616牛肉火鍋專門店 (皇后大道西)

營業中

休息中

西環就開左好多火鍋鋪，不過就好少係西環到食呢一間見到都有好幾間分店，就試一試先係大熱天時食係一種挑戰haha要點餐可以用平板電腦黎點! 都幾方便而呢間火鍋係主打牛既，所以有好多牛唔同位比你揀，禁落去仲會有番個介紹最貼心既位就係呢張!講埋唔同名係咩部位之餘，仲會講埋要煮幾耐鴛鴦沙牛湯底 ($58)因為我同朋友都食唔到麻辣，所以叫番呢D牛骨湯就有埋牛骨同白蘿蔔仲有粟米!!!而沙牛就十分濃郁，就算之後加左水都係好濃味豆漿 ($9)唔會有渣同埋唔會好甜上面有講埋豆漿係幾多kcal手打牛滑 ($48)建議可以整細舊少少，因為要多少少時間先熟晒感覺有少少似牛丸但係實肉D既好有牛味尾龍 ($48)呢個就比較大塊同埋硬少少既牛味比較出牛朴肉 ($48)呢個就細塊D既，但唔會硬多少少雪花紋，所以比尾龍滑少少個人鍾意食呢種，比較岩火鍋最後叫左既牛係吊龍伴 ($68)呢個就有少少似豬頸肉咁，有少少硬既因為厚D熟左會卷埋咁叫左少少既菜類而金菇就份量都好多下，菜就少左D總括就係牛既種類好多，而且一種都around 50蚊每碟有8-9片，份量都OK冇叫到麵類，但都夠食既!每人around $200，可以一試!

放工過黎西環搵食~雖然天氣熱, 但依然好想打邊爐!喺Openrice見呢間火鍋店好多笑臉就黎試試佢!黎到門口已經覺得佢嘅裝修好特別!好有一種懷舊+大牌檔嘅感覺~環境已經加左分坐低之後侍應會比部pad我地落單~牛嘅款式好多! 但完全唔係平時食咩美國肥牛/本地肥牛咁簡單~佢真係分哂部位...禁落去張圖仲會有詳細介紹!餐紙仲會教哂你唔同嘅部位要"6" 幾耐成件事用2個字就可以形容 就係"專業" !我地叫左牛雜湯底 4款牛 牛丸 雜菌 生菜~仲有打邊爐當然唔少得嘅可樂而醬料方面都有好多選擇!!上菜時我望住D牛真係完全唔知邊款打邊款~好在佢每碟都會跟埋出菜單喺底! 方便辨認返D 牛牛D牛全部都好新鮮~完全唔係平時出面個D急凍肥牛加埋個牛雜湯底係完全成得出牛嘅鮮味湯底都唔Hea架~有齊平時食牛雜嘅所有部位仲有蘿蔔仲有牛丸都值得推介 咬落去真係有肉汁味道今次打邊爐完全係另一新體驗2個人食埋單都係四百幾蚊呢個價錢食到呢個質素真係好過去出面食任食啦坐得舒服環境乾淨又無限時!中意食牛嘅朋友一定要黎試!!

有外國朋友來，我一定帶他來這一家火鍋店。位於西環的616牛肉火鍋專門店，算是616集團最具特色裝修的火鍋專門店，因為整個店子以後60年代香港為主題，擺放了很多懷舊的玩具，如果你是60年代70年代的人，相信你一定很喜歡這間舖子。餐廳地方不大但還是有獨立包間，而且主題分明。餐廳連水壺都是用60年代的款式，認真講究。所以說如果有外國朋友來香港，想知道香港舊有的文化，這裏一定不會令你失望。這裏主要以牛肉打邊爐為主，不同部位的牛肉，口感味道都有些不同。這幅牛隻圖，介紹了不同部位牛肉的名稱，點菜時方便得多了。鴛鴦麻辣青椒/沙爹湯底，好麻的我馬上開謂起來牛丸爽口彈牙金花趾，淋甜，肥瘦均勻匙柄，牛味十足水蓮菜，第一吃，淥十秒就可以，爽脆的蔬菜，強力推薦

