ASOK THAI GARDEN

營業中

休息中

經過尖沙咀，發現一間閑日8:30都有勁多人排隊嘅餐廳，心諗應該幾好食，所以就去試吓！呢間餐廳主打西泰fusion菜，荃灣都有分店，裝修都係以白色為主，仲有兩張幾特別嘅枱，可以比客人瞓低食。先嚟一碟生蝦刺身，有足足八隻蝦，蝦肉好新鮮好爽口，點埋個刺身汁好好食！然後就係冬陰功湯，配料都幾足，仲有一隻好大嘅蝦，勁多蝦膏，蝦肉亦都好彈牙，個湯都好開胃👍🏻主菜就揀咗泰北咖喱蟹肉烏龍麵，入面都有幾多蟹肉，至於烏龍麵配泰式咖喱真係冇得輸，非常惹味同掛汁，每一條烏龍麵都索咗好多咖喱汁，加埋面頭嘅脆卜卜，口感好豐富！仲叫咗燒雞翼，係三大隻雞全翼，焗得好香脆，而個蜜糖汁亦都好正，唔錯唔錯～最後甜品食埋佢個巴斯克蛋糕，好有芝士味，中間亦都夠軟熟，唔會太硬，大滿足！

今日我去咗一間泰國餐廳食晚餐，整體經驗都相當不錯。餐廳環境舒適，裝修充滿泰國風情，令人感受到熱帶的氛圍。我點咗菠蘿梳打，味道清新可口。飲品中有一股淡淡的菠蘿香氣，微微的甜味和酸味相輔相成，十分解膩，特別適合搭配泰國料理。主菜方面，我選咗紅咖喱烤雞。雞肉烤得恰到好處，外皮微脆，內裡保持多汁。紅咖喱醬香氣四溢，帶有一點辣味，但不會過於刺激，讓人可以慢慢品味。配上白米飯，簡直絕配，令人回味無窮。另外，我仲試咗北海道帶子娘惹牛油貓耳粉。這道菜色香味俱全，貓耳粉口感滑溜，搭配鮮嫩的帶子，牛油的香氣令人陶醉，娘惹的調味令整道菜更加豐富，層次感十足。最後，我點咗芒果糯米飯作為甜品。芒果新鮮甜美，糯米飯柔軟，搭配椰漿的香甜，整體口感十分平衡，讓人感受到泰國的獨特風味。整體而言，今次的晚餐體驗相當愉快，菜式多樣化，味道正宗，服務態度亦很好。無論是想嚐試泰國經典菜式，還是享受清新的飲品，這間餐廳都值得一試。下次有機會再來，仲想試下其他菜式！

話說今日同朋友慶祝生日，諗住喺呢間餐廳度食嘢，喺晏晝嘅時候我就已經打電話叫定甜品 想去甜品個碟度寫Happy birthday。 打去嘅時候個侍應啲態度都已經唔係咁好，不過唔緊要，可能只係咁啱嗰個同事態度唔好，食完飯我開始叫佢上甜品正常應該都會執枱 ，佢哋淨係俾咗兩個甜品碟張枱完全冇執到之後就想甜品 ，有兩碟食物係食完，有兩碟係食唔晒諗住拎走，所以叫侍應拎兩個外賣盒俾我， 之後個侍應就係咁擺低咗兩個外賣盒好似冇諗住幫我執枱咁， 同酒樓食飯冇分別 ，最嬲嘅係個甜品冇寫到Happy birthday之餘都冇蠟燭， 好彩我當時自備咗蠟燭，喺張枱咁亂嘅情況底下另一位侍應就即刻隊咗張單，我覺得成個感覺都好差， 喺OpenRice訂位，所以正常應該會有八折優惠，嗰時我冇為意就俾正價嘅價錢，夜晚諗返起就覺得好唔抵 ，都好後悔去咗呢間度食飯。

講起食泰國菜喺尖沙咀呢一帶呢一定都有聽過asok Thai garden因為喺晚市時段你會見到好多人！香茅烤豬頸肉呢碟豬頸肉超級份量大碟，特製嘅醬汁會令你一口接一口，一路傾計就會清晒成碟😚青咖喱雞配印度煎餅青咖喱入面嘅雞件呢好滑溜，而且配上茄子同埋薯仔等香料去烹調配上煎香咗個薄餅就一流！甲拋肉碎牛油果墨西哥夾餅🌮肉碎炒得好香口配上卜卜脆嘅墨西哥夾餅，用生菜夾住口感好豐富！但係餡料太多小心食嘅時候會跌到周圍都係🤣是拉差辣椒虎蝦海鮮義大利飯🍚意大利飯軟硬適中，而且帶一點掉頭微微嘅辣椒味配上大隻嘅虎蝦加上Creamy嘅醬汁，很收貨！THAI MILK TEA 飲完呢啖泰式奶茶，真係覺得自己置身於泰國，濃厚嘅奶茶香味，好正！Golden Triangle呢度嘅酒精飲品好多都賣相精美，最後我都忍唔住揀咗杯

