90s Lazy (已結業)

生日當然要慶祝吓，有朋友話荃灣新開左間cafe打咭一流，好好食又好好坐，所以就去試下😍晚市有晚餐set，包埋飲品都幾抵。不過我和朋友想食其他，menu 有好多選擇，我有選擇困難諗左好耐🤣🌟明太子蟹肉忌廉意粉：好好味，開頭驚有啲漏，但好OK，鹹鹹地有啲鮮味，意粉唔會太腍，好食👍🏻🌟黑松露帶子忌廉意大利飯：又係忌廉😂不過亦都唔漏，黑松露好香，帶子質感很好，意大利飯唔會太硬，同意粉係另一個味道😋🌟全日素食主義：第一次食全素嘅all day breakfast，賣相超靚，味道又好好，特別牛油果好食，個大啡菇亦好juicy😍🌟朱古力心太軟配雪糕：當生日蛋糕，朱古力偏苦，但夾埋個雪糕就啱啱好👍🏻勁流心，正！🌟抹茶鮮奶咖啡：好飲，個拉花都好特別🥰環境好靚，氣氛好岩傾計，跟朋友暢談了一晚🎉

係荃灣行左半日唔知食咩好，係商場水牌見到呢間好似幾特別於是黎試試去。入座後發現餐廳播住7-80年代既日本音樂，放滿左黑膠唱片封套，裝修感覺有日本洋食屋既感覺。至於食物呢，選擇係pizza、意粉、燒雞、牛排等等既西餐野食。最後選左燒雞同比目魚。燒雞準備時間比較耐可以理解，不過比目魚都等左比較耐先上菜。食物味道算係中規中矩，份量都適中。食到咁上下就想點埋杯餐茶啦，由於唔想飲茶啡，而佢又勁大罐阿華田放左係到，所以就諗住叫杯凍華田。點知店員話我知呢到係無華田的，比左drink menu我再選。好戲黎喇！店員又好mean咁加句「呢到唔係茶餐廳。」可能店員會覺得係呢間裝修風格咁洋風既餐廳叫華田係搞事，但佢有冇需要咁講野呢？（而餐廳又咁大罐華田放左係到？）最後叫左「凍柚子蜜」，味道好淡。建議餐廳可以加返華田落drink menu啦（笑）。想講，其實培訓員工方面真係可以落返d功夫，員工既態度絕對會影響用餐體驗，做唔好就浪費左咁好既裝修同唔差既食物了，可惜。（餐廳放既呢罐，係用黎做甜品，定係員工私伙野呢？）（埋單$400鬆d，唔貴但亦唔平。）

之前係旺角食過呢間90s Lazy，感覺都不錯，難得荃灣呢到新開，吸引到我地黎一試😜入到去環境乾淨企理之餘，佈置亦放左吾少心思，每個角落流露出「昭和」懷舊風情，好特別。黎到menu,食物及飲品款式亦相當之多，真係眼花撩亂😝樣樣都好吸引，而佢呢度個dinner set 真係好抵食最後我哋揀左以下款式：✨Snacks💮水牛城雞翼$62雞翼好香脆，水牛汁滲入哂落去，非常惹味，鹹香十足。💮墨西哥雞肉烤餅 $72一咬落去雞肉份量好多，啖啖肉，慢慢會feel 到啲辣味慢慢滲出黎，裡面有啲芝士中和左啲辣，所以其實個辣度係可接受，旁邊仲有個酸甜汁可以加埋一齊食，呢個真心好食有驚喜😋✨Dinner Menu+跟餐送是日餐湯 及 餐飲轉特色飲品半價 （不包括酒精飲品🥤）💮羅宋湯💮蒲燒鰻魚炒蛋漢堡配薯條 $88Burger 真係好大份，見到鰻魚都幾大條，炒蛋仲要係滑蛋，仲有生菜既爽口，一齊食口感非常之好🤗薯條炸得好脆呢！旁邊仲有吾少沙律菜，仲落埋黑醋汁，好好味又新鮮👍💮鮮鴨胸蕃茄菠菜長通粉 $98鴨胸煎得剛剛好，肉質好粉嫩，通粉吸收哂鴨胸既油脂香，再加埋蕃茄菠菜香菇洋蔥炒埋，食落真係好開胃🤤💮特色飲品- L

