agnès b. Café LPG

營業中

休息中

以往都係去尖沙咀既 Agnes'b Cafe 多, 呢日係朗豪圬行行下, 諗住去 Agnes'b Cafe 飲杯咖啡食件 cake hea 下, 埋到 cafe 既 counter 見到佢擺左個 Afternoon Tea set 個牌出來, $320 for 2 persons, 呢個算係中等價錢,  睇埋佢張杷其實都幾吸引, 算係第一次見到, 可能尖沙咀 Sogo 果間無廚房, 所以就無啦, 而 K11 果間個人覺得個環境麻麻地, 所以好少過果邊咁當然價錢平 D 就唔會同酒店既來比較啦, 由落單到上枱, 大概等左 10-15分鐘, 可以接受啦, 始終係星期日, 都算係爆場, 呢份下午茶既好處係甜點唔多, 感覺會健康 D,不過果條朱古力 bar 就太甜, 食到一半就要放棄, 寧願食果塊朱古力好過, 個 scone 又整得幾好, 不過就只有牛油無果 jam ! 評價算係不過不失 ! 

我們約三五知己見吓面，揀旺角中間點，大家過嚟都方便。選擇商場，就腳又易搵。今日呢個位仲有一個景點，就係對面有姜濤的poster。🤣🤣🤣雖然室內冇位，坐喺商場的走廊，不過亦有另一番風味，空間闊落啲，睇住人來人往嘅行人。想食沙律，不過竟然冇。最後叫咗兩個意粉，墨魚汁意粉我覺得唔夠鹹，不過三文魚嘅份量都幾夠。無花果窩夫，無花果好鮮甜，不過窩夫太香脆，少咗軟綿綿的質感。其實對食物沒有太高期望，勝在星期六都唔使等位，坐得舒服。☺️

同朋友喺旺角行街行到有啲攰之後想搵個地方坐下 咁啱就見到呢間店舖於是就入去 一人叫做一杯嘢飲gei~我叫咗牛油果燕麥奶smoothie覺得個味道有啲草青味 麻麻哋...而朋友就叫咗一杯唔知咩玫瑰花特飲呢杯就好飲啲 味道幾fresh!!另外 想講喺間舖頭裏邊越坐越凍....覺得個冷氣如果細返啲就好啲...

今日大食妹著左高踭鞋, 行冇兩步覺得腳痛, 見到附近有agnes b cafe, 就同朋友入去飲杯嘢, 順便休息吓<辣肉腸蕃茄醬脆香薄餅>agnes b cafe嘅辣肉腸蕃茄醬脆香薄餅比較硬脆, 雖然硬但係幾脆材料非常簡單, 主要係茄醬、水牛芝士同辣肉腸, 點樣都唔會難食份量唔算好大, 做下午茶啱啱好<玫瑰鮮奶咖啡>大食妹嘅玫瑰鮮奶咖啡咖啡味道濃郁, 雖然奶泡打得唔夠綿密, 但嘢飲充滿玫瑰香, 味道唔錯<泡沫咖啡>朋友嘅泡沫咖啡, 大食妹就覺得奶落得有啲多, 比較似鮮奶咖啡

女友見到某個APP用分加錢換，望到原價都似幾抵食，而食物都算啱食，唔會勁多甜野，所以就換咗一試，其實平咗$22咋😂兩點九、十個字到咗，都要等一陣，好彩好快有位，仲要位置唔錯添😁 不過係呢種 café 食，咩都自助了，出去落完單等叫⋯⋯等咗十分鐘左右，有得食😍最底層就最啱食，第二層都唔算多甜點，幾個fruit tart幾好，雖然係甜點，但有少少生果就好好多，跟住嘅朱古力物體，對我倆嚟講就甜咗少少，但好彩有咖啡，如果唔係，我哋都未必食得哂啲甜點😛 不過都要包走一個 scone 同兩塊朱古力😝 第一層就係兩個 scone，原味同提子，好可惜，明明見人哋啲相係有 fruit jam & crème friache，但我哋今次就冇！美中不足！同埋應該係有一件 cheese cake，但變咗兩件都係 Opera 🤨食女咁上下先叫咖啡，我倆最怕放到杯咖啡凍晒⋯⋯所以落單時講咗遲啲先出咖啡😝 兩杯都係cappuccino，nice 😌😌

