Antoshimo Cafe & Bakery (Mikiki) (已結業)

2019 最後一個 lunch🥘，公司收半day, 梗係同班戰友醫埋肚至返屋企😚定食嘅都好精緻🍱鍋燒🔥類我每次都必叫，因熱辣辣好正。唔鐘意食飯，有烏冬可以選擇。舖內好多沖繩佈置飾物，氣氛幾好，💁🏻‍♀️員工服務友善。蜜桃茶 (熱)☕個飯有撈左南瓜，芝士，所以每啖都有芝士，十分十分邪惡的。炸雞我選的是黑椒味，好惹味架🤤紅薯味道正，少少甜前菜凍食豆腐個個甜品至係重點👍🏻個餅夠熱🔥雪糕夠凍❄係唔錯嘅除夕午飯之選😅

分別去過鑽石山及新蒲崗這間分店，服務態度這家會比較殷勤，小二較有笑容及客氣。兩間分店都舖仔細細，接近凳貼凳。如果預算會晚飯後再想吃個雪糕之類，路經這店就會走進。有選擇困難症的至少煩少一樣，跟餐送的就只當下既定的那款。晚餐上選了2個套餐，以輕食量來說，搭2至3個小吃，其實已足夠3人份量。點了：蒸魚柳配蕃茄🍅濃湯烏冬定食，魚柳估計是鯰魚或龍脷，有輕微腥，還好吃撮蕃茄烏冬就輕輕蓋過，而另配蒸南瓜、日本菇、椰菜，感覺稍稍有點健康。黑椒脆雞柳配芝士粟米忌廉飯，衝著這脆雞柳而點的，特別喜歡這脆米炸雞的質感，好像脆米朱古力那樣，蘸了搭配的醬汁更是惹味。而那忌廉飯略嫌汁太薄，豆腐的胡麻醬有點搶味，蕃薯有點乾但味道可以。配送飲品都點了熱蜜桃茶，熱飲是凍飲的size。追加 流心蛋豬柳脆皮酥 及 黑糖雞翼，雞翼吃完過舌即忘，唯那脆皮酥挺令人食指動，𠝹開即流出蛋漿很治癒。最後送的 牛乳雪糕配焦糖冬甩，不太糖，冬甩不算太膩蘸了焦糖醬就剛好。

至今光顧過6次以上，每次去光顧，都是午餐今次都唔例外，但今次留下一個令我唔想再去食的經驗等位等30分鐘都未入到位既情況，已經12:45 拎到等位飛到1:15仲等緊位 期間入左好幾張 2人，5人位既枱當時拎住3人飛，同我講左幾次下張3人枱到我，但遲過我拎飛都已經有位了個下先著火係咪乖乖地等唔畀壓力畀職員 就唔會安排位置甘點解要拎飛等位？食物方面 ok老闆默默為大家準備食物我相信大家喜歡主餐和甜品甜品 真的不錯環境 人多 噪音多甚至有點迴響

最近聽朋友講，試左新蒲崗 Mikiki 既主打沖繩料理餐廳，又話說企鵝小姐個心仲係沖繩未返黎，就一於去試下! 😋果日係平日，我地咁岩撞正中午去食，勁多office人，等左一陣，好快有得入! 係門口已經睇定想食咩，即叫! 。 😎 🥘 壽喜燒炊飯定食 🍱定食炊飯可以任選配搭，都有唔少選擇，我就簡左壽喜燒，炊飯本身有芝士俾客人自己撈，但由於中午太多人，就由員工代勞，小食簡左黑糖檸檬脆雞🐔 先黎跟餐既紫薯同豆腐前菜，紫薯輕輕炸過，口感鬆脆，紫薯味濃! 豆腐則一般，不太特別，反而令我驚喜既的是黑糖檸檬脆雞，咬落非常鬆脆，雞肉嫩滑，滲出淡淡檸檬香味，正! 反而滿心期待的壽喜燒炊飯，就令我有點失望，沒有壽喜燒味道，或可能被芝士味蓋過了，整體來說，定食還算合格! 🧀芝士漢堡扒配咖哩豚肉定食🍱定食配飯同鰹魚味噌湯，值得一提的是芝士漢堡扒炸得鬆脆，咬下中間的芝士即流出，味道很夾，唔錯! 🎉驚喜的是原來店家跟餐還附送一客甜品(海鹽焦糖雪糕冬甩)🍩🍦 ，食到飽都忍唔住食曬! 剛炸起的冬甩還暖，入面仲有麻糬，外脆內軟! 配埋上層微咸帶甜的海鹽焦糖雪糕一齊食，每吃一口也是享受! 🤤只係呢個甜品已經令我會再去食☺

