agnès b. Café LPG (已結業)

今個月又有同事辭職啦...早前其他同事走之前都買同一間cake shop嘅餅,佢地都話好食啲....但係今次呢位同事就驚我地食到悶,所以就買左同一個場嘅agnes b cake~~我同個同事一齊去揀蛋糕,其實兩間都有比較過,最後都覺得呢間d cake 精緻d~所以情歸agnes b~我一見有拿破侖揀佢啦,因為我鐘意佢嘅鬆鬆脆脆~~而且佢嘅賣相好靚,所以一定要試下!!!雲呢拿拿破侖~~酥皮鬆脆,面層有薄薄糖面,但唔太甜. 中間吉士cream有香濃天然雲呢拿香,食完唔會飽飽滯滯栗子雪山~~我無食到!!!淨係睇樣都吸引啦~~士多啤梨山~~望落啲士多啤梨好紅,同事話一啲都唔酸,好爽口.下面個撻好脆口!榛果朱古力蛋糕~~食左一啖,好香好香榛子味!!食左呢次之後,好想再食,成日心思思~~~不過唔食得多,女仔怕肥ma~~goodgood~~一定有下次~~

我一黎就食左一粒士多啤梨，好正arrrr....唔太甜，但真的真的有士多啤梨味...真的不錯..然後下面個酥餅，我真係勁鍾意呢個味arr一d都唔"氵留"...一食完就想encore...但限於減肥進行中，都唔好亂黎之後講下我個fd個件啦....我只食左一啖比唔到意見，但我朋友話幾好味，不過好希望d cake可以大件dddddd..~~hahahahahaha!!

http://www.openrice.com/restaurant/commentdetail.htm?commentid=2223248至從早幾天來買下一個Quiche蛋批回家，今日又因工事路過銅鑼灣，便心思思地走入世貿，再坐一會:今日返正有時間，便順便坐坐，平日的中午一時多，世貿的agnès b. Café LPG 倒不是多人，叫上一個用上少少baileys酒做的朱古力cake面層及最底層是用baileys打做成為mousse，入口好軟滑、中間便是純朱古力cake，混和一拼入口，不會太漏，baileys酒香有少少回甘在口內、好味!但...不知何解此處銅鑼灣分店，比(中及上環)每件只賣$32.

係agnès b. Café大多數人會喜歡它們的Cake /Coffee，但我就比轉歡喜佢個Quiche今日路過眼見佢比中環/及上環之agnès b. Café平一半，嗱嗱淋買了一件回家蛋味跟芝士很濃，今次我選的是有波菜餡而無煙肉的蛋批，所以入口不油腻，正雖然是外賣,服務也頂有禮,抵讚

好開心呀~有驚喜！同事T請食agnes b cafe cake，尤其鍾意，因為外型精緻好吸引呀，真係有d唔捨得食呀因為我鍾意Hazelnut, 今次揀左Chloe-榛子朱古力蛋糕，Chloe有淡淡榛子味，朱古力又唔太甜唔太滯，蛋糕中層口感軟軟滑滑加埋朱古力脆脆餅底，真係好好味呀 餅底單吃好脆卜卜, 但係很難拮開, 完全與蛋糕分離。下次再試埋其他款式既agnes b cafe cake先！

食完午餐總是欠了點於是到了agnes b歎dessert就黎情人節的關係....出了2款情人節限定超級靚, 靚到唔捨得食呀超濃朱古力, 73%,呢個紅波波,不是甚麼rose or berry 味道外層只是色素而已, 整件都是朱古力, 一個人食哂, 一定會很漏呢內裡是軟朱古力, 入面有點脆脆, 一件蛋糕有幾個口感, 很特別耶男仔買比女朋友, 應該會很冧吧!紫色心心也是限定呀, 都是73%朱古力面頭的紫色沒有特別味道的其款2件也很正連埋飲品, 令人大約$90, 有點奢侈不過間唔中一次半次, 都可以接受

尋日放假行銅鑼灣, 同個fd見有d肚餓就行左入世貿搵食=Ptea time時間好多餐廳都落場, 只好去食cake見平時成日幫襯starbucks悶悶地就試下agnes b cafe我同個fd都未試過呢間, 之前成日路過都覺得佢感覺好貴就無行入去但其實睇返都唔算太貴, 都食得過而且個環境都ok~我個fd太肚餓叫左三文治食...無幫到佢影相不過佢話個三文治都幾大份同幾好味我就叫左件truffle cake試下件cake賣相唔錯, 見到有唔同既朱古力一層一層咁感覺幾精緻整體黎講我都覺得幾好味, 食落有濃濃的朱古力味~不過佢屬於唔算太甜個種, 對我黎講就剛剛好, 我個fd本身好甜就覺得一般he, 不過我地都話下次可以再試

上星期5放工無Happy Friday...就自己買左個cake返屋企食！自己行去agnes b門口揀左好耐...又想食cheese cake又想食士多啤利拿破輪...最後..........我係揀左栗子!!!!其實揀粟子都有好幾個原因嫁...1係我好耐無食過 2係個粟子cake真係好靚arrrrr...栗子一層一層...我諗可能有10 cm高ar...仲有一粒星星朱古力牌係上面可惜的是返到屋企個cake竟然有小小倒塌現象...(應該係因為我自己將佢fing黎fing去)但係都無損我食cake gei心情！第一啖食->好似淡淡地無咩特別.....第二至第三啖->wowowow!!!好正好有栗子味ar!!個cake本身好好味，而我又好耐無食過栗子蛋糕..所以促使我食完之後好想好想打一篇食評表揚下!!未講個餅底.....都係好好味嫁！好鬆軟好正..我唔識點形容...。hehe好想快d再試下其他cake喇！

同bb半週年了諗左好耐都唔知買咩蛋糕慶祝好最後見到agnes b cafe呢個cake就被個外形吸引左而且個size岩岩好2個人份量個cake真係幾好味呀!!千層酥好鬆化 而且吉士甜得黎又唔會好漏士多啤梨又大粒又新鮮 不過蛋糕面個幾粒桑梅就好酸呀 酸到打冷陣呀本身打算可以寫字牌架 不過原來呢度要預早2日前訂先可以而且唔使加錢可惜太遲去買lu xpp 只係得happy birthday既字牌下次要早d預訂!!

