Beerliner German Bar & Restaurant (已結業)

都算幾多人排隊，2個人食都等咗一陣叫咗個腸仔拼盤加個三文魚薯餅之類既野。入面啲Staff都好忙，都等咗陣先落到單。白色細條既腸呢都冇咩特別、但大個個白色腸就好大陣漢堡味。其他三條都係芝士餡，好多芝士，一切開咇出黎好正😂 但其中有一條好似有少少「蘇」味😥。入面仲有個薯仔同啲酸酸既白色菜，加埋腸仔食落都唔會好漏，加埋啲芥辣都唔錯！個三文魚薯餅好夾，薯餅食落唔係太脆但都唔差！食完呢兩樣野都有少少口渴，飲埋啖啤酒就prefect!2樣野加埋就350幾蚊落樓，都算okay ga😬

難得可以約齊同事食lunch,  決定試下德國豬手！ 裝修不錯，有擺滿啤酒的吧台，幾有氣氛！ 只是台擺得太密，空間太窄！午市座無虛席！ 多菜式選擇，適合一大班人去食豬手配啤酒！整體味道適中， 不會太鹹！

平常都是到奧海城的Beerliner用餐，不論食物、環境和服務都非常好今次朋友提議到葵芳的分店用餐，便是無奈的開始。。。。。。起初是天花一處漏水的問題，餐廳回覆的態度很一般 ，說這是商場自身的問題，於是我們再提出換枱或者看看有沒有其他解決的辦法，最後我們也獲移到別的位置繼續用餐。最後就是因為招牌菜豬手我要給差評了，估計豬手烹調時間過長，變成外硬內乾的豬手（說好的外脆內軟的JUICY呢T_T）。還記得奧海城於上菜時會問及需要幫手切開豬手，這回沒有問及也不為過，我們幾番努力，實在非不為也，實不能也於是委託一位女侍應幫忙，女侍應看上去雖不太熟手，但都非常認真地去做，要給她一個讚呢！可惜女侍應使盡洪荒之力切成一刀後，一位貌似男經理從她手上接過碟來，小聲說一句好了，然後放回我們桌中間便走開了並著這位女侍應做別的事情。

食物種類小，失望，環境差，食物一搬，我地看完餐牌是但叫左一個沙律同一個雞翼就算，快食快走，有優惠都無吸引力令我再去第二次，去到餐廳門口已想不入去，這天十分浪費時間同金錢，之後離開去第二到再食過

這次來到葵芳跟2位好友慶生, 友人選的餐廳, 我是第一次來的.到達時她們已在嘆啤酒及點了水煮豬手. 我當然也來喝一杯. 它有分1, 2, 3號的, 據說分別是帶甘, 帶甜或有果味. 我點最普通的1號就是了. 之後再點了一個前菜拼盆及沙律. 份量已夠3人抱腹離開了.水煮豬手一點不失色, 雖然沒有脆脆的口感, 豬皮反而很嫩又爽口, 而且味道依然很好. 酸菜減低了油膩感, 而酸菜上的是什麼我都搞不懂, 似薯仔又似麵包的東西, 又幾得意. 廚師沙律的醬汁很不錯, 不過火腿比較咸. 拼盆相當有趣, 由於不太清楚材料是什麼, 每每吃到了新鮮感!而且炸蝦的炸獎很薄, 蝦亦爽口彈牙, 三文魚多士夠香脆. 環境亦不錯, 或許是因為我們坐在最內的地方吧! 當晚不知怎的很多BB在餐廳內, 不過也不嘈吵, 相信是受家長歡迎的食肆吧.

