Beerliner German Bar & Restaurant (已結業)

德國菜是從來亦未嚐試過的，由於聚餐是我生日前一天，於是就吃豪一點，試試這間德國菜。當然先來德國啤酒，夠凍亦不苦澀！然後來一盤由清淡至濃味的頭盤，右上角的類似蔥餅，再沾上右下的醬汁，果腹之外亦可以先令人開胃。當中有新鮮的水果配上炸粉細緻的炸蝦，炸蝦外皮清脆而不厚粉，內裡是熱騰騰又爽口的蝦。然後就試三文魚麥包，三文魚鮮味又口感軟，配上麥包共同食用都幾夾。旁邊的巴西火腿配竹荀就開始濃味一點，由於本人對荀沒有興趣，故我只食了巴西火腿，不會太咸，而且口感軟腍，覺得配紅酒會適合一點。最後就可食最上方的腸，腸衣跟腸肉不會分離，而且腸肉肉質不散，加上咸味不會太重，食落仲幾惹味。三文魚薄脆餅，餅底是薄脆，不會令人太快飽。而且三文魚味道濃郁，沒有太多的根，其軟腍程度跟脆餅形成相比。而且餅上的香草味道很強，感覺很輕盈清新。燒春雞以優惠價$88點的，剛端上枱是香噴噴的，部份雞肉位置幾滑，不過近雞胸位置就有少少粗糙了。雞肉容易切開，而且內裡不會有紅色未熟的部份。而且燒雞直立式上枱，令油份向下滲，所以吃用時吃到的雞油都不會多，不過就令部份雞肉位置有少少乾身。最後就來德國式肉腸，腸衣跟腸肉不會分離，而且腸肉肉質不散

Atmosphere great, always great food, always great service. Best German food and beer in Hong Kong. .

朋友一早已訂位，還指定坐在近門口的卡位，位置很好，自成一角！跟其他枱不是太近，坐得好舒服！點了德國式雜菜沙律($85), menu 上說有紅菜頭、洋蔥、蕃茄、溫室青瓜、香脆松子仁，但來到的卻不見有蕃茄和溫室青瓜，而是有大量生菜、火箭菜、紅蘿蔔，所有菜都十分新鮮，個人都喜歡火箭菜，所以覺得好味，但如果唔食火箭菜的朋友可能會有d灰！德國式燒豬腩肉包配紅酒洋蔥及香草汁($74), 一客有3件，豬腩肉好厚身好juicy，有咬口，雖然有d邪惡，但真係好好味！推界！德國式香腸拼盤配燒薯及酸椰菜（$228），食德國野又點少得食腸呢！呢個dish 入面有4種腸：Bratwurst, Regensburger, Nürnberger, Cheese Krainer，4種腸正正常常，唔會太淋身，口感都正常，鐵板上，夠熱夠香口！食腸咁咸味通常都想飲杯凍野，我個人就唔太飲酒，叫了杯Hula Hoop ($58), 選佢係因為見個menu 寫有Mango purée 和 Raspberry purée, 至少真材實料有鮮果唔單係糖水，除左兩種purée 仲有lychee, pineapple, lychee j

朋友約我到葵芳走一趟,原因當然是去看平價衫啦,shopping永遠是女孩的天性幸好領匯還沒有入侵這兒,還可以買到平衫買衫後當然要去吃一餐慶祝,一早訂了berlinderberlinder最出名的是德國豬手,不過其實其他食物質素也不錯,例如這個parma hem pizza,pizza hem口感厚厚的,十分不錯pizza也是十分香口,非常好味德國豬手出場了,不過今次不夠平常吃的脆.但還是不錯,咸度適中薯仔也是十分香口酸菜用來解油膩感絕對合適德國腸份量也是相當多,到了這時我們已經飽了德國腸也是相當有味道,不是普通的腸仔,其中灰色的最有味道非常非常飽,大滿足

約左班好朋友去睇舞台劇<夏風夜涼>, 所以去左平時比較少去既葵芳搵食!朋友係OPENRICE 度搵左幾個地方, 最後選擇黎Berliner German Bar and Restaurant!因為一早BOOK左既關係, 都唔洗點等就有位, 同埋時間都比較早!門面都幾open, 感覺唔錯!未叫野食之前有一點小插曲, 因為朋友未到齊, 我叫待應小姐俾杯水我...點知佢真係拎一杯水黎, 最後要同佢講俾多幾杯.... 原本都怕唔夠食, 點知最後係食唔哂!黎食德國野冇叫到豬手係有點兒感覺缺少左D野既...下次再黎一定會再試!

