759車仔麵 (已結業)

早幾日約左保險哥哥傾野，早左少少到見有d肚餓就係附近搵食啦 ，原來九展到六七點好多鋪頭都收晒🤷🏻‍♂️ 咁就唔諗 試下759車仔麵啦 。三餸麵 三十三蚊都算低食啦， 我另外再加兩餸 叫米粉 佢d米粉係似新竹米粉 爽口彈牙 食得過🤤餸都好食 夠味 湯底都出色 ，真係有d驚喜 可以番食😍😍

剛剛工作完畢，便去了一間車仔麵是759開的，因為其他鋪頭的座位已坐滿人只有759還有幾個吉座位先排隊下單，然後走去座位度坐邊會有人送餐到你面前，環境只有8-9張枱，中午時間食飯真不好四人枱都坐滿很迫，迫都唔緊要最緊要食物質素，我今次叫了三餸車仔麵$33一碗，裏面有豬手雞肉和大腸，來到的時候散發一種令人流口水的感覺，當開始吃的時候第一口非常鹹，我叫的是油麵，右面很普通沒什麼特別，但是所有配餸非常鹹，感覺不太好，越食越口乾，這是我第一次來吃759車仔麵，應該下次不會再來了。

$33有三餸車仔麵，味道雖然唔講得話好好，但勝在能夠填飽個肚，堅抵食蘿蔔超大件，朱紅味道唔錯，但魚蛋就失色少少，係單眼嗰種，米粉味道不過不失韭菜餃味道尚可，如果多些韭菜更加好，芝士腸和生菜正常水準，粗麵扁身嘅

759車仔麵晤經晤覺已經執淨 e max 呢間分店😵😵😵😵 晤通759真係做晤住☹️☹️☹️今日難得到 e max 睇戲 就梗係晤好錯過食759車仔麵既機會啦😝😝3餸車仔麵售價33蚊 正常車仔麵有既配料佢都有，例如豬皮，蘿蔔，咖啡魚旦等等我就對食野比較奇怪 我只係鐘意食餃子，腸仔同埋雞翼 😆😆😆😆😆😆😆我叫左腩汁同粗麵之前明明記得刀削麵係晤洗加錢😵😵😵😵依家所有自家制麵都要加3蚊另外特式醬汁都要加知慳識儉既我就梗係晤加講翻碗麵🤣 份量正常醫得飽肚餃子好重韭菜味 食落有驚喜腸仔同埋雞翼就不過不失總括黎講， 759係香港人一個回憶希望佢做得住 企得穩🙇

機緣巧合，今日終於有機會一嘗759車仔麵。雖然商場比較隔涉，但3餸一麵價錢非常合理。可惜今日天氣炎熱，對一碗熱辣辣的面冇興趣。反而叫了一碟柱侯牛腩飯加凍檸茶。蘿蔔同牛腩明顯來自車仔麵嘅餸。牛腩比較碎是可以理解的。味道不過不失。反而最驚喜係以香味為主嘅辣椒油。喜歡辣的朋友可能覺得佢唔夠辣，但難得入口有一浸辣椒香味。順帶一提，759會員用會員卡有九五折

要喺lunch 事端起九展搵嘢食並唔係難，但係要搵間平平哋嘅，759車仔面絕對係一個好選擇，之前一路未試過，原來除左車仔麵，仲有飯餐可以選擇。例如鷄肶飯。份量，味道一般。不過要快便，都係ok

去Emax睇戲前又唔夠時間去其他地方食唯有試下759車仔麵叫左個3餸車仔麵鹵水雞中翼 南乳豬手 柱侯炆牛腩 米線+$2 秘制沙爹王醬汁好快就上枱 佢用個匙羹另外裝住啲沙爹雞翼有兩隻 隻雞翼唔得脹卜卜 好似鹵左好耐 不過都幾入味 南乳豬手 得一舊 不過好大舊 又係好入味 都有啲肉食下 唔錯柱侯炆牛腩 好細粒 不過都係好入味米線好滑 唔會太淋 份量少左啲至於個沙爹醬 好多蒜蓉 好惹味 唔會太辣同太咸 一定要加👍🏽👍🏽👍🏽我會覺得個米線可以多啲 因為食完好似冇食甘 仲係好餓😂😂另外憑759阿信屋會員卡有95折

響商業區已經好少有車仔麵了, 好彩九龍灣EMAX 有 759車仔麵 。都幫襯過幾次,  759會員咭重有折扣。湯底好多選擇, 有4-5個湯底揀, 麵種5-6個揀, 餸既選擇都有廿幾款, 一樣係6蚊一個餸,  個人認為最抵食係豬軟骨。 759 有著懷舊車仔麵既感覺, 份量都好足, 而且真係好平, 三十頭就可以。不過地點偏僻, 只適合附近返工食午餐, 如果晚上人流會好少頗舒適。除左車仔麵, 重有車仔飯餐, 價錢都係好實惠, 十分之岩打工仔, 慳慳地又一餐。整體感覺唔錯。

