Barg (已結業)

想喺咁銅鑼灣搵個靜靜地嘅餐廳，呢間絕對要去。環境舒適，好情調，食物仲好高質喎！昏暗燈光下，令有人好relax ，加上坐喺舒適嘅厚梳化上😌 食嘢飲下酒～～～法式蟹肉虎蝦多士 $178非一般嘅蝦多士，而係將蟹肉拆絲，混入蝦肉粒，加上醬汁，放上脆多士去火炙。顏色鮮艷，味道香濃，啖啖鮮甜蟹肉，爽脆蝦肉，配上酥脆多士，完美組合。尼哥斯吞拿魚沙律配紅酒醋 $128略經燒香嘅吞拿魚柳，色澤紅潤，魚肉嫩滑，加上薯仔🥔、雞蛋🥚、青豆等，配上酸甜嘅紅酒醋，開胃又醒神。香烤原骨澳洲羊扒 $288原骨嘅羊扒好少食，但其肉脂豐富，更能保留羊扒嘅肉汁，肉質柔嫩，有口感，香味滿溢，羶味又唔會太重。值得一提佢嘅餐前麵包，係配上烤過嘅蒜粒及油，配麵包前好好味

和女朋友去銅纙灣逛街和吃意大利菜。餐廳內部環境高貴，情調浪漫，座位舒適，店員服務周到。餐前麵包有兩款，又熱又軟。凱撒沙律118元，蔬菜青翠鮮甜，麵包粒香口，煙肉碎香脆帶咸味，未熟雞蛋很滑，芝士味香。烤德國咸豬手248元，已被切開碎上，方便享用，豬皮被炸得很香脆，瘦肉濃味，肥肉甘香，軟骨含豐富骨膠原。焗薯配酸忌廉、煙肉碎及青葱碎88元，薯仔熟透口感軟軟，酸忌廉味道和薯仔味道很夾，火箭菜新鮮。總結：食物美味，環境高貴。

今日放假又同男朋友去銅鑼灣搵好嘢食 嚟咗呢間叫做Barg嘅意大利餐廳度試一試我哋簡簡單單只係嗌咗一個主食 兩個小食Buffalo Wings完全冇諗過意大利餐廳可以煮到呢個咁好味嘅Buffalo wings 雞翼係單骨雞翼 大概有十二三舊 炸好香脆 外皮有啲似脆香雞翼 裹上Buffalo醬汁 醬汁酸酸辣辣非常開胃 雞翼外脆內Juicy虎蝦多士喺虎蝦多士上面有一層蟹肉碎 蝦肉大隻彈牙 多士牛油味濃而且烤到香脆 不過分量就唔算大龍蝦汁蟹肉天使麵呢度嘅天使麵生熟度控制得好好 唔會冧啤啤 而且彈牙有口感 加埋香濃嘅龍蝦汁同啖啖蟹肉碎 都幾好味 推介一試埋單五百蚊有找 以呢個環境 呢個質數算係不過不失啦 ：）

香煎鵝肝配焦糖蘋果($158)，食法有別一般嘅麵包多士，配搭焦糖蘋果一齊食，酸溜溜的蘋果片鋪滿焦糖之後，與煎香嘅鵝肝一啖食，啱啱好中和返鵝肝自身的油膩感。香蒜魚橄欖意粉($128)，加上魚橄欖，不但沒有魚的腥味，反而鮮味十足，令味道更加惹味香口！餐廳最受歡迎一定喺梳乎厘($168)，呢款甜品即叫即掣，製作時間要用上40分鐘，建議落主食果時落埋，以免等好耐先有得上！慢工出細活，正正就喺形容呢道菜嘅精髓。每一個部分都喺手工上嘅心思。不得不提喺蛋漿由師傅自家打製，喺對客人滿滿嘅誠意，口感口空感十足，綿花般嘅口感，食落蛋香味道濃郁！

