Ben哥米線

營業中

休息中

Ok wor 藥饍麻辣隻味好唔錯。有埋飲品63蚊都算fair 。午餐肉好味，入到湯味。墨魚頭非常之特別，好爽好好食。係豬紅爭敢d，裏便可以熱d更好，豬紅味道唔算出眾。有熱檸蜜唔洗加錢好perfect ！而且檸檬靚！

餐廳係正荔枝角公園對面，美孚站C1出口，交通超級方便！ 餐廳主打米線，湯底比起譚仔、譚仔三哥都相對特別，除左一黎既酸辣，麻辣之外，仲有藥膳湯底、番茄湯底。我揀左酸辣小辣，墨魚丸（+5）、豬紅（$7），餐廳出餐都快10分鐘就可以拎得。外賣自取仲有折扣優惠。 酸辣湯底有點淡，辣味同成碗米線果感覺好分開。如果湯底改善下，應該會仲好味。豬紅唔夠爽口，但墨魚丸就好彈牙。個人推介墨魚丸！ 下次我都會再試，想試佢地既藥膳湯底同雞翼。

🥰我去親呢間，都係食佢嘅藥膳麻辣。呢個冇得輸啦。今次我又點咗我自己最喜歡嘅豬耳，雞肉，墨魚頭（必食）😂⋯⋯其實佢嘅有機薯粉真係超好味，一啲都唔會太韌，有時有啲薯粉真係食到嚟牙骹都軟埋😆。都要講一講佢嘅湯底，佢啲杞子係浸晒藥膳味道。充滿酒味同埋藥材味😎。佢下午茶最抵食，其實呢間嘢都好多分店嘅。不過我就就近取材食咗美孚嗰間， keep住食keep住食，一個禮拜去兩三次😜。因為我細食，所以我薯粉每次都係叫三份一。但係湯料入邊啲材料佢會俾返足，可想言之一碗有幾大碗🤭。😍佢仲有好多必點嘅食物例如麻辣牛展啦，豬大腸啦。就算啲芥蘭都不錯，又爽甜。🍲

呢間米缐鋪係除左譚仔三哥之外，我最常食既米線鋪。雖然我睇OpenRice佢嘅負評都幾高，但係我上個星期食覺得同以前冇咩分別，我蕃茄湯底真係好濃茄味1. 蕃茄米線 $33娃娃菜&雞中翼 （+17）好入味嘅雞翼💗2. 蕃茄酸辣米線 $33豬紅&腩肉（$20）大大塊腩肉🤩同埋佢啲豬紅都好滑，唔會好散🤤2. 腐乳通菜（$22）好食🤤份量都足夠3.凍檸蜜（+$7）Ben哥米線總共有五間分店，唔想成日食米線先連鎖店嘅話可以試一試總性價比：7.5/10👍🏻值得一試👍🏻

最大變化係湯底，變無味，鹹味都無，稀如水；之前食蕃茄湯底味幾新鮮，家下稀溜溜咁。好簡單依家湯底開水開到傻左。第二，食材真係用到最差最下價貨色，普通如魚蛋牛丸，食粉丸一樣，腩肉牛展翼尖全帶雪味，明明一年前唔係咁。第三，特色野無再賣，例如五穀米線無左，有d餸又唔賣；廚房應該成日轉人，都知道光線點煮，但係越來越淡、稀，真係落味精都落少到咁樣，點食？早兩年食x仔食到悶，搵到ben哥開心左一排，早半年開始走樣，停食左幾個月，尋日又去試下有無點，點知再跌。搞like fb送翼尖，外賣平一蚊，即係見到流失客路……但本業做得唔好，不如食番x仔，起碼人地合格，ben哥跌晒watt了。

自從轉左手之後，店舖米線好難食，湯底又唔掂，啲餸種衰，有種咩食物都用同一煲水煮嘅味，啲菜煮到有牛肉羶味，想嘔！以同樣嘅價錢，搵間好食過佢大把，平過佢嘅都好多，希望間米線唔好出黎害人。同4個朋友一齊去食，冇一個覺得好食，種要難食到冇食曬就走左。原先想同朋友開開心心咁去食米線，點知大家都係覺得好難食，冇食飽就走左人，之後就好後悔去左而間店舖食米線，有得揀嘅咁，我情願行遠少少，搵間正正常常，食得落口嘅米線，而唔係而間，食多啖都想嘔！

