A La Maison Restaurant & Bar (已結業)

揀個地方慶祝生日, 找到了這間法國餐廳, 一入門口就見到黃先生, 真係幾令仔喎, 好親切!睇左menu好耐, 終於決定到食咩東東。一個黑口黑面的哥哥來下單, 好像唔想做, 令人感覺好差! 全程黑口對住客人, 真係令人好唔舒服。生日流流要睇人面色, 點解要咁呢??我們看著中文menu點菜, 佢係都要講英文, 仲好似好不屑我地講中文, 又何解呢?? 唔洗咁呀麻…….! 不過其他既員工都好友善, 算吧。講返食物, 水準不錯!啤酒不夠凍啊!呢個焗蠔非常好味, 好香!!睇之前D COMMENT, 話龍蝦湯好鹹, 不過呢晚好味喎, 又香又濃!牛面頰薯蓉, 都好YUMMY!其實除左那位黑面店員之外, 整體感覺都好不錯。見佢地8點時都差不多已經FULL晒。先有人WALK IN都冇位了。有機會都想再來試午餐或下午茶。^^　

跟好耐冇見的朋友相聚, 在大時大節, 又驚鬧市既餐廳冇位, 醒起呢間餐廳食物好味, 又坐得舒服, 所以再唻。叫咗個3 courses set dinner再加個帶子意大利飯。前菜有鵝肝頭盤用左蘋果蓉襯托,香而不膩; 主菜香草煎羊架,羊味不羶,咬口好有質感,喜愛香草面鋪得滿滿的。最後還有甜品-心太軟,不過較的骰,好像在超市買雪藏在家制的樣子,如果大啲名貴啲, 不過味道也不錯。服務生的態度好好。環境優靜,有情調。

已經不是第一次來吃飯，今日正值生日，繼續選擇呢度作為慶生地點。經table map book位及準時到達，侍應哥哥很貼心安排了四人餐枱位，因為我呢個大肚婆真需要舒服少少。點了set dinner，因為選擇多價錢又合理。我㨂左兩個courses，老公㨂左四個courses。前菜casear salad沒什麼驚喜，不過不失。跟住到湯，洋葱湯保持一貫水準，熱辣辣之餘，味道非常可口！反而老公個龍蝦湯偏鹹，可以淡返少少！ （跟湯上既包非常好味）到主菜上場，我個rib eye steak七成熟，真係足300gram，份量好大。伴菜有我喜愛既火箭菜同埋個薯蓉球非常好味！rib eye steak軟熟又有牛味，我真係成份食得晒！不過因我一人食二人份量，建議女士可能要同人share！老公個朱肉反而有少少鞋，但都好好味，而且份量超大，啱晒男士！是晚最開心係個vanilla souffle，其實佢甜品有成十幾款選擇，平時我每次都係叫心太軟，今日改試梳乎里，哇！！！好好味！ 熱之餘又香甜，又不會過甜！一個人食都啱啱好！老闆仲好好人打左個折比我，所以下次會繼續encore！

我地一行4人, 星期日7:00PM 到達見一個人都無都心知不妙, 坐低15分鐘水都無杯, 要叫先有, 其實一台客都無既時候係咪應該主動D呢!我地叫左4個餐, 3個係FULL SET, 有頭盤, 有湯同甜品. 首先個龍蝦湯....咸到不得了, 但佢地話已經無落鹽. 頭盤要左鵝肝同田螺, 味道都可以. 主菜有BEEF CHEEK, RIB EYES STEAK, 同SEABASS. 最好應該係個BEEF CHEEK, 但其實都係一般, 個RIB EYES 勁多筋, 起碼有1/3 都無得食, 而個SEABASS係最難食既, 佢有D龍蝦湯浸住3舊SEABASS, 似龍蝦湯烚SEABASS咁...攪到條魚無味又鞋.甜品叫左Warm Chocolate Cake, Apple Tart & Soufflé, 甜品OK埋單差唔多$2,000, 每人要$500, 但咁既質素真係唔抵同唔好食囉! 應該唔會再有下次!

