B&S 西班牙小食坊 (已結業)

東廣場 近來不知不覺變成一個「迷你美食城」！地方雖小，但咩類型餐廳都有！今次經朋友介紹哩間 《西班牙小食坊》，一嚐異國風味！⭐️烤橡果級黑毛豬夾心肉（$148）哩度嘅黑毛豬真係好抵食！無諗過以哩個價錢，可以食到咁高質嘅夾心肉。脂肪分佈均勻，口感爽脆，肉質嫩滑！連配菜嘅彩椒都煎得好香，平時唔食椒嘅友人都一次過清哂！⭐️烤西班牙牛柳（$208）牛柳同樣出色！！！充滿牛味表面煎得非常香脆，但裡面仍然keep到多汁嫩滑！叫佐medium，廚師都控制得好好，無Over Cook! 絕對可以媲美高級餐廳嘅質數。注：以上兩份食物需另加（$20）配白飯/（$25）配沙律。如此另加嘅套錢價，可包含餐飲就更圓滿了！

今晚同家人去東廣場食西班牙菜，估唔到有超值又高質素的小食店，先叫個湯，玫瑰蝦羅宋湯$48， 飲落係個好濃郁的雜菜湯，各種材料攪至蓉，唯獨一隻爽口的玫瑰蝦，旁邊有兩塊脆卜卜的麵包條，好突出，包味好香，蘸湯後還保留脆口。食西班牙菜，當然要品味生活一下，叫了一份Iberico ham及一杯紅酒,係48 個月純橡果的黑毛豬$80/20g，橡果味夠芳香，嚼勁咬感，帶少少肥膏有濃濃油香及肉的甘香，再配了一杯望左幾次餐牌先確定真係$40的西班牙Castillo De Tafalla 紅酒，真係抵過飲珍珠奶茶。而且名貴好多呀！有果香味。主菜叫了燒西班牙西冷牛扒$198，五成熟，外皮微微焦香，肉質鮮甜超嫩滑夠稔，牛味好出。另一主菜食西班牙海鮮飯$198，本身有3個size，我地點1~2人分量，原隻鑊仔上，仲用4隻大蝦，彈牙，還有青口，飯底索晒海鮮汁，份量好足。觀塘抵食之選。

平時都唔為意東廣場有咁多野食然後仲比我發現觀塘有一間咁正宗既西班牙餐廳！黑毛豬聽就聽得多 真係未試過！深海八爪魚凍盤食個凍盤做前菜開開胃先 幾有咬口 幾新鮮24個月橡果黑毛豬火腿、36個月橡果黑毛豬火腿、西班牙黑毛豬火腿三款慢慢食慢慢品嚐 原來真係好唔同 配埋芝士食....真係.......密密食...唔好比佢停呀而我個人最中意24個月呢一款 味道鹹宜得黎 又唔會太油膩喎 高質高質!橡果級黑毛豬極品梅頭叉燒見人地食評話餐廳必點食之前 對我黎講 佢真係只係一舊叉燒但食左之後 我要即刻收番呢句咁侮辱既說話原來...叉燒.....可以咁!好!食!架!!!!!!烤西班牙T骨扒黎到雖然話豬係重頭戲 都要試下其他肉類既吖 佢啲牛又唔會完全失色喎 肉煮得岩岩好 好juicy!!!西班牙海鮮飯一黎到好有睇頭!皆因佢好大兜!仲有蝦 八爪魚粒 原來係用海鮮湯煮成架 唔怪得啖啖都有海鮮味呀一班人一齊share黎食 岩岩好 大家都好滿足

