B家닭갈비 (已結業)

今日再嚟食，好彩有訂位咋，今日爆哂場!!如果大家要嚟食最好先打去訂位!!📞📞今次試新嘢，叫咗上次冇食過嘅炸粉絲卷＆蛋卷。個蛋卷好好味呀，啲蛋好滑架又唔會太熟太老。炸粉絲卷好抵食，正呀！🍳🍳今次都有驚喜就係有牛奶布丁做甜品，好滑又重奶味!!所以忍唔住食咗兩杯!!😋😋

之前GRAD TRIP係韓國食過一次韓式炒雞  一試便愛上反到黎HK一直都想食 諗住有咁多韓國餐廳實有得食啦奈何間間都係韓式燒肉 搵黎搵去都見唔到炒雞後尾有朋友係instagram見到有人介紹呢間 又知道我想食好耐就book定位帶我去試下啦去到之後發現間舖又大又新又乾凈 又播住韓文歌好有韓國氣氛但又吾會嘈得滯傾唔到計餐廳環境一坐低睇緊MENU個震店員已經比曬前菜同水因為我地得3個女仔黎 主要想食炒雞  又驚嗌得多食唔曬嗌得少又唔飽店員就超好咁推介左幾個小食比我最後決定左嗌住一個B家辣炒雞 一個煎餃子先服務態度個煎餃子睇落普普通通咁 其實內有乾坤超多料又煎得好香 重點係吾多油唔洗怕肥所以我地嗌多左份炒雞黎啦!!!裹面有醃左既雞肉 墨魚仔年糕薯仔同埋菜等等一上枱個樣砌到好靚啱曬影相但我竟然唔記得左之後等等就會有店員幫我地炒 一路炒啲香味傳曬過黎偷偷地吞左幾次口水個味同係韓國9成9相似 重點係100%好食!最抵讚既係可以簡小辣 連我個怕辣既朋友都食到見到格離枱又嗌炸雞魚旦湯海鮮餅個啲 好想食啊下次真係要拉大隊黎試曬所有野!!!

有晚同幾個同事係大角咀做完野，咁岩經過一間韓式料理，我地見內裡裝修同門面都幾靚，應該開張無幾耐，還樹大家都未食飯就一齊試下喇。其實我自己都幾怕傳統韓燒，因為食完成身都充滿濃郁既燒烤味，但哩間餐廳我就唔怕喇一入鋪店員就好有禮貌同熱情咁招呼我地，哩點先要贊一個我地望一下餐牌後，就點了一個韓式炒雞，同部隊鍋⋯仲有order左一個炸雞同煎餃子等。當韓式炒雞鍋來到時，原來店員還會親自幫我們炒，過程中已經傳來陣陣香味一試雞肉肉質非常嫩滑而蔬菜好爽口，感覺好清新，配撘出色。而部隊鍋材料豐富，湯底好惹味，濃而不咸，最後我地仲加多一包麵係鍋裡煮，真係連湯底汁都𤏪埋炸雞火喉恰到好處，外脆內嫩，加上面頭有小小黑胡椒，開胃得黎又唔辣，好好味

之前聽聞大角咀開咗間韓式餐廳，出名嘅菜式係炒辣雞。因為哩期韓風熱，但周圍韓式餐廳都只係燒肉居多，所以我對炒辣雞有種新鮮感，所以決定慕名而去。一去便有驚喜!!首先係地方唔似其他韓式餐廳咁迫又大油煙，地方闊落攪part或聚會一流，第二驚喜嘅係俾我感覺非常良好嘅係有好好嘅服務員，好有禮貌咁嘅介紹餐廳嘅菜式。因為我哋係第一次去，所以唔知份量，而服務員就好用心咁解釋俾我哋聽。我哋叫咗韓式炒雞，初初以為係廚房炒完先拎出嚟，點知原來係會有服務員即場服務你幫你炒，味道啱啱好，雞唔會過熟，仲好滑。另外我哋仲叫咗魚蛋湯，部隊鍋，海鮮蔥餅仲有炸雞!!我同朋友食過都愛上了。非常值得一去再去!!