初初開業，我已經和朋友試過一次，當時感覺良好，今次重遊舊地再食，為朋友們慶生，換來的卻是惡夢，簡直不知所謂。今日13:00，餐廳致電確認預約，我未能即時接聽，其後回電7次，無人接聽，直至17:00我再致電餐廳，接線生（女，染粉紅頭）聽，語氣無尾音，不願意回應似的，我確定生日蛋糕後便急急收線。我預約18:30，我18:37到達，又是同一位粉紅頭女子招待，我說我預約了18:30時間，她無反應，我指一指預約簿我的名字，她態度惡劣說：「你過左時間，只能留枱10分鐘，叫我出去外面企」我望一望時間，根本未夠10分鐘，轉頭她說「你是否預約左，用手指我入餐廳」連小姐都唔會講，無名無姓，我當時覺得極度侮辱，我說「我無遲到，你叫我出去企？」她仍用態度囂張說「我都要安排位置嫁」，我當面說：「你係話我遲到，我有咩得罪你吖，你而家咩態度啊⋯⋯」她才說對不起，但我覺得敷衍和沒有誠意。這樣的服務態度絕對不能接受。食物味道正常，環境狹窄，桌面面積細，原來有限時用餐時間，我們直到用餐後才知，女子的態度我已向餐廳員工投訴，強烈不推薦，就算食物質素再好，這樣服務態度不能接受。食物方面：1. 紅咖哩不是辣，是甜的，古怪的2馬

😋ASOK Thai Garden甲拋魷魚是拉差意大利飯🤩肉質綿密，香馥彌漫，每一粒米都裹滿了湯汁的香濃。撈起一勺送入口中，飯粒與醬汁香辣在口中炸開，簡直是味覺的極致享受！酸辣柚子沙律👀清新的柚子酸澤感與特製辣醬完美結合，配上爽脆的蔬菜，爽口又開胃。雞肉串燒✌️🏻烤得金黃酥脆，內裡肉質鮮嫩多汁。配上特製醬料，簡直是泰國的經典小吃！焦糖泡沫咖啡✔️香甜的焦糖泡沫與醇厚的咖啡完美融合，一口下去，冰涼與溫熱在口中交織，那感覺太美妙了！榴槤忌廉芝士撻🎈外皮酥脆內裡柔軟，榴槤與芝士的完美結合🍽️💖

Asok Thai Garden係一間泰式fusion餐廳，菜式加入西式創意。店舖裝修十分精緻，室內環境以木枱和木藤椅為主，店內仲設有太陽傘，俾人感受到濃烈嘅渡假氣氛，非常適合打卡。南薑椰子雞湯雞湯非常濃郁，散發濃厚的椰子味，配搭南薑的微辣，非常開胃，雞肉吸收湯的精華，口感嫩滑蛋炒咖喱軟殼蟹軟殼蟹炸得金黃鬆脆，外皮薄脆，裏面嫩滑。蛋炒咖喱汁濃郁香甜，無論撈飯或配搭薄餅都相當美味北海道帶子娘惹牛油貓意粉娘惹牛油醬汁濃郁，甜甜辣辣的味道令人回味無窮。帶子香口鮮甜，而貓耳朵食落煙韌彈牙，令整到菜非常有層次泰式奶綠奶綠的綠茶香氣濃郁，茶中帶有奶香，口感順滑，甜度適中

之前朋友生日嚟過食晚餐覺得唔錯，今日就同老公去食Lunch ，裝修行悠閑度假風，有榻榻米位、太陽傘的枱、長木枱等，用了很多仙人掌 & 藤的吊燈、椅佈置。平日午餐$65 起包主食&基本飲品，亦可以加錢配 湯/ 沙律、小食、特式飲品、甜品。🔶是日餐湯/ 沙律 - 椰子冬陰功湯- 沙律🔶紅咖喱虎蝦濃湯烏冬 大大隻虎蝦煎到好香，肉質爽彈，連蝦頭也不能放過😄烏冬質地好滑，每條都吸滿紅咖喱濃湯好惹味。🔶黑松露烤大啡菇忌廉長通粉大啡菇配芝士烤到好香好Juicy ，長通粉醬汁好香黑松露味夠creamy。🔶雞肉串燒雞肉烤得幾香口，配泰式辣醬幾夾。🔶椰子雪糕本身想要芒果糯米飯但咁啱冇所以就轉左椰子雪糕，椰子味好濃郁，加埋啲花生碎好香。🔹香茅檸檬茶🔹焦糖泡沫咖啡☕️

