8鍋臭臭鍋 (金巴利道) (已結業)

一嚟到尖沙咀搵嘢食，成日見人食呢一間都會大排長龍。因應疫情關係，今次見晏晝冇咩人就入咗去食，個場幾大，餐牌主要有八個鍋，一目了然，我同朋友叫咗藥膳羊肉鍋同埋麻辣台式鍋。羊肉鍋既藥膳湯底食落feel到幾補身。台式麻辣鍋就不過不失。兩個鍋都好足料，基本上一定好飽，一人一鍋有風味。值得推介！

想打邊爐好耐，又唔係好想食麻辣火鍋，或者係平時連鎖嘅日式火鍋，所以就揀左呢間試下星期六夜晚大概七點幾到，等左大概二十分鐘有位，俾想像中快左揀左呢個芝士牛奶鍋，芝士味幾濃，個湯底唔錯，有豬肉片、丸、菜，配料都係咁上下嘅味，豬肉片幾襯呢個湯底，唔錯本身已經有烏冬係入面，仲會配多一份粉絲或者飯，所以食完真係好飽至於朋友嘅招牌臭臭鍋同沙茶牛肉鍋，我地一致都覺得一般值得一提係，冇水提供，飲品晚市唔包，基本上是火鍋冇咩可能唔飲嘢，所以基本上所有食客都加錢買飲品

話說因為疫情既關係，香港既零售同餐飲業都死寂了一排依家疫情算叫做穩定，餐飲業竟然開始有報復式消費！！！！依家去邊度食野都會有好多人等位，係尖沙咀星期五既晚上當然要好好做好人生規劃因為男朋友工作既關係，所以對臭臭鍋有莫名其妙既喜好老實說我唔知道臭臭鍋是什麼，都只係GOOGLE一下「通常是指有鍋中有臭豆腐的火鍋，而且會由店家烹煮完成後再提供給客人 在台灣亦有許多火鍋店販土中田金此種火鍋。因為有發酵後的酸臭味，故稱之為臭臭鍋。」老實說我就唔食臭豆腐既，希望呢度既臭豆腐唔好太臭今晚我叫既係小辣酸辣羊肉鍋，而男朋友食既係沙茶牛肉鍋每個鍋都會包主食，我同男朋友都㨂左粉絲小辣都幾香辣味，但小心既係煲耐左辣味係會愈黎愈辣，食到後尾男朋友淺嘗左一啖就因為太辣要投降話說呢個鍋真係好足料，除左羊肉之外，仲有酸菜、雞蛋、魚蛋類、鳴門卷、菜、粟米、米血糕等等來一個close up 看看如果怕羊肉SO既朋友唔需要擔心，因為呢個鍋都濃味，絕對COM到羊肉既味道。但食到入口都有羊獨有既香味呢個湯好惹味，我一路食一路飲，粉絲又索下汁，最後個湯俾我飲到見底咁滯！因為有主食既關係，絕對唔需要擔心會食唔飽，反而係擔心食得太飽

疫情延續左咁耐，好耐都冇食過打邊爐終於都頂唔順啦去食返個一人打邊爐先，一人一爐感覺上衞生好多，咁就無有怕喇<招牌臭臭鍋$115>食8鍋臭臭鍋就梗系要試下佢個招牌臭臭鍋喇，味道比想像中清淡，臭味大概系平時臭豆腐一半火鍋料好豐富，有豬肉、丸類、豆腐、豬紅，應有盡有每樣材料大概有一至兩粒，咩都可以食啲，好滿足，食完之後超級飽<日式味增鍋$115>日式味增鍋個湯底比起臭臭鍋清甜，好有平時食shabu shabu嘅味道，材料同樣非常豐富

呢個時期想打邊爐但有啲尷尬喎 最啱就係一人一鍋啦 一入去都有人量體溫同吱搓手液👍🏻之前試咗芝士牛奶鍋所以今次想食啲鹹啲嘅所以嗌咗個酸辣羊肉鍋 叫咗小辣個鍋一滾 急不及待試咗個湯先 個湯底真係一流 酸同辣嘅比例岩岩好 勁開胃 但有啲後悔冇嗌辣啲 所以係咁加辣椒油😂每次啲料都多到瀉出嚟 食到懷疑係米2人份量會再幫襯

我自小好喜歡吃臭豆腐，喜歡它獨特的臭味，可惜的是現在很少機會能在街邊再找得到這款小食。經朋友介紹來到這間臺灣一人一鍋的火鍋，在這幾個月面對疫情都沒打邊爐的我見到都感到特別衛生乾淨。雖然鍋內臭豆腐不及得上臺灣地道及以前街邊攤檔的那種臭香，但也被我很快吃光。在把鍋內不同的食材吃光後，我肚子也裝得飽飽的回家去。