荃灣係另一個多嘢食嘅好地方~我覺得最正嘅係佢啲商場嘅泊車優惠🚗而且比起銅鑼灣易搵位好多🙌🏻今次就去咗呢一間好有昭和風嘅餐廳🥰好鍾意佢啲擺設，特別係佢啲燈（所以我專登影低咗，覺得好靚😍）Menu嚟講都算有幾多選擇，有set menu可以揀，唔一定要單點✨不過我哋想食嘅嘢都係喺A la carte menu🙈包括有：💛啤酒薯條配黑松露醬呢個薯條有驚喜🍟佢食落係似fish n chips嗰種口感，勁脆！💛鵝肝牛肝菌意大利飯牛肝菌係我最鍾意嘅菌類之一，陣味好獨特，而且同有脂肪香味嘅鵝肝好夾💛明太子蟹肉薄餅比較少食日式口味嘅pizza，所以今次點咗呢款，餅底係薄脆底，明太子都幾多吓😚我本人幾鍾意，感覺冇傳統pizza咁滯💛Oreo窩夫窩夫入面係有麻薯餡，我自己就覺得正常發揮，可能我唔特別愛食甜品🤣但又想味覺刺激上可以平均啲，如果畀我再揀會想食多份鹹點類小食💛熱情果smoothie+抹茶Latte飲品嚟講，熱情果可以中和rissoto嘅油膩~而無糖嘅抹茶Latte襯甜品食幾夾

Signature Lazy Breakfast Set🥓🥐🍳🥗Happy Friday 食返個超豐富既All Day Breakfast差下電都唔錯，份量非常大份，2個女仔都食唔晒，包括沙律菜、番茄、牛角包、肉腸、炒蛋、薯角、茄汁豆、煙三文魚、煙肉，煙三文魚同腸仔都唔會過鹹，薯餅炸到金黃色脆卜卜，炒滑蛋有牛油香！抵食啊👍🏻👍🏻白酒煮青口🍲青口大大隻，新鮮肥美，味道很鮮甜！食一啖愛上！Oreo Waffles 🍨🧇甜品當然最後登場，waffles 入面有麻糬架😍烘到外脆內軟有口感，配埋Vanilla 雪糕同Oreo餅醉好Match!💗Expresso Matcha Fusion🍵超濃郁抹茶味，奶泡打到好滑，不錯！麝香葡萄乳酪冰🍸賣相勁靚勁打卡able，提子已經剝晒皮甜甜的好好味😋勁好飲😍

餐廳採用日系復古風格。黑松露雜菌長通粉意大利長通粉搭配黑松露及雜菌，味道十分鮮美濃郁。麵條Q彈有勁，吸滿了濃郁的松露香氣和菌菇風味。鵝肝牛肝菌意大利飯意大利飯色澤金黃，飯粒飽滿，入口柔軟綿密。鵝肝與牛肝菌的組合，為飯菜增添了層次和香氣。鮮忌廉雜果班戟精緻的甜品以班戟為基底，鋪陳了各種新鮮水果。忌廉的清爽酸甜，與水果的甜美多汁完美融合。每一層都恰到好處，口感層次豐富。柚子蜜柚子蜜口感醇厚，酸甜適中。Pineapple Jasmine Tea鳳梨茉莉花茶清新怡人，別具特色。茶色淡黃透明，散發著濃郁的茉莉花香。入口柔和細膩，帶有鳳梨的清甜。