這天朋友帶我來的是一家環境舒適的銅鑼灣樓上西餐廳. 餐廳的地方闊絡, 座位算是不少, 單邊的沙發座位坐得很舒服. 坐下後便奉上麵包及油浸蒜頭, 蒜頭用來沾麵包比牛油要好上許多. 若可以的話會想添上多一份麵包及蒜頭. 很喜歡水牛芝士的質感, 甜菜是第一次吃, 很有咬感, 與雪糕般鬆軟的水牛芝士意外地頗夾. 這個四式芝士用上薄脆的餅底, 四式芝士很香濃, 但2人吃一個亦不會太膩. 上桌的是原隻虎蝦有點驚訝, 蝦肉頗彈牙配上多士不錯. 烤德國咸豬手份量十足, 外皮脆身, 肉味濃郁, 配上芥辣正好. 吃得有點膩的時候吃點酸菜剛剛好. 埋單的價格每人$350左右, 合理的價格, 舒適的環境. 

訂左位，職員聲稱打左三次黎confirm都打唔到。。。但電話完全冇佢間鋪頭no. Record … 唔知咩料。。。 佢又冇話cancel 我個booking 係話佢地8:30 last order… 9:30關門… 明顯覺得我地阻佢收工咁。。。落order 叫左個cold cut, pizza, angle hair … 但佢上菜次序係pizza>>angle hair >> cold cut … 個cold cut 耐到我以為漏左單😑😑我個fd叫左一杯野mojito ，間餐廳冇tap water,咁我想飲, 咪比返枱面支Still water叫個職員比Sparkling water 我地，但我個fd 杯 mojito到支水都未到，仲有提個職員先記得去拎…. 野食方面，好一般，冇咩記憶點。

相約朋友來銅鑼灣購物，順便一起吃午餐，友人提議去百樂中心 1 樓嗰間意大利菜館「Barg」。餐廳裝潢很有心思，門面以啡木色系為主調，用餐區闊落舒服，配上室內的悠揚音樂和左右兩排靠牆的鵝黃色沙發座，環境高雅，帶歐陸風情。兩個人食量都不算大，所以只係揀咗一個龍蝦海鮮薄餅 ($168) 同 一客烤乳豬配蘋果醬 ($238)。點完餐後，服務員隨即為我倆送上餐前麵包，熱辣辣，香噴噴，入口外脆內軟，配牛油吃，特別滋味。Pizza 接著送上，薄餅烘得非常香口，批底脆薄，上桌時已分成 6 塊，面頭鋪滿了龍蝦、蜆肉、帶子、車厘茄、紅黃椒和紫洋蔥等，賣相美觀。龍蝦肉好爽脆，帶子鮮甜彈牙，加上香濃嘅芝士，味道層次豐富。至於另一客乳豬亦是水準之作，睇下乳豬嘅外皮烤得幾靚仔，金黃發亮，咬下卜卜聲，既酥脆又甘香，加上肉質又夠爽滑，入口毫不肥膩，非常美味。伴吃的蘋果醬，味道甜甜酸酸，很醒胃。配菜有蘆筍及烤薯仔，分量十足。食完再嘆返杯 Mocha ($45)，真係超滿足。咖啡嘅口感非常柔滑，甜度亦很理想，同朱古力味平衡得啱啱好，厚身得嚟又順喉。

浪漫西餐好推介～ 就係位於銅鑼灣嘅barg😄 餐廳燈光暗黃，環境氛暗，座椅設計幾有特色～ 有個橄欖油蒜頭作前菜，蒜頭表面有小小燒過幾好味，不過就係唔知點解下面放咗蠟燭但冇點着🤷🏻‍♀️ 仲有餐包點些油來食都幾香，令餐包變得濕軟～幾好味～意式白酒煮蜆扁意粉 $188隻蜆非常大隻，唔係普通蜆🤣 海水味濃，食落爽口好鮮味😄 扁意粉小小微咸，幾有彈性👍🏻 份量適中，好啱我胃口😂 烤德國咸豬手 $248咸豬手好有份量，豬皮脆卜卜，豬肉肥瘦適中，咸香肉嫩😍 好入味😍 豬手肉係連皮切，切得有點大件。仲有酸菜配料，又咸又酸幾好味😄

