Antoshimo Cafe & Bakery (Mikiki) (已結業)

啲幾日我大約4點打電話去啲間分店買donut外賣。佢哋話已經落場。我之前一直都係啲個時間打電話黎買㗎喎⋯⋯（因為我係買俾小朋友放學食）佢話佢依家人手不足，同事要休息6點先開始做嘢。但係營業時間係12-9..... 咩做生意可以鍾意就改營業時間㗎？非常唔專業！啲個時世有生意都唔做，有冇搞錯！

Antoshimo 啱啱喺香港開店時試過，記得嗰時主打沖繩麵包，仲有苦瓜同海葡萄，之後咁多年一直都好少機會再幫襯。今次再食，發覺 menu 改動咗唔少，變成比較大路嘅款式，其實同一般嘅日式快餐店冇咩分別。今次去咗新蒲崗分店，記憶中第一次幫襯就係呢間。可能因為疫情關係，店入面衛生情況非常良好，值得一讚。呢度用 QR code 落單，過程都有啲繁複，有啲問題問得幾仔細。揀咗個沖繩弁当定食，包括沖繩飯素白飯，豆腐鰹魚湯，壽喜燒豚梅肉，紫薯，芝脆雞柳，甜品同飲品，夠哂份量。熱食方面，全部正常水準，唯一係豚梅肉個胡麻汁熱食感覺有少少怪。由於我揀咗要多啲飯素同鰹魚碎，剩係用佢哋嚟送飯已經夠哂味，所以其他餸大部份都係空口食，好鬼滋味😆。其實我相信叫得呢個餐嘅人，醉翁之意絕對唔係主食，而係個甜品，我當然唔例外😂。呢個海鹽焦糖紅芋冬甩雪糕屬重量級甜品，上面係特級牛乳雪糕，下面係牛乳麻糬冬甩，兩者都頗有牛奶香味，又唔太甜，配合埋上面嘅焦糖漿同海鹽一齊食，超正👍。食食下，忽然全場熄燈😮，原來有人生日，店員攞咗個插住支煙花嘅甜品出嚟，跟住場內播生日歌，都幾搞笑。我問店員，佢話呢啲安排不另收費，打個電話嚟講聲就

今次放工去左一向好想食既Antoshimo Cafe食晚飯 我地叫左一個炸雞便當同一個豚肉芝士燴飯先講炸雞便當 佢有配菜加豚肉 令你食炸雞時無咁油膩 味增湯唔會太濃 好好飲 白飯上都有鏗魚碎 唔會太單調 中間仲有一球好靚既紫薯蓉至於豚肉芝士便當 配菜就有芝麻醬凍豆腐同梅粉紫薯 特別得黎仲好好味 但最驚喜既係個燴飯啊 濃郁既芝士配上軟淋淋既雜菌燴飯 冬天食一流最後 我要特別推薦既係 佢地既雪糕波提獅冬甩 凍冰冰嘅雲呢拿雪糕撈埋紫薯 食一啖雪糕再配一啖熱辣辣嘅冬甩 雙重享受 非常推介

自從肺炎之後都好耐冇出過去食lunch喇😋，琴日farewell個同事終於去咗呢間💛日本嘢～呢度嘅lunch menu都好多嘢揀🤗，全部都會送雪糕冬甩😚 呢個冬甩真係好好味㗎😋 夠煙韌，如果再熱啲就更好喇，配埋雲呢拿雪糕超正🤩～我揀咗豚肉烏冬食，餸同烏冬可以分別揀一個湯底😛😛！烏冬我揀咗壽喜燒，甜甜哋又唔會太重口味；豚肉揀咗呢度嘅獨家秘方黑咖喱，幾香又唔辣🤗～跟餐仲有一個胡麻豆腐同一杯飲品㗎😋

今次去咗交通唔方便嘅新蒲崗( ･᷄ὢ･᷅ )禁晚市堂食之前的~最後晚餐🥺唔知幾時先可以再去食😔我就叫咗一個沖繩芝士炊飯鍋燒定食-壽喜燒豚梅肉 男朋友就揀咗一個 - 椰子忌廉燒魚柳另外仲叫咗一個小食- 流心蛋豬柳脆皮酥😋(就咁睇個名好似好好味咁)好鍾意壽喜燒既我今次真係有少少失望 芝士味真係好濃厚 但係個飯太乾身 唔係好食到有壽喜燒既味😣 凍豆腐配麻醬👍🏻 紫薯都好甜 但係唔夠脆 如果外面脆d就好😛嚟到最後嘅飯後甜品 ——有驚喜(≧▽≦)雖然外表好似係一個好普通嘅冬甩同埋雪糕其實佢係一個麻薯冬甩🍩 咬落去第一啖煙煙un un暖暖的🥺仲要加少少海鹽焦糖醬入口💕💕配埋一啖凍冰冰嘅牛奶雪糕 冇諗過呢個配搭原來可以咁好味🤩🥳值得一讚！Ps:呢度個環境 真係好舒服架😌可以揀室外同室內坐 仲有啲聖誕嘅燈飾添✨✨嚟呢度影相都好浪漫🌹小酌兩杯都得😆