經過尖沙咀想話食個打邊爐，但得兩個人打邊爐又食唔到啲乜，所以就揀咗哩間半邊爐嘅餐廳啦🍲招牌臭臭鍋 $115其實還好不太臭，臭的只有臭豆腐😂味道嚟講係幾出色嘅臺式麻辣鍋 $115嗌咗小辣，食落辣味唔太出...下次會試吓嗌中辣但個味道總括嚟講都唔錯嘅👍不過座位舒適度嘅講我覺得差啲...因為疫情底下嚟講佢嘅座位編排都算密集😷同埋衛生分要扣，一大條頭髮喺豉油樽頂，見到即時減食慾😕同埋我幾睇重佢會唔會落好多味精，應該都有落嘅，因為食完之後有微渴嘅感覺

Lunch時間黎左食臭臭鍋，感覺吾錯😀Menu有9款吾同既鍋，我同朋友揀左1️⃣招牌臭臭鍋、2️⃣臺式麻辣鍋、3️⃣香蒜牛肉鍋❗3個鍋材料都有吾少蔬菜🥬吾同既丸類🍢，自己獨食一鍋夠晒豐富👅▫️#招牌臭臭鍋 餐廳招牌鍋之一✨ 鍋內有白豚肉，吾食牛肉既朋友推薦食呢個❗叫得臭臭鍋原來係有臭豆腐😍 臭豆腐臭得好香，但得3塊完全吾夠喉🤤 食食下仲有米血糕、鵪鶉蛋、豬大腸，好似係度尋寶咁🙊▫️#臺式麻辣鍋 嗌左中辣🌶️ 呢個麻辣鍋面頭放左公仔麵，好有部隊鍋既感覺🍲 材料同臭臭鍋大同小異，多左牛肉片、麻辣餃、甜不辣同魷魚圈❗辣辣地好開胃🤤▫️#香蒜牛肉鍋 成個湯底充滿蒜味，鐘意香濃蒜味既朋友一定會鐘意🧄 娃娃菜、粉絲索晒啲湯汁，愈食愈惹味👅▫️午餐時段每個鍋收費$88(包白飯or粉絲、冰紅茶or綠茶一杯) ❗一邊食一邊好掛住台灣💛

依家周圍都係任食火鍋想搵間一人鍋十下十下都有D難，但呢間連鎖火鍋專門店就專做一人鍋。開頭見隔離枱D配飯麵仲驚會唔夠食，但如果個鍋入面已經有半份烏冬/即食麵係入邊，食到最後想食埋個配飯都有D難度！佢好似不定時會出新口味嘅鍋，我對個招牌臭臭鍋（有臭豆腐！！）無咩興趣就叫左個味僧湯底，幾清甜好飲，湯料都幾多種類，有海鮮，菜，肉，仲有幾塊蘿蔔，但食到最後D蘿蔔都未淋，可惜可惜！一個餐百令蚊唔包野飲，野飲一杯真係好似D飲品鋪咁一杯杯，略嫌個冬瓜茶太淡，但其他飲品都唔錯。鋪頭幾大，背景音樂有D大聲，咁嘈嘅環境適合一班人聚會多過二人晚餐😹

見佢平日做緊細細煲優惠就即管再去食下今次係星期一去食有芝士牛奶鍋 同 沙茶牛肉鍋做特價$66再加一飲凍冬瓜茶 加$7芝士牛奶鍋👍🏻👍🏻👍🏻食落比較流 但都ok既味道吾係特別沙茶牛肉鍋👍🏻👍🏻👍🏻👍🏻始終都係利個好味夠野味個湯底可以頂一頂個打邊爐引凍冬瓜茶淡味左好多相比以前但食住火鍋飲 都係吾錯既選擇👍🏻

食物水平：同台灣嘅臭臭鍋🥘有分別，味道方面一般。同朋友去食，2個招牌臭臭鍋，1個小辣及中辣，1個臺式麻辣鍋中辣，但3個鍋的味道是一樣⋯⋯😶。湯底一樣，但鍋物有不同。小菜冇咩特色，有一碟即食的小菜，因為店員無講解，我哋以為係放入鍋煮😅😅。服務水平：上菜速度還好，雖然冇落留單，不過店員未能及時回應，要等一段時間⏱。未有講解及禮貌都一般。餐廳環境：環境還好，尚算整潔，座位舒適。整體感覺：食物質素一般，服務態度未能完善，環境尚可。