星期日晚約了朋友晚餐，今次係第一次惠顧。門口以及餐廳內裝修都不錯，第一印象幾好，因客人不太多，約有五至六枱客人，環境氣氛頗寧靜，大廳有幾張長形皮梳化，高度深度都很適中，坐得幾舒服。Happy hour 由6點至8點，house red買一送一，只不過$70，平均每杯$35，抵!我和朋友兩個，order了兩個set share。其中一個set，加$80可跟湯和甜品。頭盤 : 雞胸凱撒沙律，煎鵝肝(需加$58)湯 : 洋蔥湯主菜 : 羊架($368)，碳燒豬扒($298)甜品 : 薑汁梳夫里頭盤中規中矩，無甚大驚喜，還好不是鵝肝醬，但略嫌鵝肝不夠甘香。洋蔥湯還好，香味濃郁，傳統法國味道。羊架有三件，肉質非常嫩滑，一點羊羶味都無，應該係靚料，唔錯! 至於碳燒豬扒，厚度十足，同樣肉質非常嫩滑，用蜜糖芥末做汁料，味道不算濃烈，但恰到好處。至於梳夫里是朋友點的，我無食，所以唔太清楚，外表睇落都唔差，據朋友講有薑味，幾好!總的來說，食物質素唔錯，頗接近法國地道口味，味道較清淡，不是單純只為刺激你味蕾。如果有時間的話，在這裡消磨兩三小時也不為過。

龍蝦湯太鹹，蕃茄Risotto好鹹，水準一般，失望和不值這價錢！虎蝦冇咩難度，但蝦頭既羔好生，唔熟，唔敢食。鵝肝當然可以，但可再香D。心太軟最合格！反正就是失望，不會再來！

在炮台山上班的日子，隔半年就會想到這家餐廳來個午餐，今次也不例外，話說Wing的公司要搬了，便在搬公司以前專程來到這裡吃個午飯，以作最後的懷念啦~這是男藝人黃長興開的法國餐廳A La Maison Restaurant & Bar~跟港鐵炮台山站大概十分鐘路程吧~平日午餐一定要預約的啦，今次心血來潮來到這裡，湊巧有張吉台，要不然就摸門釘了，真幸運喔~~餐廳其實也蠻大的啦，地方算是寬敞的說~先來跟餐的麵包啦，這個麵包暖暖的，超軟熟啦，假如有黑醋跟橄欖油的話，相信這一定是更高的享受啦~跟餐的聖誕沙律，菜有夠新鮮的，加上可以先弄破波蛋，把讓菜浸淫在蛋香當中，又或是先享受這隻新鮮的波蛋，也是味覺的一大享受喔~栗子黑松露湯，栗子味很濃郁的，湯又夠幼滑，加上有點點黑松露的點綴，而黑松露的香味就讓整個湯更好喝啦~燒三文魚柳配檸檬意大利飯($138)蒲端上台就聞到很清香的檸檬味，廚師在三文魚上灑上檸檬皮，讓檸檬的感覺更真實啦。至於意大利飯裡面又是充滿了檸檬的味道，平日吃這種主菜很快就會被意大利飯的醬汁弄得飽飽滯滯的，今次加上檸檬之後，味道清新，完全沒有飽滯感啦~所以他很放心地把整個飯處理掉~XD香煎火

因為黃長興開而來吃生曰飯，一入到去覺得環境好浪漫，有餐廳服務生帶我地去餐廳的一角坐，由於本人 的英文水平低所以要求餐廳服務生為我們介紹全英文的餐牌。 餐廳由6點至8點係happy hour 我們一行四人點了2種相同的飲品及叫了3個餐一個甜品，我們當初要求服務生在上甜品時一同連蛋糕上，但是他們的工作慢仲要將我的生曰蛋糕未吹蠟燭已經將佢一開四唔知想點好無內。餐廳到了8：30都不是全場滿坐，結合所有地方後覺得下次唔會再去

