A8's Cafe (已結業)

早餐...點左雞扒半生熟蛋麵and熱奶茶。其實想食米粉，已經即刻同侍應講...然後去左個toilet番黎，佢都係送左個公仔麵黎，仲加多句：已經煮起左....如果係我改之時煮起左都應該即刻覆我丫，而唔係隔左我去個廁所既時間丫...極有可能係廚房自己唔記得左😠味道一切正常...但我同媽媽兩人大概12點食完個公仔麵之後...到夜晚6點個胃都有滯住滯住既感覺😑仲有...杯A8招牌奶茶...係唔好飲既😓$29蚊一個早餐...加上咁既服務態度...值唔值就見仁見智...但我一定唔會再黎！

終於等到星期六可以放假啦，貪睡的我可以瞓多一陣。而且還可以歎番一個能量早餐啦，算是個假日的好開始！🤘🏼起身後就到屋企附近食個早餐先！餐廳早餐供應時間到11:30而且有多種選呢！menu製作可見花過心思呢！分別有傳統的港式早餐及一些西式的選擇！早餐A~沙爹牛肉米粉配煎雙蛋及蒜蓉多士沙爹牛肉調味適中，不會過咸！米粉用料比一般茶餐廳好，很幼滑！多士烘得香脆，如蒜蓉味再重一點會更好呢！即磨咖啡☕️咖啡味香濃，面層有一層泡沫，為一天開始充滿電呢！以$33的早餐可算是質素不錯，加上環境舒適，下次可試試它們的美式早餐！

難得同太太一齊放假，梗係要去high tea輕鬆一下， 今次就同太太嚟咗一間帶有田園風嘅特色cafe餐廳，叫做A8's Cafe, 門口擺放咗好多不同食物嘅選擇，非常吸引!餐廳位置顯眼，入面夠晒光猛， 而且座位有選非常寬敞!下午茶時間人唔算太多，給人感覺休閒舒服。餐廳提供好多日西美食可供選擇，以西式食品居多，而下午茶套餐非常抵食吸引!我第一時間點咗一款大路既美食， 炸雞髀配沙律菜， 唔好睇少年呢個平凡嘅美食， 要整得好食絕對唔容易， 先講講呢度嘅雞髀非常大隻， 而且外表炸到金黃脆卜卜， 切開後入面嘅肉質嫩滑啱啱好， 屬於非常高水準嘅作品! 而沙律菜就係配咗沙律醬嘅生菜,都算幾新鮮。太太就點咗呢一款碎蛋三文魚牛角包， 同樣係一款下午茶套餐，賣相非常吸引， 而牛角包入面嘅餡料更加係非常豐盛， 充滿著三文魚及碎蛋沙律， 牛角包帶一點微溫，食落更香軟。由於食完兩個下午茶之後還有點意猶未盡，固追加了一個朱古力醬窩夫， 製作需要一點時間， 送上碟後， 見朱古力醬被窩夫的熱力所溶化，食落非常有口感而帶有一點脆口!

早前推出一人聖誕餐的A8 cafe, 一戰聲名大噪，極受小市民歡迎，我吃的那天有一台10人的家庭在享受生日會的快樂，三代同堂地戴著生日帽，非常開心。話說還是要點餐的，座位有點窄，點餐又花了點時間。冬天還是選了石鍋飯，吃完比較暖！原來午餐是免費upgrade, 餐湯是忌廉湯，湯底得濃郁，味道也不過不失特飲是杯叫薄荷朱古力的東西，非常有小時候吃Andes長方朱古力的感覺，超親切！這個叫南瓜牛柳湯飯的石頭鍋也太濃了吧！有點像鐵板牛扒加汁，倒入南瓜汁後滋滋作響，很有feel! 飯底味道很甜，牛柳粒稔得來有牛肉香，無根，非常好吃！另一道是肉眼扒配元貝，又是另一款肉香濃的牛排，中間有一小塊軟稔的脂肪，冬天就該補充脂肪！另外還有粗薯條，不用擔心不夠飽。超誇張極肥美，黃色膏的部分比原來的帶子還要大，這部分又是入口即溶超肥美