#agnesb 每日都需要一點甜🥱·栗子海棉蛋糕 外形似栗子撻多啲🤣幾好食 唔會好甜 而且有栗子香·法式焦糖泡芙 上面係三粒細泡芙 泡芙頂係焦糖 下面個個係有少少似拿破崙 不過再硬啲 整體都唔錯✨

✨b. bear熊仔賣相可愛外層 有層薄薄既脆皮內層 熱情果海綿蛋糕 味道酸酸甜甜 蛋糕口感濕潤✨Vanilla Fresh Handmade Gelato本身想試榛子味 但賣晒淨係返只有雲呢拿味雖然寫係Gelato但口感同普通雪糕冇分別口感軟滑 密度唔係好高 反而偏輕身有雲呢拿籽 但雲呢拿味道唔濃 奶味相對較濃 少少偏甜蛋糕唔錯 雪糕就只屬普通店內環境較細 但都算好坐服務正常 價錢可以喺附近行到攰要搵個地方坐下呢度都係一個幾好嘅選擇

見到小蛋糕就知多數係男朋友送嘅小禮物🎁，知我愛好甜食又為食，一件蛋糕就可以解決我嘅壞心情，兼塞住我個嘴唔好咁多嘢講🤣！外賣蛋糕嘅尷尬位係無地方食，疫情期間又唔想係街除口罩食嘢😷，唯有快快口食完，所以我鍾意係cafe坐底慢慢細味~————————————————👅 伯爵茶巧克力蛋糕（$48）🔸未開盒會以為agnès b.嘅蛋糕應該好靚好華麗，開盒見見就覺得平實咗啲，外層裹住亮面巧克力醬，插咗幾塊白朱古力片有Logo嘅星星朱古力🍫👍🏻幸好味道唔錯，切開一半見到多層次內餡，朱古力餅乾底、伯爵茶海綿蛋糕及慕斯等⋯ 蛋糕濕潤口感多變💫，朱古力味較濃郁，尾韻帶有伯爵茶香氣，整體搭配不會過於甜膩————————————————🚩總結：用小蛋糕表示心意，只適用於對付為食嘅女仔👧🏻———————————————— 🌟注意：外賣一小時內需食用/保存於雪櫃————————————————📍 agnès b. Café LPG地址：旺角亞皆老街8號朗豪坊3樓33號舖.🗺地區：#bem旺角📥分類：#bem甜品💰人均消費：#bem_50蚊或以下

電訊公司送了一個套餐可以在Agnes b Café內享用，今日就來到好好享用這個免費餐。我地點了海鮮墨汁意粉、磨菇白汁寬麵、兩件Cake + 兩杯凍咖啡。海鮮墨汁意粉，又唔可以話太差，但亦都稱不上好食，好普通。磨菇白汁寬麵，有d難食，食左兩三啖已經掉埋一二邊，完全唔想掂。兩件cake，白色個件就一般質素，反而件拿破崙都幾好食，唔太甜，比較啱我口味。如果要比錢，我真係未必會再在Agnes b Café進餐，因為原價都真係幾貴，同幾唔抵，而且食物方面都麻麻地，完全係純粹食個品牌名。

Long story short, I believe the client service level need to be reviewed for this shop in Langham.I used to dine-in at other locations their services are pretty good. This was the first time I need to clear up the table despite your staff was looking at me for quite a while and decided to just stand still. Interestingly, once we are settled down, he came over and told us rudely that we couldn’t move the empty chair (despite no one was using) to place our belongings. He was just repeating his mes

