B.Duck & Buffy 德記茶樓 (已結業)

自從之前政府出左限聚令, 大食妹就無再去過飲茶啦真係好掛住啲中式點心近排限聚令終於解除, 朋友仔就搵左呢間好可愛嘅茶樓 - B. Duck & Buffy 德記茶樓, 同大食妹一齊食<蝦餃>飲茶當然要食經典嘅蝦餃蝦餃皮上印左b duck嘅樣, 餡料飽滿, 超級可愛<叉燒包>叉燒包嘅外形都好鬼馬, 係發嬲嘅b duck唔單止有樣, 仲好足料<沙嗲魷魚>朋友仔嗌嘅沙嗲魷魚, 分量都好勁, 口感亦都爽口<醬汁鳳爪>食雞腳嘅朋友, 大食妹就會推介大家食非常入味嘅醬汁鳳爪<蘋果沙律蝦多士>炸到脆卜卜嘅蝦多士, 配上清新嘅蘋果沙律醬, 口感更有層次<鮮蝦春卷>鮮蝦春卷都唔差, 春卷皮裏面塞滿蝦肉而大食妹覺得最特別嘅地方係每枱都會擺放一隻唔同造型嘅b duck陪你飲茶自己一個食飯嘅時候, 又可以打卡之餘又唔會孤單抵讚

同朋友去咗旺角b Duck&buffy德記茶樓， 入到餐廳見到好多唔同款式嘅鴨仔裝飾！ 小朋友見到非常開心！ 大人嘅童真亦都滲透出嚟！ 每張餐枱 放左唔同主題既鴨仔！幾得意。叫咗一個招牌車仔麵套餐， 招牌車仔麵再加蝦餃，鹹水角，流沙包，仲有兩杯嘢飲即係138蚊！車仔麵份量非常豐富，份量亦好大份！ 蘿蔔炆得好淋！ 雞翼尖入味，魷魚鬚爽脆！油麵底正呀！韭菜豬紅非常入味，豬紅味道完全索曬啲汁！超香。鳳爪排骨飯 賣相好似日本嘅丼飯！ 賣相非常精緻， 飯粒晶瑩剔透，粒粒甘香！ 排骨入味啖啖肉！奶黃流沙包， 一咬開內面嘅奶黃流出嚟！ 夠曬熱辣辣， 味道清香！ 陣陣嘅奶黃香好味道。蝦餃不得不提，皮薄餡靚，內層嘅蝦非常大隻！亦都非常爽口，新鮮彈牙。整體環境食物，非常好燥既選擇！

童心未泯的朋友, 找到了這間鴨仔主題的點心店, 坐落於旺角近油麻地, 地理十分方便。最初以為有主題的點心店很貴, 但價錢卻比我們想像的相宜, 而它有車仔麵吃, 也比較特別, 感覺也很適合遊客來品嚐香港地道美食。當然也適合小朋友, 在這裡吃得特別開心, 到處也充滿可愛的鴨仔。韮菜豬紅豬紅質感獨特, 醬汁是靈魂, 微微辣但很惹味, 令韮菜也變得好吃。流沙奶黃包印上了鴨仔的樣子, 可愛度爆燈, 打開它發現全流心, 金黃的鹹蛋黃香味, 豐富得很, 絕對是推介之作。招牌車仔麵非常豐富的車仔麵, 什麼都有一點, 和朋友分享也不錯, 它有:豬皮, 魷魚, 雞中翼, 魚蛋, 蘿蔔, 雞翼尖, 豬大腸, 滷水蛋, 很有街頭風味, 而湯底則比較辣, 小朋友可能吃不到或要叫少辣。炸雲吞$28一咬下去, 多層的脆脆聲響, 很是動聽, 如一次過吃多層薯片般, 而內裡藏著一隻蝦在中間, 薦上甜酸醬汁更是一流。

適逢昨晚見天氣不錯，立刻同媽媽囡囡去shopping，經過彌敦道比推廣banner吸引，嘩！B DUCK主題的餐廳！試一試新嘢心態去B Duck & Buffy茶樓晚餐，果然有驚喜！一步入餐廳立刻見到很多B Duck & Buffy 公仔，樓頂仲有兩個B DUCK，成間店顏色鮮豔，囡囡顯得十分開心！估唔到連洗手間嘅佈置都好可愛特別，真係不容錯過嘅必到點，哈哈。好難先叫到囡囡坐定定食嘢，先來個熱騰騰燒賣，好軟熟，囡囡已經大大啖食咗兩粒。接住係勁彈牙嘅蝦餃,皮薄餡靚,真係覺得拍得住大酒樓！奶皇包上面印咗可愛嘅duck duck圖案，亦都十分吸引！我地叫左一碗車仔麵，腩汁湯底濃到不得了，囡囡一個人食晒成碗麵！怕唔夠飽肚就叫咗兩個竹筒飯，仲以為係細細筒，估唔到份量好大，熱辣辣。今次真係冇揀錯地方，開開心心影相食嘢真係頂呱呱，我地三個都好滿足。走時囡囡仲拎走左點心上面的B DUCK插牌，返到屋企我地仲DIY整左磁石貼，超完美！最後重點係，以為佢一個點心會貴好多，其實比一般普通酒樓價錢唔算貴好多，我地三個人都係食左大約$280度，係勁飽肚。如果知道筒飯係甘多，其實可以叫少一個飯添。甘除返開同平時去

