8度餐廳

又黎食港女三層下午茶，今次揀左土瓜灣既酒店，地點不太方便，附近亦沒有甚麼地方可以消磨時間，但佢既賣點就係有聖誕版既下午茶，環境舒適，飲品係自助形式，可以自己調配檸檬茶/水及奶茶，佢呢個set亦都有1杯士多啤梨沙冰，好細杯，但好好飲，到野食方面，主要既聖誕氣氛係塊薑餅人度，再加埋朱古力樹頭蛋糕，其他都無特別聖誕感覺，鹹食只有最底個層，其中薯蓉較好食，之後甜點，蛋糕比較乾身，唔夠鬆軟，另外海綿蛋糕重覆了，有士多啤梨味同芒果味，覺得可以轉其中一款做其他甜品，整體還可以，因為係特價去食，人均：$150~

啱啱過冬, 大食妹喺KKDay見到8度餐廳賣緊喜慶盆菜, 有4人、6人同8人份量, 野食種類好似幾多元化, 就訂咗個4人份量<喜慶盆菜>8度餐廳嘅喜慶盆菜有鮑魚、花膠、瑤柱、金蠔、大蝦、花菇、貴妃雞、燒腩仔、鵝掌、時菜等等, 超級豐盛雖然話係4人份量, 但大食妹覺得有成6人份量醬汁用咗鮑魚、金華火腿、老雞等等食材熬製, 非常濃郁係咁多嘅食材裏面, 大食妹最愛燒腩仔、冬菇同芋頭燒腩仔好厚肉地, 肥瘦適中冬菇同芋頭就非常入味, 吸收左醬汁嘅精華

今天dinner buffet真係太差了！食物質素，生蠔瘦到不得了、鵝肝細到不得了、鮑魚細到不得了，食物更換得很慢，一句講晒非常之不好吃👎不會有下次😡超大中伏😡😡😡

D座位迫到呢，出入要丁字腳。食物種類少到呢，拎完兩三round已經可以傾計。最攪笑係問waitress拎濕紙巾，話斷貨wor.好多人，搶咁。食物質素好一般anyway,可一，不可再。

同朋友預約咗1800-2100時段buffet。首先食物質素真係唔係唔值近人均$500。我哋係晚市第一round客，但除咗有冚蓋嘅熱盤外，第一輪拎嘅「熱食」好多都係凍。薯角又凍又淋，炸魚仔係一啲溫度都無好似擺咗成日。切牛又乾又無味，導致我哋之後拎嘢食嘅標準係只求熱食有溫度。凍盤煙三文都算係港人至愛，無諗過係得個鹹字，完全無煙三文感覺。生蠔略腥，食完一舊完全無興趣再食。導致根本唔敢再試其他水產。甜品算唔錯嘅，因為有個布甸蛋糕真係好好食，同埋有movenpick補底，其他甜品都不過不失，算係可以。但係環境真係唔算好，枱與枱之間距離好窄，每次行出行入都好驚撞到沿途其他枱嘅客人。另外又泊埋收碟車出嚟喺主通道，收碟嘅阿姐又唔爽手醒目，成件事就好似去咗茶樓甚至喺茶記。總結一句，差唔多人均$500換嚟一餐咁嘅質素嘅buffet，真係中晒大伏。

喺疏化倉買咗張萬幾蚊嘅疏化送咗兩張下午茶voucher, 其實免費嘅嘢都唔會抱住咩期望，但係又真係冇諗到原來係咁CHEAP囉，見到佢個餐牌寫住$168/位，住客就再有75折，cheap 都唔係重點，始終一分錢一分貨，但食物質素真係好好好吾掂，服務態度更加冇，一去到門口，帶位嗰個小姐冇乜表情，只係問你攞voucher,然後叫人帶去坐，同我哋係原全冇eye contact，坐低已經有兩柸水，飲落去係水喉水咁，所以叫侍應可唔可以比柸熱水，侍應態度吾可以話好差，就係叫我自己出去水吧位…..，最後食物，真係無語，可以連平時冇乜要求嘅朋友都話難食，已經唔想再食….$168吾值，但我咁同佢計可能感覺上會好啲🥲一件炸雞 $112件迷你薯餅$12一件迷你鬆餅$5一件壽司 $12一件吞拿魚 $20一件迷你芒果布甸 $20一件迷你拿破輪$20一件迷你芒果批$18一件迷你芒果雪芳蛋糕$12一件雪米糍$8咖啡、奶茶自助加埋10% ，好似$168又差吾多