在新蒲崗這個商場覓食，見這家主打沖繩料理的餐廳食客不太多，便決定試一試。它主要售賣便當和烏冬，價錢大眾化，不到$100已有交易。我點了一客椰子忌廉燒魚柳定食，便當送來了，除了主菜和白飯外，還有面豉湯及芝麻醬椰菜拼豚肉。面豉湯味道不算太濃，鹹度適中，配料有數片豆腐。豚肉加了芝麻醬，很有沖繩地道料理的風格。魚柳煎香過，肉質尚算甜美，椰子忌廉醬汁味道不太濃，醬汁混合了紅蘿蔔碎和洋蔥粒，增加了口感。主食其實並沒有甚麼特別，午餐附送甜品，我起初不知道甜品是甚麼。當侍應送來時，真的「嘩」一聲叫出來，原來是一客焦糖冬甩配雪糕，絕對充滿誠意。冬甩的焦糖味，很有沖繩的感覺，剛烘焙的冬甩，熱呼呼又香脆。每一啖冬甩配牛奶雪糕吃，冷熱交融，再加上雪糕甜入心的滋味，是最高享受。這頓午餐只花費$65，簡直是物超所值呢！

雖然呢間🍽餐廳係為處於新蒲崗Mikiki商場入面，但只有一個🚪門口向街，喺商場入邊係行唔到入去嘅😂。餐廳採用木🪵系裝修風格，感覺溫暖舒適，不過有少少狹窄😅。餐廳周圍都有🇯🇵沖繩🦁風獅爺公仔圖案做裝飾🥰，感覺幾得意。我揀咗🤤漢堡扒配🥥椰香淡🍛咖喱飯，漢堡扒幾🍴大件，而且幾👌腍滑。佢會配埋前菜有🍠紫薯同埋豆腐。個豆腐撈左啲😋胡麻醬同埋上邊有啲木魚🐟乾片，幾好味～前菜嘅🍠紫薯幾甜，我通常會留返最後同甜品🍨先一齊食😂。呢個🥥椰香淡🍛咖喱飯🔥熱辣辣，撈埋幾款唔同嘅芝士🧀好 creamy 好 cheesy😍，入口有淡淡嘅🥥椰香同🍛咖喱味😋！呢個流心蛋🥚豬柳🐖脆皮酥🤤係另加嘅小食，蛋黃好香🥰流心😋效果都唔錯，而且🔥炸得香脆可口👍！呢個🔥炸🍠番薯條🍟亦係另加嘅小食，味道👌OK，不過就唔係好脆🙈。係呢度🍴食 lunch set 最正係會有呢個🤤「海鹽焦糖冬甩雪糕」甜品😍送！🥛牛奶🍨雪糕好 smooth，下面係🔥炸到好鬆脆煙韌嘅麻薯冬甩🍩，配埋海鹽🌊焦糖醬同埋🍠紫薯蓉一齊食好好味😋！總體來講喺度食🍽午餐係好👍抵嘅，因為有「海鹽焦糖冬甩雪糕」甜品🍨送！我特別鍾意食佢嘅🥥椰香淡🍛咖喱飯，而且仲可以多芝士🧀！

今天在外逛完，返來趕去剪頭髮，剪完已經六點多，就揾間平平哋嘅食店先，晚市呢間套餐，最平定食70幾蚊有交易，重送個冬甩雪糕甜品，加埋一80幾，就呢處啦！朱古力雪糕加$2-我點咗❨黑咖哩免治牛肉烏冬❩ 餐80幾蚊，未有疫情時是火鍋上，熱著主菜吃，烏冬放另一個碟。現在沒有了，侍應熱完個鍋後直接放枱面，烏冬~滑中帶Q彈，依舊另放碟上，从前因有火热着吃，汁慢慢收干，会越吃越浓味，现在感觉好像欠了点什么。芝麻酱豆腐小食~冻食的豆腐靠麻酱与木鱼丝增添味道，很嫩。果花，热饮，微甜，喝完后，有一点点嚡口。

在這間連鎖餐廳吃午餐很不錯👍🏻，一定吃得飽。我們兩個每人叫了一個定食，一個是Oki-day Box Set🍱，選取了黑糖檸檬汁🍋雞翼，雞翼份量比預期多，配上黑糖檸檬醬汁，開胃不油膩。另外一個是芝士炊飯鍋燒定食，選取了🍅蕃茄鰹魚炊飯，另追加芝士🧀。為安全起見，店員先為客人加熱飯鍋，然後客人把材料拌勻，避免不熟手客人把飯煮過火。蕃茄味尚算適中，芝士味也可以，但再濃味一點就可滿足重口味的朋友。總括來說，兩者味道不錯😋，而且份量不少，男士也吃得飽。最後，每人各有一份無料海鹽焦糖Donut配雪糕🍦，甜度適中，Donut 質感內軟，煙煙韌韌，十分滿足。這個午餐值回票價😆 ！