呢間小店望落去門口細細，但原來裡面好多人Menu 上有好多唔同火腿同肉類，好多都想試西班牙牛臀火腿 $80/20gparma ham 成日食，但未試過牛臀火腿有d似牛肉乾，不過比牛肉乾濕潤d，香d。 食落冇parma ham 咁油膩，但依然有咸香味精選海鮮沙律 $78個汁有別於平時沙律醋d沙律，多咗一份西班牙風情。 有醃魚o既咸香味，橄欖香，八爪魚同蝦都係醃製過，同d沙律菜一齊食口感唔錯烤西班牙牛柳 $208份量十足～ 厚切～我鍾意～肉上面撒上粗鹽同黑椒，煎到好香！裡面夠嫩，好juicy 又夠入味！ 必食推薦！橡果級黑毛豬極品梅頭叉燒 $168一定要試！！！平時叉燒食得多，但用橡果級黑毛豬梅頭肉整o既叉燒就第一次～超香！外面烤到焦香，裡面好juicy咬落滴晒d肉汁出來！ 肥瘦適中，係剛剛好的半肥瘦，就算比較瘦o既位置都唔會乾/柴而且係橡果黑毛豬，冇平時d豬o既豬臊味！ 平時我對豬扒麻麻，呢仲豬我 ok~ 傳統西班牙海鮮飯 $198 (1-2人份）係真西班牙海鮮飯！ 之前中過唔少自稱西班牙海鮮飯的伏，今次呢個唔伏！飯係真的用返正規飯，而唔系呃人的珍珠米。飯吸收咗海鮮湯精華，上面d海鮮烤得

平時都好少會食西班牙菜今日朋友就約左一齊黎呢到食感覺好新鮮呢到既菜式好似同平時既餐廳無咩分別但呢到特別既地方就係呢到用既材料好多都係無添加而且主張天然仲有烹調方法都有d特別所以我都好期待 之前都有聽過人地就食唔同既菜要配唔同既酒黎到西班牙餐廳都要飲下酒滿足一下今次我地就叫有一瓶Sangria呢款水果酒用既紅酒好靚入口好甘醇酒味好厚好濃郁係品質幾好既紅酒不過水果味就唔算好重比紅酒味遮左大部分但飲真D都有淡淡水果香另外有個溫馨提示水果酒既後勁都幾勁酒量比較少既人可能要慢慢飲 之後又叫左幾隻西班牙地中海生蠔每一隻蠔都好大隻足足有手板咁大食落都幾腥海水味比較重未必岩中意淡味既人肉質都算肥美 最後叫埋個主菜就夠哂我地就叫左個香煎西班牙西冷牛扒5成熟配水耕菜沙律牛扒落左5成熟但比想像中熟牛扒肉味好濃郁好juicy肉質唔算好嫰滑但粗身得黎好有咬口又唔會好難咬開不過最正應該係沙律水耕菜同車厘茄都好新鮮好fresh再加埋牛扒既肉汁同埋醬汁既椒鹽味又食到鹹香又清新 之前聽朋友講到西班牙菜好似奇奇怪怪咁但今次食完之後就發現西班牙菜真係好好食

一直聽聞觀塘的「東廣場」美食如雲，而且價廉物美。這天在朋友介紹下來到這家「西班牙小食坊」，一嚐異國風情，令小弟決定再有機會也要來這裏進食。這家餐廳地方不大，但裝潢擺設均充滿外國氣息，而且不知為何，雖然地方不大，但一點也不感到嘈吵，環境不錯。由朋友「發板」，我很快便安靜地坐等美食了。不消片刻，「小食拼盤」便送到了。說是小食拼盤，其實共分開了三隻小碟送上，分別是薯片、芝士和橄欖。薯片倒不算特別，不過也頗為香脆，而且鹹香味濃郁。不過，當薯片遇上芝士，卻是形成了一對最佳拍擋。芝士味道十分濃郁，而且口感十分幼滑，只是就這樣吃總感覺有點單調，似有美中不足之處。配上薯片一起吃，卻是為其增添了一份香脆的口感，而芝士和薯片的鹹香混為一體，亦是配合得天衣無縫。而橄欖亦是一大亮點。不像外面某些橄欖過份地鹹，這裏的橄欖剛入口時雖有濃烈的鹹味，但多咀嚼一回，鹹味卻是慢慢退去，而橄欖本身的香味亦隨之浮現，充斥着味蕾。而橄欖亦能中和芝士和薯片的油膩感覺，令小食拼盤更為開胃。吃至一半，這天的重頭戲之一：烤西班牙黑毛豬梅頭肉扒便送到了。看着肉扒上熱騰騰、微微翻滾着的油脂，我們已是食指大動。把肉扒切成小塊，我們便開動了。

