agnès b. Café LPG (已結業)

在世貿中心上一層，轉右，看到Heather，Agnes b.Café LPG就在對面。環境比Starbucks, Habitu, Pacific Coffee明亮，有些客人會三五成群邊上網邊歎咖啡，部分是獨自一人的。到訪當日，有2位女客人以電腦和手袋霸了3張桌, 6張椅，任由其他客人如何詢問，就只顧一己私利，最後拿著三文治及飲料的客人唯有透過店員的交涉，才可以有座位，真是慘淡! 清潔度有待改進，桌子油膩，侍應使用的毛巾需要更換。 Cappuccino ($38) 泡沫少，有一拉花，是心心的。味道只是普通，咖啡有些澀，不酸，可是個人認為Pacific Coffee, Haagen Dazs的Cappuccino沖出來比較好味，這裡$38不太值，可說只是因為Agnes b.才一來試一下。老實說，今次對Agnes b.有點失望的...... 

想同朋友去一個可以坐得耐啲，而又舒適啲嘅cafe，最後喺openrice揀左CWB Agnes B 世貿人流比較少，所以cafe人都比較少，可以揀坐邊都得！我同友人分別叫左一個烤雞salad，烤磨菇蔬菜包，BBQ烤雞沙律同一件朱古力蛋糕 堂食上嘅Salad bowl好大，但其實沙律唔算多，不過菜好fresh，最鐘意salad用雞胸而又可以整到一啲都唔鞋口，唔難咬！好味！！沙律個sauce好似啲泰style sauce，感覺好似無咁肥膩 烤磨菇蔬菜包，麻煩staff整返暖先上，但真係只係微暖，仲要係得個包有微暖，入面嘅蔬菜都係凍嘅！而且有少少失望，因為見唔到磨菇 不過個包都算幾好味，唔會太dry，個包亦唔會太硬，啲蔬菜口感好豐富！一路食，一路跌出嚟，好彩無乜sauce！朋友嘅BBQ烤雞包味道就出色好多，好入味，BBQ味濃郁，雞亦用上雞胸！口感好好，但suggest大家要食快啲，因為用上法式長包，好快就好硬，好難咬同吞！最出色當然就係cake la...之前已經食過Agnes B嘅cake，大部份都好正！我特別鐘意朱古力，所以今次都叫左朱古力cake！真係好香朱古力味！！好鐘意面嗰啲

不知道是不是中了咖啡毒？！＠＠有時悶悶地無嘢做，就是愛去咖啡館！雖然香港地庫特色的咖啡館無台灣咁多！但大型的，也是我常去哦！～來一杯榛子咖啡，很香的味道！但飲落，却偏甜了一點！我想還是朱古力咖啡比較啱我口味吧？！男友點了凍咖啡，他說這一杯，反倒是不錯。應該熱飲在控制糖份時失手了！淨飲咖啡又點夠？黎呢度，為的是說這個綠色的小熊蛋糕！造型十分可愛！女孩子應該很喜歡吧？這是有開心果口味的蛋糕。小熊蛋糕內，有著綿綿的蛋糕底，上層是開心果Cream。還好是細小的一個，食到很尾，是有點甜了。開心果口味，如果再濃些會好一點。整體來說，還不錯啦！雞肉芝士三文治，反而是驚喜之作。雖然有點凍，但芝士味很濃！而且雞肉被雪後，不算很硬很乾，感覺不錯！下次，要試Agnes b 的朱古力！

貼心的老公又給我準備了飯後甜品B仔甜品，之前試過一、兩次堂食，感覺普通，並沒驚喜。老公便說﹕不算貴的，試試無妨。一試，有驚喜，想不到這家蛋糕進步了不少。朱古力三重奏精緻的賣相，法式風情。三角形塔尖上的巴黎鐵塔巧克力片，有它家巧克力一貫水準。巧克力mousse細滑，有濃濃的巧克力香，底層巧克力脆脆，配搭起來口感十好。當中有紅莓果醬中和蛋糕的甜膩。中上之作。栗子撻豐盈的栗子撻，滿滿的栗子蓉，口感細滑，中間還有一顆大大的栗子。內裏的忌廉輕軟，一點也不膩，最驚喜的是底層的甜脆蛋白餅，不會黏牙。極有水準的栗子撻。定價三十多元有此質素，下次請老公再去B仔買蛋糕

