Applegreen (已結業)

已經有一陣子沒來葵芳，原來新都會廣場近日裝修，行行下有點迷路感覺，經過韓式炸雞和鐵板牛肉飯都要等位，見這家applegreen 不用等位就進內了。炸珍寶蘑菇 (9/10)蘑菇夠大，切成大約8粒，很多汁，而且附上黑松露醬，好香！可惜有點太油膩了，扣了一點份。蟹肉牛油果沙律 (5/10)以前叫沙律有一份香蕉蛋糕，可惜現正已經沒有了。沙律醬酸酸甜甜很是惹味，可惜牛油果份量太少，只有大量青瓜充撐，而且冷凍的蟹肉有吃到蟹殼，有點失望。黑松露焗通粉 (8/10)焗得金黃可口，賣相好吸引，黑松露味道也夠，美中不足是個人不太喜歡細粒的通粉，覺得口感一般，要是換了大粒坑通會更合我心意。本來還想試甜品，但實在太飽了，唯有下次吧！

是晚一行三人walk in 18:00有位...不過個接待就面無表情🤔坐底左冇人介紹冇人招呼自己睇完就叫人落單聽果個聽幾次都聽唔到面無表情果隻1:沙律上有脆脆完全唔脆😡2:個南瓜沙開粉到唔想飲3:雞中翼三隻.來到開晒兩邊變相冇肉食咁中間唔知係唔係偷晒去4:個pizza反而有驚喜.火腿蜜瓜.佢蜜瓜切左片放底再放火腿...咬底好好味👍🏻5:明太子意粉見推介所以一試.點知明太子去左邊我只見一堆白雪雪意粉6:金吉特飲...淡到呢🙄唉...唔怪得有位了（星期日1800

今日同家人去瑪嘉烈探人，之後就一行四人去左Applegreen 食飯。入到去環境舒適，適合談天， 有足夠空間感。睇menu見到有all day breakfast ，有d想食但係好似唔係太抵食，而且又無我最鐘意食既薯餅。所以之後叫咗松露野菌意大利燴飯、香煎檸檬牛油龍脷魚柳、同香草忌廉三文魚意粉。原來佢有前菜，湯很濃，牛角包幾好食跟餐有餐湯、低脂乳酪汁沙律、牛角包賣相不錯，意粉相對比較硬身，意大利燴飯口感不佳。唯一是魚柳很好食，魚柳底部還有薯條，對於薯仔愛好者黎講，正正正凍鮮檸檬特飲，飲落很酸，之後我們問咗侍應拎糖漿，加左就好dd總結，可能自己食慣中菜，覺得呢間餐廳普普通通，但對於鍾意食西餐嘅人來講，應該不錯。

今日無無聊聊同屋企人出街食晚餐，諗住去返之前去過都幾好味既餐廳。點知……唔知係咪換咗廚，我叫咗2個2人餐，個湯有d鹹，沙律Ok，黑毛豬好味，薄餅Ok，意粉唔夠白酒，柚子雞翼都ok，個牛排一攞出嚟已經同我個樣一樣……黑晒，我叫5成熟切開仲恐怖，成塊排紅卜卜（唔係血淋淋），一放入口酸㗎仲梅梅哋㗎，點知隔離枱都係叫同一樣野，佢哋食咗幾啖，叫個侍應嚟問點解酸，個侍應話係用黑醋醃過，嘩我登時就加把口話唔係嗎，靚牛排用醋醃咁奇怪?！心諗唔通塊排有問題，我諗我e幾個月唔會再去

跑完馬拉松，又唱完K，好癲節目未完，再去行街行到攰在商場搵間好坐嘅餐廳坐下休息，呢間在商場一角，下午茶時段入內，其實幾驚，好多小朋友，所以幾嘈，雖然地方唔迫，淺木傢具加橙色裝飾，地方好光鮮，店員安排我哋坐一張2人枱，因為唔肚餓，兩個人叫一份餐加杯飲料剛剛好，Brunch Set幾抵食！Brunch Set:炭燒特級厚切牛小排（$128）賣相靚，厚身牛肋排幾大份，切開做到要嘅五成熟，燒到有格格紋，肉質好淋，而且好肥美，肥脂略多所以好豐富肉汁，喜歡肥嘅一定喜歡！面頭有蜜汁封住，所以微甜！墊底配菜有薯條同汁煮蔬菜，幼薯條香脆，點茄汁剛好！切粒蔬菜有紅蘿蔔，炆得入味腍身，南瓜淋身，蘑菇片淋身！整體好味！餐湯：薯仔忌廉湯，金屬碗，份量唔多，第一感覺唔夠熱，忌廉湯幾滑，薯仔味濃！香滑幾好味！但唔夠熱差啲！跟餐沙律：低脂乳酪汁沙律，賣相靚，羅馬生菜爽脆，乳酪汁薄身微酸，石榴食唔出味，放面嘅橙肉酸甜！好味！小牛角包：細細個，好酥脆好香，好味！跟餐飲品：凍鮮檸檬特飲，勁檸檬味，好酸唔甜好開胃！另叫：熱洛神花茶，茶壺上夠熱，紅色微酸嘅茶，加啲柚子蜜，味道清爽又香果味！好喜歡！店員有禮斯文，會留意住客人，好

