8鍋臭臭鍋 (金巴利道) (已結業)

聽朋友講呢間火鍋出名係好臭但係有好多人去食，呢日朋友就帶咗我哋去試吓臭臭鍋有幾咁臭，呢間臭臭鍋應該好出名因為我哋去到真係好多人排隊，我哋差唔多等左45分鐘先至可以入去，等到個人心都有啲煩🤨我哋喺門口等嘅時候已經聞到有少少臭味，好似有少少臭豆腐味，一場黎到我同朋友一致都揀咗招牌臭臭鍋嚟試吓哈哈，啲配料都幾豐富有腐竹、牛肉、牛丸、娃娃菜...仲有少少海鮮配埋個粉絲添，食落又幾好食~食嗰時又唔算好臭😆臭臭鍋係幾特別嘅不過下次如果去會揀平日去會好D😉

已經第4次黎食啦事關我好中意食一人鍋，講到最豐富非呢到莫屬啦！鍋有8款，款款除左湯底，連啲料都唔同，所以要睇清楚內容先好落手飲品要另加，同埋有得加火鍋料既。呢個酸辣羊肉鍋叫左中辣，勁多料！羊肉都有唔少。湯底酸味好夠，辣度亦十足！火鍋料全部都十分唔錯，蜆肉都幾好食。樣樣都好掛湯，味道濃郁！呢個係芝士牛奶鍋。一黎到見到原塊芝士個湯底好creamy 好有牛奶既感覺。配料一樣好多，呢款係配豬肉，都有成6、7片，食到超級飽！跟鍋可以配白飯或粉絲，加12蚊可以轉做魯肉飯。個魯肉飯超多魯肉，而且唔粉肥肉，好林好香口。魯肉汁亦好夠味，送飯食係一流！碗飯大大碗，加埋個鍋飽到一個點呢杯珍珠奶茶就普普通通，茶味唔算香，珍珠口感可以。呢杯百白果綠茶加珍珠就有啲驚喜，酸酸甜甜好解辣又解渴，唔錯！

我同朋友見到網上好評如潮，一於要試下🤤我地大概七點半到去到，要等三張枱到，都唔算要等好耐既🙈望望佢既餐牌，有8鍋可選擇，再加一個鍋係新品上市的🙆‍♀️我同朋友都不約而同想食呢個招牌臭臭鍋，因為呢個同臺式麻辣鍋都係超人氣的😚招牌臭臭鍋入面係有娃娃菜、白豚肉、臭豆腐、台式貢丸、米血糕、大腸、豬紅、沙白、鵪鶉蛋、蕃茄、榨菜絲、韮菜、金針菇、嗚門卷、炸枝竹同粉絲🤩而我地仲加左野飲，我就叫左個凍既水蜜桃紅茶，而朋友就叫左杯熱既珍珠奶茶🙆‍♀️等左一陣，終於到了！個鍋真係有超多料😍我同朋友都叫左小辣，但食落其實一啲辣都冇😅😅仲要係我覺得呢個鍋感覺上個味真係偏淡，因為通常台式既臭臭鍋，個味都會係好惹味😋再講裡面既材料，個臭豆腐唔係太臭，有啲失望😣其他就不過不失咁！但係幾特別在於好似好少臭臭鍋裡面係會擺鵪鶉蛋，個人覺得都幾好既🤣-但整體黎講，我覺得真係冇想像中咁好食，未至於話要特登去食咁🤔相比起之前食過既一間同類型既餐廳，好似個間水準會好啲😂

早前同朋友聚會~想打邊爐但又唔想太heavy所以就選擇左呢個一人一鍋的邊爐啦~~一人一鍋 想食辣又得 想食特別d 芝士奶蓋都得 8鍋臭臭鍋有共8款不同口味的火鍋選擇~~而我就選左蒜香牛肉鍋 鍋入面有唔少配料 包括娃娃菜 牛肉片 甜不辣等等 菜肉都有~ 食到一半可以加粉絲落去一齊煮 煮6~8分鐘左右已經十分入味 朋友點左咖哩奶蓋鍋 本來聽到名字覺得不會很奇怪嗎!? 但嘗嘗她的湯底 感覺也是十分不錯感覺是較日式一點~但有一點想提提大家粉絲的量比較少 如果是較大吃的男生 可能會不夠飽 點餐時可以配飯~

