Beerliner German Bar & Restaurant (已結業)

想試好耐，但因食物份量太多，所以要約幾位好友一齊去。是晚4位人士，訂6:30，訂位前表明8黠鐘要交檯。三位坐低先落order，野食都好快就到左。是晚點了-豬手豬皮沒有想像中脆口，但味道亦不錯-麵包籃好味wor，暖暖地，配牛油好食-紐綸堡腸都吾錯，墊或都幾多薯蓉-田園pizza批邊夠脆，但中間太濕，同埋軟奶奶，吾可以成塊拎起食，有d狼狽。-煙三文魚吾知乜頭盤，一般正常。飲品: mocktail ice candy都吾錯。男友杯黑啤吾太苦，易入口。啤酒方面都幾多選擇，花多眼亂。整體都ok，可以有下次。

週五另一活動後，也回到新都會與奶媽們聚會，這次去了 Berliner German Bar & Restaurant。中午來就點午餐好了，定價 $98-158，各包指定頭盤餐湯、甜品，及餐飲。打頭陣是 德國捲心菜沙律及煙三文魚配細餐湯，那餐湯飲落有點似茨汁...  不過小小一杯，很易也飲光了。　德國捲心菜沙律味道講真很一般，煙三文魚會好一點點，兩者其實都是吃營養為主。有舊同事不吃煙三文魚，也轉贈給我，一次過吞下兩份DHA給小兄妹了～　主菜點了四款一起分享，這是 炭燒西冷牛扒配時令蔬菜、薯角及黑椒汁 ($158)，成品頗大，但有點根，肉味也沒有太明顯，我覺得是定價偏高。這是 香煎鱈魚配薯蓉及檸檬牛油汁 ($128)，魚肉比預期中乾及嚡，不難吃但頗失望，反而配菜的薯蓉，點上頗香滑的檸檬牛油汁，會來得更吸引。　幾款主菜中，較喜歡是這 紐西蘭青口配紅花意大利麵 ($118)，意粉煮得口感不錯，加上紅花忌廉醬香氣誘人，中間的青口很多，又加了不少露筍及芝士在內，陣容及味道都豐富合意！　最後的 脆夾餅配雞肉、芝士及松露油 ($98) 味道也可以，剛好四件每人一件分吃了。　餐後的精選甜品是奶凍，份量比

上星期日諗住同屋企人食豬手慶祝生日，見到呢間係葵芳近近地諗住試下啦，點知就中伏！大好既生日就甘俾佢催毀左！我上星期二book位已經話無位要walk in,於是我地就晨咁早5:40pm到諗住早d攞位，但佢要6點先入得，我留左名同電話，我地6個大人2個BB有2架BB車，攞位時我地已經同佢講左。大約6點我地就返去啦，佢地安排左門口一入個張檯，左邊係玻璃門出兒童遊樂場既。一入去，我老爺就系係BB車抱亞仔上BB凳，咁老人手腳慢d，帶住BB又多野拎,當我地各自安頓手頭上既野時，個男仔waiter（無帶眼鏡）就過黎態度好差咁話我地唔可以擺架BB車係度，我地已經話放低BB係凳會收埋擺另外一邊（玻璃門有個凹位），話口未完第二個waiter又走過黎語氣極差咁話唔好擺BB車係度！個時我老爺抱住個B，又會有手即刻收BB車既，何況個時無乜人，我地又唔系唔收，俾多幾分鐘我地都得掛？使吾使大棚人黎兇我地咁呀？跟住我地將2架BB車擺左係玻璃門個邊，無帶眼鏡個waiter又好無禮貌咁話我地“個邊米又係通道！”？！我地係阻左一扇門，但仲有另一扇門出入，同埋唔係好多人出出入入，咁我地唔擺係個度可以擺係邊度？我坐住架BB車好

由於被說服申請左呢張卡，決定要運用下優惠^_^，而呢度星期六三人行有33%off,一於黎試下。 先黎二個野飲，上面果個可能jin酒唔岩我，覺得好難飲，而下面果個相對甜得多，易入口，唔錯，份量好大杯，2個人share 一杯都夠@$68Pizza 餅底薄而脆，菜既苦味和肉既咸味二者中和，入口感覺好好，無苦，亦唔咸，加上菇亦十分入味👍👍👍 迷你burger一咬落去好有口感同juice 食徳國野點可以少左香腸呀，配合酸菜同薯蓉，酸菜正正減少香腸既肥利同咸味 最後一個佢係用麵粉做既，配以雞肉，麵粉軟綿綿口感好得意，而雞肉亦好滑👍