今天放工和朋友去了沖繩食晚飯。叫了超蕃茄濃度8，叫得濃湯底，當然有返咁上下濃度，內有新鮮蕃茄片，甘筍粒丶粟子粒、洋蔥和日本魚蛋片，再加上特別的香草，真非常美味，湯底濃味中帶點香草清新感，加上烏冬軟滑煙靭，今人一試難忘！另外套餐還有蒸餃子，餃子本身嘅外型就唔同一般嘅餃子啦，係長型嘅！應是煎完用水蒸焗至有小許濃邊，令餃子有外脆的口感，但餃子內又保留有豐富嘅肉汁！正到無朋友！套餐送一杯蜜桃紅茶， 正好解解我食完餃子嘅熱氣，紅茶甜到適中！最後到的甜品了，只要叫套餐便送甜點，每次吃都有好複雜感覺，甜凍雪糕上有冲繩特有黑糖，但雪糕下面放著微暖冬甩，冬甩又帶少咸味，雪糕的甜加冬甩的咸，感覺就是非常復雜，但又非常美味！以上套的HK$80左右＃食遍新蒲崗Antoshimo Cafe＆Bakery（新蒲崗）新蒲崗太子道東638號Mikki地下G05B號舖

係新蒲崗番工真係一定要試下沖繩既lunch set! 有前菜有主菜有飲品有甜品 一下子滿足曬四個願望🤭🤓而家佢地新推出既蕃茄湯底已成功取代壽喜燒成為最愛為左健康啲我通常都係食蔬菜鍋 一鍋滿滿的南瓜🎃 菇類🍄 同菜🌿 令小火鍋即刻變得營養滿滿🙈如果想食肉既話 呢度都有豚肉 雞肉俾你揀 一定食到飽飽😛✌🏻而烏冬呢 見到相都知係好正 最鐘意手打烏冬既口感🤩 配上酸甜既蕃茄都真係幾開胃🤭最重要既係價錢親民 70幾蚊有咁多野都真係幾難搵🤪

好耐之前都黎過一次，近期再黎，發現佢啲炊飯而家佢會中央幫手撈完先拎過去俾客人，可能覺得客人自己撈會太危險喇，因未必好穩陣真係會跌。 但佢撈完再拎過黎就冇咁熱，可以無限加芝士真係勁正，不過再後加冇左啲火烘住就難啲溶Lu . 今次食左粟米炊飯，但我發現好似都係以前好味啲咁，但係整體都係好高質！ 最正係食完個飯同埋啲肉，仲有個甜品，甜品堅特別，係海鹽雪糕再加冬甩，真係勁好味，重點係成個餐一百蚊有找，真係抵到喊！

日本就有Mister Donut (我最愛)香港就仲未搵唔到最好食既冬甩，所以係店外見到呢間日式餐廳有賣就忍唔住買黎試試.選左黑糖味，特別d：D最搞笑真同假既冬甩擺埋同一個位置.....，第一次叫左個display.......個質感唔錯，都係in in un un，不過唔知黑糖定油既關係，食落淋身左少少.環境❤️❤️❤️衛生❤️❤️❤️人手❤️❤️❤️食物質素❤️❤️❤️禮貌❤️❤️❤️選擇❤️❤️❤️送菜速度❤️❤️❤️❤️座位數量 ❤️❤️❤️攝影環境❤️❤️❤️..5❤️為滿分.