學無前後，達者為先。雖然呢間火鍋店只係經營咗唔夠2年(他們自己標榜始創於2016年8月)，但整體質素絕對比起好多所謂老字號有過之而無不及。環境:相信店主係一個非常喜歡舊香港嘅收藏家。餐廳有大量昔日香港嘅物件做裝飾。真空胆熱水壺、雙囍茶壺、懷舊海報、黑膠唱片、古老收音機、手動菲林相機...... 每一件都有點年紀。身處其中，很有Feel的。服務: 店員好耐心解釋牛肉不同部位，口感、味道差別。好專業。食物:呢度食物同坊間火鍋店有點分別。他們肉食選擇只有牛肉(提供大量不同部位)。其餘係蔬菜和少量海鮮。牛骨清湯: 牛骨+洋蔥+蘿蔔+粟米...真材實料。尾龍: 牛後腿肉。油脂少，肉味濃。封門柳: 牛橫膈膜下面的一條柳，每隻牛只有一小條，供應量極少。口感軟腍，肉味濃厚。牛駝峰: 牛脊，肉中有幼筋。油脂相對較多。牛舌: 雖然係薄切，但口感依然Q彈。慢煮牛腩: 灼一灼先食，更加軟腍。牛丸、響鈴: 牛丸有點過咸。響鈴唔夠脆。蔬菜類新鮮。牛肉餃: 免治牛肉。調味適中。雖然肉食只有牛肉，但每一款都係高質素。好講究。好專業。食完有一點點長知識。

今天和牛魔王一起來，見識一下朋友口中讚不絕口的牛肉火鍋專門店-616。牛魔王嗜辣，所以選了這種青花椒拼牛骨湯的鴛鴦鍋，花椒見的不少，青花椒還是第一次。果然，麻辣中摻和著清新的菜香味，辛香、花香四溢。這是吊龍伴，原來是包著腰脊肉兩邊的肉，六秒就可，肉裡有豐富的油份，非常細膩。挽手腩，多麼形象的名稱。即是一邊挽著爽腩，一邊挽著坑腩的中間部位了。油而不肥，滿嘴濃郁。牛駝峰肉，牛雖不及駱駝有明顯的峰，但是跟駱駝一樣，這個部位儲存了豐富的油脂，在麻辣湯的襯托下，格外鮮香。金花趾，位於小腿上部，特別有嚼勁，口感爽脆。黑百葉，沒有漂白過，原汁原味，配合麻辣湯，真是相輔相成。新鮮的牛肉餃子，肉嫩還有許多的湯汁，異常滿足。羽衣金蘭，充滿了牛肉湯的鮮，加上本身的甘，則是甘香動人了。漂亮的水蓮菜，本身含有大量的水份，就算是煮了許久，也依然清爽，從台灣遠道而來的。這一餐飯，學了許許多多的牛肉知識，真是與學習於飲食，一舉兩得！

看著這招牌，不難想像是吃火鍋的淥一淥吧。青花椒湯拼牛骨湯，這款鴛鴦湯底，一邊是濃郁不油膩，另一邊則是辛辣芳香，是不是令人垂涎三尺呢？原汁原味的黑百葉，非常爽脆，若不是新鮮的，不會有這樣的口感。七上八下，彈力十足。特別調配的麻醬，點綴著火紅的辣椒油、小蔥、芫荽，把百葉沾滿醬汁，真是錦上添花，由此可見店家的用心與巧思，值得稱讚。好了，開始上課了。此為吊龍伴，位於腩肉上方，包著牛腰脊肉兩邊的肉，有豐富的油脂，店員溫馨提示，只需六秒，吃起來肉質爽滑，而且含有滿滿的肉汁。挽手腩，即是爽腩和坑腩中間的部位。只需八秒，一口咬下來，滿嘴的油香味，大大滿足。牛駝峰，顧名思義，在最高之巔。油脂的分佈很細密，吃來又軟又嫩。頭一次吃水蓮菜，是從台灣進口的，多汁，奈嚼，非常清爽。羽衣金蘭，我估計是介蘭的親戚，味道接近，吸收了湯底的精華，甘香可口。金花趾，動聽的名字。原來是後小腿肌肉，最有彈性，真的咬著爽脆有聲呀。店員推介的牛肉餃，當天製作，新鮮牛肉。這一餐飯的功夫，如同進修了有關牛的課程一樣，吃飽吃足，眼界大開！

