BBQ Chicken Premium Chicken (已結業)

昨晚夜收，到紅磡找點東西吃才回家。見bbq仍開門，門旁放了迷你隊長窩宣傳海報，入內一試。店內只有兩三枱客，叫了此窩少辣及荔枝梳打。不一會，店員送上飲料，喝了兩口，不像荔枝梳打，再看枱單，原來落錯單為柚子蜜梳打，算吧！再過一會，店員送上火爐及窩，看一窩入，只見熟透了的麵，夾一口，果然煮過了！還给我火爐，有何用呢?算吧！再在窩裏找，只有碎了的午餐肉，兩粒龍蝦丸（？)，兩件魚片頭。相中的餃子，泡菜，魚餠，年糕 .... 在那裹呢？把火爐關掉，吃了魚片頭，仍可！其他，放棄吧！埋單 $96，算吧！回家煮辛辣麵加魚蛋，好好味好多！

坐左陣單落完水都無杯 叫3次3杯水先上來2杯 叫2個湯鍋 牛肉鍋肉得2塊 仲差到唔差既肉 粉絲就成半鍋 湯水本身就少 轉頭火差唔多燒哂先滾滾地 湯底都索哂成半 問佢加少少湯底來得唔得 話淨係加得滾水 本身又唔係咩幾多小時靚湯底 算 丸又得3幾粒垃圾丸 另一個部隊鍋 湯底更少 其實只係用來比你溶D芝士來撈公仔麵 2個鍋既所謂水餃係果種類似鬼佬炸水餃 冰凍垃圾貨果種 真係同吉野家 大家比起身 吉野家真係超值超班 另一個咩海鮮鍋飯 乜味都無 仲有份 蒜頭炸雞 食落叫Ok 價錢就真係 我都唔想提 2湯鍋1飯鍋110件炸雞 成單3** 錢太多 時間太多 值得去試 我就呢世都無下次 請我都唔去!!!!!

韓國炸雞店愈開愈多，這天來到我們卻沒有點炸雞，因為就家中寶寶點菜，竟然有驚喜！海鮮鍋飲，唔辣，特登叫俾bb食，坊間就算好貴的海鮮焗飯，最多也只是魚塊、蟹柳，這個$78的鍋飯，不只熱辣辣鑊仔上，還配有手板般大隻的蝦與青口！飯內更有差不多十來廿隻小龍蝦！少不了靚蟹柳，以及韓式有點像玉子豆腐的年糕。每啖都有小龍蝦，醬汁鮮味，又不會太濃味，非常適合小孩子吃！Q子之親子推介必選度有十粒星！惟一遺憾的是蝦有點腥味。芝士撈拉麵，筆者本來就愛吃韓式拉麵那種像公仔麵，但又比較硬身的麵，配合芝士味，嘩！！！！令芝士迷筆者大愛！真想整盤吃，但又怕太撐吃不下其他。芝士豬肋骨，筆者覺得太辣了，明明沒有辣椒icon，但嘗了一口，肋骨肉很嫰，不會鞋口，配合芝士同吃一流，只是完全不能吃辣的筆者覺得太辣了，益了孩子的爸了結整盤。Q之親子小貼士：店子有bb凳，但上菜時間較久，可能要預備點玩意讓寶寶打發時間。店中有電視播放韓國MV，注意孩子看得忘了吃飯（像筆者家的）

同好朋友食生日飯~因為有bb同行 想搵個地方闊落又乾淨地方食韓國野就揀左呢間我響紅磡站行落黎 十分鐘左右好容易搵 食完去黃埔行街仲方便~餐牌好吸引 鍾意食芝士就岩哂~~呢個bbq芝士豬仔骨 半份68蚊~芝士夠拉絲~~~豬仔骨夠哂味 介有洋蔥配菜 唔錯~呢個芝士炸雞焗飯 真係好濃芝士~雞肉都滑呀 推介呀~~~野飲叫左紫薯牛奶咖啡~紫薯味較啖另外個薄荷沙冰 就甜左d 但薄荷味就好出~2個人食左220蚊~都幾抵 可以encore~~~