759 車仔麵呢間野，開就開就好幾年啦，但一直都冇機會試，早排行過九龍灣，原來有間係附近，湊佢仲係到既時候真係要試試佢先。入到去，坐低後立即點左碗雲吞麵，而碗麵等左一陣亦都送到黎啦。 咁碗麵就比我想像中大碗，雲吞裡面既蝦都幾大隻同新鮮，麵黎講就同傳統既簡水麵口感有小小分別，冇咁香同冇咁爽口。

今晚去九展睇演唱會，睇前同家人食少少野先上去，大家都想簡簡單單食粉麵類，所以擇左759車仔麵。首先要在門口收銀處選擇配料後付錢，拿飛後坐低慢慢等，員工會親自遞上食物～我擇左三餸一麵，有豬大腸 、芝士腸、牛肚米粉配牛腩汁，份量適中，豬大腸和牛肚相當軟腍入味，湯底不會太濃，不油膩，特別喜歡這裡的米粉，是新竹米粉的口感這個價格來說質素算是不錯!

今天來到九龍灣展貿有野做，有點肚餓，但是又趕時間，於是去左位於九龍灣展貿地下的759車仔麵食個快食午餐。正正午餐時段，門口已經有多人排隊。午餐時段，呢間餐廳已經坐滿人。呢間餐廳主打車仔麵但是因為我趕時間，所以我唔食車仔麵，因為會好熱怕食唔切。我點左個午餐，餐肉煎蛋飯，再加一杯熱咖啡，合共盛惠$39。個午餐送上枱賣相都唔錯午餐肉煎雙蛋飯，大大份好抵食。午餐肉有三塊，一般餐廳都只得兩塊。午餐肉煎得好脆口煎雙蛋煎得剛剛好，半生熟。飯份量又好夠熱咖啡，咖啡夠濃，奶夠滑。$39真係好抵食，重點係可以快食。

中午食飯，天氣炎熱，唔想食飯，然後去左食車仔麵。呢間鋪長期都要排隊，好受歡迎。如果遇上有展覽或其他大型活動，簡直人山人海。今次最終叫左豬腸，雞翼，冬姑刀削麵，問朋友借左95折咭，都係34個幾蚊，抵呀！先講吓冬姑，夠晒厚身，而且好入味，唔錯，滷水雞翼，入晒味，但就唔夠滑身。豬腸做得好，味濃，完全感受到傳統風味。總括嚟講，全部都好正。略嫌刀削麵就一般貨色。下次要試吓烏冬得唔得先。上次試過豬軟骨，略咸，個人就覺得麻麻，另外，菜餃都好普通。

星期日買了戲飛於九龍灣看電影，由於好肚餓，又趕住入場，於是隨便諗住快吃東西，經過見到有759 茶餐廳覺得幾得意，，又唔想食麥當勞，759又咁岩有下午茶餐，便想試試。一試之下，發覺勁難食，車仔麵$40/ 3 餸每樣得2 件，仲要唔新鮮，湯底叫左腩汁，但冇味。😩😫😩😫另外，個火腿芝士西多士又係勁難食，😰😰😰似油浸多過炸，隻炒蛋又係冇味，勁想叫回水。呢間野以後一定唔會再幫襯。唯一好處就係拎759 會員卡有9 折。

今晚去星影匯睇戲，又諗唔到食咩好就，即管試最近我嘅車仔麵啦。其實價錢真心唔係好貴33蚊三餸一面， 我就嗌咗香茅豬扒 再加貢丸河粉。 冇諗過759嘅質素可以有咁高，食落去好有香港地道風味。

九展最愛九展呢個場講真就係唔係特別方便，又遠又冇乜野行。不過入親去都係食759車仔麵，又平又正！餐牌既材實有好多選擇，仲見到佢不斷有新野加，麵底、湯底都有好幾款可以揀。叫左個牛腩牛肚牛筋河，3樣野都幾入味，牛腩唔韌，牛肚同牛筋都冧得黎又唔會爛。試左女朋友個咖哩魷魚、紫菜同麻辣豬肚，魷魚爽，豬肚有咬口，紫菜都唔會話好似有啲鋪頭咁有沙。湯底個麻辣都幾夠味，不過略嫌過辣唔夠麻香。但係同女朋友2個人一人叫一個麵，叫埋杯凍檸茶，有759會員卡仲有95折，先70都唔洗，你抵到爛啦，超值！