8鍋臭臭鍋 (金巴利道) (已結業)

好懷念台灣既臭臭鍋，見到呢間8鍋好評如潮，黎試試先！一共有9 款鍋物，每一款都包晒一堆配料，大胃口仲可以追加野食！我揀左蕃茄白豚鍋同臺式麻辣鍋蕃茄白豚鍋有娃娃菜，白豚肉，蓮藕，豆腐，粟米，雜菇，粉絲等等。超級多料，但湯底偏淡，唔係太重蕃茄味，其他配料都正常，唔會話特別出色，我尤其鐘意粉絲，索左湯超好味！另外麻辣鍋配料有娃娃菜，牛肉片，麻辣餃，米血糕，沙白，泡麵，豆腐等等。湯底比較油，飲唔到鐘意食辣可以揀呢個，比起蕃茄味惹味好多，我鐘意佢既米血糕，不過份量唔算多。著淺色衫特別要注意，因為湯底滾起會彈啲汁出黎，所以如果可以提供埋圍裙就更貼心雖然望落好似好大煲，但唔會話太飽，大食既人要追加野食啦

見OpenRice有好多正評台式一人一鍋又幾得意咁於是決定試吓啦，點知😩超級中伏呀🤦🏻‍♀️！叫咗四個鍋，全部個火都燒得好快要成日叫店員嚟換火🤨而且一啲都滾唔起，超廢，仲廢過吉野家！招牌臭臭鍋湯底陣味怪怪地，可能食唔慣蔥爆鍋同香蒜牛肉鍋就超清淡係麻油雞先有味，湯底唔合格👎🏻加個王子麵就已經$15🤷🏻‍♂️🤷🏻‍♀️跟鍋配料用嘅都係極普通而且唔好食嘅材料豬肉好嚡，一啲都唔值個個價錢💰🔨呢間冇下次🌚，食返吉野家算。好味指數：

天寒地凍就係打邊爐好時機諗返起以前係台灣成日食臭臭鍋原來香港都有呢間8鍋約埋女朋友收工就過黎7點半黎到已經排左好多人拎完飛要半個鐘先入得叫左招牌臭臭鍋同麻辣鍋 跟餐可以叫飯或者粉絲原來都幾大煲 材料好豐富有豬肉 豆腐 丸 菜 甜不辣等等最特別都係米血糕 講返味道就同台灣食既好似 話明係臭臭鍋食落會好大陣臭豆腐味 而其他食材都係非常接近台灣 唔係普通冰鮮野至於個麻辣鍋叫左小辣都太辣 如果小辣再分3小級就好好多另外呢到既飲品都幾唔錯叫左杯奶綠 有綠茶既甘味唔會得奶味

很久沒有去食臭臭鍋，今日出佐敦臭一臭佢先～午餐時間去都爆場，好彩唔洗排長龍，等咗5～6分鐘就有位入座了，不過今日人手不足，只有兩個人喺樓面，全包收錢執枱上菜落order，所以都等咗一陣先得閒落單，2個大人，1個小朋友㸃咗兩個迷你鍋：香蒜牛肉鍋同咖哩奶蓋鍋+一個普通麻辣鍋，配粉絲。大概十分鐘都已經有嘢食到，麻辣鍋其實怕辣都可以試小辣，個人覺得唔太辣，可以過下口癮，個王子麵一定要食，係推介，另叫就有D貴，要＄15，但就唔見咗豬紅在鍋了。而兩個迷你鍋比小朋友同女仔食啱啱好，唔會食唔晒，嘥嘢，如果怕唔飽，配飯就應該夠飽喇~咖哩奶蓋鍋都在迷李鍋之列，可以一試，D咖哩唔辣，淡淡咖哩粉，不太濃烈，有一層奶蓋在牛肉面，本身已經有粉絲同菜在鍋中，再配粉絲，索晒個湯，配料仲有魚旦丶魷魚同蜆肉，迷你香蒜牛肉鍋就無咗魷魚，但多咗一款魚丸，呢個唔辣，啱小朋友食，但要小心，切勿燙傷手仔～午市係有指定銀碼嘢飲配，可補差價轉款，特別一提，迷你鍋係一至五特定款，只做到下午三點，全日加一服務費，如果怕排長龍，下午去食都係一個唔錯選擇，仲平D~