第二次來食..味道冇變...但的服務員態度差左好多...喱間個爐係會自動熄的...第一次來個時...服務員勁nice...話可以幫我地再點火...但今次....我地要求加火....個服務員係問係咪要收野....我地重申要加火...佢就問係咪要加單...佢最後搆清楚要加火...原本諗住冇咩野...點知...咁啱其中一個朋友係洗手間出來，聽到個服務員係櫃位大聲問佢同事（個張枱坐左幾耐...佢要我加火呀...（個態度係勁不願，完全係冇禮貌....）🤬🤬🤬真係唔明...唔可以加火的嗎？咁我第一次來就得，再來又唔得😓😓過左陣...行來話要收野...但我地仲未食完，所以回左句..食緊...點知佢一句講...你地夠鐘（完全係冇禮貌囉）應該唔會再來了....

🚩尖沙咀🥘8鍋臭臭鍋-冬天梗係要食啲暖笠笠嘅嘢, 打邊爐就最啱, 仲要一人火鍋, 自己想食咩就食咩🤟🏻呢間台式火鍋鋪頭好特別, 有九個唔同嘅火鍋比客人選擇, 除咗湯底各有特色, 連入面既餸都各有不同, 仲有辣度可以選擇, 我揀嘅時候都揀咗好耐, 最後都係叫咗招牌臭臭鍋小辣🤩-🥘招牌臭臭鍋 $112湯底幾特別, 帶蝦米(?)同榨菜嘅鹹香, 不過唔夠辣🤪鍋裏面擺上滿滿嘅配菜, 都係牛呀菜呀菇呀個啲, 比較特別嘅有：👉🏼米血糕=豬紅+糯米, 糯米味重又煙韌既東東👉🏼臭豆腐, 未試過將臭豆腐加入火鍋度, 但有幾好食, 湯底蓋過佢嘅臭味, 但又食到佢特有嘅味道👉🏼肥牛, 大大片, 好厚身, 幾有牛味, 食多幾塊會飽跟餐配飯或粉絲, 唔建議叫粉絲, 因為份量好少, 真係得幾條, 反而飯大大碗再配上火鍋餡料, 真係超級飽肚, 之後行咗好耐都未消化到😂-🥤茉香奶綠 (少糖)正正常常, 小糖得嚟唔會太淡口, 幾可以-以尖沙咀晚餐來講, 呢個價位算係禁,幾好食又食得飽, 仲要自己一個鍋好滿足, 最少我會想再去試佢其他湯底!!!-🚩舔舔脷：7.5/10🚩價錢💰：7/10🚩回頭度：7.5/10

果日11點幾起身 因為先生話想出去睇運動褲咁岩又話想打下邊爐咁 咁我地就黎食下臭臭鍋先生叫左招牌臭臭鍋 我就叫左酸辣果隻因為我唔食羊肉 咁一問之下可唔可以轉牛肉咁店員都話可以既 --呢個底讚呀 因為真係有人唔食羊嫁店員上埋個粉絲比我我就即刻放落去浸湯等粉絲可以索多Ｄ湯呀

尖沙咀除咗厚福街同埋韓國街出名多嘢食之外，其實一帶都有唔少好食嘅餐廳，今次就去到金巴利道（過咗諾士佛台）搵食，嗰度有一間頗為出名嘅台式打邊爐🥘一人一鍋的份量，仲有我最鍾意食嘅臭豆腐🤭吸引左好多三五知己同埋情侶過嚟食飯😃而且會大排長龍🦍🦍🦍🦍🦍🦍🦍🦍🦍🦍火鍋有9款比人選擇：招牌臭豆腐鍋、臺式麻辣、芝士牛奶鍋、香蒜牛肉鍋、藥膳羊肉鍋、酸辣羊肉鍋、蕃茄白豚鍋、黑麻油雞鍋，以及咖喱奶蓋鍋，全部都係一人一鍋嘅 size，而且可以選擇配白飯或者粉絲，千祈亦都要試埋佢嘅台式飲品🤪由於小弟唔識羊肉所以已經篩選走咗，最後就點左以下呢兩款👅：✅蒜香牛肉鍋：火鍋拎出嚟已經聞到香濃嘅蒜泥味，實際入口嘅時候比較清都有驚喜，食完唔會成口味😆 更不會chur喉，或者鹹到灌水✅臺式麻辣鍋：湯底雖然是重口味，但作為基本嘅台式鍋湯底，佢辣味都幾逼真，食完係有台灣感覺（唔好用川辣同台辣比較）而且我覺得佢嘅米血糕好正，煙韌有咬口😋🉐秘製臭豆腐：臭豆腐可以話係我嘅回憶，令我諗翻起細細個嘅時候食走鬼檔嘅炸臭豆腐！雖然佢唔係炸😂 仲要係台式，但食入口嘅味道都好濃烈，但個人認為此店臭豆腐還可以更重口味！喺香港，入得口嘅臭豆腐唔多（你