想飲下啤酒所以入去諗住啤一啤同試下豬手不過可惜侍應安排坐出面, 當然坐入FEEL會好過出面坐起個商場無咩FEEL先來杯野飲~薄荷葉個杯唔錯, 足料, 個杯特別, 想買番隻叫個Berliner拼盤有豬手包仔, 唔錯, 唔使叫咁大隻豬手都試到, 另外個D不過不失啦....叫個薄餅, 嘩, 好大個~!!材料足, 不過個人對呢個配搭, 覺得麻麻地....下次試其他野~

這間德國餐廳，我都已經吃過很多次，它其中一個最大的賣點是有不同的德國啤酒，德國人真係可以365日啤酒當水飲，勁！「Pretzel」先來介紹我很喜歡吃的「Pretzel」，以前會買一包「Pretzel」餅乾在家裏一路看電視一路吃很多朋友以為「Pretzel」來自美國，因為布殊總統曾經因為吃它而啃親昏迷，但其實這是美麗的誤會，它是源自德國的麵包。德國人最正宗的食法，就是會用刀打橫將「Pretzel」𠝹開一半，塗上牛油，大啖大啖地吃，有點兒似我們食菠蘿油。「秘製德國鹹豬手配香滑薯蓉及酸椰菜」德國人無豬不歡，當中最具代表性的菜式一定德國鹹豬手。豬手上菜後就要趁熱切開食德國鹹豬手，通常會點芥末醬去減低油膩感，在黃芥末及蜂蜜芥末之間，正宗食法是點黃芥末，但我就覺得點蜂蜜芥末味道會多一個層次感。豬手能夠做到外脆內嫩，是因為廚師會先將豬手浸4個鐘鹽水，再用調味料及香料蒸3個鐘，再用250度燒雞爐風乾及焗，經過「蒸」呢個步驟，肉質就可以保持到嫩滑。另外吃豬手配酸椰菜或甜甜地的Dunkel麥啤一齊吃，都可減輕膩滯感。「香腸拼盤」香腸可以說是德國另一個國髓，很多人尤其是女仔會很怕一大盤香腸會很飽肚，其實邊吃

星期日, 晚上8:00pm, 不用排隊但留電話等call, 行左一陣, 30分鐘後收到call有位, 就返餐廳入座.3人點左 3款德國啤酒, 凍肉拼盤, pizza, 德國腸拼盤. 坐得好舒服, 店員有禮服務體貼, 好滿足好開心. - 精選德國凍肉拼盤配芝士, 秘製芝士醬及麵包 ($148) :有4款凍肉, 每款都有3-4片, 分量多, 抵食. 1款腸, 芝士, 還有芝士醬, 麵包, 新鮮沙律. 好豐富.淺色既肉食起, 味道由淡至濃. 還有薄餅用到的黑森林火腿. 幾款味道都咸香, 配啤酒一流.食得有點膩, 可食點清新沙律, 再試埋秘製芝士醬塗上麵包. 麵包微暖, 芝士醬夾離洋蔥粒, 好好味.呢個價錢試齊幾款凍肉, 都幾抵食. - 肉腸拼盤配烤薯及酸椰菜 ($218) : Nurnberger 紐倫堡香腸Bratwurst 油煎香腸/燒烤式的香腸Regents burger 雷根斯堡香腸Cheese krainer芝士豬肉腸有以上既4款香腸, 同樣咸香熱辣辣, 煎得皮脆肉嫩. 白色既2款腸較軟淋, 咬落好多肉汁.紅色既2款腸, 肉味濃d, 而且咸d, 一樣甘多肉汁. 可配酸椰菜食冇甘膩.