剛好和朋友經開炮台山，上網見到有間好有特色的法國餐廳所以黎試下餐廳位於木星街，唔難搵因為附近食店不多～到門口己經放左是日 Set Lunch♥價格相對於地點來講係貴左少少，但都冇影響到我地選擇（裝潢得有點歐陸式好寫意♥♥♥）好快就已經安排左入我地各人order左main course 1) Fish n chips2) Carbonara其實呢2款食物出面好多地方都有得食，但對於正宗法國餐黎講會唔會有Ｄ唔同呢除main course之外仲可選餐湯(2款) 或者saladsalad比想像中大碟，好新鮮而且面包粒都好脆♥唔飲餐湯都會配上牛油法包，其實食晒呢幾塊都已經飽左３成再來就到我點選的Carbonara了份量都不少喔～而且好重芝士好creamy♥而朋友所選的Ｆish n chips份量都好多，兩大片魚柳好鬆脆，魚肉唔會太乾！食到差唔多，我地就order甜品了有4款選擇♥其實已經好飽，但一講到甜品冇理由唔試朋友選了士多啤梨奶凍，好好味口感好Ｑ唔太甜．．．讚而我就選左法式焦糖燉旦我可以好肯定，呢個燉旦真係冇得輸．．．一向食開燉旦的我，真係未食過咁好食！口感唔會好淋之中好Creamy而且重奶

昨晚三個女孩子相約到此吹水！一入餐廳，有驚喜！裝修很有格調，用來拍拖環境亦夠浪漫！吹水簡直一流！而且，我欣賞它播的歌，不是一味的cafe jazz, 有些blue jazz and others，真不錯！講返食物。基本上都非常okay, 除左個main course 。首先講個湯，應該要選洋蔥湯，夠厚身濃馥！芝士夠軟綿！龍蝦湯雖然有很多料，但不夠creamy，有點失望！前菜同麵包都好好味！有高級法國餐應有的水準！讚！麵包外脆內軟，不是一味的死硬！我喜歡！先說甜品，餐後甜品也很正！我叫的是甜橙酒pancake, 朋友叫的是心太軟！兩款都好正！尤其甜橙酒pancake，伙記會在你食之前表現一番！將橙酒點著火再倒到pancake，著哂火咁！當表演睇都型啦！兩款甜品都達標！法國餐水準！最後去到main course，真的有點失望！當你食左好多都好好味時。突然有一樣反差太好！縱逢不是大錯！但也真的好狠狠的比下去。我們的main course 就是這樣！牛朳唔夠juice, 羊朳唔夠嫩！但牛cheek 就好多！不過，女孩子一般去到main course 就飽到上心口，只夠quota食甜品！基於其他

為了减低我既post holiday depression syndrome XD, 去食了個廉價法國菜lunch~~前菜: 西洋菜忌廉湯好有中式西洋菜豬骨湯feel, 可惜唔夠cream太稀了, crouton又太硬, salad一般Main course:- Deep fried cordon Bleu: 吉列雞胸醸芝士, 估唔到個雞胸幾滑又多汁, 叉一拮Ｄ芝士即刻流哂出來, 加上火腿片既鹹香令味道多点層次, 最緊要係食完都唔覺油膩~~good good! Side dish既薯條夠味但太幼不是我杯茶~~Prawn risotto in ink cream sauce: 試了一啖, 夠creamy但又唔会太杰, ink risotto來説一定比中環那間fofo好吃(贵加鹹到似飲海水, 果真一試難忘-.-), 略嫌墨魚味唔夠濃, 還有唔係prawn係shrimp, Ｄ蝦唔大隻的~以这價錢來説中規中矩吧~~Dessert: 同事1号在我的威迫下叫了不一樣的甜品XD caramel cake not overly sweet yet the caramel flavor is quite

知道這間餐廳已久, 趁今天放假, 終於和媽媽去吃個午餐~因為餐廳附近也多寫字樓, 所以我先打去訂枱, 待應說已剩下門口的二人枱了, 沒所謂, 照殺~餐廳地址雖是在天后, 但其實較近炮台山地鐵站, 在一條橫街內.幸好我們有訂位, 我們坐下不久, 餐廳到滿了~門口有午市餐牌, 但只寫英文, 幸好坐下後的餐牌有中文~ 午餐選擇也不少~午餐有一個湯或沙律, 一個主菜, 一個甜品和餐茶.媽媽點了南瓜湯, 主菜要羊扒我則點了雜菜湯, 主菜龍脷柳他們的餐都是已定好配菜的, 羊扒一定跟薯蓉, 牛扒一定跟薯條. 如要轉好像要加$5餐前的法包很好吃, 外面脆, 入面煙韌. 南瓜湯很濃郁, 雜菜湯則稍嫌稀了一點.兩個主菜的賣相都很吸引~ 也很好吃!最驚喜的是甜品也有四款可選, 今天有朱古力慕絲, 紅莓芝士蛋糕, 綠茶奶凍, 和雪糕.我們點了頭兩樣, 甜品的賣相十分吸引, 不像一般西餐廳的甜品, 讚!兩個人連加一也只是$230, 以這個質素來說, 可以說是超值! 值得推介!