喺位於西環嘅616牛肉火锅專門店可以享受到非常正宗嘅牛肉锅，原因就在于616專門店嘅牛肉十分讲究“鲜切”二字，牛肉丸也要吃现打的，唔會掺入猪肉末或粉。通常做火锅嘅牛肉，可谓口口珍贵，次一些的牛肉打成牛肉丸，再次做成牛筋丸、牛肉饼，最后剩下的还可以做牛腩，反正周身都不会浪费。616牛肉火锅專門店里有几十种不同部位的牛肉和内脏可选，有圖片會詳細展示牛肉各个部位的叫法，以方便食客分清楚：脖仁、吊龙、匙仁、匙柄、五花趾......部位不同，口感各异，堪称“庖丁解牛”。616牛肉火锅專門店內部裝潢喺懷舊復古風，墻上掛滿70,80年代上海美女圖，隔間亦好有特色。火鍋店使用ipad點餐，服務態度很好，老闆特別熱情幽默，做為客人會有非常開心嘅感覺。汤底是火锅的大背景，我啲嗌咗嘅喺鴛鴦青花椒牛骨湯底，一半有辣青椒，一半喺原滋原味嘅牛骨湯底，口感较浓郁。牛骨清汤会加几块牛肋排，还有白萝卜和玉米，透着牛骨天然的鲜香清润。之所以放白萝卜和玉米，既有吸油解腻的作用，还能够提鲜，增加涮肉中的清香之气。火锅的锅底汤头讲究一个“清”字，虽然也有厚重的药膳锅，但清汤锅始终最受推崇，这样的汤底就十分考验各种涮材的新鲜度和

牛肉火鍋就成日食啦～但係專食牛內臟嘅火鍋店，就真係未去過了～ 小妹住喺西環成年. 最近先發現屋企附近有一間叫做「616牛肉火鍋專門店」入邊有齊晒牛嘅內臟同肉可以食～ 哈哈 .我今日就決定要你試一試啦😝打開餐牌，嘩！真係全部都清一色係牛～冇其他肉類嘅😂所以唔食牛嘅朋友真係不用考慮呢間餐廳😂。叫嘢食嘅時候如果淨係睇個名，真係完全唔知係牛ge邊忽😂 好彩間鋪枱上邊有幅圖係有晒全隻牛Ge 部位名，俾你可以對應返張餐單來叫的😬我叫咗一個牛雜湯底～ 湯底入邊嘅料都幾豐富～有牛肺、牛蒡、牛肚、牛腸等. 而牛肉我就叫了牛駝峰，牛心，滑尾龍，牛骨髓，匙皮. 我個人覺得最好食係牛駝峰❤️啲肉好爽！又不肥膩～ 食完一碟後都唔夠喉丫～我再encore多一碟Tim 😻牛心嘅口感都好「煙銀」～有d似豬心～～好味的～ 反而佢餐牌推介嘅滑尾龍，食完就覺得比較似蕃茄炒蛋啲滑牛肉，呢個我就一般般了。可能各花入各眼啦 .哈哈匙皮肉質比較有趙口～ 都可以一試牛骨髓就「煙煙銀銀」比較似糯米糍啦😝有時間經過再試埋其他部位先😝賣單1人2百幾蚊～合理價😋

