Beerliner German Bar & Restaurant (已結業)

同朋友行開葵芳廣場, 諗住去食個意粉屋Tea, 原來已經轉左間食德國野既Berliner, 之前同同事試過灣仔W Sqaure 果間幾好味, 一於入去試下依間既水準啦!! ~坐左係餐廳出面既位置, 感覺好舒服!! 行街行到腳仔軟, 坐低飲番杯啤酒, 再感受下由頭頂個天窗射透射落黎既陽光, 爽晒因為得2個女仔, 驚食唔晒D 野食, 所以只係叫左個炸豬扒同Pizza酥炸薄豬扒配火腿芝士蘑菇其實即係吉列豬扒, 但係依個勁薄, 又唔會好似平時咁勁多炸粉唔好講咁多,襯熱加埋軟滑既蘑菇芝士一齊食!! 正.. 唔理佢有幾熱氣lu 煙三文魚水瓜柳薄餅好好味! 原來德國人都識整薄餅架喎,仲係我最鍾意食既薄到好似塊餅乾果隻 上面其實除左salmon 同水瓜柳之外, 仲有rocket (火箭菜)同洋蔥架..我自己就好鍾意食rocket, 朋友就麻麻, 所以基本上係我食晒~~~最後發現左佢星期一至五有做Tea promotion~叫指定野食會送2杯野飲

因為有朋友仔生日, 所以相預好黎呢間餐廳食lunch!!唔知係咪新開既關係, 未有太多人知道, lunch 人量少得…..出奇!!入座率大約只有 4-5 成, 完全唔雖要book位or等位~侍應安排入座之後, 我地就開始努力研究menu… set lunch貌似都唔錯…因為有D想試既野響set lunch入面係無, 所以最後都係決定散叫~4 粒人, 食咗:沙律 + 麵包圈 + 德國腸併盤 + 德國豬手最後仲加咗個甜品:野莓金寶先講沙律, 菜蔬新鮮爽脆, 配上一隻雞蛋, 幾片火腿, 沙律醋既味道都唔錯!之後麵包圈, 新鮮出爐熱呼呼, 可惜包既香味唔算突出, 整個包都係軟而有咬口, 麵面上面隨意灑咗少少鹽巴, 咸咸地無咁齋~到德國腸併盤, 大約有4- 5款腸腸, 每款大約有2 / 3條, 所以就變成一堆~ 每條腸腸都唔同味道, 只係最記得有條係會流芝士, 可惜芝士太少, 芝士味亦欠缺, 只係響切既時候見到…. 不過整體腸腸既味道都係好味既~最後就係德國豬手, 同樣都係新鮮出爐, 熱呼呼上枱~ 上枱之後, 侍應會幫你切, 仲以為好似KLB咁幫你切開一件件, 點知……….原來所謂既切只係….

之前經過幾次。一直都想試。但次次都爆要等2小時。見今日心血來潮。同老公615黎攞位。點知又有位即刻比入。今次都係食招牌菜，豬手，腸仔。老公飲黑啤。腸仔好味。但豬手就過熟。塊皮硬到死。有小小似食硬薯片。麻麻地囉！

其實之前都有食過呢間 (主要去奧海城分店)，知道葵芳點「新開」，所以約埋朋友，一行四人去試下新鋪水準如何。可能因為去到已經接近2點，完全唔需要等位。4個女仔，嗌左3個主菜，4杯野飲。第一個係蝦意粉，呢個係出奇地好食，不過略嫌份量太少，一人得一啖。第二個係豬手，真係非常好食，但係個皮太脆，好難切開。但味道真係一流。第三個係腸拼盤，其實係好食的，不過自己對腸興趣不大。我地每人試左杯野飲，我啲朋友飲mocktail，我就揀左杯cocktail黎飲。佢地嗰杯好唔好飲我就唔厷清楚 (不過聽佢地講應該係幾好飲的)而我嗰杯叫做"Happy Schnappy"，酒味唔會太勁，非常好飲!!之後就再食甜品…我地叫左一個Apple Strudel，一個Vanilla Pancake同一個新出的Chef's Black Forest。頭2個我係喺奧海城店食過覺得好食所以再嗌，個人覺得奧海城店既水準比較高，呢間，唔可以話難食，但唔會令我有encore既衝動。第三個係我朋友話好食所以叫的，好重朱古力味，好好食，但如果唔鍾意太甜的朋友就唔好揀呢個啦。總體黎講我覺得係好味既，同埋坐得舒服，啲服務都好好，但如果俾我揀我