吃完這頓飯，我只能以「超值」二字去形容這餐廳不但座位舒適、食物有水準，而且價錢親民！像我和朋友就是被價錢和門口貼著的電視報導吸引入去的店員給我們遞來厚厚的menu，上面還載有早餐和茶餐的餐點，也是很相宜的，讓我想週未過來試試再往後翻就是意粉、意大利飯等主食，大多約$60-80，加$15便可升級成套餐，有湯有飲品小貼士，可以留意一下「本週廚師精選」menu，這menu上的餐點是可以免費升級的煙三文魚田園沙律($56)：沙律分量不少，賣相不錯，配上了滋味的麻醬這個沙律是從精選menu上選的，所以有餐湯和麵包～餐湯是忌廉湯，沒甚麼事比在寒冷的天氣下飲一碗熱湯更幸福了隨湯隨上的麵包可不是普通餐包，而是牛角包，而且是又暖又有牛油香香蒜大頭蝦燴飯($68)：這燴飯先在氣味上吸引我們，而美美的擺盤也讓我們對這個飯更有期望大頭蝦又香又彈牙，飯上灑了些辣粉，很惹味意大利風乾火腿薄餅($89)：薄餅的餅底有如餅乾般又薄又脆，火腿的鹹味與薄餅上的蕃茄醬那甜酸味很配合吃完薄餅也沒有覺得膩

下午茶叫左一個芝士煙肉焗薯，一個egg Benedict set焗薯先到，賣相一般，伴菜沙律好少，d汁根本沒有芝士味，疑似係荷蘭醬但好難食！第一次食到咁難食ge焗薯朋友叫ge egg Benedict 一樣唔好食佢都係覺得個醬有問題，調得好怪之後叫個外賣炸雞肶薯條，等左20分鐘我先問老闆個外賣整好未，佢話雞比要耐d,生炸先好食，點知再等3分鈡之後店員先同我講雞比賣曬，咩料呀～前後等左廿幾分鈡先話賣曬，呢間野無下次

自從搬離大埔之後，最掛住就係大埔嘅小店美食，媽媽話最近大埔開左間西餐廳，放假一於返黎試試～店員推介呢個新出嘅2人晚餐$278先黎前菜係芝士烤大啡菇/煙鴨胸田園沙律，非常之有誠意，個人鐘意鴨胸沙律，因為鴨胸煎得香口是日廚師湯係羅宋湯，有好多雜菜香蒜蜜糖燒豬仔骨配香煎大頭蝦（2隻）豬仔骨十分之淋同入味，一切就骨肉分離，啖啖肉，好正啊！大頭蝦肉質彈牙～炭燒紐西蘭頂級肉眼扒配蒜茸牛油焗扇貝肉眼扒大大塊，無多餘嘅肥脂，肉質嫩滑，介有兩隻扇貝好鮮甜廚師蛋糕係朱古力brownie，好香濃啊飲品揀左cappuccino

機緣巧合之下嚟到大埔呢間西餐廳，雖然我地無訂位，侍應亦努力安排座位給我們。餐牌上不少食物都好吸引，花多眼亂，便隨意叫了二人套餐，免卻煩惱。二人套餐包括前菜跟餐湯、兩份主食、甜品和飲品，感覺上很豐富。前菜不馬虎，是焗大啡菇；菇面是燒汁加少許香草和芝士，味道還不錯；而羅宋湯內有很多雜菜，清清地，幾開胃。主菜我們點了燒豬仔骨和巴馬火腿蛋黃汁意粉。燒豬仔骨配埋新鮮炸起熱辣辣嘅薯角，一啲都唔嚡口，骨肉分離，容易進食；味道亦剛好，不會太咸，唔夠味亦可點跟埋嘅燒汁。而意粉既火候控制得剛剛好，不硬亦不軟，巴馬火腿質素亦可。食到呢到，甜品tiramisu是全晚亮點，還以為跟餐的甜品不會太高質，怎料吃下竟有煥然一新的感覺。tiramisu略略有少少酒香不過蛋味同甜度剛好，推介。總括來說，這裡的價格真的很相宜，食物質素也很合理，在附近出沒的朋友可以一試。