前幾日放假，又同男朋友去尋找好西，今次去九龍灣嘅鳴門割烹料理，周末時間大廈比較小人，但餐廳都幾多食客，因為個任食放題都好抵😍 有8個主食可以揀，之後可以任飲任食各款小食，壽司，串燒，刺身，沙律。90分鐘半自助餐都係$238一人😍 好抵主食揀咗帆立貝海膽井同汁燒油甘魚。帆立貝同海膽都好大片，仲好鮮味😍 質素唔算差😍 相反汁燒油甘魚就差咗小小，魚肉太實了，而且冇咩魚油香🥲 沙律角切魚生沙律魚生刺身有幾多款，但沙律菜唔太新鮮。比較鐘意豆腐沙律，豆腐好滑溜～串燒雞軟骨乾身脆卜卜，好惹味～刺身甜蝦，蝦頭有膏好濃郁， 三文魚好鮮甜，冰涼新鮮。小食日本蒸蛋好香滑，細細杯好可愛。吉列蠔同芝麻雞翼炸得好香口。三文魚鰭外面煎封裏面好嫩。壽司淨係試咗赤蝦，因為已經飽了🤣 赤蝦蝦肉彈牙爽口鮮甜😍 飲品巨峰乳酸特飲，巨峰味好濃郁～ 爽喉醒神🥰

沿住樓梯上去，貼上餐廳食物海報，燈光有格調，店內用上復古風，酒瓶放在窗旁，別有一番風味！☺️店員送上原粒蒜頭油來沾麵包，調了味再加上蠟燭恆溫，整個口腔充滿蒜的香味和油香感。👍🏻法式焗田螺外型特別，每一粒田螺有薯蓉包好形成球狀，輕輕烤過的薯蓉香味十足且十分軟滑，田螺煙韌多汁，味道不會過濃。🤗紐西蘭托托蜆用上白酒烹調份外清香，托托蜆處理得宜，新鮮帶鮮甜味，蜆肉彈牙多汁。另外亦配上數片法包，可沾托托蜆的湯汁，美味又可口。😋慢煮鴨胸配乾蔥紅酒汁整道菜擺碟豐富，牛油薯蓉舖底，加上用蒜炒香過的蘆筍，鮮嫩青綠，主角慢煮鴨胸油脂分布平均，粉紅色肉質的鴨肉多汁，加上醬汁配搭味道較甜，比例剛好！😉在繁華的時代廣場後街，一個意想不到的地方帶來一個寧靜的晚上，配上柔和的時代曲，聊天舒服，令人心情放輕鬆，享受美食與友人相聚的美好時光。🥰

今日去左食午餐，銅鑼灣有間有feel既西餐廳，記得好耐之前同女朋友黎食過一次dinner，今日放假再黎食過brunch！假日黎到餐廳唔算多人，可以同女朋友浪漫一下餐包好正熱辣辣相信即時烘熱，入口仲鬆軟，配上牛油，半溶牛油超滿足！我地叫左田螺，前菜黎講份量好適合田螺好惹味，調味濃郁入口好鮮甜，爽口螺飲唔會乾！主菜叫左豬鞍排，入口香嫩鮮甜既豬鞍，肉質好爽嫩juicy，味道好鮮甜，女朋友大讚好味道簡單擺盤，豬鞍排份量足夠！服務好！我地都好滿意！