每次夜晚行過都排到街尾，今次晏就黎食，果然無咁多人，仲可以不限時慢慢食！睇一睇餐牌發現好抵食！本來以為好貴，原來只係88蚊一鍋。我地每人叫左一個鍋。有位友人食滯左，揀左清清地嘅香蒜牛肉鍋，試一試啖湯，好勁蒜味！材料都好多，成盤就黎滿瀉。另一友人偏餓，揀左黑麻油雞鍋，個湯好香麻油味，而且好濃味。較特別嘅係有台灣麵線喺入面，第一次見打邊爐有呢種食材。至於我本來係食藥膳羊肉鍋，可惜未有，就試呢度嘅招牌臭臭鍋啦。揀左唔辣，湯底特別，原來臭臭鍋就係呢個味，入面嘅豬紅同大腸好入味，而臭豆腐真係好臭！另外再加左麻辣臭豆腐同安格斯肥牛，兩樣都係火鍋良伴，而且味道不錯！每個鍋加7蚊就可以有一杯細野飲，揀左奶蓋紅茶，奶蓋偏甜，但都解渴！

之前夜晚經過見到大排長龍，就諗住搵日晏晝食唔使排隊。星期日下午雖然唔使排，但都有唔少人食，果然係人氣食店。有九個鍋任揀，我就揀左黑麻油雞鍋，友人就分別揀左招牌臭臭鍋同香蒜牛肉鍋。我地另外單點左啲小食同配料。黑麻油雞鍋 - 味道清淡，麻油味唔夠重，食材好豐富，雞肉嫩滑，唔錯！香蒜牛肉鍋 - 好香濃蒜味，蒜控友人大推！招牌臭臭鍋 - 友人叫左唔辣，仍無損臭臭鍋嘅「臭味」😆臭豆腐無經油炸，好特別！一人一鍋，各自打理。每鍋都跟一個主食，我地都要左粉絲。為左防止粉絲發漲，煮左一分鐘就上碟，少少爽好食好多。追加豬紅，本身已經煮熟左，少少辣好惹味！追加安格斯牛肉片，好香牛味🧡追加花枝丸，彈牙！臭豆腐真係好臭，同埋有啲辣。

今次唔試有臭豆腐嘅臭臭鍋，轉試其他湯底，所以我地食嘅係唔臭嘅臭臭鍋😋 本身以為好爆場，點知晏晝嚟唔需要等位就可入座了。 湯底選擇比預期多，今次我哋選擇咗芝士牛奶鍋加粉絲。可能食材比較重味，所以對比湯底感覺較淡味。但喺食粉絲（要淥耐啲）就索哂湯底嘅味😋 材料份量十分多，我自己就比較鐘意麻吉燒、台灣貢丸同日本南瓜。麻吉燒煙紉，食落好Q彈。比較有驚喜嘅喺我放咗南瓜喺最後食，但喺冇煮爛之餘入味而淋身。 不足之處喺白豚肉，建議湯底一滾起就立刻食／放埋一邊。因為份量較多，本身打算慢慢食，但喺已煮得過耐變老。 跟餐飲品叫了檸檬冬瓜茶，蠻好飲的。 份量味道與價錢成正比，唔怪之得好評咁多😋

又係去tst行街既時候，今次愈行愈入經過橫街既時間見到呢間餐廳有咁多人排隊，又見行到餓餓地就決定等位等左一陣7點左右就有位啦！呢到係主打台式一人一鍋，有超過8款既鍋底比大家簡，我相信實有一款岩大家既。我同朋友簡左2隻完全唔同style既鍋底:芝士牛奶鍋，同埋呢個酸辣羊肉鍋。呢個芝士牛奶鍋正呀，好重既芝士味不過我嫌佢既牛奶味唔太濃，可能因為本身個鍋就有好多唔同既肉同丸去煮，可能係咁就沖淡左本身牛奶既味道。而我最中意呢個鍋入面既蛋餃，佢又唔係雲呑又唔係水餃，似係台灣特產黎，佢既皮好好咬口而入面既肉汁都好濃每咬一啖都有啲肉汁流出黎咁，所以最後忍唔住嗌多左碟🤤而酸辣羊肉鍋既羊肉就真係好好食，不過對於重口味既我就嫌佢唔夠鹹，好彩每張台台面都有醬料比你隨便溝🤭最後我地仲眼闊肚窄咁樣嗌多左一碟蟹子丸，麻吉燒同炸花枝丸仲有頭先既蛋餃，每碟6粒，結果食剩左少少搞到我地有啲浪費😞不過真係好好食又唔貴，下次行過可以再去食！

星期五去尖沙咀食飯，唔知係咪就打風嘅關係，我見好多餐廳都坐唔滿。唯獨呢間真係要排長龍，已經都八點幾都仲有好多人喺門口等位。之前聽朋友話幾好食，於是去試吓啦。當晚我叫左招牌臭臭鍋，配粉絲（可以揀配飯），等左大概五至十分鐘就上鍋，都算快，而且大部材料都熟熟地嘅狀態，感覺煮番熱一陣就可以食得。賣相好吸引，配料堆到好滿，湯底蒜頭味唔會太嗆。牛肉片，一開始係半熟既，個湯一滾起就食得，每片都好大片好長，肥肉唔多，好厚實既滋味。一點也不臭，食完又係超飽肚又滿足嘅一餐！

