Amino

營業中

休息中

Well presented set lunch. Simple options with a focus on the quality of food preparation. 3 starters, 4 main courses, 2 puddings. I took the beef. It was cooked to perfection and served with an excellent jus. The portion size was generous for the pricing. Same applied to colleagues who chose other alternatives. The decor is a little canteen like. No fuss, simple table. Do not make use of the harbour view, which is a pity. Staff are informed, attentive and very professional. Well done. Would mak

已經聽過餐廳名好多年，終於有機會光顧Amino餐廳，未入舖已經見到諾大的玻璃窗，令餐廳格調即時加分，感覺十分好！食物方面，試左餐廳推介的肉醬猫耳粉，好好食呀！意粉形狀很特別，真的有點像耳朵！😅美中不足的是餐牌食物種類比較少，印象中沒有甚麼小食或share dish之類的東西。

今日去開附近做野，真係完全無野食，見到呢間好似幾是正，就儘管入去試下入到去啲裝修幾靚，同出面工業大廈係兩個世界，不過平日lunchtime都唔算多人。餐廳感覺幾chill同服務唔錯，有人會介紹埋menu前菜揀左沙律，有哈密瓜同Parma ham，一齊食個味道幾中和，食落好舒服主菜就叫左明太子意粉，外表睇落幾靚，啲醬都掛身，不過食落無乜明太子味，同埋份量唔算多總結黎講，餐廳選擇唔多，味道唔算出眾，我諗主要sell環境同服務

咁啱去柴灣做嘢，响Google地圖搵吓有咩好嘢食，見到呢間餐廳幾高分就訂位食個lunch。Lunch時間餐廳大約一半滿。我揀咗望海的座位。Lunch set我揀咗餐湯、慢煮牛腩排、熱Latte，另外加個Tiramisu。餐湯係磨菇湯，磨菇幾足料，細細粒有少少咬口，唔知係咪我偏重口味，我覺得好似落唔夠鹽。餐包係普通嘉頓餐包，有焗番熱，甚至有少少燶/脆皮面添。主菜慢煮牛腩排，上菜個樣都幾好，雖然將兩塊扒疊起嚟上菜我覺得有少少怪。切開舊扒，中間有一條好粗嘅牛血管我唔係好切得斷。佢配俾我嘅係普通餐刀，所以問佢有冇扒刀，結果佢話冇。如是者，我每切一吓都要同嗰條血管搏鬥。牛扒調味係鹽同黑椒，味道唔錯。我係order medium，本來切開我覺得都ok，但食食吓發覺有啲奇怪，因為一碟扒切開有三個唔同嘅熟度，中間流晒血，最邊嗰度煮到變咗全熟。本來煎扒熟度唔均勻係可以理解嘅，畢竟牛扒都有厚薄唔均勻。但係，佢自稱「慢煮」咁就有問題喇。慢煮嘅medium係應該浸到塊扒變粉紅色，唔滲血，再輕輕煎番個牛扒表面，增加番個煎嘅香氣。所以慢煮嘅扒應該係成塊都差唔多熟。如果唔打算用慢煮嘅方法，其實menu唔寫嗰兩個字唔

今天是第二次到Amino餐廳，環境舒適，員工貼心服務，食物品質依然保持超水準👍每次都感受到廚師為我烹調的心意，食物味道溫度恰到好處， 今次最驚喜是西餐廳配合了中式煮法，雞扒配法式小雲吞及花膠，非常新鮮配搭，我們另外點了幾個甜品一同分享，心太軟及麵包焗布甸，麵包布甸外脆內軟，味道比五星級酒店還要好，好好味😋 好飽😁 餐廳食物水準很高，價錢亦非常優惠，下次會再約朋友一起來幫襯☺️ 大家記住訂位因為餐廳坐位不多，經常滿座😂

一入到黎個staff 好好咁介紹個menu 比我地聽 不過工廠餐廳好似只係serve 大廈職員 (?) 1. 白蘑菇湯+ 餐包🤩 個湯好濃，賣相都好好 餐包都好軟綿綿一層層咁 唔駛再落牛油都好夠味🧡2. 南瓜risotto 配魚子醬, 三文魚 $108 呢個組合好夾 個魚子醬令成件事有個鹹香味 好有層次既味道🧡3. 薰衣草燒烤醬羊肋骨 $238個醬本身真係有薰衣草味💜感覺上個醬好似自家製(?) 比起一般燒烤醬特別 酸酸甜甜咁 冇咁容易膩可惜病病地試唔到甜品🥲望住個海景真心chill Staff 都好好服務態度Washroom 都好乾淨企理唯一係個song list都係中文歌😂 可以播返d 純音樂黎配合佢serve 既菜式😂同埋lunch set 黎講小貴