！！！！唔！該！請！你！地！ 改！善！ ！你！地！既！服！務！質！素！ ！！！星期五lunch hour 3 位黎食午餐， 先唔好講話lunch 時間好多人，預左lunch hour 要排隊等位呢點我理解， 所以好早12:45 就去等位！結果等左成差唔多30分鐘先有得入！ 最嬲係咩！就係不停淨係入2 人檯, 3 人以上既完全唔入！明明見到有張4人檯坐左1個人， 有3個位淨都唔俾你入， 跟手有個一人既直接行入去坐左落張本身有一人既4人檯到， 仲要唔洗拎飛係咩玩法？ 問返個職員點解咁樣安排？！個女職員面口極差回應你，「我地呢到唔搭檯架！！！」唔搭檯又點解可以一個人坐落張已經分配不均的4人檯到？ 仲要補多句「有人埋單咪俾你坐囉！」點解我食餐飯要求人咁？！入到去點餐（唔好問我點解咁都仲要等，方圓十里都爆滿，我唔想再由頭等過， 諗住填飽個肚快快返工做野）叫左3個lunch set , 先講： 1）個湯， 我根本淨係飲到怪味！ 橙色點都估係南瓜啦！ 但南瓜唔似南瓜， 紅蘿蔔唔似紅蘿蔔！係好難飲2） 香草三文魚意粉： 我見到灘水！係灘水呀！ d 意粉係浸死架！條意粉屍係撈上黎軟林林同發漲呀！！個

話說昨日4月1日余仁節去佐葵芳新都會既Applegreen食晚飯。呢間之前有同朋友試過下午茶，味道唔錯，所以決定再去。咁岩餐廳有做Dinner for 2既set, 所以我地一行4丁友前後叫兩套。* 芝士烤黑毛豬：我覺得味道都Ok，不過略嫌肉身有d硬。 但芝士份量都多，所以搭夠。個忌廉汁飯幾好食，廚師仲要係上面加夠青蘋果做裝飾，有少少surprised😂😂😂😂* 棒棒雞沙律：之前食過覺得唔錯，所以今次再叫，都係勁多菜同餅碎，仲有米條碎再加d生果配搭，爽口冇苦味之餘，仲可以頂一頂個胃，等佢飽肚d.* 明太子意粉：我今次先將檸檬捏佐d汁落意粉度再撈埋一齊，唔知係咪撈得唔夠平均既關係，所以有種酸過頭既感覺。 下次唔會咁樣試，哈哈。* 香脆雞翼：普通，冇咩太大特別既菜式。飲品就叫佐洛神熱茶，唔太酸，天氣轉涼時都可以一叫。整體評價：呢個dinner set不過不失，選擇範圍都大，唯獨唔包甜品，就有少少失望。

食左一半走埋 由飲品.湯.前菜 主菜都好難食 沙律菜唔新鮮菜葉又黃又黑 個所謂黑毛豬仲利害 肉放落口有陣肉臭味 其他食物飲品都唔想再講 2個人食左$400幾蚊 唔知為咩 侍應完全唔會理你 連想點餐你都等下先丫

好耐冇黎葵芳行街, 原來新都會啲鋪頭都改頭換面, 平時黎親都係食Red Ant, 點知執埋, 真係有啲徬徨唔知食乜好。老公幫手睇水牌, 我就去放個水先, 叫到著Applegreen制服既員工去洗手間, 再上網望下呢間野食西餐, 咁試下啦, 好唔好都一次啫。餐廳入面都幾多位, 人都唔少, 枱面已經放左Brunch Menu, 由$78-$118, 仲有湯, salad, 牛角包同飲品, 好抵咁wow, 但通常係咪越抵就越伏架呢?老公同我都想食松露野菌risotto, 所以另一款就叫左炭燒特級厚切牛小排。餐湯 - 南瓜湯, 濃既, creamy既, 好味既, 老公唔食南瓜都飲晒低脂乳酪汁沙律加牛角包 - 菜新鮮, 仲有啲橙肉, 紅石榴, 加埋個醬汁好好味 松露野菌意大利燴飯 - 老實講, 上枱個陣有少少嚇左一嚇, 點解會用呢啲碟既?  不過佢係好香, 好大份同埋味道係幾好既, 只係碟既問題啫炭燒特級厚切牛小排 - 我同老公一見到都以為佢上錯左, 因為通常都係好薄, 好細份。牛小排好香既炭燒味, 切開細細舊就咁食唔點汁都已經夠味。呢個份量跟呢個價錢堅係抵, 可惜係啲甘筍定紅蘿蔔硬到好似未煮過