唔想食譚仔、三哥、雲桂X，都有其他選擇喎！首次到訪美孚Ben哥米線，好近港鐵站，幾步路就到，米線癮起，都可以快閃食返碗😆腩肉似譚仔個類，帶有豬皮，但哩到就厚身少少🤏本來一睇得三塊，唔係啩，但一塊都好長。唔鞋口，唔Un，都幾好。響鈴，唔洗講啦，都係平時打邊爐個啲，吸湯一流，同上菜時，唔係淋左。米線，份量好足，爽口，唔係淋晒，發脹晒。湯底叫左酸辣小辣，哇估唔到都幾辣（平時食5小辣）酸味同辣味都配合得好好，唔會邊個太搶味。整體係可以再去食，講起都想再食😌

早幾個星期食藥膳湯幾次都好地地乜事都無，今日叫藥膳湯講明要少少辣，佢俾左正常 拎到返屋企食到好辛苦真係好鬼失望 食又唔係唔食又唔係 希望佢地做番標準d 唔係好難再幫襯 失望

想食酸辣米線好耐，食到好感動，叫左4餸加個菜好滿足😆---除左一般米線，佢仲有五穀米線揀，好似好健康 (?)，不過我都係喜歡普通米線多d💁🏻‍♀️---叫左酸辣小小辣，酸好正🤤但唔辣，下次可挑戰小辣🙆🏻‍♀️🔸台灣鴨血終於試到鴨血😍味道輕麻辣，質地比豬紅實(?)少少，有2片🤤-🔸蘿蔔夠稔但不夠味道-其他餸都正常發揮💁🏻‍♀️送熱飲{兩人，一人一個4餸，加個菜 共 $160}

話說一開始係畀佢個芫茜湯底吸引嚟一直都有食開佢仲有試埋佢其他嘅湯底 仲介紹朋友嚟食佢蕃茄同芫茜湯底都係我嘅佳之選但今日之後我唔會再嚟🥲🥲🥲🥲我帶住一顆好想食米線嘅心嚟佢畀碗湯多米線得幾撮嘅我⋯⋯⋯⋯⋯ 失望蘿蔔都唔值得叫 🥲其實係咪賣哂五榖米線？  少得可憐🥺係都唔該你先行同個客講聲？  另外， 配料都係好少， 芫茜葱個啲🥲其實係咪要另加咖？明明我之前食都唔係咁嘅量。定係啲來貨價貴咗好多， 老闆就要將貨就價？ 畀少啲米線🙃 慳得幾多？ 完。

美孚地鐵站一出行前兩個街口就會見到BEN哥米線，細細間店但人龍同外賣源源不絕。今次係沖住佢個好出名之一嘅綠悠悠嘅芫荽菠菜湯底。🍜 芫荽菠菜湯底米線 $49評分：★★★★☆一黎到已經見到個米線湯底好清綠同芫荽，啖湯飲落都幾清甜，有淡淡芫荽香，唔算係好濃郁，配埋個米線食都唔會話覺得好淡。巨多芽菜，食到尾都仲係啖啖米線加芽菜。個餸叫左豬潤同娃娃菜，豬潤爽得黎唔會好粉，食落唔會有陣味幾好；娃娃菜都幾多同清甜！對於唔食得辣既人，呢個湯底都係蕃茄以外嘅一個唔錯選擇！🍜 蕃茄湯底米線 $49評分：★★★☆☆湯底係偏濃稠，唔係好水個隻，所以食米線個陣都會掛到汁，湯底都重蕃茄味，但似係茄膏加蕃茄煮嘅，唔係純天然蕃茄隻味。餸叫左韓國魚蛋、雞肉，韓國魚蛋一大塊正正常常冇咩特別；雞肉份量多，唔會太鞋口，食落重胡椒味。🌶 麻辣墨魚咀 $40評分：★★★☆☆份量多，夠爽脆、新鮮！食到其中一舊有D墨魚嘅骨，冇清乾淨。麻辣味相對上失色，好普通嘅一PAT麻辣醬，唔夠惹味，冇咩特別，唔係必叫。🌟總括：芫荽菠菜湯底有驚喜，蕃茄湯底就正常，可能叫佢蕃茄酸辣湯底會好啲！餸就正正常常，但勝在價錢唔算貴下次要試埋其他特色湯底，例如