當知道新都會商場又有新食肆開幕時, 我倆就第一時間走去試, 不過食評就遲到現在才寫  (*´艸'*)Berliner German Bar and Restaurant ... 我們曾到過奧海城分店, 那次的飲食經驗是OK, 沒有太大的驚喜。入口都弄了個仿庭園設計, 可選擇坐「室外」或是室內。當時的星期六、日都是沒有午市套餐供應, 不知道現在還有沒有?那麼便點幾款特別想吃的主菜 ...廚師特製酥炸薄豬柳配火腿蘑菇及芝士 $172 ... 送上檯時的確有「嘩」一聲, 那個擺盆有很豐盛的感覺, 薄豬柳上有片火腿, 火腿上散著一堆鮮蘑菇片及數粒半溶的cambozola cheese, 不過侍應生沒有教我們面頭的厚檸檬片是有甚麼用途, 我們決定把它的果汁搾在所有食物上。滿心歡喜地吃一口薄豬柳, 怎麼會不酥不脆只剩下既硬且嚡, 如果將所有材料混合一起吃, 那個口味又不搭配, 究竟想點?德國式燒豬腩肉包配紅酒洋蔥及香草汁 $72 ... 真心想知道德國式燒豬腩肉是怎麼樣的味道, 說得出這句是因為我倆均嚐不出豬腩肉是有甚麼特別味道, 包內薄薄的一片豬腩肉是完全被紅酒洋蔥及香草汁所掩蓋, 燒的味道不夠

今次尼到cafe deco group 在葵芳新開既Berliner。係香港少有專做德國菜既連鎖餐廳，餐廳裝修唔算特別有風味，但係個啤酒吧都算幾靚仔。香腸拼盤E個拼盤由四款腸拼成Nurnberger Bratwurst Regents burger Cheese krainer老老實實除左d皮硬d軟d同肉質有分別之外我真係唔識食。味道上唔算太有驚喜，不過幾個人一齊分享飲下啤酒都唔錯既。柏林秘製焗豬手表皮非常脆，咬開之後有好豐富既骨膠元，肉質都唔太乾，口感嫩滑。味道唔會太咸，調教適中。酸菜也做得唔差，就咁食都唔酸，但係又足以解滯。可惜薯蓉整得唔算特別出色。火箭菜德國火腿脆皮薄餅Parma Ham pizza 就食得多，Berliner 用左一種好有趣既方法。佢用左好香既煙薰火腿代替Parma ham, 加上香濃既菇同松子增加口味複雜度，我覺得係一個成功既創意之作。可惜佢地既底皮做得非常軟身，連拎住食都有難度。Erdinger dunkel 黑啤隻黑啤既好香，帶有好重既蜜香。口感醇滑，黑啤尼講唔算苦。麥味之後帶蜜甜味，transition 亦都太順不會太突兀。Erdinger weissb

位於葵芳嘅新都會廣場近幾個月實行大改革，不知是否租金激增還是其他因素，不少原有的商户也相繼結業. . .生意難做. . .但亦因此，為附近住宅帶來了不少新餐廳，而「Berliner German Bar and Restaurant」亦是當中之一其實早已在奧海城曾經見過「Berliner German Bar and Restaurant」，環境吸引，但一直未有機會一嘗，所以這次昔逢週末，就與家人一起來到葵芳新店一試這家德國菜～圓拱形的灰門、一盞盞的少掛燈，為餐廳加添了幾分異國情調。餐廳一共分成兩個部分。門口位置位於商場天幕底下，於中午時段日光直射、較為光猛且有著露天茶座般悠閒、清新的感覺；而內部則設有一小酒吧，天花掛著閃亮的吊燈，燈光較為暗淡，有著較為高檔及優雅的情調，兩邊感覺截然不同～而我就揀選了日光充足的一方，以便拍照～（但後來陽光微猛、室溫漸高，在冷氣不足的情況下用餐，確實熱得有點辛苦）先看一下餐牌，餐牌以木紋為底色，感覺特別。食物大至分成頭盤及沙津、餐湯麵包、酥炸薄豬柳、豬手、薄餅、麵飯類、德國腸類及甜品。來到德國餐廳，當然必試這裏的德國鹹豬手～由於我們一家3口子，吃不到太多

試新餐廳乃鑊勁嘅 餐廳座落角位，環境一般實情呢個位置已經轉過好多手，多數做唔長德國菜一試香腸、二試烤豬手十一點食左早餐 一點未落格 只係叫左沙律, 迷你豬柳漢堡包同烤豬手沙律正常但唔好食豬柳漢堡包仔唔錯烤豬手上枱，服務員响你面前切幾刀開隻豬手一開就知中伏 隻豬手啲肉散到好似肉碎咁食落塊皮硬而不脆 啲肉乾都你唔信德國菜連烤豬手都做唔好 真係以後都唔駛幫襯極少數連第二次機會都唔諗住俾嘅餐廳 睇怕都難逃呢個舖位嘅定律......