對栗子的熱愛仍未減退, 故今次又再來一次, 試下名店的栗子蛋糕質素。其實還有很多間餅舖的栗子甜品很想試試, 希望能在停止推出前可逐一試晒 環境設計時尚, 一間cafe不但連住該品牌的朱古力店, 亦與shop連在一起, 讓客人tea完之後順便shopping一下, 招來更多生意。地方不算大, 但坐得幾舒服, 環境光猛。今日是星期日, 下午茶時段已八九成滿座, 我坐低後就越來越多人, 雖則坐得舒服, 但略為嘈雜。服務服務員都是年青一輩, 很有活力, 快手快服, 亦很有禮貌, 不錯!食物薑汁鮮奶咖啡、凍朱古力及栗子蛋糕薑汁鮮奶咖啡($42)雖然只是簡簡單單的心形, 並不花巧, 但在咁多客人的情況下還有拉花, 都算用心製作。起初飲時只覺有微微的薑味, 少許辛辣, 飲飲下發現有一條絲, 這是什麼? 初初以為是自己的頭髮, 沒有特別理會, 再飲下去時, 越來越重薑味, 驚喜就出現.....原來這杯薑汁鮮奶咖啡是用新鮮的薑製作而成, 真的估不到, 因平時一向飲starbucks或McCafe都是用薑粉, 估不到是用新鮮的薑, 底部還有薑粒, 很天然的感覺, 咖啡和薑配合得很恰當, 兩者都沒有蓋過對

今日有同事講請我食件cake，佢介紹我食agnès b d cake。因為佢知我超鐘意意朱古力，所以就帶我去試試。係公司樓下就有一間喇，我地食完lunch就買左2件返公司慢慢嘆!!!!!le個名為朱古力3重奏，就睇下佢有幾3重奏。一個字..............................正裏面有幾層唔同o既口感，1.外面有軟軟o既mousse2.中間有超軟滑o既朱古力，重要都幾大片下，真係好滑(不過agnès b. d 朱古力係出名好食)3.底層有D朱古力脆脆3種口感加埋係真......................好正我個人最喜歡食中間個個朱古力，真係好滑...好滑...好滑......有機會好想試下佢其他o既cake

同男友三周年紀念, 見面首先去agnes b食下午茶, 貪佢情調夠溫馨, 可以坐低傾下計.去到大約兩點半, 好多人等緊位. 我地都要等7個. 不過好彩約三點就可以坐低食當日我無食午飯, 所以叫多左: 兩杯咖啡, 一個朱古力波波, 一朱古力甜心, 同埋拿破倫, 兩個人分享.心形既朱古力cake賣相幾得意幾浪漫, 食落唔太甜. 朱古力味可惜唔算濃, 同浪漫外表有幾分錯配. 份量都幾大, 唔大食既女仔可以唔使飲野.朱古力波波有梨子味, 食落清新得多. 朱古力味比心形cake來得濃, 感覺更加滑溜.拿破倫蛋糕可能唔止做起一日, 食落已經唔鬆化, 而吉士味道有d '寡', 感覺好單調.叫左既兩杯咖啡都有名堂: 一杯係ginger cuppucino, 另一杯係mocha. ginger cuppucino第一唔夠熱, 第二無薑味. 覺得黎呢度飲野最好都係飲返d基本野, 好似mocha咁, 會比較有水準.呢度勝在有環境同服務, 野食就真係比較一般, 特色咖啡更加係特別唔好飲. 唔係話負擔唔起, 只係如果我一般同朋友食飯, 唔會肯俾每人$120飲杯唔夠熱既咖啡.

適逢新同事生日, 沒有準備甚麼禮物, 經過agnès b. Café見到d cakes 真係好吸引!!買左一件strawberry tart 作為小小的心意又好順手咁買左一件比自己食一見到個賣相已經流晒口水啦d士多啤梨酸酸甜甜, 好開胃!!加埋個蛋撻皮底脆脆地,入面d吉士又香又滑, 真係好好味呀放工ge 時候跟同事一齊品嘗,唔知係唔係有人一齊share ge 關係, 總覺得呢件小小的士多啤梨tart 真係好好味呢

今日早左兩個鐘收工, 所以落左樓下間agnes'b cafe hea等人收工,可能因為係平日下就所以十分清靜,都冇咩人o係度食野咁,哈哈....本身想食件cake,但因為太飽所以都冇叫到,反而因為天氣開始凍左少少, 所以叫左杯hot chocolate+棉花糖黎飲下!!!一捧埋位就聞到好香朱古力味, 飲落去都好好味,個味濃得黎又唔會苦,甜度ok,可能有d人會覺得偏甜,但我覺得岩岩好,最特別係加左棉花糖之後飲落去更加有口感,因為呢隻棉花糖唔似平時屋企沖果d咁快溶,反而有d野咬下咁,好得意!!!!!最正既都係呢度咁靜,唔會好似一d cafe多人到想靜靜地睇下雜誌都唔得,下次就再試下d cake先!!!!

成日經過見到agnès b. Café dCAKE都好想食，終於有機會去試下喇!!!!!個 cheese cake 幾好, 芝士味岩岩好。但好味在杯凍朱古力，唔太甜，但朱古力味都幾濃!!!!!! love it!!!!!環境唔錯，坐得幾舒服。同埋有落地玻璃，自然光充足，感覺好舒服。行街行得攰，去坐下飲杯野真係唔錯嫁!!!!!!!!