一班舊同事難得出黎聚聚舊，佢地提議黎呢間食，果然冇介紹錯未齊人但大家有d餓所以叫左個凍肉拼盤先 都係正常的Parma ham，煙肉，辣肉腸等等，我最欣賞嘅係佢個麥包，夠熱又軟熟，加埋佢個芝士醬（有D似卡夫果隻芝士醬，mix埋d雞蛋）冇得彈呀😎👍🏼👍🏼到人齊了，即刻叫左個德國腸拼盤 佢呢個有兩隻腸，兩隻都好好食，一定要趁熱食，好多汁，好香，一切落去d汁爆晒出黎，好幸福呀😍😍真係好正，上面重有幾舊薯角，有d香草喺面，但我覺得麻麻地無咩味，底下重有d酸菜Tim~德國菜點少得咸豬手呢 未上枱已經離遠聞到勁香，waiter幫我地簡單切開三刀，我地再自己分，個皮金黃色又香又脆，入面d肉好嫩滑，整得岩岩好，皮下膠質好多，食左覺得自己骨膠原好似多左😂😂🤔(哈哈ff mode,別太認真）旁邊有香滑薯蓉，好重牛油味，食一啖都知會肥幾磅，但大家share即刻罪惡感冇甘大😇😇難得聚埋一齊要飲返杯嘅 上菜速度都幾快，不過d waiter無咩笑容，可能d碟重得濟😅😅，不過整體黎講我會返炒，真係好唔錯😋😋😋

之前食過晚餐，今次就試下個午飯先～前菜有新鮮嘅蔬菜沙律餐湯係一杯好迷你嘅磨菇湯，味道幾好！濃濃嘅磨菇香味，飲起上嚟滑滑的！就係份量少左啲⋯ 個意粉味道唔錯！唔會過咸，麵質保留應有嘅口感！餐飲有大大杯嘅凍橙汁⋯但橙味好淡⋯似沖劑果汁⋯ 仲有一個飯後甜品好豐富喔！

新年要食豬手應下節，booking已滿，唯有walk in. 不過唔駛等，就即刻有位。不過落單有d慢，叫極都冇人黎雞肉腸（6條）：order完等左一段時間，終於有野食。但原來waiter落錯單，竟然比左腸拼盤我地。叫佢即刻換返，又要再等過。肚餓，所以覺得好味，不過味道偏鹹野菌雞肉牛油飯：個汁有蕃茄酸瓜，味道好似食緊漢堡包，幾特別風味豬手：今次再食，覺得冇咁好味。因為焗過左頭，外皮乾左d，但依然好脆。切到近骨，先食到膠質可以encore: 風味豬手，外脆內軟，骨膠原黏口有待改善：服務只屬合格坐到入去冇人理，聽左waiter講左幾次"轉頭幫你"後好耐先落到單同埋單有confirm order,不過最後都係落錯左單反而食緊野時，有waiter係咁來回行左4轉下次會考慮去返朗豪坊分店