I was alone this time, waiting for my daughter finishing her Cambridge test near the mall. From the name of the brand, I expected a high quality dining experience. However, it was very dispointing. I chose a seat against the wall, placed my bag and went to buy my meal. I ordered a cup of passion fruit pineapple fizz and a plate of salmon avocado zoodle with eggs. Right after my order, the staff immediately started making my drink. She did everything in front of me....Put a scoop of passion fruit

˜”*°•64% DÉLICES signature chocolate($55)☕️•°*”˜味道: 8.8/10稀杰濃淡都適中 唔會太甜 夠香滑 餘韻有少少果仁嘅味道🍫˜”*°•72% fruity & honey taste($55)☕️ •°*”˜味道: 8.3/10有果香 質地比較杰身🍎🍯好似飲緊chocolate fondue咁😂超級rich 未必人人接受到亦有少少越飲越口渴但本人覺得飲完滿嘴都是幸福的味道👄

☕️️ Cafe for chilling — agnès b. CAFE ✨ 甜到漏油嘅下午茶🍰➖➖➖➖➖早排屋企人生日 咁啱有個agnès b. CAFE嘅生日優惠冇人食🤣 結果就交由我哋去試吓佢咩料😎美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)🔸 Petit Four $78一共6件mini fruit tarts 顏色非常鮮艷 未食之前就當然要打卡先🤤📸 每一個mini tart 嘅topping 都係唔同嘅生果 中間夾住一隔vanilla custard🥰 六款嘅topping 分別係🍑蜜桃 🍍菠蘿 🍓士多啤梨🥭芒果 🫐 藍莓 ✨ 木瓜個人就覺得佢嘅生果當然就未去到勁新鮮㗎喇🤔 不過綜合咁多隻味 大部份都係酸酸甜甜 甜品嚟講都幾開胃同refreshing 😋 最唔啱食嘅應該就係木瓜 感覺有啲格格不入🤢 整體嚟講都普普通通 如果要俾錢食就真係不了🙈✨ Marthe 伯爵茶朱古力蛋糕 $48呢個真係唔錯🤤 佢表皮嗰一層係朱古力 食到入去蛋糕嘅部份earl grey味

今日去旺角攞嘢，行到朗豪坊決定去agnes b飲杯嘢。點左一個朱古力雪糕窩夫再加一杯64%的熱朱古力.朱古力雪糕窩夫：造型很靓，價錢都可以接受。最頂部的Cream好幼滑，入口似食雪糕的感覺。中間是一球朱古力雪糕，入口即刻知道是用靓材料及添加左足料朱古力好香好滑。底部是一個圓形的窩夫，窩夫表面舖左一層混入朱古力碎碎的朱古力醬，入口仲是熱的，咬落外層香脆，內裡鬆軟，好好味。同樣的價錢比出邊食過的質數好太多。64%熱朱古力：第一次飲咁高濃度的朱古力，一次新的體驗。第一啖覺得很特別，好似一顆朱古力含在口中融化的感覺。值得一試。幸福的感覺🥰😋

Agnes B cafe cake 🍰 (自費)Matcha 抹茶栗子蛋糕抹茶蛋糕，海棉蛋糕有淡淡抹茶香，茶味偏甘。而栗子🌰味道較甜，唔講以為自己食緊紅豆😂 整件蛋糕比較軟淋，輕身。食落幾輕盈，冇乜負擔🤓如果想食件冇咁濃味嘅蛋糕可以試下，但如果係抹茶🍵控，呢件會有啲失望😯Melanie 松露朱古力蛋糕朱古力🍫味香濃，黑朱古力味味道偏苦👍🏻 海棉蛋糕亦係好柔軟，又朱古力味得黎又唔會太甜。而且覆盆子🍒酸酸甜甜，中和咗朱古力嘅香濃，令成個味道更加豐富🥰#agnesbcafehongkong #agnesbcafe #agnesbcake #agnèsb #agnesbcafe