星期五晚, J先生突然想食德國菜, 尖沙咀區已沒位可預訂了! 我想起葵芳新都會開了一間新餐廳 ~ BERLINER也是德國菜的J先生先到, 可惜是夜訂座已滿; 唯有留電話...待覆...三十分鐘後, 餐廳職員致電來 - 有位了ICE CANDY $58甜甜蘋果味; 飲完一啖, 喉嚨有茘枝味 MEIN BLONDES $63J先生說: 好好飲! 香煎紐倫堡腸(6條)配香滑薯蓉及酸椰菜 $128香草味浸入紐倫堡腸 秘製德國鹹豬手配香滑薯蓉及酸椰菜 $198豬手皮脆, 肉腍帶少少鹹香味! 薯蓉夠滑 蜜糖芥辣 / 芥辣職員說: 外國人喜歡兩匙蜜糖芥辣與一匙芥辣混合! 焗鮮蘋果卷配香草雪糕 $68酥皮卷薄又脆, 蘋果蓉又濃又香 BERLINER 總結: 一定要試! 

Again and again,月內已是第二次到訪葵涌分店再加上AE card 的優惠沒有不再光顧的理由食物物質和水平都令人回味， 今次嚐試比較少點的廚師推介。很喜歡這的芥末醬十分有心思有兩款供客人選擇。十分欣賞這的薄餅和紅酒繪無骨小牛肉排伴德國薯團， 小牛排炆得剛剛好伴用的不太濃的醬汁有了些提子乾甜味輕輕引出肉質的香但不奪去主角的味道。薯團一般口感有趣活像煙韌的薯蓉團。黑森林火腿蘑菇脆薄餅和一般的美式是兩種風格比較高調沒有溶入大量芝士，高質的火腿和略帶苦澀的火箭菜加在薄脆上配搭悅目，大伙人的話作前菜沙律脆薄餅也不錯。

大約六點到達未見人潮很快安排入坐，選擇對著近open kitchen area前的位置坐下可以看到一貫德國餐廳會放置的旋轉烤爐和吧枱。德國廚師在場忙個不停，已經到過另一奧海城分店幾次，這是第一次到這新分店水準統一沒有很大分別連伴碟放置份量都相似，保持水準。大多數人桌上都會點燒咸豬手。我們點了另一個很好的選擇就是烤雞，強烈推薦。雞肉烤至皮脆卻保留肉質鮮嫩的烤薯很美味。意粉倒是第一次點的雖然沒有驚喜但同樣不會叫人失望做得很好。

Cafe Deco 集團旗下的德國菜餐廳Berliner 近年越開越多，風頭比曾經風靡一時的 King Ludwig 還要厲害，上月份又正式攻入葵芳的新都會廣場。餐廳取代了之前 Spaghetti House 的位置，環境比以往闊落之外，還佈置得相當優雅。第一次光顧 Berliner，對餐牌自然一曉不通。原來除了德國腸、薯餅和鹹豬手之外，也有意大利粉、煎魚等的菜式供應，選擇都算頗為全面。午市套餐由$98 到 $158 都有，價錢要視乎選擇的主菜而定，另外還有散叫的 a la carte 餐牌。不過還是套餐比較簡單一點，就來兩個套餐吧。 蘋果煙雞肉沙律配細餐湯, 3.5/5套餐包括一款賣相頗精美的蘋果煙雞肉沙律，份量雖嫌少了一點，但勝在味道清新。旁邊還有一小杯磨菇湯，暖笠笠的磨菇湯味道頗為濃郁，而且口感幼滑，喝完感覺有一股暖流直落心頭，不錯。 帶子意大利扁麵配蕃茄醬, 3/5意大利扁麵相對比較「行貨」，喜歡麵條有足夠的蛋香，但蕃茄醬汁卻弄得較為稀薄了一點，入口感覺有點不足，此外帶子(粒)的份量也可以考慮慷慨多一點。 德國式肉腸拼盤配燒薯和酸椰菜, 3.5/5吃德國菜當然不能缺少德國