唔知邊度來好評囉～價錢唔平但完全冇相應嘅質素，服務又差，一入門口個女服務員就黑口黑面，啲服務員叫極冇反應，個個企係度發夢，做服務性行業比返啲專業同笑容好冇？ 同埋只可以收現金！咩話？食飯幾百蚊都唔收卡？勁唔方便囉！然後點左生蝦同黃咖哩雞薄餅係我人生中食過最難食既一次生蝦和黃咖哩，生蝦勁大浸雪味肉質好梅爛，黃咖哩汁入面係唔熱，冇咩咖哩味，啲雞有陣雪藏味，味道明顯係後加落去， 所以雞食落去完全冇味既～我覺得好失望唔會再黎！

今晚同朋友來到尖沙咀過泰國夜🙂‍↔️環境簡約，燈光暗暗地都幾chill😌好適合三五知己來聚會🍴1️⃣甲拋肉碎牛油果墨西哥夾餅 $98我以為是牛油果會與肉碎搞伴在一起🤩原來是切成兩小條放在肉碎上，外觀很精美，夾餅口感很脆。2️⃣炸蝦餅配青檸忌廉芝士醬 $138幸好我同朋友細食🤣三塊小蝦餅都夠分享🤗蝦餅挺有口感，沾芝士醬幾創新🤣但我還是喜歡泰式辣醬😋3️⃣北海道帶子娘惹牛油貓耳粉 $158我最中意食貓耳朵的口感😋口感紮實又有咬勁，咖哩味濃又掛汁能力強，很惹味👍🏻 還有4粒新鮮香煎過的帶子，我就唔建議撈汁食用🫶🏻4️⃣Phuket $98一杯俾花花包圍的cocktail💐味道甜甜的很適合女仔飲同打卡📸5️⃣Pattaya $98又是一杯打卡able的cocktail，首先倒蝶豆子汁落去再攪拌飲用～好重椰奶味⋯又附送一包榴連味爆炸糖😂好適合我不擅長飲酒的人飲用🧏🏻‍♀️

呢間泰國餐廳好受歡迎，食食下已經全場滿座。🌮甲抛肉碎牛油果墨西哥夾餅 $98香脆的夾餅包住豐富嘅肉碎和新鮮牛油果，口感層次分明，旁邊的沙律醬更添風味，搭配香料後非常吸引。🍤甘蔗蝦配魚籽蛋黃醬 $108蝦肉鮮嫩，甘蔗替代木棒為蝦肉增添自然甜味，旁邊配有魚籽蛋黃醬，魚籽在口中爆開，風味相得益彰。🍛生薑蟹肉芫茜青醬義大利飯 $158米飯煮得恰到好處，口感柔韌，生薑和青醬的香氣融合得非常好，蟹肉鮮美，加上番茄仔作伴碟，讓整道菜更具層次感。🍦芒果糯米飯甜筒 $68敲碎香脆的甜筒後，餅碎與雪糕、糯米飯和芒果混合，口感層次豐富。脆皮與餡料巧妙結合，芒果香甜可口，糯米則增加了獨特風味。🍰巴斯克芝士蛋糕 $68蛋糕外焦香、內部濕潤，芝士香味濃郁，不會過於甜膩，旁邊有士多啤梨作伴碟，為整道甜點增添了清新感~🍸Pattaya $98裡面有tequila, 蝶豆花，椰奶等配料，口感順滑，容易入口，適合唔鍾意酒精感重嘅人~🥤泰式奶茶 $42奶茶香濃，甜度恰到好處，既有茶香又有奶香，食泰國菜點少得奶茶~

餐廳位於尖沙嘴，主打泰國Fusion菜，從前菜、湯品、小食、主食、甜點到飲品應有盡有，無論賣相定味道都有驚喜。店內採用木系度假風為設計，超級IGable，難怪大受歡迎。前菜有香茅蜆肉忌廉湯，入口Creamy，滑順、另外有南薑椰子雞湯，以鍋上，椰子味突出，香濃，估唔到雞件嫩滑啖啖肉，而且調味適中，配上雜菇，性價比高。主食有咖喱豬，豬肉以粒狀呈現，肥瘦均勻，唔乾柴，吸滿醬汁好惹味、焗野菜都唔錯，集合多款什菜，仲有薯仔搭配！黃咖喱唔辣，大人小朋友都啱食，唔覺唔覺都撈咗兩大碗白飯🤣甜點有泰茶奶凍，奶同茶嘅比例啱啱好，質感偏蛋糕狀、飲品有Chiang Mai同Thai Green Milk Tea，前者以Gin作為基底，搭配玫瑰茶、青檸汁、荔枝同薄荷、後者帶甜，各有千秋值得試。