到了晚飯時間仍然唔太肚餓, 去了 AppleGreen 食少少當晚餐啦.  點了一份白松露薯條及蟹肉牛油果青瓜沙律, 白松露薯條OK幾香,不過炸得油咗啲.  至於蟹肉牛油果青瓜沙律 – 侍應一上菜我即刻問佢是否搞錯了, 因為聞落去只係一陣青瓜味, 望落去只見很多菜葉及青瓜 (蟹肉少就預咗), 只係見到一兩條牛油果, 侍應話係得咁多咋喎. 同經理投訴後佢幫我拎返入廚房, 加多兩條牛油果肉俾我, 食晒全碟沙律總共有4條牛油果, 真係多謝晒~ 

放閒日最鍾意出街食 lunch/ afternoon tea。因為閒日好多餐廳都會推抵食 set lunch/ afternoon tea, 比散叫平好多。今次放閒日我就去左呢間餐廳食 set lunch，覺得各方面都幾好。我叫的 set lunch 78 蚊加一，有湯、沙律、牛角包、主菜同飲品。雖然湯同野飲很一般，但沙律同牛角包都好味，尤其是牛角包，牛油味非常之香，細細個好滿足，唔會覺得油膩。主菜係牛油汁配龍利魚柳。除左薯條太幼，其他方面都很好味。牛油汁、沙律汁配炸魚，正！雖然未知它是不是龍利，因龍利較貴，但吃得出應該不是碟頭飯那種最廉價的魚柳。份量好多，食到好飽、好滿足。

至從尖沙咀加拿分廣場個間結業後就冇再食過今日同朋友去左葵芳見到有applegreen就諗住去食下，佢d設計都係同以前一樣冇咩分別，葵芳呢間都okay大間我地四個女仔叫左二人set再散叫多個凱薩沙律，香草白酒煮蜆意粉，炸珍寶蘑菇個二人set都幾豐富，有兩個前菜叫左個薯格同柚子雞翼個薯仔都okay ge 幾脆，但係個雞翼就好Main course 就叫左個燒雞，忌廉意大利粉個燒雞都幾大隻，好有雞味好好食，有兩隻細嘅個野菌忌廉意大利粉都幾多菇菌，但係我覺得忌廉汁小左d額外叫左份full set 凱薩沙律，都真係好大碟，四個人食好足夠香草白酒煮蜆意粉我覺得好食過忌廉，佢清清地幾好食，麵質岩岩好，不錯不錯炸珍寶蘑菇就好夠熱，甘多款入面最熱個個，但係好重油益味，唔係真係甘好食今次食完覺得Applegreen退步左，啲食物好多都好唔夠熱，味道都係正常，我印象中嘅applegreen係好食好多

There are quite a number of restaurants in Metroplaza Kwai Fong, and long line is expected during dinner service. We picked Applegreen because there was no line that night. After we sat down, we looked around other tables and found at least 3 couples ordered the set dinner for 2. The set dinner had a lot of choices and price seems reasonable. We weren’t that hungry that night, so we ordered a la carte. We ordered the Classic Mac & Cheese (HK$58), Truffle Rice (HK$108), and a pot of Hibiscus

葵芳好似無乜餐廳選擇 所以揀左apple green我地4個人8:30先入去 都無為意10點就關門芝士薯格 HKD108(L)意想不到既豐富 有牛油果醬加酸忌廉中和左芝士既膩👍🏾👍🏾墨西哥炸雞沙律 HKD138原來大size真係好大份 好驚喜個沙律汁係粟米汁 好fresh👍🏾👍🏾野菌忌廉意粉 HKD98意粉有咬口👍🏾忌廉汁唔膩 好味Margarita pizza HKD138啲芝士未溶哂 咬落去一舊舊既感覺 同埋羅勒醬唔係好夾👎🏾一路食一路傾計都無留意到時間 直到人地話要關門我地先走😂

叫左my favorite明太子pasta但其實都幾貴個pasta$108無任何餸加topping另外加錢加左炸雞就total $134個意粉炸雞好油雞鞋鞋地早知唔加好過另外個焗薯皮好在有半份叫如果得個2個人都唔會太多食唔晒但唔夠cheese另外薯皮上嘅醬凍冰冰有d奇怪整體感覺無以前咁好食另外隻杯有唇膏印有d接受唔到