今晚同朋友好想食韓式炸雞平時會去旺角食，第一次來到黃埔，就試下尋找附近炸雞店。原本想去德民街個邊一間，點知星期四休息，就search到呢間。六點左右黎到，冇乜人，不用等位。員工好多，但係冇乜邊個理我地，連餐牌都要我朋友去隔離枱攞。想叫果味真露，冇！只有原味。原味對女孩子的我們有點刺激，不過也照點了！（始終炸雞配真露感覺應該好一點）點了孖寶兩隻味的炸雞。等了接近20分鐘才送上。期待已久的炸雞一口咬下......非常失望。（對不起，可能之前因為去過好食的那些，實在有比較）到結賬時，我想取單拿去櫃台埋單...點知...老闆（個樣似）語氣有點重地叫我回座位結賬。決定回家，開個openrice account寫下這次經歷。不想再來了。

最近真係好鍾意食炸野，炸雞就是更為愛！今晚當然又係炸雞之夜，因為又想食囉~~係阿B帶路下就去左呢間韓國炸雞店，單係睇環境同門面都好韓，入面仲無間斷咁播放韓文歌，蒲入內坐下來就頓感成個人都後生晒因為太口渴關係，所以就叫左一渣韓式柚子梳打，味道清甜又潤喉，而且仲好足料，仲有檸檬係入面，唔會太甜，好解渴主角香蒜炸雞出場嚕~我揀左大份，有成10件，香口又嫩滑，溫熱易入口，蒜味濃淡適中，真心好食跟住我地仲叫埋個紫薯雪山甜品食，單睇個樣已經無得輸！呢個甜品其實就係紫薯味既沙冰，食既時候將佢地撈埋一齊食就更加好味，我就當然係咁做喇~食畢後就當然係俾錢既時間，埋單每位約1百鬆d，好抵

夜收工是常識吧！今晚當然都係喇所以又要出去食埋晚飯先可返歸.....是夜同事老陳話要去食KFC，我就覺得已成日食無黎新意，係一輪討論後，就去左公司附近既炸雞店開飯入到去都唔算好多人，可能係平日又較夜呱~坐位都好闊好舒適~~係又餓又夜既環境下，就當然要食爆佢喇！我地2條友都叫左幾樣幾飽肚既野~先黎就係呢碟花卷拼盤，細細件好多件，飯身微熱，餡料有泡菜、牛肉、青瓜、蟹柳等，味道清新中帶有住家感覺，好似食緊媽子整既一樣，點埋韓式辣醬食就更爆好食再來就係好邪惡既雙重芝士辣雞！芝士勁多，又軟又香，加埋微辣雞件繑埋芝士一齊食就最正，口感層次好豐足，又香又滑又微辣又嫩，不消數分鐘已全被我地KO！黎得炸雞店就梗要叫下炸雞，呢度有好多唔同味，最後我地就揀左蒜香炸雞，即叫即炸熱辣辣，外脆內嫩，蒜香味濃，口感juice，肉質都好夠味，幾好食~~當然亦好快被我地食晒落肚就係咁又食又講吓是非又一個晚上，人生就係如此，工作食飯瞓覺又工作，循環不息，究竟我幾時可以日日食完就瞓、瞓完又食呀！！！！

