Beerliner German Bar & Restaurant (已結業)

一打開menu, 被第一頁的海鮮拼盤吸引了，於是一嘗其滋味。拼盤是3-4人份量，有龍蝦、帶子、海蝦、青口、黑松露意粉。龍蝦以炸的方式烹調，肉質比較乾身，另外有個疑惑是龍蝦身失蹤了，只有頭、鉗、尾，所以可吃的肉並不多。海蝦同是炸的方式烹調，但蝦肉全都梅爛，可棄。帶子搭配蕃茄蓉，酸酸的汁襯托帶子的甜，不錯。青口數量頗多，有十幾隻，同樣是伴蕃茄蓉，不錯的。意粉軟硬適中，微微有黑松露香。總括而言，賣相一流，但食物本質不太令人回味。

我上網訂了7:45pm，但朋友居然早到，甘我就硬著頭皮去問門口個位小姐可唔可以早點入座，由於當時7:05pm左右，對方回答我由於7:30pm都有一批已經訂枱，所以要等個批到先比到位我，我話無問題我企係門口靜心等待，大約7:15pm左右，這位小姐居然走出來有禮貌地同我講枱清潔中，執好枱就帶你入座，個一刻好冧丫。但除了門口呢位小姐之外，其他伙計就一般般啦，有改善空間。好講番食物先和飲品先，由於本人去了葵芳廣場掃街，掃到飽左六成既関係，在餐廳只叫了兩個併盤，有腸，有火腿，兩個人係食唔晒。重點德國黑啤好飲到爆炸，每人飲左兩大杯。。。。。正！由7:20pm吹到11:30pm左右，快樂時間過得特別快，兩人埋單七百，唔知算平定貴。大至上100分滿分，我比77分左右，一讚門口帶位小姐，二讚廁所乾淨。

真心覺得以前好食D，德國豬手好味，其他都好一般，然後全間餐廳只有三個人做嘢！你叫極都冇人理，個凍肉拼盆送D切片腸都冇埋，仲要排左九個字，眼見好多吉台都冇人執，足足等左九個字

琴晚訂左晚餐因為知道買一送一，覺得好低食所以去試下，叫左個豬手，什腸二個胃食剩一條腸都已經好勁，因為食唔哂唔可以攞走（其實呢個係咩邏輯）係唔好浪費下食到好飽，埋單計二個主菜價加一再減翻一個較平既主菜價錢，二個人280連貼士三百有找，真係好低食。

同朋友聚舊，想傾吓食吓，咁啱又有主菜買一送一，加上happy hour時段飲品優惠，真係幾抵👍🏼👍🏼。豬手同香腸都想食，但食咁到咁多，見買一送一，當然貪心少少食個貴d就叫豬手，送來第一感覺好靚，影相後請服務員幫我地切開，太好了不用自己切味道就是咸豬手味，可能我較愛黑椒豬手，所以覺得沒特別好與壞。另一主菜係牛，我十分愛吃牛，這道牛扒賣相ok，就是少了一些配菜，個人覺得未夠牛香，淡了一點。但以$2xx可吃兩道主菜，絕對抵食，份量十足👍🏼飲品方面不建議果汁飲料，因為不是真正果汁，而薑soda幾清涼好飲😋後來傾計傾得耐再叫一個包小食

七點半前離座全單半價，所以來試試。職員服務態度不錯，餐廳氣氛OK（不坐近門光猛位比較好），但食物普通。叫了一個烤豬手，皮脆但肉乾，趁熱食皮就不會韌。牛扒聞落香、不韌但無牛味，甜品偏甜。

已是第二次用主食買一送一優惠，終於洞悉箇中原因，新都會廣場全場大裝修，環境大兜亂，圍哂木板，從地鐵站天橋進入商場都要分流，難怪優惠只在此店。本來朋友點一隻豬手$218、一份肉眼$208、一個薄餅$145、一份小徳國腸$138，我忽然「踱」算達人上身，一送一當然送最平的兩菜色，還是將肉眼改為$142的西班牙飯好了。超喜愛此處嘅蝴蝶包，口感帶點煙靭嘅包醮忌廉芝士進食，當一個餐前小食都唔錯吖。蜜糖火腿薄餅，餅皮夠薄，火腿黐住塊肥肉都不覺膩，值得一讚。西班牙飯煮得算淋，好多菇菌，味道唔錯，三個人「些牙」食到一粒無剩。豬手皮脆空口食都唔太鹹，可惜皮有一點點焦黑的燶，失分。徳國腸忘記名堂，係最平嗰款，薯蓉、酸椰菜份量足，腸咬落有油脂感，味道好香又唔算鹹，個人極力推薦這款德國腸

星期日突然想同屋企人食德國野，係openrice book位，預約19:30，黎到等左陣就可以入坐！👍🏻叫左個雞鎚 香腸拼盤 秘製徳國豬手 鮮果沙津 ，仲有3L木桶啤酒😋