在觀塘這間西班牙小食坊雖然店有點細，但食物質數卻非常精緻有質數他們保證食物來源，豬無用抗生素，雞無用激撚，牛無基因改造，羊天然放養，海鮮無重金屬，蔬菜無農藥。圖中的的是西班牙珍寶生蠔，比一般價錢高20蚊！珍寶生蠔肚位置非常飽滿多汁，鮮味超強！蠔味不算很濃但質感味道很 creamy, 絕對值得一試西班牙海鮮炒飯真材實料有保證4隻鮮蝦超鮮味，蝦頭位置膏香濃郁，蝦肉爽口彈牙炒飯底好香香料味道2人份量剛剛好羊扒幾香幾嫩唔會乾，仲保持 juicy感覺旁邊既沙律菜都好新鮮

唔知點解，觀塘「東廣場」地下層搞吓搞吓變咗個「美食廣場」，香港人一向都鍾意食，正所謂民以食為先，以前都去改啲由死場改為美食廣場而翻生番。今次到訪嘅「西班牙小食坊」雖然位處其內，但用餐區有鋪外，亦有入鋪嘅鋪內，加上有啲裝修，唔會太街坊。間唔時有朋友問，搵好嘢食有咩良方，我會講笑咁話，睇小弟啲食評囉，哈哈！鋪外有唔少高腳枱櫈，幾啱嚟個歡樂時光，飲吓酒，食吓西班牙小食。不過，用餐我就較喜歡入到鋪內，雖然地邊細細，但裝修骨子，而且，唔會人來人往咁騷擾。而最入位置，更有間房仔，但喺就無問有無最低消費。既然連名都以西班牙小食打正旗號，餐牌內嘅菜式自不然主打喺西班牙菜。店鋪細細，選擇可不少，3大版喺西班牙小食，仲有湯品、沙律、黑毛豬菜式、其他肉類或海鮮主菜，當然唔少得西班牙海鮮飯，原來仲有生蠔供應添，餐牌製作認真，兼且圖文並茂。此外，有一個特色小菜推介，重點介紹店家嘅西班牙燒黑毛乳豬及西班牙特色腸，由於兩個人胃納有限，想試多啲都唔得。晌入面牆上，更掛咗唔少木牌，講明佢哋嘅食材都喺天然嘢，無抗生素、無重金屬、無激素、無基因改造、無農藥，好味之餘，務求令客人食得健康。配西班牙小食，飲品一環亦喺重點，餐酒

My friend and I went to a Spanish restaurant called "Spanish Tapas Place" (西班牙小食坊) located in Shop G07, G/F, E Plaza, 7 Shing Yip Street, Kwun Tong觀塘成業街7號東廣場地下G07號舖.There are high chairs outside set outside the restaurant.There are numerous Iberian ham from Spanish hanging in the temperature control cabinet at the entrance of the restaurant.Many of those Iberian ham are highest grades-black and red labels!The restaurant adopts the simple and plain decor style with white brick wall and plants...T

由於住得近觀塘，成日都會係附近搵野食。知道觀塘東廣場入面有好多餐廳但呢間西班牙菜既就真係未試過，估唔到店舖細細但都好有驚喜。火腿芝士拼盤一個拼盤有齊三種火腿，12個月，24個月同埋牛火腿，味道道當然係愈耐愈濃，但係唔係咸而係香，見到佢有層油係面，係天然自己出黎嘅油，同我係西班牙食即切橡果黑毛豬一樣，香港都食到西班牙水準。橡果級黑毛豬夾心肉扒睇番介紹原來係來自肩胛骨和腰部之間的夾心肉，口感有D似豬頸肉，超級爽口。簡簡單單咁用左鹽和胡椒調味，食落充滿黑毛豬既油香味，夾埋水耕菜同蕃茄仔食就唔會油膩啦。橡果級黑毛豬極品梅頭叉燒本身對叉燒都冇乜特別喜好，但見店員話係最受歡迎之一就緊係叫黎試下。其實上菜果時覺得同平時既叉燒冇咩分別，但其實佢肥瘦比例岩岩好，而且D邊位燒到好脆口，食落去亦都係軟腍多汁，入口即溶，難怪個個都咁強烈推介。仲要份量非常之多，絕對係高性價比之選。傳統西班牙海鮮飯以往食開既西班牙海鮮飯D飯都係特別硬，但呢個完全唔會。首先個賣相非常吸引，顏色鮮艷，可以好清楚睇到好足份量既海鮮配料。材料有西班牙米、海鮮湯、大蝦、青口、八爪魚，加上少少檸檬汁，味道非常清新。西班牙特色水果酒 每次食西