秋冬天涼涼地LUNCH想食d熱辣辣既野爽一爽佢8鍋臭臭鍋可能係岩你既選擇之一!幾個人食都唔怕有爭執 因為可以每個人各自食返想食既湯底 材料唔夠就可以再加我就叫左個招牌臭臭鍋,入面都幾足料嫁,有娃娃菜,白豚肉,臭豆腐,台灣貢丸,米血糕,大腸,豬紅,沙白,鵪鶉蛋,同其他配菜等等食黎食去都仲有,份量夠大就唔怕唔夠飽加埋杯合式飲品就夠哂地道啦唔夠喉又可以再右加下小食同配料

之前seach公司附近有咩好食，見都幾多人推介尼間台式火鍋，終於約左朋友去食，事情都無做清楚調查，原來到左dinner繁忙時間就要排隊排到天荒地老，排左半個鐘就已經好想放棄，又攰又餓，最後因為前面都好多人捱5住跳到我地，總共排左45mins。辛苦排隊志在食，一坐底就已經有點心紙落單，叫左個臭臭鍋，仲有飲品。野食都上得好快，尼到既時候一放低就已經有少少味，滾起食落好正！！！！其實食落就無臭味，仲好好味添，其他配料都5錯，整體尼講都推薦台式飲品飲左2次都好味，5算太甜，一路飲一路火鍋，排咁耐都係值得既。但下次再食都真係會早d去，5想再咁耐排隊

平時你食八鍋臭臭鍋都一定係食臭臭鍋，但係而家見到餐牌多咗咁多選擇，一於今次走臭，改食其他啦！今次同朋友叫咗芝士牛奶鍋同埋酸辣羊肉鍋，本身想試吓佢個咖喱奶蓋鍋，但係因為我哋叫咗奶蓋飲品，就試吓其他鍋先啦！首先講下佢個奶蓋烏龍茶，奶蓋濃厚，飲到最後都未溶，可能係我飲得快掛，咁都證明佢好好飲！佢個奶蓋好味嘅程度，令我都想試吓佢個咖喱奶蓋鍋究竟有幾好食！之後就到我個酸辣羊肉鍋，酸辣湯非常之夠味，羊肉都好嫩滑不過去到最後有少少唔夠湯，加完清湯後就淡味咗少少而我朋友個芝士牛奶鍋就相當之濃味，大家如果鍾意飲牛奶湯嘅，一定要黎試吓佢個鍋！食到最後有少少想encore某啲配料，所以我哋叫咗蟹粉丸、蛋餃等等重點推介蛋餃，就咁浸少少湯食都好好食呀！

咁開心家人生日去尖沙咀行逛就一於食一人火鍋🍲暖下個身啦😋終於食到呢個想食嘅火鍋正！嚟到就梗係要嗌佢呢個招牌臭臭鍋啦！正真係有啲臭味😆哈哈😄呢個先係重點來，其實佢啲臭味你知係臭豆腐同埋台灣夜市都食過呢一種味道。係大家好熟悉嘅味道同埋啲配料都係好台式地道小食夜市風味正！就好似有米血糕同埋大腸呢啲都係台灣夜市台灣地道，鋪頭麵線可以食到嘅材料，非常之好，非常懷念在台灣的時光。咁本身呢個喎嘅材料就係有啲粉絲，所以先算多dd，不過如果佢跟餐嘅粉絲就實在太少，我覺得至少要有一人份量的粉絲夠食，如果e＋係咁嘅話其實都已經係等於兩份，但都冇辦法當成主食。如果係咁嘅話揀飯嘅話先會飽肚。或者真係要加佢$12要個滷肉飯先夠飽。仲有呢個藥膳羊肉鍋淨係聽個名都超級滋補啦！湯底容易入口，係非常適合冬天嘅補身之選，味道適中。非常鍾意佢個湯底仲有淮山係非常之健康。仲有素鮑魚同埋鴨肉丸添！鍾意調理下身子嘅人食呢個就啱晒。飲品都係加$7叫咗佢個檸檬冬瓜茶加埋椰果味道清新，夾埋啲雜果椰果都幾夾。不過就希望佢杯飲品大杯啲啦😭就算比原價都係大少少但係就貴左幾倍，但係$7加配又唔夠飲。好矛盾呀😭😭加埋呢樣就真係完美喇！咁就可以喪飲