今日係旺角行完好耐無行過嘅信和竟然比我見到一間以B.Duck作為主題嘅餐廳見到咁得意 走上去試一試上到去已經比B.Duck包圍 而佢地嘅枱面裝飾都相當有心機 所有碗碗碟碟只要係你諗到嘅野都有B.Duck係上面 而食嘅野同平日飲茶無咩分別 不過呢到仲有車仔麵 下次行過先再試佢地嘅炸野水準都唔錯 脆口之餘仲完全無油膩感真係食幾多都唔怕肥👻而佢地嘅包點同蝦都有可愛嘅特色公仔係上面 雖然食落好似有啲殘忍🤣但係味道唔錯 一於放哂落個肚到最後飲茶點少得鳳爪排骨飯 佢地嘅排骨好滑 而且骨肉分離 加埋個豉油真係完美配搭~~~~~~~~~~~~~~~~~~~~~~~~~~~~~~呢到真係平靚正 而且作為打卡熱點真係無得頂

呢到同平時晚茶樓好唔同，而且好乾淨舒服。主打點心同車仔面，我同朋友都好鐘意食點心，今日就主攻點心，基本既點心款都有！叫左蝦餃、炸鰻頭、蝦多士、奶皇包、叉燒包、牛栢葉、鳳爪、粉果、尤魚、春卷等等。炸物好酥脆！特別係個蝦多士、好脆口！ 咸水角大大舊而入面既料又多！好滿足！鳳爪都好入味！呢到既包既份量比起平時酒樓食既少，包主要係2個起， 岩曬想試唔同款而比較細食既人！另外叫左個蟲草花香姑滑雞飯，好足料、雞件好滑！值得一提既係呢到全部都有bduck既裝飾，點心都有bduck既出現，睇得又食得！好可愛！打卡一流！

B Duck & Buffy又來B Duck & Buffy，果然還是那麼精緻，所有的擺設都那麼可愛放鬆。這個屬於自己的小天地，每次都喜歡一個人過來，感受一下，童心❤️❤️❤️好像疫情後，價錢也變得很親民～ 一個人吃150塊就已經很飽了👍.潮州粉粿$28我的最愛，因為裡面有好多好多蔬菜🥬還有糯糯的水晶皮！蘸上辣椒油🌶️特別味道好。.蝦🦐多士$28四件小小的多士，外皮酥脆口感很特別～.德記招牌面$68份量特別足，其實不用點其他，就已經夠吃了。鹵水雞翼，雞蛋🥚分量很大，很足够！.茶🍵$8

週末想食好嘢 所以夜晚就黎左呢間b duck茶樓～我地叫左個二人套餐 首先個車仔麵先 個滷水雞翼同蛋都好夠味其他都唔差～我最鐘意食就係奶皇包同埋蘋果沙律蝦多士！值得下次再去食

首先B.Duck fans會好仲意啲佈置好可愛，另外野食出乎意料好食！滷水雞翼尖好入味，鳳爪又好食，最好食係個蝦餃。坐得舒服，店員都幾nice，推介一家大細黎食，小朋友一定好仲意。

旺角開咗間主題茶樓，上網查吓，名叫B.Duck & Buffy 德記茶樓。專程去試試，一開𨋢門就有驚喜，到處都佈滿B.Duck 和呀妹Buffy，食嘢打卡share不停手。打開餐牌又一個驚喜，茶樓都有車仔麵，重要系龍蝦車仔麵。叫咗個二人龍蝦車仔麵套餐又有兩款自選點心，點心新鮮好味，價格親民，滿足的一餐，約定朋友再去。要比多幾個心心

Openrice訂位有9折仲可儲50里數🎉🎉，7:00pm繁忙時間都仲有位。準時7:00到達不用等位，店舖唔係好大其實有d逼，不過開門見有好多B.duck裝飾及公仔見到好興奮呀🥰🥰餐具係用B.duck膠碗、膠茶杯似小朋友玩煮飯仔！order左幾件佢主題點心有佢個樣係上面，見到未食已經好開心！要讚👍🏻係樣樣點心上枱時都熱到辣手🔥！食點心最緊要熱先好味！黎左蓮蓉包、叉燒包、奶黃包三款又可愛又好食，叉燒包對眼係用火圖黎點綴。🤣🤣奶黃包係流心爆漿食時要小心，亦都提議外皮係用黃色包面會更特出B.duck 頭像本來平平無奇嘅蝦餃因為有咗個樣都變得好味好多！🍤滷水雞翼就正正常常！鳳爪排骨飯雖然冇咩特別但出奇地好味又大份！價錢方面本想呢d主題餐廳一定好貴，但睇到又同出面差不多👍🏻👍🏻仲要加埋有車仔麵，好低😆用餐時差唔多爆場只有兩位侍應服務，佢地服務好好有笑容，上枱收碟速度快，仲會主動幫客人影相📸