可能受到疫情的影響，平時食開的台式一人一鍋火鍋沒有開門，所以到8鍋臭臭鍋。聽說這間台式火鍋以前很多人排隊光顧，但疫情關係，在星期五的十二點半到達餐也只有三四枱客人，不用等位。午餐套餐共有9款選擇，每個套餐 $88。另外星期一至五每天有一至兩的鍋做特價，只需 $66，十分抵食。今次選擇了剛好特價的臺式麻辣鍋，火鍋上送上時已經煲滾，鍋內食物大部分已經煮熟，只需數分鐘就可立即食用，方便趕時間的打工一族。鍋內有十多種配料，十分豐富，比較台式的配料有米血糕和長條型餃子，雖然不算十分特別，但足以令人想起在台灣吃火鍋時的感覺，份量及質素以 $66 來說可以接受。每個套餐有一杯紅茶或綠茶，餐飲以台式飲品常用的外賣膠杯密封送上，乾淨衛生。

位於尖沙咀的「8鍋臭臭鍋」，銅鑼灣都有分店。是來自台灣的台式火鍋店，大部分食材來自台灣。8鍋就是餐牌有8款鍋底俾你選擇，招牌菜是臭臭鍋，另外有台式麻辣鍋、芝士牛奶鍋、香蒜牛肉鍋、藥膳羊肉鍋、酸辣羊肉鍋、蕃茄白豚鍋、沙茶牛肉鍋。⁣⁣臭臭鍋通常指鍋中有臭豆腐的火鍋，因為有發酵後的酸臭味，故稱之為臭臭鍋。⁣——————————————————-⁣⛳️ 8鍋臭臭鍋 (尖沙咀)⁣尖沙咀金巴利道77號地舖⁣⏰星期一至日 12:00-00:00⁣⁣⛳️ 8鍋臭臭鍋 (銅鑼灣)⁣銅鑼灣謝斐道440號駱克大廈A座地下E舖⁣⏰ 星期一至日 11:00-00:00⁣

以前一直想試呢間，因為貪佢一人食一鍋，又可以保持衛生。但係因為平時好多人排隊，唔知要等幾耐咁，所以未有機會去食。今次我同朋友剛好要過尖沙咀，順便行去呢間嘢望望，發覺唔洗等位就立刻入去食我地坐個位置既冷氣比較大，好彩侍應幫我地安排坐另一座既位置我就叫左招牌臭臭鍋，呢個名令我不禁想起台灣，台灣既食物真係唔錯架，尤其係臭豆腐！大部分鍋都係$115，包一鍋同一碗粉絲。等左冇幾耐，侍應就好快上菜比我地食！招牌臭臭鍋，小辣。香噴噴既臭臭鍋，好有臭豆腐既氣味！賣相好豐富，好吸引食！然後等佢的湯滾左先試下飲湯。其實湯的味道唔太食到台灣個種臭臭鍋既味道，可能味道唔夠強烈，但味道不過不失。所以係呢方面有少許失望既。我覺得豚肉份量岩岩好，如果胃口大既人會覺得肉既份量會好少。呢隻豚肉既味道好好食，好新鮮如有再多啲肉就好啦！其他蔬菜都OK新鮮的。佢會有4隻唔同醫汁比你落：辣椒汁、沙茶醬、蒜蓉汁、豆瓣醬沙茶醬真係好食，所以就揀左沙嗲醬最後埋單都要$115 再加一服務費。我覺得一個鍋要食成百幾元唔算話好抵食，因為冇乜包飲品整體來說，我是比較喜歡一人一鍋的特色、豚豬肉都幾新鮮。如果胃口大應該食唔飽，可能要叫兩份

各位香港市民大家好 祝大家身體健康 老少平安 前幾日行過尖沙咀 忽然好想打邊爐 但因為依家武漢肺炎既影響 令到不少火鍋店結業或停業 就算係之前大排長龍既8鍋臭臭鍋 人流都大大減少 我同另一半一去到店舖已經唔需要等位 我同佢分別叫左一個原味同麻辣味再配一個魯肉飯 魯肉飯 肥瘦分明 充滿油香但又不會套過油膩 抵讚原味既臭臭鍋 除左一般既丸類 肉類 當然唔少得臭豆腐 陣陣臭味 但入口卻係傳來陣陣臭香 再配埋較為少見既米血糕 十分特別而且份量十足下次都一定會再去幫襯！