B家닭갈비 (已結業)

開左呢間韓國店而來，一直未有機會去，今晚終於可以吃到，其實如果不熟此區又真的有D難找，因為此店可以由太子站或旺角站行去，路程約10-15分鐘便可，我會提議唔熟此區的由旺角站A出口，先向豪華戲院方向行，見到豪華隔離有油店，之後過天橋低的紅綠燈，之後向右行到街口已經係洋松街，直行大約多三分鐘便到，店內也有大枱可以供10多人享用，當晚是平日，細枱的也坐滿，不過似乎多是街坊居多，店員也告知一週年優惠午餐由$28起至二月尾，選擇也頗多每天不同，可惜我並不是在此區上班呀！

Drop by for dinner 2 days ago, was intrigued by the massive pan fried chicken…IT WAS SO PLEASING TO THE EYES! 3 adults, 1 child, we ordered pan fried chicken for 2, egg and seaweed roll, ginseng chicken, and a full chicken (served 2 ways) Yes…we ordered too much…Pan fried chicken was cooked by staff in front of you, it was fun to watch and good to eat! I'm a chili addict so it wasn't spicy enough for me but I think it's just right for majority of people.Ginseng chicken soup was rather comfortin

又到好友生日…！佢鍾意食炸雞…又經朋友介紹下就決定試呢間…B家！入到去…環境好寛敞…樓底好高…枱同枱之間隔得幾開…完全唔會覺得局促……幾舒服。坐低得點餐……1.原味炸雞同甜辣炸雞各半份……：原味幾好味！甜辣就夠惹味！啲雞唔鞋囗…仲有肉汁…幾嫩…！2.海鮮薄餅………足料…！3.部隊鍋……多料…夠味……可以追加配料！4.辣炒雞……自選材料…然後有靚仔哥哥為你服務…炒雞！！味道都夠…而且少少辣味…幾開胃…都好食！整體係……好食！舒適！親切！因為侍應哥哥們都會好留意我地枱面嘅情況…不時會睇下啲鍋會唔會癡底…火會唔會太大…等……而且有驚喜嘅係…原來老闆係愛回家入面嘅『醒哥』見到佢真人都好Nice..仲有個好似陳坤嘅靚仔老闆..兩位都超Nice又好客！！！值得推薦！！！

可能係平日唔算好多台客... 所以唔覺嘈... 唔係好煙... 座得都幾舒服既... B辣炒雞因為唔知有幾辣... 所以 staff 提議我地揀小辣... 有 staff 幫我地炒熟... 小小辣幾好食喎... 有好多唔同料... 雞肉... 菜... 菇... 不過年糕唔係好熟... 小小硬唔夠味~煎餃子個邊煎得勁脆呀~~~ 唔錯喎~炸芝士年糕（三件）正喎... 芝士好多個面又好脆... 好在婆仔 cut 開件年糕兩份先加沙律醬食... 唔會燙就個咀~前菜泡菜唔夠辣... 青瓜無乜味...P.S. 食飽飽先知原來呢間係某電視台台藝人開架喎~

一直都想係香港食次辣炒雞,昨晚經過大角咀上openrice搜尋吓睇吓邊度有韓國嘢食,比我見到依間B家🐔打風關係店內只有幾台客所以點單後好快就上菜,店員會親自幫我炒雞完全唔需要自己動手就個人口味絕對比韓國食嘅淡味可能再加左芝士嘅關係,同埋薯仔年糕炒好後仍然偏硬,尤魚仔無味道,一般吧另追加一個豆腐湯(牛肉)湯嘅質地同平時飲嘅豆腐湯有啲唔同,應該形容係韓式豆腐牛肉羹,味道可以的不過店員服務態度好好,當有眼神接觸嘅時候佢哋都會對你微笑都可以比次機會再試下佢其他野

今年生日，一班好朋友幫我慶祝，就揀選咗B家韓式餐廳。首先講講環境，地方好大，坐得好鬆動，好舒服，完全唔會食到成身油煙味。跟住就當然提提各款美食啦～當中我最鍾意食就係辣炸雞，豆腐湯，韓式炒辣雞，海鮮薄餅，每一款菜式都好出色，好夠味最後，不得不提有靚仔，又細心嘅員工幫我地即場炒雞啦～即叫即整，熱辣辣，香噴噴，超正

我同老婆都是7月生日，年年都唔知食咩好，朋友介紹一間韓國菜我知，一於試試！得兩個人，其實真係眼闊肚窄，每一樣都好想食，最後叫左一個二人炒雞，炸芝士年糕，煎餃子同埋人參雞！本身以為雞會炒好先上枱，點知原來係上枱先炒，好多材料，雞好滑！芝士年糕係我大愛，平時去元X食壽司會必叫，B家既炸芝士年糕真係好好味，有衝動想問可以買回家炸嘛！煎餃子好香口，人參雞其實係老婆想食，我本身唔愛人參陣味，不過我都有食，原因係一d都唔苦，同埋雞肉超滑！B家我一定會再encore，同埋會介紹比朋友👍🏻👍🏻👍🏻👍🏻

最近發現呢間新開的韓食店,即刻約埋朋友試食。這裡有我最愛的炸雞,而且有2種囗味,適合我d有辣有吾辣既朋友。韓式辣雞也是我另一至愛,仲有猪腩肉和牛可選。呢間店的菜式吾係特别多,但勝在每樣都做得有水準,最適合我呢d有選擇困難既人。。。最值得ㄧ讚係,就算全店坐滿人都吾會覺得擠迫,因為老闆吾會為左做多d生意而加多d枱,每枱都會有足夠的空間。