同舊同事聚餐，預早一天訂位7：30pm入座，就無規定用餐時間一行四人，一見到個餐牌已經想叫好多野之。除左信用卡優惠外，亦見到有豬手set+飲品另“like"完後，叫主餐牌食物，亦送飲品每道菜嘅名，已經唔太記得個沙律好好味依籃麵包大致都好好味，仲有下面兩款醬塗，兩樽醬都足夠塗所有麵包，唔使就住就住。不過左邊起角的小方塊麵包就麻麻地，好乾，好有麥味，唔多喜歡（個人意見）依份係腸…咩腸就唔記得，不過味道都ok!暢談聚會…點會少得飲品（啤酒，含酒精，不含酒精都有）甜品呢…一般啦…下面的餅底太鬆，好似食餅碎(抱歉，我倒轉張相就upload唔到）依盤係豬手，3-4款腸，薯條，薯蓉好好味，好值得吃！P.S. 之後試過兩個人吃…完全食唔晒呢個冷盤亦都係可以比我地咩都試下除左以上的，仲叫左個蝦意粉豬手Set, free drinks, 信用卡優惠每人約300有找

街裡愛人一對對～真。的。很。怕。迫。很。怕。排。隊簡簡單單就好了。親就訂了間方便食個便飯的，而且又還未試過。論到德國野，其實我最欣賞的就是酸菜這回事。真的很出色。不過真的很多肉，腸，肉，腸，肉，腸。我們就叫了一份豬手，一份腸然後兩枝啤酒。豬手來了，為了拍照，叫服務員不要切，我後悔了，硬得要命，根本自己控制不了呢～真的很大份，皮脆，但過了45分鐘左右腸都沒有來，我們就取消了，因為豬手真的太大份了。啤油大約50數元一枝，有很多味道選擇。其實非常抵飲，好大一枝，而且花味很清香～想起都覺得好少女，很喜歡呀超級抵食，讚

舊同學生日約食飯，佢選左呢間，我響屯門成日食，今次試葵芳店，但商場內部裝修，好驚沙塵滾滾。還好店內氣氛很好，裝修靚，見到有個葵芳店限定既menu combo豬手酸菜薯條香腸拼盤包兩杯飲品$388就唔諗咁多，因為都係肉，所以叫多個house salad$98。house salad有無花果合桃蘋果片橙肉藍芝士沙拉菜組成，清新好味。待應上combo幫忙切開豬手，豬手熱皮好脆肉嫩，但一放涼皮就切不開但肉沒有過咸。香腸有四款，配菜酸菜和薯蓉好好味，酸菜微酸薯蓉好軟滑。兩個女仔食唔晒好飽。

同事同我食生日飯，我訂左呢間德國餐廳，係葵芳新都會廣場，環境原来都幾靚，幾大間喎！！我們選擇了拼盤，有五款小食，煙三文魚餅，好香，下面塊餅好香脆，煙肉蘆筍卷，呢個好爽脆好味，蘆筍都好甜好味呀，牛肉卷都好香牛肉味，唔會好咸，好食，麵包卷好香，入面有少少肉的，炸薯蓉手指也好香，香口入面薯蓉好正。炸豬手，好大呀，先拍照，仕應就幫我們切開佢，出面的炸到好脆好好味，入面的肉夠味唔乾唔咸，好味喎，又唔油又唔肥，跟酸菜，少少酸好開胃好食呀！飲品，都夠大杯夠靚夠凍，同事呢杯橙色的，都好fresh的呀！紅莓，好味，酸酸甜甜的，好解渴，正！！薄荷，有一條青瓜，薄荷葉，同事話好味，like呀火箭菜火腿pizza，好薄的餅底，好好味喎，火腿都大片，火箭菜好多，味道夾得好好雜菌意大利飯，飯粒少少硬，都好正宗呀，好香的芝士同菌香味，我鍾意魚柳，意大利粉團，魚柳好香，都好滑及啖啖肉，加少少檸檬斗可以提升魚的味道，粉團就比較冇味，d味入唔到。仲有少少沙津跟的！服務都好，食物好味，坐得舒服！！