今天放工和朋友去了沖繩食晚飯。叫了超蕃茄濃度8，叫得濃湯底，當然有返咁上下濃度，內有新鮮蕃茄片，甘筍粒丶粟子粒、洋蔥和日本魚蛋片，再加上特別的香草，真非常美味，湯底濃味中帶點香草清新感，加上烏冬軟滑煙靭，今人一試難忘！另外套餐還有蒸餃子，餃子本身嘅外型就唔同一般嘅餃子啦，係長型嘅！應是煎完用水蒸焗至有小許濃邊，令餃子有外脆的口感，但餃子內又保留有豐富嘅肉汁！正到無朋友！套餐送一杯蜜桃紅茶， 正好解解我食完餃子嘅熱氣，紅茶甜到適中！最後到的甜品了，只要叫套餐便送甜點，每次吃都有好複雜感覺，甜凍雪糕上有冲繩特有黑糖，但雪糕下面放著微暖冬甩，冬甩又帶少咸味，雪糕的甜加冬甩的咸，感覺就是非常復雜，但又非常美味！以上套的HK$80左右＃食遍新蒲崗Antoshimo Cafe＆Bakery（新蒲崗）新蒲崗太子道東638號Mikki地下G05B號舖

Antoshimo Cafe & Bakery 這店的套餐比較貴,但一試無妨,進店裏先點了一個黑咖哩芝士漢堡套餐,再點了另一個的是豚肉壽喜燒湯麵配餃子套餐,先說黑咖哩芝士漢堡套餐,有很重的日式咖哩味 漢堡有肉汁,不錯的選擇, 但是豚肉壽喜燒湯麵的湯底比較奇怪吃起來像,番薯糖水裏的薑水一樣,或者是煲湯圓的薑水一樣,你試想一下,薑湯拉麵加豬肉的味道,就知有多難吃,但這店我最喜歡吃的,就是紫薯金粟脆皮餅,但這店不能坐下只點這一個紫薯金粟脆皮餅,一定要點套餐。

呢間店喺mikiki門口附近同朋友喺對面嘅嘉禾戲院睇完戲，就過黎搵野食首先呢間嘅店面已經吸引左我入去係充滿台中妖怪村嘅感覺好搞怪好可愛我地叫左個套餐食，因為會送甜品同埋野飲可以揀水蜜桃茶我就叫左個漢堡扒+餃子+蕃茄濃湯烏冬真係好濃嘅蕃茄濃味，完全冇得頂，啲烏冬都煮到啱啱好，有咬口感，唔會太淋。其實食完個餐已經好飽，但仲有甜品一試就完全愛上左佢嘅甜品 未試過咁好食嘅雪糕+冬甩(?) 就算幾飽都可以再encore會為左呢度嘅甜品再去食同埋好適合同朋友見面食飯，可以傾好耐計，環境又靚又舒服

先來芝麻醬豆腐、黑糖紫薯😋😋😋，再來十分好味的芝士蕃茄鰹魚湯飯，今次揀了海鮮，飯內還有菇、南瓜和菜，健康又好吃，套餐內還有沖繩黑糖donut ，這個是超好味的甜品和一杯飲品，我叫了蜜桃🍑茶