上次試過十三么車仔麵，今次試下米線先。朋友推介我試Ben哥既麻辣米線，個湯底我都幾鍾意麻香味幾重，唔係純粹得個辣，食完嘴唇真係有少少麻左既感覺。我揀左豬紅同豬腸，豬腸洗得好乾淨同埋無肥膏。不過麻辣米線比較油真係無可避免，間唔中食一次頂下癮

因為美孚有間我好鍾意幫襯既食材店, 所以近呢半年去多左美孚, 每次都會到附近食埋飯先走。印象中食過正點心, 香港地, 甜品森林, 餃子妹質素都麻麻, 尤其餃子妹, 麵又淋, 湯無味, 肉唔香, 但奇怪的是非常旺場, 堂食同外賣都做到無停手, 因為咁, 更令我認為美孚係一個美食🏜沙漠。今晚又過黎美孚補貨加晚飯, 就老公食佢最愛既湯麵。宜家睇返張收據, 原來收左我地下午茶餐價(下午6點前點餐)。我地嗌左一碗沙嗲豬骨湯配菜響鈴卷, 午餐肉同豬潤, 一碗酸辣🍅蕃茄配菜響鈴卷, 炸醬同貢丸。同一般係茶餐廳食到既沙嗲牛肉公仔麵既湯底好唔同, Ben哥米線的沙嗲湯質地非常濃稠, 香濃惹味有誠意, 可能係湯底杰身既關係, 所以就算食到最後一啖, 碗湯仲好熱架, 值得一讚。我覺得我嗌嗰3樣餸都好好味, 響鈴卷雖然唔脆但索汁一流, 豬潤新鮮無怪味, 爽脆嫩滑, 推介必點, 午餐肉都好有驚喜, 兩大塊超級厚身。老公話對酸辣蕃茄湯都好滿意, 蕃茄味濃酸酸辣辣好開胃, 我試左一啖炸醬, 個人覺得比譚仔好味, 起碼食到粒粒分明既肉碎。貢丸就普通貨色。另外, 想讚下個負責落單既嬸嬸, 好醒目, 所有客人點餐, 佢都

午食. 見FB關注組D食評真係好壞參半....心思思. 都係黎自己食下. 始終米線口味真係因人而異. 湯底: 酸辣勁辣, 食到底D渣有肉碎, 算係好足料. 味道好啱我呀. 雖勁辣, 但其實都係譚仔中/小辣咁上下.墨魚頭: 爽口! 堅好食牛展: 夠淋, 入味, 厚薄剛剛好芫茜: 我係芫茜怪. 配五穀米線. 其實食唔出有咩分別, 味道俾湯底完全蓋過. 總結, 食左六十幾蚊, 包野飲. 係貴D....不過, 我都會再黎既.   

《香港美孚·Ben哥米線》試到好食嘅餐廳就想即刻寫低！如果食三哥同埋譚仔食到悶，可以試吓美孚嘅Ben個米線！琴日心血來潮去試食，去到排咗大約10至15分鐘。同其他米線餐廳一樣，先揀咗湯底，再揀配料。唔同嘅係Ben哥米線除咗普通嘅麻辣湯底，酸辣湯底外，仲有四款特別嘅湯底，包括：1. 藥膳麻辣湯底：真係有藥膳嘅味道，特別係湯入面嘅杞子，粒粒都有酒味，米線超入味😍2. 芫荽菠菜湯底：超清新，好岩夏天食，食完一啲負擔都冇！想食米線又唔想食辣，芫荽菠菜湯底係好好嘅選擇！3. 沙嗲豬骨湯底（未試）4. 酸辣蕃茄湯底（未試）除咗湯底外，Ben哥嘅配菜同埋米線都好出色！配菜推介大家食豬軟骨，麻辣腩肉，響鈴卷（索曬d湯好正）。我點咗白蘿蔔，但煮得唔夠淋，唔係好入味。另外我見大家都會點墨魚頭，但今次冇試，下次再試下先～米線都有兩款選擇，包括普通米線，同埋五穀米線。味道會差太遠，但五穀米線食落較軟身，中意食淋d既米線既朋友可以參考下～小食我哋點左糖心蛋同埋雞翼尖。糖心蛋係好食嘅但有啲貴，要$10蚊1隻。10分推介雞翼尖，每一隻都好入味，一碟先$18好抵食！*堂食送飲品一杯人均：～$60