter 落單，佢個名叫 Thomas , 態度極為囂張，一面嚼香口膠，一邊問我要點什麼，我說我想要一個 Rib Eye Steak, 佢話 「rib eye 有好多種喎，咁你要邊隻先呀？」吓，咁茶餐廳 feel 嘅🙄 我話要 Australian 嗰隻，medium 。佢快快咁take 完 order 走咗，冇問我哋要咩 sauce (餐牌上有五款 sauce 選擇的）。之後我叫另一個waiter 想補返個sauce , 點知佢話如果顧客在點餐時沒有指定sauce , 佢哋就會比一個signature sauce 我哋，呢個真係好奇怪囉，因為餐牌冇寫任何 signature sauce , 我又唔知 signature sauce 係乜嘢味道，加上餐牌上明明有五款汁可以選擇，點解係落單嘅時候唔問下我哋呢？總之將責任推晒比食客😕 另外，我們點了一條 sea bass , 質素出奇地差，又細條又腥😕。六個人食咗三千蚊，完全中伏。

女朋友生日唔知食咩好，朋友推介下就預約左呢間位於生頂的日式排房，預約時問可唔可以留𥦬邊位有得睇下靚景，但係個陣都要話睇下預約情況，本身都冇咁大寄望，結果到個日佢地好好人咁幫得留左個𥦬邊位，仲要有落底玻璃望晒成個維港景，靚景加美食真係首先加唔少分。食物方面餐廳除左食排之外，都有一d日式的新派菜式，就好似呢款手切牛肉他他配海膽加炸紫菜天婦羅，雖然呢個組合本人第一次嘗試，但係不得不說呢個組合出奇地夾，牛肉他他獨特的新鮮感配合炸紫菜天婦羅的酥脆真係一絕，最尾海膽的重味再入侵味蕾真係冇得彈，極力推薦呢款菜！另外，亦叫左個生蠔同海鮮龍蝦湯，生蠔好生鮮，好有蠔味唔會食到d臭味，配上餐廳的特製汁，唔會搶左生蠔本身味道，更能帶出更多蠔味。海鮮龍蝦湯，相當足料，龍蝦湯本身獨特咸味相當特出，但係又唔會過咸，配上海鮮更能帶出湯個隻味既獨特性。另外排房當然要食牛排，我地叫左兩款牛，一款係澳州和牛，另一款則係日本a5和牛，兩款都相當出色，廚師控制火候極好，牛排沒有overcooked，保持牛排原有肉味，澳洲和牛比較重肉味，肉質本身較厚實，但相當易入口，沒有韌的情況出現，口感相當好；日本和牛方面，肉質比較淋，因為肉

好耐都冇上山頂啦！最近同朋友一齊上左去一間好多人介紹既日本過江龍既扒房🙈🙈！一入到餐廳就見到隻紅色牛頭😝佢地安排左張枱都幾寬躺雖然睇唔到維多利亞港夜景但都很有善地話比我地知可以出露台睇別有一番風味！！經過一輪介紹menu 同落order 之後！野食終於黎到啦！叫左兩個前菜（生帶子同龍蝦沙津、一個海膽意大利飯同一個乾式熟成既比利時西冷牛扒）！前菜方面有小小酸酸地都幾開胃！個飯佢地介紹就話用左薏米飯食落就比較有咬口👍🏻好食😋！而個比利時牛扒唔嚡同都淋有肉汁鮮嫩🤩🤩之後甜品朋友就叫左火焰雪山！侍應就會係我地面前放火😳😳！整體來講係可以再上黎再食😋😋🙈🙈！

適逢女朋友生日，刻意選擇這間餐廳有點要先稱讚的是我地由於塞車而遲到，餐廳竟然會主動聯絡了解情況，依家已經好少餐廳會咁做我地到達後侍應帶完我地埋座位後並沒有隨即送上menu 這點本來想扣分 但經理好快已經發現並follow up 挽回分數今日點左2個set lunch分別點了以下幾樣：牛肉他他配荷蘭汁牛油帶子澳洲M3和牛配燒汁白飯燒羊架配薯蓉及西蘭花先講左兩個前菜先牛肉他他有牛香味 配埋魚子醬就變得高級 另外個荷蘭汁比較特別 能令到牛肉的鮮味更加特出 值得一讚牛油帶子火候控制得啱啱好 生熟程度恰到好處 令人驚喜的是它配的南瓜汁到主菜啦相信食開牛嘅人都會知道澳洲和牛同日本和牛嘅分別 一款入口即溶 一款就係油份不高但牛香味濃 今次嘅M3和牛我地叫左Medium Rare 但出到黎就剛剛多左30秒😂但唔影響佢本身應有的牛香牛味十分之濃最後的羊架都係Medium Rare 但這個羊就火侯剛好 沒有羶味 薯蓉綿滑 沒有粒狀 如果10分滿分 這羊架會有11分有機會必定要試

岩岩新開既時候，第一次同朋友去食，覺得環境，服務都好好，特別火焰雪山，我地女仔都係視覺系，因為好有驚喜之後最近屋企做節，所以我又諗起e間餐廳，今曰去到，屋企人都好鍾意，覺得環境好好，雖然今曰望落去周圍staff唔多（可能平日多人放假🤣），但佢地好貼心事原屋企人去完工展會shopping, 1袋2袋 唔知將d野放係邊，d員工主動幫手而且好有禮貌今次黎，試咗一d新菜式，但我仍然有私心，覺得前菜（薄薄地帶子片）同黑松露薯容 都係咁好味😍開心的一天