今日返工好忙，放工想chill下~見到呢間新開嘅復古日系cafe，有種療癒嘅感覺~仲有set dinner,日頭喺其他cafe食都唔止呢個價錢，所以都幾抵食~🔹雜菜湯🔹 絕對唔係菜頭菜尾湯，睇到粒粒公整嘅蔬菜粒~用心嘅健康好味道~🔹蒲燒鰻魚炒蛋漢堡配薯條 🔹好大條鰻魚~好香甜嘅包~好夾嘅配搭~🔹美國安格斯肉眼扒（10oz） 🔹牛魔王嘅我地，一食就知龍與鳳~呢塊牛扒唔錯~🔹麝香葡萄乳酪冰🔹打卡之選~剝咗皮嘅提子波波，好香嘅提子乳酪冰底，當甜品食都得~

睇完九龍城寨行下千色搵野食一向鍾意木頭🪵舊建築睇完更加想搵啲舊風格既餐廳 🍴咁啱經過呢間90s LazyOpenRice睇下原來係昭和風menu都未睇就走左入去🤣一入去坐低已經開心左😆好多木頭野😍紙巾仲係貓貓樣🐱張凳仲好舒服🪑再望下menu 📜個期間限定飲品menu好吸引🍸焦糖爆谷咖啡冰🧋菠蘿夏日茉莉花茶🍍麝香葡萄乳酪冰 🍇最後揀左麝香葡萄乳酪冰 🍇飲到食完餐飯都仲係凍仲要啲冰溶左都唔會淡味好香乳酪味同好多粒提子玫瑰鮮奶咖啡 ☕️🌹咖啡香滑味道比例好咖啡唔會酸之餘奶味香玫瑰花味同咖啡苦味中和左佢仲有薑汁味想試埋😂牛油果田園沙律🥗菜真係唔需要太花巧加少少醋新鮮就已經好好食👍🏻明太子蟹肉pizza 🍕好香明太子味蟹肉都夠食食下發現原來都好多明太子 🤴黑松露帶子忌廉汁意大利飯🥘🥄配得啱啱好帶子鮮嫩多汁最緊要個飯唔會過咸👍🏻

一直都想試呢間發現荃灣開左分店黎試下😄Lunch menu都幾抵食！照燒雞扒烏龍麵 $62烏冬彈牙，湯底濃郁豬骨味照燒雞扒好滑😄雜菌湯 +$15好香濃菇菇味😄沙律 +$15沙律新鮮而且好大碟👍 欣賞呢到係用黑醋油醬😄熱latte +$22有海馬拉花😍😍奶打得幾好，飲落夠滑💛Tiramisu $68 Tiramisu好大份！！！cream打得幾輕盈，唔會漏😆❤️Lady finger 浸滿咖啡味，正😆

🎪 90s Lazy (荃灣)荃灣眾安街68號千色匯3樓3012號舖🌟烤雞肉鮮茄意大利飯 $98✨法式鵝肝+$50烤雞肉煎到金黃色，好香脆，雞肉嫩滑多汁。鮮茄意大利飯好濃郁，粒粒飯都掛到醬汁，味道略偏鹹，配埋是日餐湯和飲品就剛好～飲品可以免費配生薑茶、柚子蜜等，幾有心～🌟香辣炸雞翼$55雞翼有四隻，全部都大大隻，炸得超級香脆，讚👍多汁嫩肉，配上甜酸醬，夠晒滋味😋🌟鮮忌廉雜果班戟$128班戟有五塊，好有飽足感😆有擺盤岩打卡用📸配料有士多啤梨和雜莓，中間超多忌廉，班戟表面脆脆的，質地不厚實，入口有蛋香～🌟Ginger Latte $46/ Mango Smoothie $45跟套餐仲可以半價架～咖啡拉花好靚！🥰

荃灣千色店3樓既新面孔既日系coffee shop!!全店都啡tone為主 播住日文歌 好relax ~~魷魚墨魚汁意大利粉🍝香濃既墨魚汁掛上每條意粉 食落每條意粉都彈牙 而且用兩款粗幼意粉一齊煮 有雙重口感 推介👍🏼香脆徳國鹹豬手🐷賣相已經吸引眼球 咬落去塊皮好脆口 肉身夠淋同香 半肥半瘦 好香口 味道都相當出色👏🏻份量不少 兩三個人share食岩岩好 必試～Latte☕️咖啡濃度適中 口感香滑 拉花精美🫶🏻土多啤梨奶昔🥛土多啤梨味夠濃 加埋土多啤梨醬係杯邊 賣相滿分♥️90s Lazy (荃灣)荃灣眾安街68號千色匯3樓3012號舖