恰巧是同事在職的最後一天，又是新同事加入的第一天，所以來到這間這麼有特色的法國餐廳。先來的忌廉湯味道不錯，只是咸了少許。而主菜的Risotto就軟了一點，不夠口感，如果乾身一點會好些。最後仍是最欣賞這裡的甜品，這次是橙酒煎餅。單看外表有點像pancake，而這一款因為加了橙酒味道濃很多，但不會醉人，也沒有酒的苦味。最有趣是放在上面的橙一點都不酸，很美味。

29.6.2013這天下午要陪好姊妹去聽佈道會, 於是這天的午餐, 就突意來到這法國餐廳, 吃一個悠閒lunch. 一如其他食家所言, 這裡甚有歐陸feel. 店內燈光不足, 加上門外的陽光也未能好好地透射入來, 所以相片的效果就不太好了.好姊妹不太肚餓, 所以和我share一個set lunch, 另外再散點一個心太軟. 這個的set lunch內容豐富,有餐包, 餐湯, 主菜, 甜品和餐飲. 這兩片餐前麵包, 單看外表已知道不是我杯茶. 麵包的邊邊不是脆的, 反而好韌, 就連麵包裡面也是韌的. 對於麵包, 我只愛脆或淋的款式, 如果兩者皆不是, 就會好像今次, 放棄便算.還未讓舌頭接觸這碗甘筍忌廉湯前, 我的鼻子已聞到湯中傳來濃郁的甘筍味了. 橙色的湯內, 每啖湯也是甘筍蓉, 口感就像在吃挻身版的甘筍味乳酪般, 香甜豐盈. 幸好忌廉的份量是剛剛好, 既creamy亦保持甘筍蓉的濃稠質感, 沒有喧賓奪主.我時常都覺得, 但凡黑松露的產物, 都是先味奪人, 這個磨菇寬條面配黑松露汁($108)也不能例外. 黑松露醬汁是平均地掛滿每條寬條面和磨菇之上, 引致它那股香濃氣味, 可在空氣中彌

相信在不少人心目中「法國餐」這個詞彙與「奢侈」之間幾乎劃上等號，加上法國餐的份量在許多人的概念中是頓「到喉唔到胃」的膳食，於我看來亦然。雖然這家是法式餐廳，裝潢間隔也極有情調，寧靜兼有私人空間，不過餐牌上的選項卻有「非法國餐化」的影子。首先，午市套餐的內容包括餐包、餐湯或沙律、主菜、餐茶和甜點，內容豐富，就怕你不飽。其次，套餐價錢由HKD78起至HKD128，雖另設加一，但已算相當便宜。最後，選擇中有典型的法式菜，也有混合元素，迎合本地人的口味。是日星期六中午，兩人雖早已預訂，但早了一小時到來，幸好虛席甚多，馬上便能被安排入座。放眼整個店面有三位侍應，兩男一女，兩位男士均為外籍，至於女士則是本地，看來店方很好地照顧到不同類型的顧客。Baguette麵包外皮看似較慣見的淡色，外皮果真不如常吃的堅韌，而是軟腍又帶嚼勁，內部亦相對地鬆軟。整體的濕度較高，麥香亦顯然易見，塗上牛油更易入口。Carrot Cream Soup賣相精緻有心思不在話下，雖然份量較少，但是粒粒的croutons仍香脆可口。甘荀湯煮得非常濃郁，甘荀屑可說是精華，不過稍嫌忌廉量未足致使整體未夠柔滑，也未夠厚身。Green