對於德國，雖然算叫做去過旅行，但已經喺十多年前嘅事了，加埋所聽所聞，其實對德國嘅認都唔算好深。唯一熟啲，就喺德國隊，不過，仲喺懷念緊馬圖斯、奇連士文、布林美……嘅年代 。今晚嚟到Berliner，就唔喺搞咩細想德國，而只喺跟家人食慶生飯，試吓唔同嘅國家菜式。嚟到就發覺個鋪位好熟，原來前身喺意粉屋，咪睇個門面以為間餐廳得咁大，轉入去其實裡面都仲有好多位 。裝修唔算好有德國嘅風格，只喺牆上掛咗啲德文嘅牌子，如果有啲大啤酒桶、德國木鐘……可能感覺唔同，但內廳嘅氣氛蠻不錯。舅仔湊埋個B出嚟，大家掛住玩B，點菜嘅重任就由小弟負責。餐牌前前後後6頁紙，部份有埋圖片參考，夾夾埋埋都只喺大概30款菜式，分門別類，都唔算好難揀菜。 德國式雜菜沙律 $85 先上場就梗喺慣性嘅沙律，等大家開開胃。何謂「德國式」？睇菜名嘅英文「Chopped」就有啲端倪，的確沙律菜軋得細碎，加入紅菜頭、洋蔥、番茄、溫室青瓜及香脆松子仁，醬汁另上，用料新鮮，入口清爽，夠晒健康 ！ Berliner特色拼盤 $208 雖然餐牌寫住適合3-4人分享，但查實嚟到嘅份量，就明顯喺3人份，樣樣嘢都喺3件，不過，切開佢叫

已經不是第一次到Berliner吃晚飯，因為有信用卡優惠，兩人去有半價優惠確實食得開心！！ 之前試過兩位大人跟一位小朋友入座，依然計我們兩人半價，真係感覺非常良好！！！今天星期四不用預先訂檯，兩個人被安排坐四人座位，感覺闊躺舒服。每次都覺得音樂有點嘈，感覺似是去了酒吧。幸好今次坐的是半室外位置，即近入口的坐位，音樂的音量相對比較細，耳朵覺得舒服些。先點選了一個炭燒自家製雞肉腸($145)，伴碟的有好味薯仔，奶油韭菜和長的青豆。由於太太不太喜愛吃豬肉，所以這個雞腸是每次必點的。入口依然有炭燒的香味，咬下有汁，不會乾身，十分juicy 好味， 果然沒有令我們失望。唯一是今次的奶油韭菜太過杰身，沒有上一次食不停口的感覺！Berliner 特色拼盤($208), 內有煙豬肉腸，德國鹹豬手夾餅配洋蔥蓉，焗雅支竹配火腿芝士，煙三文魚伴德國黑麥包和炸脆大蝦，好吸引的大拼盤。煙豬肉腸真的被雞肉腸比下去，味道不特出，肉質也不比雞肉腸彈牙，普通的腸吧。德國鹹豬手夾餅配洋蔥蓉好香口，洋蔥蓉很有口感，因為有小許鹹豬肉混在一起，香鹹味很濃郁， 正合我口味。焗雅支竹平常真的很少吃，通常見西餐的食譜都會有雅支竹，它

今晚同屋企人去左食德國菜,上網見到呢間評價吾錯,所以試下.黎到首先喊左出名既德國豬手.佢有兩款選擇, roasted or boiled. 我地皂左roasted. 豬手一黎到, staff會幫手切,仲提醒我地趁熱食,好細心.豬手比我想像中好食, 皮好脆,肉好嫩.不過有少少咸,所以點mustard食中和反. Sausage platter 呢個platter total有8條4款吾同既腸仔 (慕尼黑白香腸,圖林根腸,雷根斯堡腸,咖哩腸).每款腸仔咬落去都好juicy,好惹味.但有d油膩,要一邊飲水一邊食先無咁濟.雖然4個人只係喊左2個dishes,但都已經好飽.因為呢2個dishes都有酸椰菜同薯蓉做side dish. 單食酸椰菜麻麻地,但同薯蓉一齊食又吾同感覺,好食好多.胃口大既人,可以喊多個pizza or pasta. 本身諗住試下德國啤酒,但屋企無人飲,唯有下次再試過.