銅鑼灣地鐵站A出口時代廣場附近有條街開咗好多食肆Barg位於3/F·店內歐洲風裝潢好喜歡每張座椅的print🪑店內size不大但間隔得合適算坐得舒服·店內主打海鮮、豬手⋯⋯但我近日的胃口有局限🤰🏻所以有以下選擇((正名睇receipt))✳️餐前小吃有餐包主角係蒜頭橄欖油1️⃣雜菜湯2️⃣黑松露蘑菇湯兩個湯都真材實料有別於一般西湯冇咁「杰」感覺冇咁Heavy讚👍🏻3️⃣忌廉菠菜雲吞忌廉一定係會heavy啲但忌廉同雲吞好balance 食完都暇唔覺得太滯脹Good👍🏻4️⃣黑松露醬炸薯條我自己獨特嘅喜好係喜歡食諗嘅薯條所以呢款啱我😆不過一般來講炸薯條係要求香脆如果想迎合大眾口味應該炸返脆少少🤏🏻今日薯條諗身醬汁太厚所以好難點食有待改善😊👌🏻5️⃣炒蘆筍性價比唔高但係材料好新鮮好靚靚菜難搵🤣6️⃣女皇pizza🍕主要材料蕃茄芝士Pizza薄脆做得好好👍🏻7️⃣甜品後加Blueberry cheese cake等咗10分鐘((不明白點解蛋糕要等👀))不過cheese cake夠晒實真材實料所以等少少時間冇乜所謂啦·去特色小店食嘢我通常會睇埋人哋個廁所獨立廁格有一部冷氣喺入邊🤣清潔用品齊全地下都冇水漬衛生情況理想👍🏻·二人

such a bad experience of believing leaflet.We try lunch in this restaurant beacuse of the 20%off stated in the leaflet. However, we end up didn’t have such discount. This leaflet didn’t show when is the expiry date of such discount.we called back the waitress, they cut our call, and refuse to cash back the discount to us.

星期六晏晝去咗耀華街百樂中心搵嘢食，見呢間西餐廳啲comment唔錯就試吓。坐低點咗嘢食一陣，店員就送上餐包，餐包熱辣辣，外脆內軟，搽上香草牛油食，幾好味。龍蝦湯海鮮意大利飯$218一上枱香氣撲鼻，材料豐富，有一隻大虎蝦、兩隻藍青口、兩隻托托蜆、蝦仁同埋魷魚圈。海鮮新鮮，虎蝦爽口彈牙；藍青口鮮甜美味；托托蜆肥大肉厚，鮮味冇沙。意大利飯軟硬適中，最緊要係醬汁超好味，龍蝦湯好香，加入一啲蒜片同埋香草煮成嘅risotto好香濃好正。意式辣肉腸薄餅$138呢個薄餅底係薄身脆脆的嗰一種，香口酥脆嘅薄餅底鋪滿鹹香嘅芝士同埋辣肉腸，好香口惹味，食完都唔會覺得好油膩。朱古力心太軟$98呢個甜品極度邪惡，熱辣辣嘅朱古力brownie焗得微微脆邊，一個匙羹篤落去綿綿濕潤嘅香濃朱古力醬湧出嚟，嗰隻朱古力唔會太甜，食嘅時候加入雲呢拿雪糕，一熱一冷嘅口感好好。

今日同朋友異口同聲話想食pizza即刻上網搵吓食邊間，見到呢間嘅pizza係我鍾意嘅薄批呢度嘅環境好典雅，擺設及設計都花了心思的呢度提供嘅水係acqua panna，好有質素！先黎個麵包籃，麵包非常軟熟，而且仲係熱辣辣的沾上旁邊嘅蒜油，非常之香令我忍唔住要係咁點黎食！如果麵包可以refill的話，我一定會refill黑松露蘑菇湯每一啖都會食到磨碎左嘅蘑菇茸，好有口感仲有黑松露嘅香，岩哂鍾意食黑松露嘅人！羽衣甘藍牛油果柚子沙律用左柚子汁做沙律汁，味道非常清新牛油果熟透到岩岩好，口感好軟滑水牛城雞翼呢度嘅水牛雞翼好正宗有一種奶油香的，再有種微微嘅辣勁！出面食親都係酸醋味比較重～～但呢度係食到個層次感的皇后薄餅呢個係Margherita Pizza！Mozzarella cheese 好足呀，每啖都食到濃濃嘅芝士香重點係餅皮係好夠薄，食落非常脆口同時又有彈性，有咬口！真係好鍾意食呢度嘅pizza下次一諗食pizza，第一時間一定會諗呢間