係5月20日呢個大日子,緊係要滿足下少女心啦!呢度既茶點都好精緻,有我最愛既B.DUCK,價錢又冇特別貴,變相就覺得抵啦!可以同我心愛既B.DUCK共進午餐。叫左蝦餃,印有duck duck可愛既模樣,cute到唔捨得食,但都狠下心腸食左佢,好好味!真係又睇得又食得。另外仲叫左牛柏葉,好惹味,份量十足。流沙包我都例牌會叫,一食就知師父功力,真係好流架! 正! 最後就係蝦春卷,有個籃子載著d春卷,件件都好香脆,裡面既份量都好足。岩影相呃like,同時又好好性wo。呢度仲有個精品部,好多duck duck既產品。成間野都係呢個主題,一入度黎好似去左另一個世界咁,好有童心。食完野真係好減壓。同埋呢度近mtr,下次經過會黎食一盅兩件。

晚餐心血來潮想吃點心，於是上網看看哪一間好介紹。看見B.Duck & Buffy有很多正評，又有不少影相打卡位，很適合我這些貪新鮮的人喔。B.Duck & Buffy德記茶樓在一樓，一入去就見到好多B.Duck & Buffy。抬頭看見有超大型的B.Duck公仔，低頭就見到碗碗碟碟茶壺等都有B.Duck圖案，四周又有蒸籠、雀籠等作裝飾，還有B.Duck霓虹燈和畫作，整間茶樓都充滿Hong Kong style。店舖的點心都很有特色和很精緻。「蝦餃」蝦餃有3粒，外皮印了B.Duck，賣相很得意，蝦肉都很彈牙。「山竹牛肉」味道不錯，跟其他茶樓吃到的，感覺差不多 「咖喱魷魚」魷魚爽口，加上咖喱醬，入口香濃惹味。「鮮蝦春卷」春卷有2件，都貼心地一分為二，方便入口。春卷很脆，食落啖啖蝦肉。「炸雲吞」即叫即炸，雲吞配上酸甜醬，容易入口又開胃。「流沙奶黃包」吃下去流沙奶黃餡出晒來，而且很滋味。「叉燒包」包很鬆軟，餡都算多，味道不錯。「薑蔥蒸牛栢翼」肥美可口，調味再加重一點，就更好。「香辣魚蛋」我們也點了個小食，魚蛋彈牙，吸收了辣油十分香口。整體服務跟食物味道都不錯，裝潢很有港式風味，適合一家大細，再

成日都見到人喺IG打卡卡通造型點心，今次到自己試吓。雖然都咁大個人但係見到咁可愛嘅B的圖案，都有童心氾濫🤣🤣🤣啱哂呃like呢度嘅餐牌都好多元化，有點心、車仔麵、飲品除咗有茶之外，仲有咖啡、奶茶、豆漿，竟然連忌廉鮮奶都有。所以除咗飲茶之外我都嗌左一杯忌廉鮮奶飲🤣呢度嘅嘢都係即叫即蒸，嘆返杯茶，等嘢食到😁都點左幾款點心，有馬拉糕、牛柏葉、鹹水角，當然唔少得呢度嘅招牌流沙奶黃包造型我就唔多講啦，睇相就知道造型可愛、特別。馬拉糕入口感覺蓬鬆柔軟，香甜恰到好處，不油不膩薑蔥牛柏葉爽口彈牙，簡單調味已經好好食！鹹水角炸得好脆、好香口，入邊嘅內餡亦都夠味。重點係流沙奶黃包，一想到枱熱辣辣即刻立即做返個呃like動作<B duck 嘔奶>🤣🤣🤣流心狀態一流！味道來講同外面酒樓差唔多，但勝在造型夠特別吸引，好有gimmake !

母親節帶埋媽媽去飲茶，平時去茶樓飲茶都飲得多，見係母親節就搞啲特別啲嘅東西，去一間b duck 做主題嘅中式茶樓飲茶食點心。.一入到去見被B Duck包圍住，成個氣氛都好可愛得意，裝飾設計亦都好吸引人。餐具都係有B.Duck圖案，好用心。.蝦餃皮薄餡多。味道唔會太鹹，配上B Duck樣可愛度滿分！.呢度我覺得必點嘅係奶皇包！口感鬆軟，入面既奶黃餡奶香味香濃，一咬落口即刻流晒出嚟，流心感十足，好正.鳳爪口感比較糯,但味道十足,好吃!.媽媽慣咗飲茶都要食個盅飯，就叫咗個窩蛋牛肉飯，呢度夠特別嘅會係用竹筒出飯，同平時嘅酒樓唔同。牛肉餅質地鬆軟，味道香。飯粒香味十足也鬆軟，加一點點的醬油就已很好吃。.仲試左其他唔同嘅點心，有糯米雞、蒸排骨，我都覺得幾好食。.吃完美食,飲完茶,看完b duck!心滿意足！買單啦!!