地理位置有點偏遠，如果唔系開通左屯馬線，要去呢到既話實在有點不方便。同朋友經網站優惠book左茫果下午茶架，本來系上上星期去但撞正8號波，酒店都好貼心咁打黎告知可以改期。同朋友一坐低就見到枱櫈都有d污糟，觀感馬上扣分。飲品有紅茶奶茶等等，食物質素同價錢都成正比，不能期待有一般既下午茶架水準。不過服務員有點馬虎，我個架仲淨左完整既scone，佢問都無問過我就直接收走左，叫都叫唔切就只好作罷。總體而言應該唔會再去。

當天是平日酒店有分類C區，獨立一間房幾好，不會太嘈……酒店食物種類雖然不算多，但都有生鮮生蠔，但要排隊（每次限取2隻）、鵝肝一般、有燉盅湯（但味道太咸）、最出色係芒果拿破崙蛋糕好好味熟食勁多不過一般，總括黎講平日$498另有openRice 82折抵食，生日4人有1人免費可以再食

午餐三人行,一份羊架,烹調味道及控制6成熟剛好,非常美味,海南雞飯一般,咖喱牛肉配印度薄餅不錯,水果比較少選擇,芒果千層回味無窮,沙律菜及湯都可以,大致食物都很好,以此價格可以吃出水準,不錯

餐廳位於工廠區，環境只是一般。餐廳裏面的座椅有一定的分隔，容人只有二至三成。我兩個人坐了近窗口的四人枱 ，環境可算是舒適的。食物方面，湯有羅宋湯及中湯，還可以。主菜我吃了羊架，算是不錯， 但羊肉味不是很濃。 提一提大家，最好是吃了湯及沙律後才叫主菜，因為主菜很快便會到。其他要讚的是甜品，芒果拿破崙很好吃，我吃了四五件，己經值百元。水果方面 有火龍果，西瓜及哈密瓜很鮮甜。但飲品方面就比較差，咖啡也不是即磨的，這點要改善。 整體來說還是不錯， 可以靜靜的享受兩小時 ，下次也會再光顧的。

#屯馬開通真的很興奮 第一次坐黎條線 就去試試8度餐廳既tea set🤩係宋皇臺站行10分鐘左就到🕺🏻-平時tea set至少都要$400-500一份set 2個人share 但今次先每人百幾蚊就可以一人一set😍性價比高❕-🥭 皇牌芒果下午茶 🥭✨芒果拿破崙得過獎既拿破崙果然無令人失望 好脆好香口🤩-✨香芒奶凍好多芒果粒圍住個奶凍 奶凍好香滑 吾會甜味道岩岩好😋-✨芒果芝士餅Cheese既比例岩岩好 食落吾會滯🍰-✨牛油鬆餅黎個就無感 無咩特別🤣🤣-✨脆香雞翼有驚喜😂😂😂😂同平時食到既雞翼係吾同味架 有肉汁添😗-✨香煎黑椒吞拿魚沙律伴芒果汁味道不過不失🤫-✨芒果三文魚蟹籽卷始終吾係主打菜 冇甜品咁吸引🤣-✨芒果糯米糍驚喜之最 皮好簿 好軟熟 餡好足料 同平時係街買果啲2個感覺😋-✨黑松露芝士焗薯餅黑松露味都重 味道就正正常常🍽-✨芒果牛油果碎蛋多士最後都好吸引 碎蛋加牛油果芒果黎個配搭好新鮮 食落好fresh🥑🥚-另外有熱咖啡、紅茶、鮮奶任飲 想飲凍野可以問佢拎冰🧊☕️個tea set 既芒果好甜又香 總括嚟講性價比幾高🤍

幾字完 算爆 十分伏 昨日同朋友去食午餐 見有7折又幾抵 最後給帳175元。semi lunch 的前菜有薯仔沙律 m菜 mix 沙律菜，紅湯 中湯 。主菜的扒類用料全部都係cheap野 完全冇肉味 。甜點 得 出名嘅拿破崙 別有幾種。我明白175,不能要求太多。餐廳真係算爆 前菜一d肉都冇 又冇澱粉質。算啦 餐廳都係做返大陸人生意 ，香港人一定冇下次。謝謝