很容易會把聖誕、薑和冬天聯想起來。這日雖然冬天仍不太冷，但被四周聖誕裝飾和貨品的氣氛感染下，就想來一杯熱薑味鮮奶咖啡當應一應節。一打開蓋，已經能聞到薑的香味。喝下去，咖啡不太突出，反而像在喝薑汁熱鮮奶。這也不要緊啦，反正喝得很舒服。杯底有新鮮薑蓉，難怪這麼夠薑啦！ 好飲，值得推介。

今日難得同男朋友夾到同一日放假, 一齊過左寫意又溫馨既一天, 中午我地先落cwb HMV掃碟, 然後去世貿間agnes b café邊聽歌邊歎cake, 之後就打道回府返屋企煲碟, 優哉悠哉。其實一直都好想試agnes b café d cake, 聽同事講佢地d cake好好味, 今次終於就到同男朋友一齊放假就捉左佢一齊去試下, 開心! 總算冇令我地失望! 呢度嘅環境都好正好relax，秉承到品牌嘅優雅elegant作風！入面環境幾好, 有一邊仲有梳化位, 疏乎疏乎! 舖裡面既裝修幾浪漫, 帶點藝術氣息, 有少少似置身係法國既咖啡店裡面，下次會再黎！我地點左莫卡咖啡及薄荷茶2款飲品, 2款都唔錯, 莫卡咖啡味十分濃郁，戲肉來了! Cake time!!!慕絲朱古力cake-Delice: 呢個係同事介紹既, 一食就愛上左佢!!! 唔會太甜, 質感細滑,好重朱古力味, 朱古力濃度高, 落足料! 難怪店員亦推薦呢件cake為招牌，絕對食得過。士多啤梨tart- Strawberry custard tart: 呢款外表吸引, 味道就更多吸引, 用料新鮮, 士多啤梨唔會好酸，搵唔到可以挑剔

一個又一個惱人的會議，趁空檔的小小時間跟同事出來飲杯咖啡透透氣，否則真係人都顛。抗抑鬱，最好就是吃甜，馬上買件朱古力三重奏。層次感並不很豐富，還好乎古力味尚算濃，質感亦頗滑，在這個煩惱的時候，已經收貨了。飲的是Latte，剛出來時拉花仍幾似樣，可是放了一會便散晒，唔多掂。幸而，喝起來仍是舒服。又夠鐘趕回去開會。

agnes b.最大貢獻不是fine dining餐館，而是slime cut的衫和打氣用的朱古力。這天路過，睇完減價衫後買了塊朱古力吃，包裝方面雖然未算貼心，沒有盒也沒有特別包裝，但黑果仁朱古力味道濃郁，奶的成份不多，對口味，路過不仿一試。

行街行到有D累見到 agnès b. Café就諗住坐低休息下~agnes b既朱古力就食得多,反而cake同coffee就未試過,有一位職員非常好態度咁向我地介紹,我地問佢問題佢都好耐心回答,企係咁多款蛋糕面前,真係好難揀,因為件件都好靚好特別,最後揀左滿佈士多啤梨既paris,一杯expresso同一杯lattee~價錢同其他CAFE都差唔多,都係$30-$50之間擺expresso既杯好可愛,好細個,令我諗起細個玩煮飯仔既工具=) 士多啤梨既paris更加令我興奮,鮮甜既士多啤梨同埋畫左巴黎鐵塔既朱支力牌好好味!至於杯lattee就同平時係星巴克飲既差唔多,只不過星巴克係職員幫你成杯調製好,但係agnès b. Café就俾客人自己加milk同其他調味料歷度既裝修採用法式風情,好特別又好好FEEL,好適合同朋友相聚...去完世貿中心歷間agnès b. Café仲可以行埋agnes b店同sports b,真係十分方便!下次一定再黎試下其他既CAKE

位於世貿這間Agnes b café中午時段(12-2:30pm)提供3款lunch sets﹐今天選了Set b($75)﹐即半份三文治/沙律﹑自選咖啡或茶﹑蛋糕一件。從雪櫃內挑選了tuna & artichoke with multigrain baguette(一份原價$58)﹐職員代為翻熱﹐飲品要了iced vanilla & caramel flavoured cappuccino(原價$40)﹐蛋糕則後取以免攤暖不好吃。吞拿魚雅枝竹多穀法飽不特別好吃﹑只是感覺健康。凍啡不錯﹐illy coffee不會差﹐但醉翁之意不在酒/啡﹐我是為了雲呢拿及焦糖而來﹐兩者加起來很香甜﹐曾經要求少甜/用脫脂奶但味道變得很淡﹐喝咖啡還是要回'正常'甜度及全脂奶才夠香濃。吃飽再選蛋糕﹐既然來到者充滿法式悠閒的環境中﹐就來一件'Paris’(草莓吉士塔)吧。說真的﹐食物味道不是很特別﹐但環境吸引﹐空間大﹐平日人不多﹐帶一本書來﹐邊吃邊看﹐有一刻真的以為自己到了歐洲去…