這款沙律欠缺了沙律汁，食落會比較乾但侍應很好，帮我催促廚房補回醬汁給我們有炸蝦、焗大大粒嘅帶子、牛臉珠肉、仲有脆卜卜嘅燒豬仔味道唔錯只係牛過熟嚟到德國餐廳就一定要食德國腸啦豬柳意大利飯係最清淡缺乏味道我最愛飲呢杯blackberry 飲品

同三個同事一齊點左4份Lunch set ，做緊優惠買3送1 岩岩好夠share。有一份Appetizer或者餐湯，我揀左餐湯（果日係番茄濃湯）同事揀左頭盤（焗薯仔）識食一定要食德國腸，一共有四條，味道唔錯，好香又唔太肥。份雞都好大碟，有四塊肉，配薯仔 椰菜花。 粟米卷比較清淡 ，似Appetizer多過主餐。 海鮮意粉都好味，意粉夠硬 Adente 最後仲有朱古力慕絲甜品，好邪惡呀！一點都唔甜 好鍾意 杯檸檬茶都好大杯，抵食抵飲！ total 4個人4個餐 加一折後$333 唯一可惜就係服務問題，叫左好多次先比左杯水

已經很久沒有食德國菜了， 約了朋友到葵芳行街， 想找一間坐得舒服的餐廳， 開了openrice 搜尋一下， 知道有promotion 做緊， 正價餐牌可享有半價優惠， 所以就決定去這裡大吃大渴蜜糖煙肉洋蔥pizza這個是薄pizza, 邊邊位有d 燶德國咸豬手食德國菜又點少得點咸豬手， 需時製作， 大慨8-10 分鐘， 我地好期待個豬手架， 但有少少失望， 就係炸過龍有失水準， d 皮實在有d 硬意大利飯雖然賣相唔係咁特別， 但不過不失啦！炸魚柳魚柳都好大塊， 配上法津醬更贊口不絕甜品覺得有點普通， 好彩是半價呢

很正宗好味的西餐！第一次在奥海城和同学聚餐。环境好，味道好，适合大伙人聚餐。提前预订了年初一带家人食。香肠与猪手是必食～德国香肠：香嫰，不咸不腊！ 配红酒烩洋葱也是很棒～招牌猪手：表皮酥脆，边处偏干。里肉香嫩且利骨，火候很好！配芝士薯蓉非常棒～双重巧克力：表面奶油+棉花糖，甜却不腻香浓巧克力 完美！香草雪糕煎饼配士多啤梨酱：把🍓浇上，香草雪糕溶于表层，酥脆的皮壳配上软绵的蛋糕，堪称完美黑啤是世界上最好喝的啤酒第二次 依旧好吃不失望 满载而归

豬手比想像中好味，不太乾，但不算大隻。德國腸好味！前菜拼盤普通，偏貴。面包好味，一定要點醬食。啤酒買一送一抵飮！甜品都0k，共吃了$1,000多, 5個大人,1個細路。

大年初一，當人人都去酒樓排隊去飲茶，我兩口子偏要去食德國餐其實係之前見openrice有優惠券-主菜買一送一，所以預早訂枱，好等大年初一可飽餐一頓，享受豐盛嘅第一餐去食德國餐梗係要試一試德國豬手，豬手熱烘烘咁上枱，外皮脆卜卜，可惜肉質輆澀澀買一送一嘅好拍檔 - 德國香腸併盤，有4種口味，個人認為最特出係芝士味，又夠juicy；哩兩味菜最好梗係配埋德國生啤，剛巧見Hacker-Pschorr Weisse有買一送一，就叫咗嚟試，飲落又幾好飲，易入喉；我地怕唔夠食，仲叫多咗個餐 - 蜜糖火腿磨菇薄餅，味道一般，但個餅底好腍。其實唔叫個餐都好夠食，哩餐果然夠晒豐盛，要捧住肚走雖然味道一般，但有買一送一優惠好抵食