西班牙🇪🇸係我最想去既國家🙈因爲我覺得西班牙男仔好鬼高大有型囉。當然佢既美食都好吸引啦。之前經過東廣場，很surprise 地發現居然有西班牙餐廳❗️環境幾有格調，價錢又唔貴，一直都想黎試下。今晚約左媽媽食飯，反正👵🏼未食過西班牙菜，我提議黎依度開餐😁。-❤️我地叫左好幾道特式西班牙菜❤️🌟西班牙生蠔 （兩隻 ）生蠔真的是人間極品🤤西班牙生蠔肉質厚實飽滿口感Creamy甘甜；這款海水味較濃。Aftertaste,口腔有回甘餘韻。-🌟精選海鮮沙律 🥗夏日炎炎，比較喜歡用沙律作清新開胃既前菜。沙律菜份量多且嫩綠新鮮、車厘茄爽甜多汁，配搭既海鮮款式都多，有螺肉、蝦、青口、墨魚🦑。 用料新鮮，簡單地灑上橄欖油及醋已經很好吃了。-🌟烤橡果級黑毛豬夾心肉扒 平時食黑毛豬，最平都要差不多二百幾。今晚大約$150 就能夠品嚐到罕有的烤西班牙黑毛豬（橡果級）夾心肉扒❗️真心覺得很抵食喔！ 無骨啖啖肉🤤黑毛豬的脂肪分佈如大理石紋、油潤甘香，肉質鬆化亦夠嫩口。 真的能媲美高級餐廳的質素！ -🌟傳統西班牙海鮮飯 西班牙海鮮飯是我很喜歡的一道菜豪邁的一大鍋﹐米粒金黃飽滿的賣相，帶著獨特的魅力。賣相相當誘人😍用上帶煙韌有

要喺觀塘搵食真係一d 都唔難，想食咩菜都有呢個 係住九龍東人既福利呀今晚食得特別d, 想搵正宗西班牙菜食， 又想搵一間實惠而又好食既餐廳，又唔想去中環，太貴了知道東廣場開左間西班牙菜，細細間，位置唔多，但menu都幾多款色選擇啵先叫個前菜先叫左個24個月殼飼黑毛豬火腿味道濃厚 陣陣黑毛豬香好食呀再叫一串黑毛豬肋肉串燒燒得好香好入味呀叫左碗黑毛豬羅宋湯，大大碗，三個人都可以share 飲，湯底清甜，有豬肉在內，有咬口大家真係必點既係橡果級黑毛豬極品梅頭叉燒非一般平時食開嘅感覺。肉質軟腍入味，肉質口感豐富簡直皇牌必點呀香炒西班牙特色雜蔬出面買一袋雜椒都幾十蚊架，好fresh 燒得好食最後叫左一碟西班牙海鮮飯呀熱辣辣焗起架粒粒西班牙米加埋時令海鮮放喺面，粒粒飯香海鮮好新鮮呀正呀