月頭去開紅磡拜神，之後就同阿媽去左呢間韓國炸雞店食埋Lunch先返歸~一睇出邊同入邊嘅環境裝修就知新開無耐，裝修走年青風格，好有活力，而顧客亦係較多後生仔咁一場來到炸雞店，咁就當然要叫炸雞喇！我地叫左半份既韓式香蒜炸雞，有5件，蒜蓉味道好香，皮脆肉質嫩滑無得彈，幾好味~ 跟住仲叫埋個泡菜餅試吓，泡菜同粉既份量都好適中，唔係好油，煎得外脆內軟，口感具層次感，愈食愈想食食咗咁耐，整翻杯紫薯牛奶咖啡先，味道咖啡味比較重啲，不過都系可以品嘗到紫薯嘅香味，奶香味亦都有夾雜其中，我個人覺得好好味。由於我地2條大食鬼仲想食多少少下，就叫埋個韓式花卷拼盤 ，份量都好多吓，分有3個味道，而且飯質軟香溫熱，紫菜就很是脆口，味道好夾又好食食畢後同阿媽都飽到上頭頂，好滿足，又好食，真好~~

今日係我好朋友Carmen BB生日驚著佢一個人系屋企太過孤單，約佢出嚟食飯好好happy下…啱好我地兩個人唯一對食物嘅共同愛好都係韓國菜！！！慶祝當然要搵一間夠in夠正嘅韓國菜餐廳啦！！！最近我迷上嘅就係BBQ chicken~~店內大部分都係卡座，好啱三五知己過嚟食，服務生態度都好好，食得開心。嚟食韓國菜，梗喺唔少得食紫菜卷啦，呢個脆蝦花卷有成16件，真係抵食！紫菜卷包得好好，唔會好易散，脆蝦真係好脆，蝦肉爽口。呢杯係熱情果特飲，上邊倒嘅系檸檬果味嘅飲品，不含酒精嘅，味道酸甜又開胃，正呀而呢道香濃芝士BB骨，單係個樣已經好得好吸引啦，好遠就已經聞到好香好香嘅芝士味！！而且芝士都好多，將BB骨伴埋芝士一齊食，口感層次倍增不少，另外BB骨又爆入味，好好食呀~食到咁上下，我地仲叫左個紫薯雪山，食之前一定要影翻幾張相先對得著佢咁靚嘅賣相！雲呢拿味嘅雪糕加上紫薯味嘅冰沙，正到講唔到嘢。今晚Carmen BB好開心，我地都食得好開心呀~~

啱睇完場超級無聊嘅電影，電影喺乜名我就唔講啦，不過睇到就嚟訓著喺真！喺電影院出嚟唯有搵番啲好嘢食當醒神啦…啱好睇完場電影路過哩間店，竟然見到有我最愛嘅防彈少年團！！~~oh my god！！！諗都唔諗就行入去啦！唔算太肚餓，隨便點咗幾樣，不過味道都好好。好似脆蝦沙律咁，脆蝦真係好脆，外面嘅炸皮炸得又香又酥，蝦肉依然夠爽滑！再配上沙律清爽嘅口感~~好好味！系菜單上邊見到幾杯飲品都好特別，點咗兩杯嚟試試。紅色杯嘅喺哩度嘅韓式玫瑰味特飲，飲落有少少酒精味，不過唔會好濃。我就好鐘意哩款飲品，味道香醇。朋友唔飲得酒，點嘅系無酒精嘅熱情果飲品，雖然無酒精味，不過果香味就好濃啦！

可能以為接近年尾喇，覺得一年又系咁樣匆匆而過喇，反思自己一年來都有咩收穫或者邊方面覺得做得特別好嘅，返工返到成個人都呆呆地，一收工就拉左個同事沖去食野行行下就入左去呢間餐廳見到菜牌嘅時候就頭痛喇，好多吖。相信好多朋友都會有咁嘅困難，係一輪睇睇睇後就叫左幾樣野先送來既係香濃芝士bb骨，好大份，bb骨好嫩滑，芝士裹系外邊，一齊食嘅時候兩個嘅香味完美啲融合，好正。順便提一句，韓式嘅柚子蘇打水一定要飲，每次食完一種食物之後就可以用佢嚟減淡口腔裡面嘅味道，保持味蕾嘅高度敏感。紫薯雪山，造型好靚，差點都無捨得食喇，紫薯味濃，口感清甜脆蝦沙律，新鮮大份，蝦肉彈牙爽口不油，菜亦清新脆口，很是好味~花卷拼盤，哩個拼盤照樣都好大，裡面嘅樣式好豐富，仲有成24件，好抵食之餘，味道都好好，仲好飽肚吓食完後好飽之餘，悶氣都消左好多，讚呀