🌶️泰式酸辣鳳爪 鳳爪口感爽脆清涼0油膩感調味放咗青檸汁同埋紅辣椒碎 味道酸中帶微微辣最啱做開胃菜～～🍖泰式鹵豬手配流心蛋飯 $88豬手好完整 每一塊都係肉連皮肉質軟熟唔軟爛 豬皮就爽滑有滿滿嘅骨膠原 味道恰到好處 有鹵水嘅鹹甜香味又唔會過鹹跟餐配流心蛋但朋友request咗半熟蛋佢哋都ok豬手飯加埋隻雞蛋令整體更濕潤濃郁👍🏻🐯紅咖哩虎蝦濃湯烏冬 $78深橙色嘅湯底一睇就知道用咗真材實料😋虎蝦濃湯嘅酸味辣味同鮮味都好齊全烏冬扁扁滑身好索湯 而且份量都幾多 女仔做正餐絕對夠飽！配料有大大塊嘅魚片 芽菜 同埋一隻肥美嘅大蝦🐽香茅烤豬頸肉 $68每塊豬頸肉都好厚身 燒到表皮微微焦脆熟度啱啱好肉質爽嫩多汁啖啖炭燒味嘅豬頸肉配搭隔離嘅醬酸酸甜甜有助解膩🍢營火雞肉串燒 $118炭烤過嘅雞肉串燒有令人上癮嘅焦香味！！外脆內軟又有肉汁 配嘅沙爹汁雖然偏水狀但係十分惹味 鹹香微辣🇹🇭泰式奶茶 $42侍應姐姐話呢款飲品無得嗌少甜 飲開走甜嘅我本身都有啲擔心無諗過飲落完全無呢個問題 仲要越飲越好味🤤茶味同奶味平衡得啱啱好唔會互搶

🎀尖沙咀。文青舒適裝修超嘆泰式餐廳⚜️🎀🪄店名* #AsokThaiGarden🔮地址* 尖沙咀亞士厘道37號地舖🔮🗾分店地區🗾 尖沙咀,荃灣💰價錢$206 已加一 (1人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_尖沙咀剩系食呢一類👉食物類型搜尋🔍🍜#pickyme_泰國菜➖➖➖➖➖➖➖➖➖➖➖➖➖🎵餐廳環境🎵之前去尖沙咀做野既時候 經過呢一間餐廳覺得超靚 岩曬打卡😍今日難得自己一個唔知食咩 於是就去試下～而呢間餐廳主打系泰國菜 入到黎氣氛休閒舒服 靠近窗口做左類似榻榻米既座位 中間就好似度假露營風既座位 內裡卡位設有仙人掌做裝飾會有cusion墊背 十分舒服😆想更有metime就可以坐最入對牆座位 夠曬安靜隱私度👍🍽️食物質素🍽️午餐時間食性價比超高 不過黎既時候有啲晏 大部分食物已經售罄 如果想有更多選擇就早啲黎食午餐拉😆整體質素都好高質！份量足夠 賣相精美 好岩同朋友聚會打卡📷👀評分💖💖💖💖💖🪄 金不換牛肉黑醬油炒飯$68本身諗住食豬手飯 但點知已經售罄 最後揀咗呢一款味道都十分出色 以為黑醬油炒飯應該會顏色好深 但原來佢只係有醬油香味 最正嘅係佢啲飯

之前每次經過都見到呢間餐廳長期都係排緊隊嘅，上網睇都知道呢度所有嘢都好適合打卡，不論係餐廳裝修定係每一碟餸，甚至連每一杯嘢飲都係打卡勁靚，難怪成日排隊成日排隊。今日同咗一個朋友一齊食飯，佢一早就book咗呢間餐廳，食落啲嘢都幾好味！蒜香炒野菌炒得好好，冇諗過呢種餐廳都會炒出有鑊氣！真係食到好似泰國嘅街頭小食咁樣。泰式生蝦刺身係我每次去泰國餐廳都必點嘅item，呢到嘅生蝦都好大隻，又夠新鮮，好爽口。mains有好多都好吸引，不過最後我地要左泰北蟹肉金湯烏龍麵，本身我都已經好鍾意食燒肉麵，加埋泰北嘢食都係我好鍾情嘅，所以呢個配搭真係完全係為我而切，蟹肉夠新鮮，烏龍麵嘅口感剛剛好。馬莎曼牛臉頰配刈包係朋友話要叫嘅，因為我一般麻麻地刈包，不過呢個真係令我另眼相看，牛臉頰好tender好juicy，醬汁好正！