有晚入左去大埔搵朋友，而食晚飯時間，朋友就介紹食呢間，話又平又靚又正。叫左呢個2人set晚餐，因為望到都岩食，亦都好多款揀，價錢又親民。先黎個餐湯，是日餐湯係羅送雜菜湯，望薦去平平無奇，但飲落去就知道係一個足料既羅送湯，味道完全唔淡，好濃郁。前菜我就點左芝士烤大啡菇，菇上面浦滿芝士，切開好香菇味，烤得亦好juicy 多汁👍🏻朋友就點左煙鴨胸田園沙律，鴨胸整得幾惹味😋香蒜蜜糖燒豬仔骨配蒜蓉牛油焗扇貝，個豬仔骨份量啱啱好，肉質非常好，同出邊好大分別，條豬仔骨都好多肉唔會冇乜肉食🐷，另外個牛油焗扇貝好香牛油味，扇貝都新鮮唔會腥。炭燒紐西蘭頂級肉眼扒配香煎大頭蝦🦐，塊肉眼扒我揀咗七成熟，你都切開好多汁，肉質唔會硬身，食落口都好軟林林，佢哋煎得塊扒都幾好味，另外兩隻大蝦都燒得好香口好彈牙。😋😋最後跟set個甜品就係藍莓芝士蛋糕，個芝士蛋糕好香藍莓味，食落唔會太甜，味道剛剛好👍🏻👍🏻👍🏻最後在order買杯熱嘅薄荷朱古力飲品，薄荷味都幾重，熱辣辣嘅朱古力亦唔會太甜。😋

兩公婆入左大埔做野順便撐枱腳，老公話食到食評介紹大埔有間西餐廳出名德國鹹豬手，我地兩個都like, 所以做晒野就過去，地鋪黎嘅但佢地嘅彩色霓紅燈照牌好吸引好易認。Old school裝修有卡位同四人枱，去到可能還早得一枱情侶享用緊意粉同小食。安排坐下每枱也為客人準備Menu, 亦有介紹下兩人餐，不過見到晚餐都好多選擇，$56起 至$148 豐檢由人，我地就叫salad同德國鹹豬手同Pizza先，跟餐已包餐湯同牛角包！見到陸陸續續客人入坐，變得好熱鬧，經濟之選，性價比高！ 餐包選用我最愛牛角包，雖然唔係鬆化但都選落本。是日例湯 ~~ 雜菜湯照燒雞田園沙律 賣相靚，足料個沙律菜新鮮脆口，加上個雞扒唔乾又唔嚡但係唔講得juicy囉，味道尚可！ 驚喜德國鹹豬手上枱時見到好熱氣炸得幾乾身咁，但切開時見到d肉汁留出同食落好鹹香，好正，估唔到係大埔都食到咁有水準皮脆肉嫩，時間控制得好好，而豬手皮肉之間嘅膠質較重，食時會漿口！ 意大利風乾火腿Pizza與我預期一樣都薄薄脆口，但覺得個pizza底太乾同埋唔夠面唔夠蕃茄醬汁！ 小食拼盤後叫 ,揀左細size不過都好足料，炸雞亦，尤魚圈，虾同薯條。雞亦好皮

其實大埔真係有好多好野食🤤同老公去新開張A8’s Cafe試下地方乾淨闊落, 坐得好舒服我哋落完order, 老闆即刻遞上羅宋湯同麵包可以即刻暖下胃😋焗德國咸豬手只係$148😳 大大隻外皮脆卜卜, 入面一d都唔乾, 保留肉汁仲配有沙律, 薯條, 抵食!!真係有圖有真相架😎 推介👍🏻👍🏻👍🏻另外仲試左蒜香炒青口欖油意粉好香蒜味, 而且意粉唔會太捻, good!!我地臨走時先見到”熱爆你全身”menuD湯飯好似好正🤩🤩下次試下先