位於 #柴灣隱世法國餐廳#文末訂座優惠上星期喺 @eatigo_hk 搵到呢間 @amino.hkg 法國餐廳，見到環境望海，地點方便，仲有我最愛嘅法國美食，於是lunch即刻約埋 @queenqueen1226 去試吓！一入到去環境寬敞舒適，望上天上嘅花燈再望出窗外面嘅海景，份外舒服！一坐低侍應好細心咁同我哋講解今日嘅lunch set，原來佢哋每個月都會轉換menu。🥄 紅菜頭蘋果白酒汁啫喱（當日限定小食）紅菜頭爽口鮮甜，再配上葡萄白酒整成啫喱，酸酸甜甜好開胃，只限當天先有我哋真係好彩！🥗 鮮橙番石榴沙律鮮橙同石榴子清甜多汁，配上新鮮清甜蔬菜，開胃清新。🧅 法式洋蔥湯每啖湯都充滿着洋蔥，加埋香脆法式麵包，啖啖鮮香清甜。🍝 純素肉醬意粉伴炸羅勒葉及巴馬臣芝士佢哋嘅素肉原來係廚師親自用大樹菠蘿肉調配而成，唔係坊間就咁買返嚟嘅素肉醬，真係好有心思，啖啖素肉充滿肉汁，配上蕃茄蓉加巴馬臣芝士，絕配吖。再配上一口炸羅勒葉，鹹香脆口，簡直為意粉添上色彩。🥩 澳洲慢煮牛腰肉配法式肉汁伴牛油焗薯及秘製貢菜Queenie點左慢煮牛腰肉，餐廳選用澳洲牛腰肉，因為呢部份嘅脂肪比較少，所以廚師建議4成熟最為

經朋友介紹第一次嚟到呢間餐廳，一入到嚟有啲surprise 。估唔到喺工廠大廈有間裝修咁靚嘅餐廳，睇得出裝修同埋器材都落重本。約朋友傾嘢、慶祝生日就啱晒我哋一行二人12:00嚟到，餐廳八成滿座。我哋叫咗兩個餐 - 牛扒和帶子意大利飯。食得出食材唔係平價嘢，帶子係刺身級。價錢百零蚊包沙律、湯、主菜和奶茶咖啡。+$28 可以多個甜品。 性價比高，值得推介。 如果想嚟試吓記住定位。喺小西灣返工嘅朋友終於有多一個選擇。

自之前疫情，可以wfh嘅時候都想搵吓附近有冇好選擇✔️東區shopping mall西餐選擇一定多，但性價比真係一般般，以每次去Amino都充滿驚喜，由前菜沙律餐湯都食到佢哋用心製作，絕對係東區嘅hidden gem 💎舒靜環境食到高質嘅西餐，柴灣呢度都搵到📌啱啱轉新menu時食咗兩次，所以試勻佢哋五款主菜嘅其中四款🙌🏼當日好好彩食到限定小食 - 紅菜頭蘋果白酒汁啫喱；爽口鮮甜紅菜頭配上白酒整成啫喱，酸酸甜甜非常開胃✨鮮橙番石榴沙律每次食到嘅沙律都唔同口味，不論新鮮蔬菜配清甜水果/醋汁，一樣開胃清新😋黑松露蘑菇湯/法式洋蔥湯餐湯均配上一塊蒜蓉包，不要小看呢一小塊包，每次都係外脆內軟熟有口感黑松露蘑菇湯：極濃郁松露及蘑菇香味，口感豐厚柔滑🤤法式洋蔥湯：大師級水準⭐️每啖湯都係一絲絲洋蔥，食落鮮香清甜，平日對洋蔥一般嘅我都覺得好好食💯Slow cooked Australian flap meat $188選用脂肪比較少澳洲牛腰肉，建議四成熟就可以👌🏼肉質鮮嫩煮得啱啱好，配上法式肉汁，perfect match🫶🏼配上秘製貢菜，幾特別口感食落脆卜卜Grilled North Sea Barra

環境不錯，在工廠大廈裏面，但氣氛像一個西餐廳。一開始會先來一個沙律，新鮮的，但略嫌醬太多。其後的湯我覺得非常不錯，很Creamy，而且我很喜歡她來的時候玩是熱的，然後蒜蓉包以薯蓉痴上碗，是一個非常聰明的做法。而且蒜蓉包配薯蓉吃非常好吃。其後四款主食都非常不錯，我覺得牛最好吃，非常林，肉汁多，肉味重。但四個的份量真的太少了，我們四個女孩子食四個主食，四個人都不覺得飽。價錢不貴的，沙律連湯連主食連飲品，都是百幾二百。我們寧願價錢可以提高少少，相對地份量也多少少。像牛得2塊真的太少！