話明係牛肉火鍋專門店，616供應二十幾款牛嘅罕有部位, 而且都係手切牛肉, 價錢很化算😎 打邊爐平時無咁講究, 牛肉嘅種類都好少, 來到火鍋專門店, 當然要了解下, 店員係友人未來到嘅時候已經踴躍介紹, 所有名都好特別朋友來到嘅時候, 店員再次主動介紹店內提供嘅牛肉種類 (讚一讚: 覺得服務態度一流!!!😍) 最後我同友人叫咗3款: 牛朴肉、封門柳、吊龍伴 (個人覺得牛朴肉同封門柳比較腍!) 手切牛好薄, 食落感到意猶未盡...但事實加埋其他邊爐配料已經好飽..........鑒於616係牛肉專門店, 打邊爐嘅食材雖然唔算多，但都食到我地2個飽晒😵推介有水蓮菜，上次食已經係去台灣嘅事..係香港無專登搵應該好難食到環境方面......室內設計比起一般火鍋店係差天共地...卡位/包廂超級有特色，有海味店、士多、當舖等主題, 包廂佈滿  真*懷舊糖果、玩具、海味....有一個包廂係醬油雜貨店, 供食客隨便調製喜愛嘅調味料~其實包廂佔嘅位置頗大，加上入口等位位置擺設咗電視、長凳、大大部舊式遊戲機同埋懷舊書籍, 同樣佔咗好多空間, 所以我覺得616 嘅老細好闊綽, 香港租金咁貴都花咁多平方尺係室

今日放工 同Friend去西環食Dinner呢間門面平平無奇既舖頭估唔到裡面裝修咁靚店鋪主要以復古為主 有d好似士多店既設計其實呢d係間開既座位門口有手提行李箱裝住d雜誌同埋一部街機 客人等位既時候就可以消磨一下時間另外 餐廳入面有好多復古既擺設 就好似中藥既罐 懷舊既玩具等等擺設加埋個裝修真係令到成間舖好有味道不得不讚店主既心思一坐低店員就比西瓜我地食等我地可以一路食一路慢慢點餐呢度用Tablet去點餐每樣食物都有圖可以參考Click入去仲有食物既介紹 方便客人選擇食物湯底選擇都算足夠連平時少見既酸菜湯同埋青花椒湯都有我就揀左鴛鴦酸菜牛骨湯酸菜湯底好好味 微辣帶上充足酸味湯底味道絕對唔會蓋過食物鮮味用嚟煮烏冬又可以有足夠味道 真係好好味如果想食真d食物味道就可以用另一邊既牛骨湯清清地既湯底帶少少鹹香 醬料區好乾淨 而且都幾多選擇但其實呢度既食材好新鮮輕輕點少少自己鍾意既醬料就夠牛叫左四款 首先係朋友極力推介既胸口膀開頭見到以為會好肥食到成口油咁點知原來係爽口既口感煮15秒就已經足夠 呢款牛味道清淡卻口感一流匙柄係一款肉質夠實既牛煮十秒左右就食得 如果唔係會太韌我自己好鍾意呢款牛 牛味

雖然呢幾日天氣好熱，但係打邊爐都係香港人至愛，所以今日又約左friend去試下西環呢間邊爐店。入到去店員會拎個籃比我地擺袋，幾貼心。湯底我地叫左牛骨清湯 $38，我最鍾意係佢有牛骨係裡面，但係又唔會太油太鹹，可以食到食材本身既味道牛我地叫左四碟：牛朴肉、尾龍、牛柳同埋胸口膀牛朴肉 $48 牛肉味好濃，而且白色既脂肪好香，食落唔會香而不膩，又唔會成口油，同瘦肉完美融合尾龍 $48 尾龍肉就比較瘦，幾乎無脂肪，比較有咬口，我個friend唔鍾意食有脂肪既肉呢個就啱曬佢啦。牛柳 $48 牛柳都係屬於瘦既肉，但係食落會比尾龍軟少少，牛肉味夠濃。胸口膀 $48 開頭好驚食落會溶到成口油，太膩，點知完全唔會。煮十幾秒就食得，食落好爽口彈牙，完全無油膩感，超like啊！水蓮菜 $28 點呢個菜係因為未食過，開頭見到menu張圖仲以為佢地擺左波菜麵張圖落去😂食落口感好得意，有少少爽口，咬會有咔嚓咔嚓聲，無咩好濃烈既味道。野菌拼盤 $38 菇既總類都算多，有四種，每一隻口感同味道都唔一樣，唔會食到悶。豆卜 $28 就係普通既豆卜叫野飲既時候店員就推介左呢個菊花桂圓露 $9 ，應該係佢地自己煲既，凍冰冰，