到左冬天就好想食暖笠笠既野，朋友推介去呢間臭臭鍋食好好彩放左工後去都唔洗等位，一到就有位坐~係一人火鍋，有好多款湯底~我就簡左芝士牛奶鍋，超級香朋友就簡左香蒜牛肉鍋都好唔錯!金針菇、炸枝竹、年糕、魚豆腐同蟹柳都好好味，最正係個湯底跟住可以簡配飯或粉絲，我同朋友都係簡粉絲D野食都好足料!食完勁飽~飲品方面都好多選擇，有唔同既台式飲品，我就叫左奶蓋綠茶，好香奶味!勁濃郁!!OVERALL 環境舒服乾淨，價錢唔貴好抵食，岩哂冬天黎食

呢日係尖沙咀行街，天氣好凍天陰陰仲有D雨，想搵個地方食野又可以避下雨咁。係店入面暖住坐住等打邊，望住落雨既外邊，真係VERY WARM~~~經過呢間鋪，外面望入去幾有韓系FEEL，但望真D原來係食台式涮涮鍋，天寒地凍打邊一流，見價錢抵食，所以都唔使煩晏晝食咩，打完個邊爐分分鐘仲飽肚，連下午茶都唔使食。環境都幾舒服乾淨，沒有火鍋店臭既油煙味臭臭鍋有九個選擇，每個鍋入面既配搭餡料不盡相同，可以揀粉絲或者白飯配食覺得想再豐富D可再加錢配料，飲品方面係台式飲品，幾計一個鍋配杯野飲，每個台式鍋大概$100多啲， 相比起其他既一人一鍋火鍋，湯底花款無咁多特式之餘，配搭都無咁多款選擇，所以呢殊咁既價錢屬幾抵食當然要食過先知醬好香, 一定要好好利用~~落完單好快已有得食，有咩野正得過天下流流打邊爐丫好好奇咩叫臭臭鍋，聽就聽得多但真係未食過咩湯底味，所以，我點左個招牌臭臭鍋個湯底好特別，飲一淡開胃醒神，而且配料甚多，數埋一共有十幾款可揀配飯或粉絲我地一人點一樣唔同既分食臭臭鍋既臭豆腐味道唔算好臭，個人認為湯底岩岩好，配料多到甚至會出現食唔哂既情況，不過小弟係唔會浪費食物，晏晝又唔趕行程，邊坐下邊食，又爽

今日同朋友去尖咀試西裝，天氣好凍，試完都仲係晏晝時間，係呢度食埋野先番歸訓覺。朋友話食過呢間涮涮鍋價錢唔貴但味道唔錯既小店，又凍又餓就梗係二話不說入去食啦。入到去，望見第一個反應係，估唔到晏晝都幾多人打邊爐，真係估你唔到啊餐牌有成9款唔同湯底鍋物揀，寫好哂入面有咩材料，非常貼心。每個鍋可跟飯或粉絲，包保係飽肚之選。野食黎得好快，加上可能個鍋本身都夠熱，所以好快就滾，即時就食得喇最後我揀咗招牌臭臭鍋(因為隔離枱店左，食得好似好滋味咁。內裏配搭不同，好有特色且分量十足。個鍋入面仲好豐富，入面有娃娃菜、白豚肉、臭豆腐、台灣貢丸、米血糕、大腸、豬紅、沙白、鵪鶉蛋、蕃茄、榨菜絲、甜不辣等，好足料！都係好台灣特式既鍋物好味，個湯底係令人食上癮一路食一路飲，其實配飯會更一流，但因為夜晚仲約左朋友食飯，諗住點個粉絲感覺無咁飽肚，驚夜晚未落格食唔落，但原來事實係粉絲都好有飽肚感。仲點左D小食些牙食，台式香蒜香腸呢個好有台灣食店食過既味道，香腸好香好有油香，香蒜唔澀帶脆口，配夾香腸食中和到油脂感，爽脆口感好過癮炸花枝丸咬落去外脆內裡彈牙，外面脆卜卜好金黃，配埋個醬汁，香脆野幾時都係一流。飲品就揀左盆栽朱古