之前韓國食過辣炒雞，辣到噴火，但又念念不忘，所以見到就即刻去訂位。我們8個人，有D揸車好方便，門口有好多錶位，其他坐地鐵响太子行，有D難揾，要行10分鐘，但臨走時發覺旺角A2近D，原來一條直路，6分鐘就到。去到第一驚喜位係個鋪超大，地方已經值5分。因為訂了位，約10分鐘就坐低。即刻嗌嘢食，第一個係辣炒雞，店長話最好配芝士同炒飯，芝士10蚊一份，我們好like, 所以X2，炒飯18蚊一碟，夠2-3人，建議嗌一份就0K，熱辣辣食超正，雖然冇韓國咁辣，但味道超正，D蔬菜都好鮮！之後部隊鍋到，個湯好香濃，有小許辣，我媽唔食得辣也0K，但如果唔加拉麵就等於冇食過部隊鍋，湯底係精華所在！好豐富材料，午餐肉冇得輸，哈哈，個人偏愛！由於牛肉發燒者堅持，所以再嚟炒牛鍋，呢個唔辣嘅，但有D黑椒响面，呢嗰炒法要10分鐘，但牛肉會最後先撈到中間，所以仲係超嫩，好惹味，有甜甜地既！小食韓式粉絲卷，冇肉嘅，脆口，細細地也不會太油冇炸雞點係韓國菜，兩隻味，個人偏愛甜辣，但有人愛原味因為原味脆D既。其實仲有好多小食，不過飽了！😅

星期五晚在大角咀發現一間韓式炒雞餐廳，我與朋友三人吃了韓式炒雞、原味及甜辣炸雞、魚蛋湯及餃子; 韓式炒雞內有鷄、墨魚、年糕、薯仔等，配合很多新鮮蔬菜，並有專人炒，味道香濃，不太辣，而且蔬菜爽口，很好; 原味及甜辣炸雞兩種口味，入口香脆，並保持肉汁鮮嫩; 魚蛋湯似日式關東煮，用竹籤串起不同口味及形狀的魚板，加上餃子，超滿足的一餐，這裡地方大乾淨給人舒適的感覺，服務員友善，讚！

香港既韓國餐廳越來越多，可以用氾濫形容，想搵一間正宗既都難。見B家炒雞上曬報，抱住期待既心態一試，果然冇令我失望！雖然間鋪主打炒雞，但由於本人係部隊鍋迷，於是order部隊鍋先。呢間部隊鍋好足料，不過睇落又同其他冇乜分別，都係餐肉腸仔芝士等等部隊鍋基本野，心唸又要失望啦，點知！一食就不能自拔！每份材料都索曬湯汁，年糕煙韌雞肉嫩滑，餐肉更有韓味！最特別係d湯汁，同出面既有小小唔同，有地道韓國風味，辣度適中，但真係食到彷彿置身韓國！紅卜卜既豆腐湯除左有豆腐蔬菜，仲有d牛肉碎響入面。呢個湯跟碗白飯，但真係好辣。老闆見我地食到飆曬汗流曬口水，即刻比左幾杯冰水我地，仲將碗豆腐湯拎返入廚房問大廚有冇方法減少辣度。當時好擔心會唔會溝水沖淡曬d味，點知拎返出尼既時候再試真係冇咁辣，d味都冇淡到，仍然有好濃郁既豆腐湯味，大廚果然厲害！尼到韓國餐廳又點可以唔試炸雞。呢度炸雞有兩種味(原味同甜辣味)醒目既梗係order半半雞啦！咩意思？半隻原味半隻甜辣味lor~半半雞擺盤好靚，雞既每個部位都分明清晰，全隻雞無庸置疑呀。原味炸雞個樣有d似kfc家鄉雞，但個皮夠薄冇家鄉雞咁多粉咁厚，炸到酥脆但又唔窿，卟卟脆咁，