喺柴灣返工咁耐，都唔知原來有咁多隱世嘅私房菜西餐廳今日無聊上網查吓邊度有好味嘅柴灣私房菜，一睇咁近公司就想去試吓午餐時段基本上都比較多人，原來都有好多人知道呢一間私房菜西餐廳我叫咗佢哋嘅set lunch羊扒，朋友就叫咗佢嘅意大利闊面套餐裏面有前菜沙律、餐湯、麵包羊扒嚟到嘅時候，我非常驚喜、因為唔會太熟見到嫩粉紅色嘅肉已經非常之吸引，非常之有食慾😍😍羊扒側邊配一個好似焗薯蓉好好味😋羊扒非常之軟林唔會有so味朋友叫嘅意大利闊面芝士味非常之濃厚，醬汁掛麵入口濃而不膩，朋友話好好味如果西餐嚟講呢個份量都非常之十足

環境舒適，部分位置可直接望海，員工亦好細心，會介紹當天meau同邊日會有special meau，食物質素超好，味道不會太濃，惟一係咖啡需要加錢。於柴灣工業區有咁好質素嘅餐廳，值得一試。

如果想响柴灣工廠區享受一餐有水準西餐，<<AMINO>>算係一個不錯選擇，平均$150-$200/pp，set lunch包沙律、湯、主菜、飲品，menu仲每日都唔同。🍴煙三文魚沙律 ⭐️⭐️⭐️⭐️🍴黑松露蘑菇湯 $+20 ⭐️⭐️⭐️松露同蘑菇味都唔算濃郁，唔值得加錢轉，反而件牛油蒜蓉多士有驚喜，好香脆好味。🍴Australian Grass Fed Ribeye $168 ⭐️⭐️⭐️⭐️慢煮肉眼好好味好嫩好腍，肉味都算重，配菜薯仔外脆內軟好好味，推介！🍴Pan Seared Atlantic Salmon $138⭐️⭐️⭐️三文魚煮得嫩滑，配上醬汁食唔算特別好食，普普通通。🍴Portobello Mushroom Pasta $128⭐️⭐️⭐️仲以為係一款菇汁味香濃嘅意粉，但實質味道唔知點形容，而且醬汁唔多夠，不過意粉係彈牙嘅。🍴餐茶．咖啡 +$20⭐️⭐️⭐️🍴甜品．各款 +$20⭐️⭐️⭐️綠茶紅豆mousse杯 - 紅豆好香又唔會太甜，綠茶mousse夠香滑但略嫌太稀！檸檬撻 - 檸檬唧花唔會太酸太甜，味道香濃，可以一試。朱古力撻 - 呢個甜品最好味，朱古力味非常濃郁但唔會苦，推介

偶然見到廣告牌在街上，於是抽時間去試吓都怕佢需要訂位所以打個電話上去問過，佢話可以Walk in，點知去到佢話我哋冇訂位（有點愕然）好彩佢都有比位我地，佢好有禮貌咁樣再三強調我哋上去係需要訂位嘅午餐係包括有柚子沙律南瓜湯主菜檸檬撻甜品同埋杯飲品當佢嚟第一個柚子沙律嘅時候食落就知道呢一間餐廳唔簡單…..有水準個沙律好好味個醬汁調得剛剛好個南瓜湯對我來講比較偏甜但係好香奶味好滑主菜我就叫咗個大菇意大利粉朋友就叫咗個三文魚兩個主菜都好好味檸檬撻都好味佢上每一道菜，都等你食完之後先至上非常之貼心亦都係咁樣所以用膳嘅時間會比較長，咁就要預留多啲時間，如果得一個小時就會比較趕

呢間西餐廳開係屋企附近好似都有一段時間，早幾日接完放學，就帶埋一老一少來試一試。叫左三個set lunch, 跟餐係粟米忌廉湯，啱晒小朋友，佢都話幾濃郁好飲。另外加$20試埋個洋蔥湯，洋葱味香濃不過個人覺得咸左少少。跟住食左沙律同另外加$20既前菜。沙律菜新鮮醒胃，配上少少粉紅色既燒牛肉，賣相同味道都幾好。另外個前菜唔記得左叫咩名，炸到脆卜卜成個波咁，入面包左啲印度味既涵料，惹味開胃。主菜有Cod fillet, 大蝦天使麵，同oyster blade•三樣都好好食，銀雪魚柳煎得好香，面頭脆脆地魚肉嫩滑；天使麵無overcook質地👍🏻索左蝦汁好味;oyster blade肉質細嫩,口感油潤，亦夠份量。又加$20食埋個甜品檸檬撻，小朋友鐘意，本人就麻麻地酸野😝老媽就大讚佢飲個杯泡沫咖啡，不過都係要加$20🤣🤣整體野食質素係柴灣區係高既，環境都舒適，如果唔使加咁多個$20會更好😝