還記得第一次聽到616牛肉火鍋專門店，當時新開被某雜誌介紹，由於家住港島比較少去新界，一直留意住會唔會港島開分店終於恨到除左銅鑼灣，近年形形色色食店進駐嘅西環，616都在此開了分店。鍾意食牛肉嘅我當然不會錯過，能按照個人喜好選擇牛各個部分，亦聽說店內牛肉，部分刁鑽、坊間少見，甚至睇個名都未必知屬那一個部位。這裡裝修走懷舊風，幾有老香港味道。店員有介紹自家製飲品，亦有介紹各種部位牛肉，有電子點餐，好方便啊！窩心設計，有帶USB朋友可以為電話充電金花趾為後腿腱肉，比前腿粗壯，因沒什麼脂肪較有咬口，賣飛佛！肉好食又新鮮，最重要價錢相宜，試勻哂，點多兩碟飛佛都唔肉痛🤩

今日同男朋友放咗工就喺樓下呢一間想試好耐嘅火鍋店食飯店舖嘅裝修非常之有特色係一啲屬於香港以前懷舊嘅裝修叫咗呢一個鴛鴦酸菜牛骨湯鴛鴦酸菜牛骨湯嘅湯底，酸酸甜甜同埋佢比較偏麻嘅但係唔會太辣我都幾鍾意，另外幾牛骨湯就比較可以食到牛肉嘅完美而家一張新的有一隻特別嘅就係偶像執佢係用返佢自己牛肉嘅汁整咗一個漿料當你點牛肉就唔會比豉油遮蓋左佢嘅味道吊龍伴口感好好有少少彈牙，可以用呢個字去形容牛肉味嘅味都係新鮮牛舌都夠彈牙唔錯牛璞玉我就相對冇咁鍾意但係個味道都好嘅只不過我會揀吊龍伴多啲

原來牛有咁多位置，而烚下烚下時間又不同，真是令我們齒夾留香，牛丸很彈牙，很像潮州牛丸風味，而其他配菜很新鮮，對住咁特別的環境真是別有一番風味，服務員很親切和認真介紹。非常正👍🏻

之前我帶了好友到懷舊扒房晚餐，所以今次佢帶我到附近的616牛肉火鍋專門店，一入到去已經被裡面的裝潢吸引咗我的視線~~~來到忍不住要拍照打卡留念~~~ 人數多可以在懷舊店舖擺設的廂房用餐，感覺別有一番味道（士多的零食是擺設，不是賣的)~~~ 仲記得返鄉下時用過上面果行同款的熱水壺~~~ 拎豉油配料的位置都咁有特色，真係估唔到~~~ 我和好友就坐在靠邊的座位，看到懷舊擺設，感覺好似在歷史博物館咁興奮~~~ 每次去616牛肉火鍋專門店我都會叫牛滑，因為我想試吓慢慢削肉成丸的感覺~~~ 怕辣的我每次都會叫牛骨湯底，趁滾好而又未放食物之前飲返碗，感覺好好飲，最重要係有牛骨連肉在煲內，可以食埋牛骨的肉 呢間牛肉火鍋專門店在食材方面都有心思，平時我們打邊爐頂多只是叫肥牛，但呢度可以食牛的不同部位，而且餐紙有詳細說明，如果有唔明，餐館職員更會講解~~~ 我個人較喜歡食圖上的匙柄，因為較少肥膏，夠晒啖啖肉~~~ 望住不同的牛片，係咪好想食呢？ 呢間牛肉火鍋專門店的門口有街頭遊戲和漫畫方便等位的客人享用，我和好友在晚餐後忍不住打機，玩泡泡龍加美少女戰士用了差不多一小時@@" 平均每人二百