今日朋友專程由深圳到香港搵我食飯。我當然要預備週到。襯食lunch時間去搵下公司附近有咩美食。見到有間“西班牙小食坊”好似唔錯。先book定位 再返公司上網check吓食評。（見到食評都唔錯）終於等到放工了。見到朋友即刻話佢知今晚食西班牙菜。原來朋友未食過西班牙。西班牙特色腸拼盤 $88牛肝菌 ~ 好香, 比較軟身傳統味~有少少蜜糖味紅椒味~少少辣, 但比較硬黑毛豬梅頭-义燒$168西班牙式义燒, 冇中國式嘅咁甜. 因為用梅頭肉, 所以肉好淋. 份量又多  西班牙海鮮飯(1-2人) $198有4隻中蝦/2隻大青口/小蝦/. 飯嘅軟硬度剛好. 而且冇其他餐廳的咁漏. 汁多.叫咗3款串燒黑毛豬肋肉串燒$35一串有3粒再配上黃椒. 有少少椒鹽味, 肉淋多肉汁一口牛串燒$45一串有3粒再配上紅椒.不過有少少韌有機雞翼及雞槌(2隻) $55好正呀, 肉厚多汁. 椒鹽味剛好. 芒果橙汁及蘋果橙汁$28一杯真正用新鮮生果製做的. 只有果糖味. ...今晚朋友食得好開心又滿足. 因為係佢第一次食西班牙菜. 不過今次叫得太多肉. 下次要叫少D肉, 試埋其他沙律及小食. 

今日和朋友往觀塘西班牙小食坊食dinner, 我們點了西班牙煙肉腸, 烤有機走地雞雞扒配白飯、橡果級黑毛朱極品梅頭叉燒配白飯、蜜糖黑毛朱爽梅肉串燒、蘋果橙汁和凍卡布奇諾咖啡。西班牙煙肉腸食落彈牙爽脆,煙肉味道香濃, 佐酒一流；烤有機走地雞雞扒配白飯雞扒烤得香脆, 乾身惹味, 食落鮮嫩美味, 配菜有黃椒紅椒和沙律菜, 黃椒紅椒食落爽口, 沙律菜新鮮, 白飯軟綿有飯香, 好足料美味的烤有機走地雞雞扒配白飯；橡果級黑毛朱極品梅頭叉燒配白飯叉燒得剛剛好,食落肥瘦適中, 肉質味美, 咬落有油花, 食落柔軟肉質豐富, 口感美味十足, 肥而不膩；蜜糖黑毛朱爽梅肉串燒賣相吸引, 蜜糖黑毛朱爽梅肉食落熱辣辣, 蜜糖味道鮮甜美味, 黑毛朱爽梅肉食落爽脆彈牙, 肥瘦適中, 配上青椒能中和黑毛朱爽梅肉的油膩感；最後凍卡布奇諾咖啡味道香濃, 味道香滑。餐廳座位舒適, 食物美味, 份量十足, 餐廳的香腸,雞扒和黑毛朱等全是有機製造, 在食材進口方面有信心保證, 我和朋友享受了一頓美味好食的“有機”盛宴。

貴為東九龍人，無節目既周末都係觀塘搵食啦! 老公知我喺泓富廣場做treatment，好醒目咁喺對面既東廣場book定食西班牙野。唔好睇佢小店，入面仲有間房，啱哂三五知己,夠哂私隱~坐低先點份Iberico ham,呢度有24、36、48個月選擇，我哋揀咗36個月既，好有堅果既芳香，咬感有嚼勁仲帶點甘香，再飲啖充滿果香既西班牙Castillo De Tafalla 紅酒，為呢個weekend晚餐作好前奏~玫瑰蝦羅宋湯 初時以為好似西式嘅羅宋湯咁, 有d一片片既雜菜但原來已經blend得好幼細玫瑰蝦味仲好香好突出，就好似飲緊龍蝦湯咁,但係味道比較鮮甜~　伴碟既兩片麵包亦相當香口~一口牛串燒 小小一口已經充滿肉汁，不過鍾意半生既我就覺得有點過火~跟住就到全晚嘅精髓啦，橡果級黑毛豬極品梅頭叉燒，半肥瘦，脂肪部分好香滑，入口完全唔會覺得油膩，蜜汁既甜味又唔會遮左肉汁既味道，同港式燒臘檔既叉燒簡直天淵之別 我地仲加左水耕沙律菜, fresh 一吓 !! 呢度既食材採用"5無": 無基因改造,無農藥,無激素,無抗生素,無重金屬~  令客人食得放心~ 食西班牙菜又點少得西班牙海鮮飯呢！呢度好細心分左3