忙裡偷閑最重要, 同好友傾下計, 食件cake, 歎杯coffee, 人生一大快事agnes b. cafe真係一個傾計ge好地方, 環境寧靜舒適, 唔覺唔覺就坐左幾個鐘, hahahad cakes件件都好精美, 件件個樣都好似好好味咁, 幾經辛苦終於揀左strawberry tartd strawberry又紅又大粒又甜, 個tart皮好香牛油味又鬆化再夾埋質地細滑ge吉士cream一齊食, 所有野都好match好yummy食完件cake, 再呷一杯latte, 人生本應如此^^

近來好像沒有什麼新的蛋糕店開幕，吃過的又不想再吃，完全沒有頭緒，最後交給朋友選一家，然後等我去買。一向都覺得這裡的蛋糕好看不好吃，而其實我並沒有吃過這家，純粹是直覺。因為我們沒有預先訂，walk-in看到什麼就買什麼，現成一整個蛋糕只剩下兩款，最後選了比較穩陣的士多啤梨拿破侖。拿破侖的酥皮超脆超鬆化，買完差不多一個多鐘頭才再次放進雪糕，沒想到脆度仍能保持得這麼好，沒有太多水氣和淋掉的感覺。中間的吉士醬幼滑，有奶香，蛋味也濃郁，配上微微酸的士多啤梨，剛好能在互補之中取得一個平衡。水準比想像之中好很多，大家都很滿意，可能是我之前誤會了，往後有朋友生日也會考慮買另一款口味的蛋糕呢。

還有個半小時才晚飯, 忍不住又蕩了去我最愛的 agnès b. Café LPG 飲番杯我喜愛的 Rose lait (latte)，再試件 Vanille 加入了玫瑰花香味的 rose latte，顏色粉嫩，就好像少女害羞時紅紅的面旦兒，白裏透紅嬌艷欲滴。合上眼睛先用鼻子去品嘗，一陣陣花香摸鼻而來，令人心情為之一振。輕輕地把它送入口中，沒有半點苦澀和酸味，香氣卻隨著鼻子漂移進喉嚨內，「咕嚕、 咕嚕」的把它與眾不同的獨特香氣帶進體內，心靈上得到萬二分的滿足 Vanille 樣子像拿破侖的酥餅，唯一是它比拿破侖少了一層，心想會否因此而口感欠佳呢？ 入口感覺是雲尼拿味非常重的蛋奶凍，想必是用上雲尼拿豆來煮製，所以有別於一般以雲尼拿香料入饌的，質感亦十分細膩，而且軟滑有蛋香，酥餅做到非常鬆脆，一口咬下去便立即溶化在嘴裡，連我這個不嗜甜的亦為之動容 如此這般的度過了半刻鐘的歡愉，又係時候帶著甜蜜的心情向我人生旅途的下一站出發了 ....... 聽講 Caffe Habitu 亦有非常了得的 rose latte 賣，我對有花香的飲品、食物其實是有些保留，因怕好像將香水放入口中咁，但

Shopping 過後，最好做什麼？ 不用問也知是來一頓下午茶啦！今天來到 agnès b. Café LPG, 習慣飲 caffe latte 的我和 Honey 一如以往落了單 ......，兩杯 cafe au lait 唔該。妹妹卻點了這裡名物 rose lait 加上三件不同款式的甜點 .....1 x Melanie，1 x Valerie，1 x Delices $32 一件的價錢，以今時今日的消費指數來說，算是便宜了？栗子雪山，冇乜栗子味，好像食緊一埋做成糊狀物的 baby food ？ 朱古力三重奏，慕絲朱古力，講真的兩件朱古力分別不太大，只是外型完全不一樣罷了，朱古力味好重，唔苦、亦好滑, 好容易入口。憑心而論蛋糕只是一般，沒有什麼特別，而這裡是用上意大利 illy 的咖啡，試飲過妺妺的 rose lait，實在有意外驚喜，玫瑰的香氣縈繞於口腔，歷久不散，咖啡亦沖得好滑溜，一飲之後就愛上了她，下次再見到我坐在這裡，一定是為了這杯 rose lait ！

早前 agnes b. cafe L.P.G. 某新開的分店鬧出簡體字餐牌的新聞，這一家位於世貿中心的分店雖然沒有簡體字餐牌，但是日所見，店內的顧客有五、六成都是同胞來了。忙了大半天，人都累透了，反正我都是借個位坐下啫，又沒有什麼所謂。剛吃過飯不吃蛋糕了，就喝杯熱茶吧。這裡有我喜歡的法國 Mariage Frères 茶飲，不想多用腦去揀，穩穩陣陣揀杯最著名的 Marco Polo ($35)。這個茶帶著點點香料的調子，也不是去深究味道的時候了，喝起來舒服便是。緊貼 cafe 的其實是 delices 朱古力店，順手在那邊買兩顆朱古力來伴茶吃（不過那邊是獨立運作，要分開購買付款的）。買了 Earl Grey Tea 和紅酒朱古力各一 ($19@)，前者的茶香和伯爵茶的橘子香都不太濃郁，而紅酒味的，裡面的 praline 餡帶點微酸，跟帶甘苦的黑朱古力配合起來，有些怪怪的。望著地下的法式地磚放空了一會兒，讓身心舒緩一下，也是美事。