星期六夜晚只有3枱左右，我地叫左拿破倫意粉同鵝肝飯，凍朱古力同薄荷朱古力咖啡～杯薄荷朱古力咖啡等左好耐都未有，吹佢先話依家整緊，其實就唔記得左整，食完個飯等左陣先有野飲⋯已經係唔多人嘅時候都可以等咁耐～員工真係貫徹咗90後懶惰嘅精神食物都可以嘅，但薄荷朱古力咖啡幾乎飲唔到薄荷味～之前食過旺角店各方面都唔錯先會想再去荃灣店，但呢間新開分店就真係麻麻，唔會再食第二次～希望呢間分店員工質素可以改善一下～

叫左個鰻魚漢堡， 跟餐有餐湯同薯條，仲可以半價叫特色飲品，都好飽。 我地叫左杯芒果奶昔， 賣相唔錯，但唔係好夠芒果味。仲叫個明太子蟹肉pizza ， 薄批尼， 賣相好靚， 兩個食超飽

餐廳新開冇耐，主打西式餐點同甜品，裝修環境整潔企理，空間感夠大，坐得舒服，用餐體驗唔錯龍蝦汁軟殼蟹意粉：軟殼蟹質素好有驚喜！蟹夠大隻，挺身厚肉，咬落啖啖肉既軟殼蟹真係買少見少炸粉夠薄唔會食到油冧冧，口感好好，入味多汁，一流！意粉掛汁彈牙，味道岩岩好👍香辣蒜片蜆肉意粉：蜆肉份量都唔錯，起碼有10隻8隻，意粉都入味既，唯一美中不足係蜆會連殼同意粉一齊炒，令蜆殼容易破碎，食既時候要比較小心先得😬芝士煙肉薯條：食得呢樣都知重點一定係芝士，呢度落芝士醬一啲都唔孤寒，基本上所有薯條都黐住芝士，而薯條炸到好脆，愈食愈上癮抹茶朱古力：杯面鋪滿朱古力粉同抹茶粉，味道主要為朱古力味，入口後會散發出抹茶既茶甘香，係幾match既配搭👍玫瑰鮮奶咖啡：啡味好濃，飲落都幾醒神，加埋拉花，打卡一流😂tiramisu：又一驚喜之作！睇menu幅圖估唔到佢係咁大份，大大舊既tiramisu上面鋪滿咖啡粉同咖啡豆，令到個啡味更有層次，啲cream唔會話好漏，就算本身已經好飽都清曬碟😋

90s Lazy (荃灣)荃灣眾安街68號千色匯3樓3012號舖1.麝香葡萄乳酪冰：這款 smoothies 非常清新，口感順滑。麝香葡萄的香氣與乳酪的濃郁味道完美結合，非常開胃。2.焦糖爆谷咖啡冰：這杯冰咖啡帶有焦糖和爆谷的香甜口味，非常特別。咖啡的濃郁與爆谷的酥脆相互襯托，給人一種獨特的享受。3.牛油果煙三文魚薄餅（羅勒青醬、牛油果、煙三文魚、芝士）：這道薄餅給人一種豐富的口感和層次感。牛油果的鮮味、煙燻三文魚的香氣和芝士的濃郁完美融合在一起，配上羅勒青醬，味道更加香濃。4.黑松露雜菌長通粉：這道長通粉搭配黑松露奶油醬非常美味。雜菌的鮮香和黑松露的獨特風味相互襯托，濃郁的奶油醬使整道菜更加滑順。5. 加配沙律加配法式鵝肝（40g）：這道沙律搭配40克的法式鵝肝非常豪華。新鮮的蔬菜搭配上濃郁的鵝肝，口感豐富而且味道令人滿足。