有探熱和搓手液提供，增設手機自助點餐服務#濃蝦壽喜燒湯麵配沖繩蒸餃子 $98送甜品#海鹽焦糖冬甩雪糕 #麻糬冬甩 #🍩 #牛乳麻糬 外脆內軟，煙韌好吃😋不會太甜。配甜甜的 #牛乳雪糕 ，底下是海鹽焦糖，味道像拖肥糖#沖繩蒸餃子 #🥟 味道一般的豬肉餃，像有雞軟骨#濃蝦壽喜燒湯麵 #🍜味精蝦湯搵麵似的😗有一隻蝦和魚蛋片ᶘ ᵒᴥᵒᶅ個人口味評分：7.5/10#food #hkfood #hkfoodstagram #hkfoodpic

自從離職之後，兩年沒來過這間了，難得時間尚早(12點正)不用排隊，便進來懷舊。鍋物對我來說比較麻煩，又點火又鋪滿全枱又要自己燒，而且限定一小時內吃完，有點匆忙，。所以我叫定食－－「椰子忌廉燒魚柳」，其實就是葡汁配炸魚塊；菜肉「沙律」依然是熱辣辣地淋上丘比醬。難得麵豉湯不會太鹹。論環境其實麻麻，從12點正開門就紛紛擾擾、店員奔波食客喧嘩。幸好最後的甜品值回票價：「海鹽焦糖冬甩雪糕」，上冷下熱，上柔軟、下煙韌有咬口，反差精彩，而且焦糖汁是淋在冬甩旁邊的竹，份量任人自由發揮，不會太甜。

香港絕對唔係一個pet friendly 的地方，想食野的地方大部分都容納唔到狗仔，只可以坐舖頭外面🙃呢間主打沖繩食物，有好多沖繩特色美食！最好嘅係狗狗坐底都有水俾狗狗飲，真係好貼心架！我最鍾意食佢啲泡菜芝士飯🤭雖然唔係沖繩野但都推薦，泡菜唔係重口味嗰啲，淡淡的泡菜加上香濃的芝士🤭🤭超惹味😜😜個餐仲包埋甜品，正丫

繼續抗疫不堂食，買外賣午餐買到嚟呢間～原來外賣都有驚喜！雖然要收外賣盒＄1，但同時外賣亦有折扣減＄10，故以呢個份量及賣相來說，是很讚我叫咗流心蛋豬柳·豚肉·炊飯·湯，飲品揀咗凍蜜桃紅茶。店員會問你即時取還是去行一陣，我就即時取，所以雪糕會同時出。（你去行一陣的話，佢應該係等你返嚟才準備雪糕，夠細心）外賣分開了飯及餸，豬柳蛋有流心效果，豚肉好味，椰菜墊底，炊飯仲有及木魚碎及紫薯伴隨，麵豉湯用杯上，最驚喜係甜品的冬甩同雪糕都會分上，雪糕球雪得硬，亦伴有紫薯，拎返公司都無咁易溶，可以放入雪櫃冰格待吃。整體感覺很良好，味道保持水準，加上有折扣（門口唔見寫有外賣折扣，睇收據才知），真係令今個Happy Friday很Happy下次再食過～

新蒲崗除咗舊寫字樓會去之外真係唔會嚟。。呢個商場開咁耐都係第一次嚟，早一晚上網睇有咩嘢食，見呢間食物唔錯，於是嚟試吓!12點幾。。剛開鋪唔係好耐，所以我地係第一枱，男友人仲話我地包場，睇完餐牌，店員再簡介一吓。。。我地點咗兩個set。。。總括嚟講食物唔算特別，冬甩係最出色。。。如果唔係嚟開嘅都唔會專登嚟食!

再一次接兒子放工，決定痴餐。懷念著昔日的雪糕甜品。一甫進去，很多人，證明此店的貨真價實。點了1）濃蝦壽喜燒湯面配沖繩煎餃($98)；2）黑糖檸檬汁雞翼飯($79)；3）黑糖檸檬水；4）黑糖冬甩甜品。第一次品嚐那個黑糖檸檬汁雞翼飯，雞翼斬半，但配以檸檬汁，尙算不俗，唯獨雞翼或許未能完全發育，有點瘦弱，值得改善。至於那個濃蝦壽喜燒湯面配沖繩煎餃，那個蝦尚算不俗。放了下去，令整個湯底升華了不少。最後再淺嚐那個冬甩甜品，果然味道一如既往，起著消暑降温的效應，值得一讚。