同5位朋友一齊嚟食 buffet嚟到見到全場滿座，超多人😳講返入正題:::生蠔我食咗兩隻，一隻幾新鮮，一隻就差啲啲🦪食咗好多件鵝肝，不過佢唔算大件，同埋多士唔脆🦢佢有青口、長腳蟹、螺等等嘅海鮮，但就冇龍蝦🥲魚刺身唔錯，佢連牛刺身都有🥩(不過賣相睇落似肥牛但味道OK喎)其他食物普普通通，款式唔多反而我對佢甜品有驚喜喎有芝士嘅甜品全部都真心好食🍰另外仲有疏乎厘同pancake都好好味美中不足就係佢雪糕 (Häagen-Dazs & MÖVENPICK)只係得幾款揀安排入座發生咗一段小插曲事緣OpenRice冇得直接book 6個，咁分開咗兩個人book我自己又大頭蝦唔記得咗提早打電話同餐廳講我到當日六點嘅時候先打去，都聽得出個職員態度唔係咁好佢話幫唔到我哋安排，又話之前confirm booking時有同我哋confirm坐邊區(呢件事我係零印象，事後我再問埋朋友，佢都肯定話對方打俾佢嗰陣冇提過)咁我都諗住算，結果行到嗰區明明就一張四人枱隔離就係張二人枱，serve 嗰區個職員都覺得可以安排我哋坐埋一齊，而帶位個(即係聽我電話唔個)唔知做乜唔好老脾咁對自己同事講：我唔理喇！你自己決定！之後

之前同屋企人係度食過兩次下午茶 兩次都好滿意 今次就想試下食佢地既自助餐 早一個月前上網訂左 俾晒錢 大約係$320蚊一位 未計加一 感覺上都幾抵咁 睇人地介紹都好似幾正幾多野食咁 咁就去試下啦 我地就返大家放假 所以揀左星期日食 時間係上午十一點半可以食到晏晝兩點半 有左屯馬綫之後真係方便左好多 出Mtr宋皇壹站D出口 大約行十分鐘左右就會到酒店 都唔算太遠 可能因為當日係星期日同埋仲係暑假既關係 餐廳坐滿晒人 餐廳唔算好大 座位唔多 上次食下午茶只係坐左三分一 所以感覺幾舒服 同埋靜啲 今次滿晒座 又好多小朋友 餐廳好嘈 好似去左街市咁 啲小朋友又完全冇人理 周圍畀 拎住野食再撞一撞既話應該會倒晒落地 食物方面熱食都有好多選擇 有雞扒配茄汁 香草羊脾 黑椒牛仔骨 西蘭花鮮魷 香煎魚柳 燒牛肉 咖哩等等…..仲有即燒雞肉串同牛肉串 大部分熱食都幾好味 海鮮有即開生蠔 每次排隊限拎兩隻 細細隻 但味道唔錯 翡翠螺同海鮮好大隻 好新鮮好彈牙好好味 青口就麻麻地 食落冇乜味 仲有刺身師傅即切刺身 刺身都有好多款 三文魚 呑拿魚 玉子 魷魚 八爪魚 蟹柳 淨係食左三文魚 好大舊好新鮮好肥美

趁周末到訪比較少去既地方，就係土瓜灣一帶舊區喇！🤩以往只能搭巴士到達，現在由大西北坐屯馬線到宋皇臺站只需35-40分鐘，唔洗轉車，十分方便。👍🏻前排見大家介紹八度海逸有款超平下午茶，於是上酒店eShop買左兌換卷。✅雖然網上購買時可自選日期時間，但條款上還是需要致電確認訂座。🤨🟡🟡🟡皇牌芒果下午茶🟡🟡🟡原價$168/位 (網上eShop訂購 $135/位)15:00 - 17:00 | 即日起至2021年12月31日芒果拿破崙 | 香芒奶凍 | 芒果芝士餅牛油鬆餅 | 脆香雞翼香煎黑椒吞拿魚沙律伴芒果汁芒果三文魚蟹籽卷 | 芒果糯米糍黑松露芝士焗薯餅 | 芒果牛油果碎蛋多士紅茶 / 咖啡🟡🟡🟡🟡🟡🟡🟡🟡🟡🟡🟡整體評價：〔價錢〕對比普遍「英式下午茶」大部分以$500起/2位，人均$135真心平，抱探索心態可以一試。〔主題〕以芒果作主題夠夏日，能夠吸引芒果控。食物組合新穎，有意想像不到會在下午茶拼盤出現的食物，例如脆香雞翼、芒果三文魚蟹籽卷等。〔食物質素〕味道方面普通，合格，不太突出。〔食物賣相〕尚可，一人一個迷你SET。自己食自己，無左一般「下午茶」分享個種感覺。〔環境〕枱與枱相隔距離太