B家닭갈비 (已結業)

我們一行十幾人去B家慶祝生日，第一次試，超好。我諗呢度有三千呎，超舒適，响旺角行過去，有D難揾，但大概十分鐘內揾到！必食當然係辣炒雞，賣相一流，但我們家人唔可太辣，一個鍋少辣，另一個不辣（仲有牛肉鍋），甜甜地，有好多疏菜，裡面D年糕同薯仔仲正，呢個菜式重點係個汁，一定要加配土豆面或飯，精華所在，我們仲加左芝士……不過邊個炒都係問題，靚仔女當然好Dla haaaaa鍋就必食喇，其他小食例如炸粉絲卷，煎蛋卷，其中海鮮薄餅同半半雞要推介，半半有一半原味，一半甜辣，我最愛甜辣，冇原味甘香脆但個醬汁好正，其實甜味會重過辣味。我們星期五去滿座，佢地員工唔夠。唯一不滿意，前菜太少，可能怕前菜食飽哂！

難得有朋友搵飯腳，緊係去試下屋企附近開左幾個月既炒辣雞店，因為平日兩個人真係好難食得哂。入到去地方超大，裝修又新，唔似一般食韓燒既店咁大油煙味。叫左個炒牛肉同炸雞。初頭以為份量好大，其實都係得個盤，兩個人食應該無咩問題。味道都唔錯，只係炸雞淋左酸辣汁，無左韓式炸雞既神髓，比較起黎我中意chibee 個種，無骨表面乾身得黎入面又夠juicy既炸雞多d！四個人叫兩樣又點夠，再追加野食，反轉個menu 除左pan food 以外都無咩另類既選擇，唯有叫多個部隊鍋。成晚好似欠缺左個主食(壽司，冷面或炒飯咁)。抵讚既係依度既員工個個服務態度都超好超友善，食到最後得反我地一台客都無趕我地走。見我地食完炒牛肉又幫我地換過晒d碗碟先食部隊鍋，好少餐廳會服務得咁好。

距離地鐵站都真係有成10-15分中既路程~第一次行唔識仲兜多左幾個灣咁~建議如果係路痴既你最好約埋朋友一齊係地鐵站出發=)聽友人講係新開既  入到去環境好大  設計相對比較多大枱 可惜D凳冇得’ 挨’ ~我呢D懶人唔太習慣 ==“張凳下面係個籃~ 非常方便女士可以放手袋!我地一行8個女仔,叫左兩個三人份量既炒雞~一辣一唔辣~ 我第一眼見到就話得8個女仔邊會食得哂! 但可能個鍋比較淺~~份量冇想像中咁多! 其中驚喜既係佢個薯仔~我開頭以為係白蘿蔔就冇食到~ 大家知左係薯仔之後竟然個個搶薯仔唔搶雞 ==“叫左個海鮮蔥餅 ~~um,,, 都幾多海鮮仔既~不過得六階~><“仲有豆腐湯啦~~朋友話幾好食~~都係最快清哂既!當然唔少得炸雞啦! 份量呢個就真係多! 味道都好正! 啖啖都係肉~~哈哈~唔知係環保定咩原因  呢間餐廳冇餐紙墊枱  平時D骨通常放係餐紙到  但呢到佢會就會有個小型垃圾桶咁比客人擺骨  我地就傳黎傳去  下次建議佢咁多人應該要比多個==‘食完哂之後 執哂枱 侍應會好貼心咁俾濕紙巾 同埋每人一粒啫喱糖=] 唔錯！

某天經過大角咀，看到一間新開的韓國餐廳，看環境不錯，剛巧過幾天有朋友生日，決定打電話預約，侍應還說沒有限時的，就決定一試我們到了餐廳一坐低，侍應就遞上3碟前茶因為人未黎齊，我們先叫海鮮薄餅、煎餃子，韓式魚旦湯，海鮮薄餅味道比較淡，反而魚湯味道不會太淡，而且很分量足夠終於等到人齊了，食韓國餐，當然唔少得食炸雞和部隊鍋面啦，我們選了現洋炸雞，辣雞的味道不算太辣，皮炸得香脆還叫了一個我想是店舖的招牌菜，因為菜名叫B家辣炒雞（有2-4人份量），我們選了三人份量，因為人多關係，我們還叫了一個惹味韓式炒雞，也選了3人份量，以上兩個炒雞，都會有靚仔侍應在旁即場為你炒，可配飯或麵，本人比較喜歡B家辣炒雞，因為味道比較濃最後，因為該餐廳當天還未有酒牌，我們只好自帶韓國清酒配合食炸雞

前兩個月黎食過第一次，今日又心思思黎試下個午餐，今日難得阿女有興趣班 放晏，就同老公偷走出黎食個快午餐。我地想叫3個午餐set,個男仔（應該係老闆），叫我地唔好一次過叫，怕我地食唔晒，好啦…咁我地叫住2份先。1.韓式牛肉飯2.部隊鍋拉麵最後我都係忍唔住叫埋第3份3.豚肉炒年糕總結：野食黎得算快，你知啦…食lunch要快嫁麻，上餐速度唔錯，讚。之前夜晚黎食過部隊鍋，原來lunch有小小唔一樣，因為的式d,但一樣味道，辣辣地，我好like個炒年糕，好正，豚肉好淋，入曬味。牛肉飯都正宗，配埋自家製泡菜一絕，簡直刺激味蕾，令人不停食。題外話：新張期間有9折