台灣版吉野家當然有台式既臭臭鍋 無論味道 份量 同材料 都好過快餐店啦一個鍋入面對配料都有好多款 就算唔鐘意食臭臭都無問題既因為佢有好多其他唔同湯底選擇同埋坐係到唔會話成間餐廳都係臭味

尖沙咀有好幾間一人一鍋台式火鍋店，其中以《8鍋臭臭鍋》開業年期最長，水準亦較高。雖然現在已不像兩年前新開時長期要排隊，不過店內人流都算絡繹不絕。火鍋共有九種款式，小食選擇則不算太多。每個套餐都配上一碗白飯或粉絲，可加錢轉成魯肉飯。餐飲則要分開另點，不設套餐優惠。招牌臭臭鍋用料豐富，包括：娃娃菜、白豚肉、臭豆腐、貢丸、米血糕、大腸、豬紅、沙白、鵪鶉蛋、蕃茄、榨菜絲、韭菜、金針菇、鳴門卷、炸支竹、粉絲。Coffreestains 試了友人的湯底，果然有豆腐發酵後的特殊氣味。吃了一件豆腐，比起港式的炸臭豆腐味道更濃烈，不用蘸醬已經很美味。蕃茄白豚鍋則以蔬菜為主， 除了白豚肉和鳴門卷外，其餘佐以豐富素材，如：娃娃菜、豆乾、蓮藕、蕃茄、粟米、香菇、凍豆腐、青豆角、金菇菜、炸支竹、粉絲、椎山、木耳。蕃茄湯底非常濃郁，並帶甜味，該是加入了茄膏淆湯底。蔬菜配料與蕃茄很搭配，雖然每款材料只有2、3件，但吃完隨餐附送的粉絲，也覺得飽飽了。芒果鮮奶冰沙份量十足，味道亦不俗。不過沙冰冰感較重，不時還會喝到些碎冰粒，若能打得細滑一點更好

最好食嘅一間一人一鍋💗位置就腳方便，店內採用木系精緻裝潢，吸引不少年輕人幫襯。主打台式風味，既有特色台式飲品，又有惹味台灣小吃。許多一人鍋店都要求客人一人一鍋，但這裡容許兩人開心 share一鍋，夠晒溫馨。一個鍋的價錢大約是$80至百多元，算很抵吃

之前去台灣食過台式臭臭鍋，一路都念念不忘。聽朋友介紹尖沙咀開左間專食臭臭鍋嘅餐廳--8鍋臭臭鍋，係時候要去懷緬一下啦！今日天氣有少少轉涼，激起左我想食辣嘅意慾，所以今次挑戰臺式麻辣鍋，仲要係食最辣辣度！再另外叫杯芒果鮮奶沙冰，等我一時衝動都有番杯凍飲補底～醬料係三款常見調味料，鼓油、蒜泥、沙茶醬。店方都幾有心思，講左最佳比例(3+2+1)，等唔識嘅人可以依法炮製，亦可因個人口味自行調配，每個人都可以食到自己鍾意嘅醬。芒果鮮奶沙冰先上，好有台式飲品嘅特色（尤其包裝），沙冰口感唔錯，芒果味有D淡，不過飲得出係唔想搶牛奶味，整體上幾清新，不過不失。等左一陣，火鍋一出現係我眼前就知道今次不得了，只能用四個字形容--鮮血沸騰！鍋內紅到好似用辣椒油做湯咁，更誇張嘅係淨係蒸氣已經攻到我流眼淚，唔知係感動嘅淚水定係後悔叫太辣嘅淚光呢。麻辣鍋配料十足，多到差d 裝唔哂，淨係講擺盤都十分有氣勢，夠疊馬丫嘛。有娃娃菜、凍豆腐、金菇、炸枝竹、青豆角、牛肉片、麻辣餃、甜不辣、魚蛋、豬紅、沙白、米血糕、大腸、魷魚圈、泡麵、嗚門卷，另外我加左碟牛肉片同粉絲。整體而言麻辣鍋水準十分唔錯，辣味勁道十足，配料比我預期更多

今天下午兩點多用餐到一半時發現鍋裡有玻璃碎片同桌的兩位友人嚇到趕緊問店員是什麼東西店員第一時間急著毀滅證據立刻把玻璃碎片拿走然後才說要換一鍋就算再換一鍋也不敢吃了於是拒絕換一鍋之後店家完全沒有任何的道歉跟誠意很失望的一餐這種衛生跟態度不值得再次消費

未試過食台灣1人火鍋 就諗住一試試間最出名嘅 點知希望越大失望越大 百幾蚊個火鍋但係完全唔知食緊乜 諗住價錢都唔平質素唔會差得去邊湯底好奇怪 就算係最簡單嘅餃子都是爛的 不會再去