情人節到哪裡吃，經濟又好吃？夜落班，那裡也不敢Book，只可找自己幫襯過又方便的店舖，起碼也是2人撐枱腳。沖繩蒸餃子配烏冬$72點了超蕃茄濃度8，說明是濃湯底，當然有一定厚度，又有新鮮蕃茄片，甘筍粒粟子粒洋蔥與香草，雖是蒸餃子，應是煎炸完才再蒸，好像上海餃子，煎完用水蒸焗至熟透，餃子味道剛好，烏冬軟滑煙靭，是濃湯伴侶。黑咖哩漢堡扒鍋燒烏冬$82先吃帶木魚碎的麻醬凍豆腐，腍滑非常，豆味不重。香濃的日式黑咖哩汁，用火慢慢加熱把蔬菜煮熱透，烏冬另上，吃了一半時再才加烏冬在鍋中，黑咖哩汁濃郁帶香微辣，熱辣辣掛在烏冬上，美味。南瓜芝脆皮酥$12追加了兩個小吃，日本南瓜又怎少得了，脆皮南瓜軟甜，釀了適量芝士，溶化在南瓜泥中，好味。黑椒脆炸雞$12點點黑胡椒碎加鹹味，脆口，雖不見肉汁，但炸得不算乾。海鹽焦糖冬甩雪糕無料Free的，只要幫襯吃套餐便送你，雖然每次吃也感他略甜，所以我們會盡量只點少少焦糖醬，就非常好味，凍冰冰的雪糕點上微熱的焦糖與溫暖的冬甩，200元就可以滿足2人，抵呀！

Mikiki 有好多可以坐戶外的餐廳，但平民價的不多，佢既價錢有兩款前菜、主菜、飲品、甜品。我覺得好好呀！一定食得飽！我認為這一間餐廳最好的是每一款定食的主食例如飯麵或烏冬，都能夠更改味道有壽喜燒、咖喱、蕃茄、泡菜和芝士粟米，而每一個炊飯都一定會有芝士，當然如果你不足夠是可以添加的。每一個餐都一定有雪糕。前菜大家都一樣的，有麻醬豆腐和黑糖紫薯。麻醬豆腐上有些木魚，口感多了些，用黎開開胃十分好。黑糖紫薯，紫薯好似炸過的，脆口的加上黑糖一齊食都是開胃小菜。牛肉壽喜燒湯麵配沖繩餃子，今次我把麵條轉為烏冬，壽喜燒湯底少少甜，餃子沒有什麼特別，餃子入面的餡是蔬菜類，但餃子上面的醬汁是豆板醬，加埋一齊食味道很刺激。清清的烏冬加上餃子也不錯。壽喜燒炊飯配芝士脆雞柳，芝士脆雞柳是為一在定食中時炸的。而其他餸都是蒸的！男士黎講我諗佢地都係會選擇這一個！黑糖蜜蕃薯條，黑糖唔足夠，得面既蕃薯條有黑糖。

剛在嘉禾戲院跟媽媽看了轟天部隊，就決定來了這間富有沖繩味道的日本餐廳吃晚飯。事實上我跟同事，女朋友來過幾次，幾次也是為了它的甜品而來。🙆🏻‍♂️作為甜品控的我，主食吃什麼也不介意，就挑選了椰子忌廉燒魚柳定食。媽媽則選擇了濃蝦壽喜燒湯麵配沖繩蒸餃子，配以凍檸檬茶和蜜桃紅茶。先來了椰子忌廉燒魚柳，坦白說，普普通通，沒有多大特色，魚柳炸得不夠脆，但以一個定食來說，效果尙算不俗，材料足，且來自沖繩的白飯，效果也不錯。後來了濃蝦壽喜燒湯麵配沖繩蒸餃子。甜甜的湯底，配以龍蝦的鮮味，很是開胃。然後的餃子，炸得很好吃，與普通餃子很是不同！最後來了重頭戲，就是這個黑糖冬甩，超級超級好吃！大大舊的凍雪糕，配以暖暖的冬甩，一放進口，一啖冷，一啖熱的感覺，就好像容祖兒那首歌曲一樣，來回地獄又折番人間！這個個就算要加錢，也一定要加！更何況不用！十分鐘後，已將全碟的甜品掃清光！此店可說是mikki中性價比最高的餐廳！住在新蒲崗的你，一定要來！