見呢間餐廳開咗唔耐但經過都幾多人食，所以星期六既晚餐就交俾佢餐廳主要以美式風格做設計，燈光又昏昏黃黃咁都幾有情調，老闆會主動介紹餐廳招牌菜式式者是日推介，Feel到佢好有心想做到最好由於小妹唔係好想食肉所以揀咗1份Set Dinner同漢堡餐＄72 蝦汁海鮮意大利粉 配牛角包、餐湯及飲品首先上場～牛角包老實說個包真係唔吸引，因為個包唔暖而且比較實，小好個人唔太LIKE餐湯～是日羅宋湯個湯不過不失～不過菜量都算多，Set Dinner包埋都算唔錯主菜到～蝦汁海鮮意大利粉見佢個MENU都有推薦所以落佢期望都幾高～ 個醬汁都幾Creamy而且唔會太多醬，不過個蝦味可以再濃D。醬汁岩岩好掛哂所有醬係每一條意粉，所以質感唔錯。海鮮方面有2隻蝦，2青口同切片蘑菇，海鮮煮得剛剛好同味道新鮮但若果海鮮分量可以增加會更好＄88 安格斯牛肉巨漢堡配薯條失望既漢堡黎喇～見到漢堡覺得個樣都唔差不過入口之後就大打折扣漢堡麵包好Dry同實，感覺係隔咗幾夜咁～小妹覺得如果上枱前有加熱個包應該會好少少。安格斯牛肉覺得煎得太耐，周圍已經乾同變得有D硬而且整舊牛肉缺少咗JUICE，所以食呢個漢堡要一邊飲水一邊食。呢款巨漢

今日一行四人到A8食午餐，開門見山👇🏾👇🏾A同事 --- 蜜糖芥末焗豬扒飯原來只係將煎好ge豬扒，喺面層整督蜜糖芥末醬焗一焗配白飯，塊豬扒硬過我個肝。B同事 --- 牛扒飯一個侍應有問幾多成熟，同事要5成，但黎到係welldone，唔問由自可🤷🏻‍♀️。C同事 --- 炸雞漢堡一個字形容(乾)，兩個字形容(冇汁)，三個字形容(冇肉汁)。D同事 --- 芝士安格斯牛肉漢堡塊牛肉漢堡係不停lur到d筋出黎，仲lur左一粒碎骨(真係一路食一路皺眉頭)杯凍檸茶先犀利，可以充滿茶膽碎，四個都話冇下次了

大埔一向出名多嘢食，Lunch經過一間新開張嘅地舖西餐廳，門面好開陽，佢嘅餐牌食物都幾適合我哋，所以入咗去試吓。餐牌上嘅食物圖片色彩繽紛，好吸引我哋，隨即就叫咗幾款食物。當然叫我最鍾意嘅英式早餐A，主要目的我都係想食炒蛋同埋炸薯餅，薯餅炸得好香脆可口，炒蛋好有牛奶味道，口感好滑。小食方面，叫咗煙肉芝焗薯係餐廳嘅推介食物，有我手掌咁大嘅薯仔用錫紙包住，面頭有芝士醬同埋煙肉粒，食落去薯仔軟綿綿，好香口。主菜方面叫咗香草澳洲羊鞍同埋蒜蓉扒大蝦🍤，羊假有三枝，食落去一啲都唔騷，而且有好濃郁嘅香草味道，肉質鮮嫩，必食。最後就係叫咗個蒜蓉比目魚配檸檬牛油汁，比目魚好香滑。餐飲方面叫咗熱華田，華田味道濃郁，好有奶味。最後埋單都只係四百幾蚊左右，兩個人食咗咁多野，實在太豐富了，大家都非常滿足。

今次約埋三五知己喺大埔《A8‘s Cafe》開餐，我哋被安排坐四人卡位位置。餐廳裝修以木為主，設計簡約而舒適，而且鋪頭位於當眼位置，過咗十字大馬路就見到。餐牌有多種食物選擇，而且食物圖片非常吸引。小食方面叫咗炸雞中翼配蜜糖芥末醬，一份有四隻，炸得非常香脆可口，食落去肉質鮮嫩，非常滋味。有個朋友突然間好想食全日早餐，我哋就叫咗B款系列，套餐跟一件牛角包，飲品就叫咗熱柚子蜜。全日早餐嘅炒蛋炒得好香滑，食落去非常Creamy。店員推介之下叫咗一份招牌蜜糖芥末焗德國鹹豬手，賣相引人入目，好大隻，即刻炸好咗嘅鹹豬手放在木板上面，新鮮出爐。朋友即刻切開數件，外皮連埋肉一齊食，簡直係外脆內軟嘅口感，再點小小芥茉醬，好正。除此之外，另再點了漢堡同埋意大利飯等等嘅食物，食完都已經非常飽肚滿足。最後四個人埋單都只係五百幾蚊，價錢合理，食物質素高，即叫即整，非常新鮮。