食豬手，無論中或西式，一向去粉嶺居多，自從去過這間位於奧海城分店後，西式豬手已被這間取代。今次選擇近我的葵芳分店，開業一年多，座位及環境都算保養不錯。以往以為座位只得門面數個，個原來都算多，而且座位空間算寬闊，感覺舒服。一向食豬手都無太多胃空間放置其他食物，所以佢有一份麵包籃非常啱我，另外就加烤既豬手。豬手會配上酸菜及薯蓉，分量不少，蝦餅愛薯蓉，我愛酸菜，啱哂！面包先到麵包籃- 最上面係我至愛--Pretzel , 一般叫紐結麵包圈，坊間食既一般都非常硬, 只因傳統做法近似做餅乾,比較乾身及硬, 未必個個香港人都喜歡, 但這個可說是新鮮, 整個麵包籃的包都是熱辣辣, 新鮮做或再叮熱我就唔識分, 但好明顯個個包都是鬆軟易咬。Pretzel 更是外脆內軟, 包上的粗鹽仍然清晰可見, 味道六因此面帶出, 另外有5個小白包, 個個都非常鬆香, 麥味+烘烤依士味好吸引, 食唔停口。本店另有鹽水煮, 不過塊皮就一定唔會食, 而且脆口的豬手, 自己O係屋企都有時整唔到, 出去一定食人地整的心機, 技巧同賣相。德國烤豬手--今次比上次食燶了少少, 不過唔影響質素。職員上時會問你是否需要幫忙切, 多謝職

來到十月中，大家出街除了見到Halloween的佈置，應該也會發覺多了很多啤酒節佈置呢！沒錯，繼10/15的第七屆澳門美高梅啤酒節，昨晚香港第24屆Marco Polo German Bierfest也正式開幕了！無獨有偶，上週五甜魔媽媽也與一班舊同事約在德國餐廳用餐，率先在富有德式風情並特色佈置的店內，感受節日氣氛。當日有個美麗的誤會，以為妹妹也會同行，結果抵達時突然來了Pretzel包；不過這包的確幾新鮮熱暖好吃，大家每人吃下一個，之後有淨的再打包帶走了。近日餐廳在做午餐買三送一，頭盤又是沙律併餐湯，兩款都幾合心意，特別沙律份量還很巨呢。至於主菜先吃的魚柳比較乾而無味，不過大量的法邊豆及薯泥增回一點分數。也點了德式香腸併盤，這裡的香腸好吃，但也非常膩滯，吃上半條已經要取酸菜絲來解滯。吃這個，還是Marco Polo啤酒節內的出品出色，有機會大家可去試試。反而Carbonara也做得不錯，麵條掛滿香濃醬汁，同時配料亦豐富美味，是最快清光的一碟。最後這款不知名的餡餅也不錯，餅皮夠軟熟，加上紅菜頭粒也變得沒那膩滯，當然整份吃會有點悶，像我們這天每人一件分享就剛好了。當日餐後甜點是朱古力奶

有一段時間沒品嚐西餐了。恰巧朋友有信用卡優惠，一行五人到這間德國餐廳去。餐廳環境嘈雜，沒有那種讓人久留的感覺。店員服務質素有待改善，竟然在收碟期間將整盤東西倒在朋友身上！食物質素中規中矩，唯並非物超所值。甜品倒是不錯。這個價錢，應有更多更好更高品質的西餐廳可供選擇。

之前去過奧海城分店，果邊裝修好Ｄ，樓底高Ｄ，坐得舒服Ｄ，闊落Ｄ，但葵芳分店好迫，好嘈，想同朋友傾偈都講得好辛苦！不過我本身訂枱訂左八點，去到七點半，侍應見到有位都比入，一路咁多位服務都唔錯，好有禮貌！特意試下呢個德國式既芝士凍沙律，話就話pasta咁，但有Ｄ飯粒咁，可能食唔慣陣味，一般般。而且芝士多，加上係凍盤，又大份，好滯。黎呢度就係為左食咸豬手！味道就唔錯啦，不過略嫌燶左Ｄ，過左Ｄ火候！兩個女仔真係覺得幾heavy，都食唔晒！不過呢杯飲品就幾好，唔記得佢叫乜，但飲落似Smoothie咁，清清甜甜，解咸豬手重味一流！朋友叫呢個Honeymoon都話甜甜地，有桃味幾好！雖然服務唔錯，食物都OK，但真係太太太太嘈！星期四都嘈到咁，星期五六日點算？！所以下次我唔會揀來呢間分店了！