同屋企人去食飯，所以拉大隊去食炒雞炸雞！呢間舖頭已來過好幾次，醒哥未登報時已經來過，原因係環境好舒服乾淨，食物質數好好，唔會求奇敷衍你，好用心煮！加上有小朋友既關係，地方乾淨好緊要，同埋佢地有一個梳化位比人等候，小朋友食飽飽可以去梳化區玩，大人就繼續食！講返食物，炒雞好好味，辣味會比較惹味，唔辣就好岩小朋友，就算叫二人份量都好大份！炒牛肉味道比雞濃d，好岩香港人口味，個人都係愛傳統炒雞多！部隊鍋，好足料，二人份量好大份，其實夠四人食，食到最後加個麵底加埋d湯，真係好正！人參雞既湯又係好好飲，參味好香，撈白飯食，小朋友都食左好多！紫菜蛋卷同煎餃子係小朋友大愛既食物，加埋炒雞，人參湯撈飯，佢地食到肚仔都漲卜卜！最後當然講下炸雞，之前食過唔辣都覺得好好味，但原來辣係仲好味，又未去到好辣，剛剛好，因本人都唔可以食好辣既野，試過去一間韓店食，辣到食唔到，呢個少少辣，接受到，好好味！今次一行十人叫二人炒雞，二人炒牛肉，二人部隊鍋，人參雞，紫菜蛋卷，煎餃子，炸雞半隻，係好味到食晒d野！

由於家人唔食辣，叫咗唔辣嘅「惹味炒雞」，一心以為個醬汁會係韓式、口味濃、好惹味嘅炒雞。。。等咗唔短時間，終於上枱等一個感覺: 咁清嘅？哎！可能炒起咗會好好味呢。。。核心內圍有一小撮雞肉、四隻小墨魚，外圍就有大量椰菜、幾片薄薯仔、幾片菇、幾條短年糕、少少紅蘿蔔絲。職員話，兩分鐘後會幫手炒，靜心等咗一陣，未夠兩分鐘，就有職員嚟主持炒雞呢個環節。懷住興奮嘅心情，期待香噴噴嘅味道引起食慾，點知。。。比屋企廚房炒嘅更無鑊氣，與其話炒，不如話係「撈」熟啲雞，同埋菜！因為菜比較多，而菜又會出水，於是。。。成件事就同想像好大距離！無香味不特止，放入口，直情有住家飯嘅清淡感，完完全全唔會連繫到「惹味」兩個字！如果加啲韓式大醬/麵豉醬，應該會切合到餸菜名稱，之前仲諗住 side order 其他配料放落去一齊炒嚟食，最後，因為覺得失望，無心情再叫其他嘢食，就埋單走喇。除咗炒雞，店家有提供其他韓食，例如炸雞、部隊鍋、人參雞等，而亦原來有唔少食客係唔叫炒雞而食其他嘢，哎！即係炒雞並唔係真係咁吸引！！應該唔會再有下次！

約左幾個朋友嚟慶祝生日，七點三嚟到已經人山人海，好彩訂左位否則有排等，坐低之後問點嗌最好，服務員話嗌鍋，再加其他。我們有人好鐘意部隊鍋，所以竟然冇嗌招牌炒雞！部隊鍋超足料，雖然講真唔係名貴野，但個湯底要比贊，好香濃又唔會咸炸雞原味香脆有肉汁，有小小黑椒味香噴噴！薄餅嚟到我們問有冇汁，佢地話冇既，一試果然，好夠味，而且煎得好脆最後要大贊人參雞，未試過D骨會化既，人參超香！

難得大角咀可以有好多韓式美食！價錢相宜!坐位寬敞舒適！服務態度很好！我叫咗一個：豬腩片炒年糕～有芝麻，葱等…韓式醬汁足夠，年糕有彈性！煙煙韌韌！有口感又叫了雞肉韓式鍋飯～有雞肉，芽菜，金荀，菠菜，冬菇，翠玉瓜，加上一隻太陽蛋同芝麻！配了十足！賣相好靚！超吸引！加上韓式醬料！一流！

適逢下雨天, 幸好有預訂位, 否則就要下次光臨了. 坐位設計好有心思, 手袋可以收埋在凳底, 既安全又坐得更舒適😳我就點左呢度比較出名既菜式, 兩人份韓式炒牛肉、豆腐湯加甜辣炸雞.店員會幫我地炒牛肉, 陣陣香氣撲鼻, 口水流不停😝 而即席炒牛肉覺得肉質好新鮮, 同時好入味, 配菜薯仔好淋又甜甜地, 仲有野菜好爽口. 豆腐湯加左好似豆板醬既調味, 少少辣送飯最好不過! 炸雞既醬汁都好香口, 雞肉炸過但好幼嫩, 好好味道!!醒哥當天都有坐鎮, 會周圍巡枱, 可見佢都好緊張自己既生意, 1D都唔馬虎. 其他員工都好有禮貌, 會周圍巡視睇睇食客有咩需要. 當我食緊甜辣炸雞食到成手污糟, 立即遞上濕紙巾, 十分細心!特別一提鋪頭有一部足球機, 適合大人小朋友玩⚽ 廁所都有分男女兩個, 非常衛生~~

