影片
港鐵灣仔站 B1 出口, 步行約6分鐘
繼續閱讀
付款方式
座位數目
25
其他資料
電話訂座
加一服務費
當面支付
以上資料只供參考, 請與餐廳確認詳情
心血來潮想自製蛋糕🎂，上Bakebe homepage立即預約到bakery workshop，唔洗預早幾星期預約或落訂，非常方便。食材分類清晰，擺放整齊👍🏻。開始製作前，店員逐一講解儀器用法及工具擺放位置，並提醒要預熱焗爐⏲。1\Cotton Love 今次我試整純素嘅可可味海綿蛋糕+栗子忌廉🌰。教學影片指示清晰易明，一步一步跟住做就冇問題。依足食譜攞需要嘅材料同用具，就可以按「下一步」繼續啦。將材料過篩，用攪拌機拌勻，力道強勁有6 levels。每增加1 level前，可以比3-5秒buffer。呢個教學影片冇提到，我都係事後先知。開始制作🎂前，跟iPad教學指示預熱焗爐，並係卡片上寫名，癡喺焗爐上面作記認。用完嘅工具放係清潔區，店員就會迅速進行清潔。下個步驟需要再攞材料用具時，都唔怕唔夠用。👍🏻按食譜準備好2支cream，最後只用咗一支，另一支棄置咗。最大原因係我唔鍾意食cream，所以每層蛋糕之間只塗薄薄2mm嘅cream。由於我無切平海綿蛋糕，所以用咗好多時間塗抹忌廉、修飾蛋糕表面。店員再主動幫我塗靚個頂。😝得咁薄嘅cream嘅蛋糕，岩哂我口味。亦因為咁，蛋糕食落較乾身、唔濕潤。我地用Ginger Beer送蛋糕🍰🍻，爽！2\Tree branches 馬卡龍要焗兩次。焗完第一次要放涼10分鐘再焗第二次，以達到外脆內軟嘅口感。將馬卡龍放上焗爐隔黎嘅涼架，店員就會幫忙開風扇吹涼作品。馬卡龍焗到起裙邊👍🏻，外層脆卜卜。雖然內層食落比較甜同埋有啲啲痴牙，但第一次整算唔錯啦。黑朱古力海鹽醬味道唔錯，唔甜膩。將馬卡龍入盒後，店員幫忙用絲帶包裝👇🏻（如下圖）。店員嘅包裝功力仍有好大嘅進步空間⋯⋯ 我地之後重新綁過，靚好多🤣。若然想自行包裝，不妨向店員提議一下啊。Workshop自助化設計，參加者有較高自由度。🎂作品可以加多/少啲糖或其他調味料，當然味道同口感就後果自付啦😝。蛋糕制作嘅預計時間亦好鬆動。我個Cotton Love🎂預計做3小時，最終2.5小時就完成啦，期間仲有時間飲杯茶🍵同埋周圍打卡📸。
繼續閱讀
第一次去自己整蛋糕嘅鋪頭！事源係我個同事本身對烘培好有興趣，所以趁著有優惠就一齊去試一試，順便為沉悶嘅打工仔生活添加一點樂趣。可能係平日夜晚，所以得我地兩個同一對母女，空間比較大，又唔會太嘈。蛋糕選擇有好多，大家可以根據自己嘅能力黎揀。因為第一次整，揀返個容易d嘅火焰檸檬芝士蛋糕。材料同工具都好齊全，工具會有一個姐姐幫你洗，一步一步跟住個iPad做就可以啦！現場都會有工作人員協助，唔怕唔識。我地另一個蛋糕需要轉盆同朱古力裝飾，真係可以完左少女心嘅蛋糕夢！完全係一個專業！到最後我個蛋糕要用到火槍，比較危險，店員哥哥好有耐心咁教我，亦確保安全至上。等緊焗蛋糕嘅時候仲可以自己沖茶飲，當然唔少得靚靚嘅打卡位啦！其實坊間現成買一個蛋糕嘅價錢同自己親手整都差唔多，倒不如自己一手一腳整，仲黎得更有意義同愛心。
繼續閱讀
Bakebe真係為我對蛋糕製作嘅體驗帶嚟左新嘅衝擊首先講下環境，以粉紅色白色為主調，提供乾淨衛生嘅環境製作蛋糕Bakebe仲會提供所有製作蛋糕時需要嘅用具，又有專業用嘅焗爐、kitchenaid同埋各式各樣嘅小工具真係事半功倍啊今次我就揀咗帶有小清新風格嘅Cotton Love，依個蛋糕係一個全素嘅食譜，栗子醬配合可可口味嘅豆漿蛋糕首先根據iPad上嘅指示去拎所需份量嘅材料之後就可以跟着教學一步一步去完成蛋糕如果遇到有唔明白嘅部份，亦都可以請教下在場嘅職員，佢哋都好樂意解答蛋糕完成後就可以進行個人化嘅裝飾啦
繼續閱讀
第二次去自助型式整蛋糕!第一次來bakebe! 環境一流,寬敞,有多個影相靚位,乾淨,有清潔姐姐負責清潔及洗碗, 比銅鑼灣那一間好,那一間需要自己洗用具。可惜服務員比起銅鑼灣那間差,不太主動協助你。蛋糕款色較少但價錢貴。
繼續閱讀
出席一個包左場整蛋糕既聖誕Party!一入到去，環境好寛闊，裝修得好靚好fancy，港女自拍既好地！以前都有去過學整餅，但係都有老師教導。今次個老師係一部IPad，好似上YouTube 自學一樣！而我同同事係整Unicorn cupcake，材料大部分都準備好比我地，職員有介紹工具，材料等位置。之後，一個step一個step跟住做，其實都好容易，如果整餅過程中有唔明，職員都好樂意幫忙。最後，整出黎效果同預期中也差不多。蛋糕帶回家同阿女分享，佢好欣賞個賣相，但因為個蛋糕唔係好甜，小朋友唔係好鍾意個味道，比較啱大人口味！
繼續閱讀