來到香港，挑了大角咀的酒店。走到了這新開的韓國店，有很大的驚喜！店內非常寬闊，很舒適！這個半半雞有原味和甜辣，原味好香脆而且不會很厚粉，好juicy；但我更愛甜辣，其實不太辣，又甜又香……呢個魚旦湯好似日本關東煮，個湯係精華，好清甜，羅白又甜又林，有幾隻特別魚旦，正！辣炒雞係招牌，一定要吃，兩人份量超足，超驚吃不完，但其實當中也有很多蔬菜，所以又健康又不會太漏……食落以為唔太辣，但越吃越辣，好過癮！加左芝士更香……下次必定再來，識揀一定指定靚仔老闆親身炒！

親切細心嘅老闆，美味嘅食物，加上舒適寬敞嘅環境，有驚喜👍😃⋯⋯呢度嘅部隊鍋我覺得最好味，有誠意嘅，可隨意加餸；魚蛋湯估唔到咁好味，連湯都飲哂；炸雞有辣有唔辣，肉質夠滑汁亦好juicy；海鮮葱餅，外邊皮煎得非常脆，外脆內軟，正👍👍👍呢間一定要定再encore 👏👏

見到一條靜英英的街道上開左間韓國餐廳， 價錢唔算貴! 於是入去一試。 一坐底就送上前菜泡菜、白菜、韓式魚蛋佢牆上的黑版大大隻字寫晒d酒名。。。 我諗住叫點知餐廳未有酒牌架喎! 但侍應哥哥話可以自己買喎。。。 咁我地就自己買啦。餐牌好簡單有部隊鍋、炒雞、小食同飲品我地首先就叫左個韓式炒雞， 個哥哥極力推薦追加薯粉。。。 咁我地就抱住不防一試的態度去order ! 佢話再可以order d小食上台係生既。。。 滾要咁上下就有個人過黎幫手炒眨眼之間就食得， 個樣有d失色。。。 點知個味都有d 失色囉!可能辣會好食d掛！海鮮煎餅。。。 不過不失! 但我覺得硬係欠缺左少少野! 不過個哥哥話係無醬點架。。。 食完其實仲未飽。。。 傾緊叫乜小食。。。 不過餐牌的選擇唔多得炸雞、海鮮煎餅、煎餃子。。。 計劃中的時候就突然有人衝過黎收晒台面的筷子同碗算啦! 收晒謂有就埋單走啦! 反正無野好揀!

星期五happy friday。一班無主見既朋友。最後係網上搵到呢間疑似新開張既韓國食物。位於大角咀，位置望落係有d辟，但原係係太子站一出行7-8分鐘就到。入到去枱同枱有哂距離，裝潢似cafe，感覺好舒服，或者係遠離鬧市，感覺同其他韓式店很不同。希望佢會保持呢種乾淨清新感覺。前菜，已經唔知添加左幾多次，加到自己都唔好意思。有b家秘制炒雞=spicy 我地有人唔食辣，所以叫左韓式炒雞=not spicy 但最後都係叫侍應俾左辣醬。有2人($188)，3人，4人分量揀。我地揀左3人。surprise 的是，好好服務，侍應會親自幫你炒。部隊鍋又會不停留意你洗唔洗加水。其實前前後後追加左4個麵，幾款腸仔同午餐肉。最後，問過店員，可以自己買野入去飲架，酒都得！仲有唔收切餅費！窩心地唔知點解埋單仲有9折。雖然得幾款食物揀。但我地6個人都係夠哂啦，最重係坐得舒服又唔趕你走呀！

估唔到有驚喜，炸雞d 汁唔錯。價錢合理。菜款唔太多，但好食就一兩種都夠。當晚兩人食2百幾蚊，有9折。佢餐前小食 有泡菜 ,魚蛋片，菜。服務唔錯，食完前菜，員工過黎問要唔要加d 小菜，泡菜真係唔錯，酸辣岩岩好。

今日生日特登揀左呢間辣炒雞店食，成間舖好闊落，職員態度好好，又好健談。個辣炒雞頭幾啖食落有啲甜，覺得唔夠辣，但慢慢就愈黎愈辣，愈食愈惹味😋，炸雞雖然唔似韓國果啲，不過醃得好好味，入面好juicy，落左檸檬汁之後更加有畫龍點睛既效果😋。唯一意見係希望佢地可以有生菜比人包住啲辣炒雞食(係首爾金裕貞試一間係咁食，好好食😄)

聽說大角咀開了這家韓式炒雞餐廳，身為「愛雞食家」既我一於黎試試！餐廳十分寬敞舒適，服務者態度不錯（又幫我地妙雞，又好客地添了好幾回前菜）。我地點左招牌B家炒雞、原味炸雞！份量比預期大！要推介一下炒雞，不但材料豐富（有雞肉、墨魚仔、薯仔、菜等配上韓式辣醬）、服務員仲即場炒比我地食！值得一讚！聽講部隊鍋同其他小食都不錯！下次一定再光臨！

自從迷上韓星後，連帶口味都一味偏向韓式。自從上個月去完明洞反黎，一直掛住當地美食，所以上openrice搵下有咩oppa店，有朋友介紹有間新開嘅係大角咀，咁一於探下親戚bb之後去試下。我地點左一份海鮮葱餅，煎得好香，通常係香港食呢個，都煎得唔香亦淡味，但呢個唔會。第二樣係店之寶：b家炒🐓，佢本身應該係辣嘅，但媽媽唔食得辣，就問下可唔可以全唔辣（因為係韓國，叫唔辣，都有小小辣的，所以問清楚一點）好好，真係一點都唔辣。呢度同韓國一樣，會有個oppa幫我地炒的，因為個炒雞原本未熟的（根足韓國做法）。最後點多個部隊鍋，因為無得食辣炒雞，點都叫反個辣嘅滿足下自己嗜辣嘅口味，都ok，唔係辣到流汗嘅，啱晒。