原本諗住八點幾去食，點知冇位，响附近食碗糖水再去，十點都仲有好多人，不過卒之有位，一坐底即刻有人serve,服務幾好，餐牌都唔使睇就嗌左個辣炒雞二人份，同原味炸雞半隻。見到隔離個蛋卷甘靚又嗌吓。蛋捲最快到，有紫菜包住，好熱好新鮮，裏面有洋蔥紅籮白絲，好岩做前菜，咸嘅唔係D甜蛋，有85分。辣雞到喇，有專人為你炒，有雞、年糕、墨魚仔、薯仔、椰菜、葱……一路炒又唔會覺得好油煙，可能個場大好有關係，不過唔好貼太埋，因為我唔小心吸入辣氣咳左幾聲，我們加左土豆面，其實不算太辣，好好味，有88分。食到一半炸雞嚟啦，我們一食停唔到口，比我爭左隻脾番嚟，好脆好入味，三個人嗌左半隻、唔夠，但吃太多又驚熱氣，所以食完再食炒雞，凍左小小可以再開火炒，服務炸雞95分食哂之後有人話唔夠飽，我們又唔係成日出來，肥就肥啦，嗌左人參雞，等左2O分鐘，呢個雞勁呀，人參香、D雞骨入口溶化，冇講笑，堅過馬騮lin,呢個都有85分，但太飽，個飯冇食過！overall, B家有A+水平……

睇到人話有得泊車，去到真係有大量錶位，容易泊車，入到去見人山人海，心知不妙，裏面超大，但8點半真係冇辦法，有梳化坐，坐左15分鐘倒，有位坐。張櫈舒適，仲可揭開擺袋。一行六人吃炒雞吃三人份量，有D期待，專人炒約10分鐘，食得啦，我們完全冇加芝士，試下佢原味，一食正，之後狂食，食哂原來冇影相，之後薄餅嚟又有條友食左塊，先記得影！個炒雞真係堅正，愈食愈有風味，其實都辣，好彩有免費水供應；薄餅更加拍得住韓國，䓤味好香……之後叫多左一個二人牛鍋同部隊鍋，牛鍋都好食，但部隊鍋响香港真係未食過甘好，而且只係200蚊，個湯好香濃，好小辣，午餐肉要搶，但其實份量十足，美中不足，已經太飽，吃不到炸雞，所以評論唔到。呀，有加一既！呢間餐廳有下次！

睇到雜誌話呢間韓國菜幾好，即刻起行，三個人去食，其實如果呢間係D咩燒肉炸雞，我實去尖沙咀，唔會去大角咀，偏偏炒雞係未試過！門口好多車位但都泊唔到，我們double park......入到去，嘩，星期一都爆場，好安心，冇甘驚，場地超大，但員工太忙，我們等左五分鐘先有餐牌！食物嚟講呢個炒雞好好食呀，第一次食，算係新式韓國菜，响你面前炒十分鐘，要加芝士，一路炒一路聞到辣同芝士味，最後加埋一份土豆面，好煙靱吸哂D汁，食得好過癮！我們叫左兩人份量，足料嘅，其實有好多蔬菜，韓國野好少甘多菜，讚！貪心人一定嗌左其他野食！炸雞原味，我冇誇張，好過尖沙咀，我唔識形容，總之脆、入味、juicy.....魚旦湯係超驚喜的發現，似日本关東煮，但個湯唔同，有魚的味道又唔腥，我們飲到一啖都冇，哈哈！鋪內選擇不太多，但每樣都係精選，叫老闆加多D菜式，佢都話一直都會。呢個係新潮菜式，我們就好ok,因為吃太多燒肉，有D悶！值得一提，他們冇時間限制，我們食左四百機蚊坐左四個幾鐘，抵啦！