係餐廳facebook見到有afternoon tea set,仲要星期一至日2：30-5pm都有得吃，所以今日就同屋企人試下。跟Set有2杯無酒精飲品大家都叫左同一款，唔記得叫咩名！不過係好飲嘅依個就係今次主角Afternoon tea set第一層…芝士蕃茄醬簿餅店員都建議先吃，因為個餅底會淋ok ge...唔係太大特別第二層…咸點菠菜蘑菇撻…撻餅底ok,不要入面啲料就稀左啲煙三文魚伴黑麥包…之前食過黑麥包，覺得一般（太乾），今次連煙三文魚又幾夾焗芝士豬柳漢堡包…好dry嘅漢堡包脆炸芝士肉丸…肉丸係ok...不過炸得太脆有啲硬第三層…甜點德國芝士餅…普通，唔太甜朱古力泡芙…泡芙有點似麵包蜜糖香橙窩夫…無橙味，亦無蜜糖味，個窩夫仲要頗硬身田園雜莓撻…個撻好鬆脆，cream & 士多啤梨 &籃莓都好夾，好好味Tiramisu(今日無😭熱情果奶凓凍）…唔知係唔係放到最後食，好乾因為有五個人，所以叫左兩個tea set(第二個半價）之後再叫左其他野麵包圈好好食，好多鹽又另一個set $328, 有三文魚沙律，豬手+香腸（四款）+薯條+酸菜+薯蓉拼盤已經食過幾次，都係覺得好好食絕對值得一試

而家星期一至四夜晚主菜買一送一， 真係幾抵食， 所以星期四提早happy friday， 如果八點前入咗仲有happy hour， 所以都幾多人，最好就定位先。倉德國菜又點少得飲德國啤，仲有 happy hour價，點可以唔order，朋友就點左個ginger lime，真係幾薑。主菜就叫左個三文魚pizza同德國腸拼盤。個pizza，餅底好薄好脆，好似食緊餅乾咁。個腸拼盤好魔鬼，好好食，但係好滯，兩個人挑戰失敗，食剩左兩條，但係因為買一送一，所以唔可以包走，好浪費~我地仲叫左個鄉村肉薯餅，個樣似午餐肉，食落似火腿，如果叫腸可以skip呢個，因為實在太多肉了。真係飲飽食醉，提早happy Friday.

此為離開舊公司最後一星期前的一頓午飯，與數位其他部門的經理吃頓Farewell Lunch。由於在KCC上班，一站之隔的葵芳也蠻就腳的。先前也來過這德國餐廳，近期好像換了新的裝潢，由從前的木系主調，變成較俐落的白色。黑椒吞拿魚南瓜意大利飯: 吞拿魚味道偏淡，毫無肉味，絕對是難成大器的貨色，即使勉強以黑椒調味，亦無補於是。南瓜也者，從意大利飯中亦難以察覺其存在。對此，我並不滿意。即磨咖啡質素一般，豆帶微酸，不及香濃，稍不討好。

十多年失聯嘅朋友重聚，安排了卡位自成一角更私隱，係暢所欲言嘅好地方。朋友未到見墊紙幾過癮影黎同大家分享一下。某信用卡的85折都不及開飯網主食買一送一優惠堅係抵。飲品趁歡樂時光2000前點了Ginger Lime，薑啤味道，好有內裡有不少薑絲。朋友要了杯維他命C，但她覺得有藥水味接受不了，一問之下原來加了紅糖水，經理好人地換回一杯Ginger Lime俾朋友。精打細算地揀了二百幾嘅豬手同肉眼扒，豬手皮頗脆亦鹹得有道理，醮枱上提供的芥辣或西梅醬，兩者我會推西梅醬，甜鹹配搭好另類。肉眼7成熟最為滿意，醮醬味道啱啱好。唔經唔覺坐到2130，再黎個蝴蝶包，熱熱的、鹹鹹的、醮一起上枱嘅醬中和包上的鹽

叫咗set dinner--Beerliner holiday Combo秘製德國咸豬手配香滑薯蓉及酸椰菜加德國式肉腸配脆薯條$388另外加咗2杯手工啤個咸豬手份量十足！味道唔錯，有啖啖肉效果，略嫌佢個皮硬咗啲。薯蓉就真係好香滑，應該加咗牛油！加埋啲酸菜食真係幾夾！個幾款肉腸有啲入面有芝士，咬時會咇出黎，所以食個時小心唔好整到人😂😂有個經腸就漢堡扒味，又係好好食！ 加埋啲芥末醬同飲啖啤酒真係幾享受👍🏻 佢既薯條十分粗大，總之呢個套餐一定質得飽2個人，女人應該4個都得😂

星期5 7:20pm去到要落飛等位，最後等左20min 就入得去啦。叫左個 sausage platter ($228)，（tips： 叫熱門嘢食出餐會比較快d）。 個 platter 都幾正，應該總共有7條唔同size 嘅德國sauages。 食到有4款唔同 sausage， 芝士腸超正，d汁多到必晒出黎，正係彈到去隔離檯，唔好講笑。反而酸菜同薯仔俾得較少。薯仔仲要好細舊，無咩味，如果有得揀薯蓉會好d。另外叫左份Salmon with potato cake （$89）， 唔係麥記脆卜卜個d 薯餅，咬落似pancake 多d,好有口感, 但salmon 同個 sauce份量唔太夠。提一提，個檯墊好有心思，有機會記得睇下。除左個manager唔太友善之外其他嘢都好滿意！

food were excellent, we don't need to queue up for long time to get the seat. the frequent promotion for discount dishes were attractive. we will come to dine in the restaurant again for sure. anyone interest to try different kind of beer, it's the place of choice too.pig nukkle is a dish must have whenever you visit here