啱出完糧先無幾耐，覺得自己荷包又越嚟越空啦，每個月都唔知啲錢去曬邊度，朋友就話我啲錢全部摞曬嚟食嘢！！之前都未咁覺得，系哩排錢越嚟越少先覺得好似喺咁回事…我嘅願望就係食邊全港！今日嚟嘅系食韓國料理嘅餐廳。去嘅時候唔喺食飯嘅時候，所以人唔會太多。好快就有位~睇一睇個menu，發覺哩度嘢食款式實在多，睇圖片就已經覺得好有食慾啦~~~朋友話想食啲煎炸嘢，就同佢點咗嘅香脆芝粉雞，將炸過嘅雞放落啲芝士粉到浸兩浸，芝粉嘅味道好濃，以我嘅習慣系先食曬芝粉再食雞肉!花卷有炸蝦、蟹柳，紫菜同飯都好新鮮，紫菜都仲喺脆嘅，點同日本壽司唔同，配嘅醬系甜辣醬。海鮮餅食佢上面嘅紫菜我就覺得好似去咗大海咁，好有海嘅味道。而且海鮮餅一啲都唔油，食落仲啖啖海鮮添！！~果醋梳打，好香好香嘅醋味，仲放咗檸檬片，酸中帶甜，好飲！

公司準備咗個discussion，問我地意見系邊度搞好，一路以嚟我地公司嘅style都好free，而且好respect我地嘅，所以我就提議嚟最近好heat嘅炸雞鋪！吊燈嘅光線唔會太光，餐廳嘅佈局睇落去都好闊。前菜有我最鐘意嘅kimchi！同酸蘿蔔！！！kimchi味道正宗，夠酸夠辣~太肚餓啦先點份海鮮餅~~海鮮餅上面有紫菜同海鮮醬，餅入面包咗超多海鮮，有蝦、魷魚等等…海鮮味十足。咖啡+棉花+冰會變咩呢？？就係明洞咖啡棉花冰啦，平時棉花糖就食得多，咖啡就飲得多，咁樣咖啡棉花冰都係第一次食。一碗冰上面有棉花糖，咖啡系最後先倒入去嘅…最後就梗喺招牌脆片炸雞啦！脆片果然系要配蜂蜜醬嘅甜味先會覺得好食，原本脆脆嘅炸雞加上脆片口感就更加脆啦！

BBQ Chicken之前已經嚟過幾次啦，每次都會有新既款式，所以每隔一段時間再食都唔覺厭，今日又同老公去左開餐~今日嘅主角就決定系炸雞同紫薯味出品啦齋炸雞都有好多種款，聽服務員推介就點咗份柚子炸雞同蜂蜜脆片炸雞！柚子炸雞淋喺炸雞表面嘅汁就係柚子味嘅汁，酸酸甜甜，炸雞新鮮出爐，炸得夠脆！粟米脆片加上甜甜嘅蜂蜜汁，就係哩款蜂蜜脆片炸雞啦，比起柚子炸雞，會甜啲。但係蜂蜜落得啱啱好，唔會覺得甜到好膩。紫薯出品就系哩款紫薯牛奶咖啡啦，聞一聞，先系好濃烈嘅咖啡味，飲落就會試到好醇厚嘅紫薯味啦，微甜。

初初開的時候有去過causeway果間食喺ok架, 點知依為九龍開過就試下...本身是2~3人開餐, 買15件雞再加D其它野食就足夠喇, 買左韓式香蒜炸雞15件, 點知返到屋企一打開個盒就'O"左喺到.全是小雞翼及小雞腿$170的價錢去KFC仲好過, 仲飽D.  一個人食完15件都唔夠喇. 如果睇完D相仲想去食, 都幫你唔到!!!