又尼到B家啦！之前食過一次真係令人念念不忘，終於又抽到時間尼試啦上次試左部隊鍋，今次一於試下炒牛個份量真係唔係講笑菜多肉多營養均衡仲有我最鐘意既薯仔店員炒既時候d香味係咁湧出尼，流曬口水牛肉炒既時間恰到好處，唔會太老，加埋d汁鮮嫩潤口但又唔會完全遮蓋牛肉味，呢個配搭冇得頂食食下決定加個麵，呢個薯仔麵好煙韌，同牛肉既味好夾！兩個人食完全夠飽

上星期六同老公在大角咀食lunch, 唸起網友曾推介此店，於是決定去試一試。可能天氣好熱，所以冇乜人食韓國野，只有幾枱客。此店樓底高，地方很大，所以坐得幾舒服。Lunch 已經set 有幾款選擇，我地點了人參鷄同鍋飯。yes, 外邊成三十幾度，仲食呢d真係怕流鼻血人參雞煲到好綿，隻鷄好似一夾就溶化，肉質好滑。但個湯好「傑」，可能d糯米煲得太耐，個人比較喜歡比較稀身d，另人參味不太濃。鍋飯賣相好好，不過老公話個醬不夠辣，味道差少少。跟餐附送的餃子和炸鷄，幾好味，餃子好香口，裡面有d粉絲，正宗韓式總括黎講食物環境唔錯，服務都好好，洗手間好乾淨呢個價錢有咁嘅水準我覺得好抵，不過地點吊腳d，希望此店繼續努力

有正統韓式風味，口味簡單清新，食材新鮮，個人比較喜歡，公司在附近，新開時已幫襯，不時會同朋友衆餐，加分地方是食材水準不變之餘，店主推出新菜式及小食較有特色，今晚試了新小食，明太子雞亦，讚！喜歡重口味人仕可能會覺太淸淡,選擇辣味會食得開心D，甜品雖得1個選擇（牛奶布丁），有水準！喜歡食甜品要試

已經忘記唔到韓式炒雞嘅味道，所以夏天都要黎再食。講真，價錢都係回頭嘅大原因，佢真心抵食。今次黎食lunch,叫左人參雞同韓式拌飯（唔記得正確名，叫住拌飯先）。今日食唔算多人，所以食物算快到人參雞湯配埋白飯，老公食唔停，我自己就勁like個窩飯，好多料，賣相一流，韓式飯精髓係晒度，配埋韓式醬，好開胃總結黎講，環境，食物，價錢都值得一再幫襯題外話：佢之前個男洗手間壞左，得個女嘅可以用，今次去，已經整反好，太好了，之前老公去女的，佢感覺怪怪的😆

喺大角咀探完朋友，週圍覓食，見到有間韓國菜館，人山人海，俗語有云，餐廳多人食先至好，所以咪入去碰下運氣，大約等了半小時就有位，呢度喺食炒雞為主，另外有我至愛嘅炸雞同部隊鍋，以及一些小食。我地叫左個部隊鍋同炒雞，魚旦湯，原本想試炸雞，但係店員叫我地食住先，因我地得三個人，怕我地食唔哂。好快就有得食嘞，首先嘅喺炒雞，見到一鍋生嘅雞同伴菜，心唸唔係要自己炒呀？正想拎起個鏟時，有位笑容滿面嘅店員即刻走嚟幫手，並好有耐性地講解，呢位店員簡直一百分，每當有地有小小猶豫或問題，佢都即刻走過來幫忙。講返食物方面，炒雞好夠味，啲年糕好入味。魚旦湯好QQ, 好似去左韓國咁。部隊鍋好多材料，價錢都唔貴。我地大家都好滿意，下次一定會再光臨。

呢間鋪我係睇到食評講佢唔錯才試一試，不過試完後不會回頭。主要原因1)食物款式選擇唔多2)味道一般，叫咗碟半半雞但有三份一係冇雞皮(炸雞個其中一個靈魂係塊香脆而不乾硬的皮)3)呢個係致命原因，有客OEDER兩個外賣，佢竟然係男廁門口放兩個爐係收拾集用膳後碗碟的手推車上即炒，雖然廚房出食物果窗口都係旁邊，但寧可比人知莫可比人見。(其實我都好想影相，不過佢有兩個員工輪流企係的隔離)4)重神奇係佢有個光頭廚房佬竟然係去女廁唔係去男廁，佢間鋪男女廁差咁遠唔好同的講唔小心去錯。5)再ORDER同結帳至少叫了3次先有人見到，就算係身邊行過都係睇唔到不過呢間鋪有好的地方，地方不逼檯與檯留有不少空間

經同事介紹去哩間由愛回家醒哥開既韓國菜店食！一入門口就見到醒哥，親力親為bor真係！餐廳算好大，樓底高，椅子好大，分得好開，有足夠空間！而家lunch like fb pave就有罐裝野飲送，又唔洗加一，的確幾好！叫做韓國部隊鍋拉麵，非常足料，有年糕、冬菇、芝士，兩舊煎過既午餐肉、泡菜、一堆雞肉，湯底唔算濃，但夠辣，年糕反而啖口，無一齊煮過就放落去，最出色係午餐肉，好耐無食過咁有誠意既午餐肉，夠厚，又夠焦，芝士有燒過，可以多放！餐廳地方偏僻，午市都無乜人唔洗等，不過服務同食物其實都幾好，可以多多支持！