BIG MAMA

營業中

休息中

環境衛生乾淨 所有野都好好食 好足料 好好味 小菜都好好食 韓國阿姨好nice 好溫柔 可能剛剛新開唔係好多人來 希望大家見到d個post 可以多多來支持 好耐未同女朋友食過咁好食的韓式家庭料理！

尖沙咀 《BIG MAMA》🇰🇷🇰🇷金巴利道新開張韓國餐廳韓國街一帶又有新餐廳經常在韓國街蒲的我當然要試試餐廳由韓國人主理 裝潢有韓國食堂的感覺海藻海鮮刀削麵🍲很特別 是加入了海藻的刀削麵麵條滑溜 軟身但仍有質感有不少鮮蝦、青口和蜆肉魚板串x2我大愛的魚板串厚厚的魚肉 質感彈牙路過進來單買一串外賣 邊逛街邊食都可以小菜有泡菜、豆芽、薯仔條和椰菜花店舖內還有不少小菜可以購買醃八爪魚 炒魚乾都十分吸引除了大路的金巴利街下次可以行過一街之隔的金巴利道這邊試試

Side dish is abundant and tasty except for the Kimchi is suitable for non Korean because not too sour. However the bean sprout I find it rather salty. For the main dish I tried the beef offal stew and I find it very tasty and full. In terms of the soup I find the taste rather bland and not spicy enough for me and the beef offal is fresh and cooked to perfection.I will definitely comeback in the future. . The place is spacious and suitable for place to hangout. The lady owner is also friendly.

晚上嚟左呢間係尖沙咀嘅韓食餐廳。餐廳啱啱新開，環境幾乾淨企理。點完菜之後會送上韓式小菜，有芽菜、翠肉瓜、辣三文魚、辣泡菜，辣泡菜醬料幾清爽。小食叫左辣炒年糕，年糕幾煙韌，個辣汁食到有紅蘿蔔汁甜味同辣醬兩隻味。主食叫左豬肉菜包飯，配一大份蔬菜、白飯、特製醬汁，用蔬菜包住所有材料一齊食好豐富。另外叫左大醬湯，湯類餐點免費附送一碗白飯，大醬湯入面有翠肉瓜、豆腐粒、洋蔥、蜆，湯底材料都幾滿，大醬湯底幾香。

最近發現尖沙嘴韓國街開咗間新店，由韓國媽媽主理，提供多款煮家韓國菜，相比之下食物款式唔算好多，但勝在大件夾抵食。店員服務態度好有禮貌，亦會問客人意見，用心經營👍韓式紫蘇薯仔丸子湯都係第一次食，湯底濃稠，似西式忌廉湯嘅質感，有少少顆粒，味道清淡，裡面有唔少配料，薯仔大塊且軟身，丸子QQ哋帶口感，食完都幾飽肚，但絕對值得一試。海藻年糕湯湯底質感黏黏糊糊，海藻味道突出，如果唔鍾意腥嘅話未必適合。年糕薄切，煙煙韌韌，煮得啱啱好唔會過硬或者軟身，不過份量好多，適合多人分享。而大醬湯就正常發揮，配料十足，豆腐軟嫩，配埋碗熱辣辣嘅白飯就最適合不過了。值得一讚嘅係呢度嘅前菜，可以無限任添，而且質素有返咁上下，微微辣度，大人小朋友都啱食。

#跟住我食唔中伏 早兩日同媽咪出尖沙咀行街，之後諗住去食韓國嘢，就去咗金巴利道。見到呢間係新開嘅，而且入邊有賣好多韓國小菜，感覺好吸引🤩店面簡潔乾淨，所以我哋就決定試吓啦～午市Menu都有幾多選擇，加上好肚餓，望落去好吸引😍菜包白切肉定食$89「菜包白切肉定食」係韓國一道非常受歡迎嘅傳統美食，簡單又美味！白切肉肥瘦相間，肉質鮮嫩，口感爽口👍搭配韓國泡菜、黃瓜和芽菜，用來包裹肉片，超提升味道‼️韓國海鮮辣豆腐湯$79韓國嘅湯係我最中意嘅韓國傳統食品，鮮美又暖心！主要材料包括新鮮海鮮、嫩豆腐、蔬菜和韓式辣椒醬，非常適合我呢啲中意辛辣味道的人🥰海鮮、泡菜、豆腐、辣，配上一碗飯進食，真係大滿足🩷簡單嚟講，這個湯必叫😎好鍾意呢啲簡單樸實而又好味嘅餐廳👍#食評 #香港食評#香港韓國菜 #香港好去處#香港餐廳 #香港韓國餐廳 #韓國菜

尖沙咀金巴利道出名多韓國餐廳，最近又有新店啦! 環境走湖水綠小清新風格，除左有堂食仲可以買下韓式小菜番屋企加送，Menu選擇豐富，價錢親民叫完野食即上左4個前菜，有泡菜、芽菜、翠肉瓜同醃蘿蔔，值得一讚韓國店員好親切，用餐體驗好好豬肉菜包飯 $150香炒豬肉好惹味，菜都有好多款，可以一啖豬肉，加上大醬、一啖飯包住菜一齊食，香而不膩海鮮辣豆腐湯 $85 豆腐湯上枱熱辣辣，多款海鮮有大蝦🦐蜆、魷魚🦑等等，豆腐份量多又夠滑溜，送飯一流🍚煎餃子 $75餃子大大隻外皮煎至香脆，內餡帶肉同粉絲，沾上醬汁甜甜地十分惹味

尖沙咀韓國街新開的傳統韓國菜👏🏻由韓國媽媽親身主理的正宗美味韓國菜👍🏻餐廳內更有韓國街頭小食售賣，另有韓國急凍食品，餐廳醃製的牛肉，當然不少得韓國涼拌小吃。至於堂食非常，有傳統正宗的韓國菜式。 《水冷麵》正宗的水冷麵，非常適合炎炎夏日來解渴，非常消暑，水冷麵的口感長而幻，非常彈牙，加上可自由，加上韓式辣醬和酸酸的醬汁，水冷麵的味道更多層次。《韓式牛肋骨湯》非常香噴噴的牛肋骨湯，牛肋骨的份量也相當足夠，有着超級大嚿的牛肋骨，啖啖肉，用來撈飯是非常配搭的！《紫菜包飯》傳統有正宗的紫菜包飯，非常足料，吃出傳統的味道！《魚板串》街頭小吃的魚糕串，完全感受到韓國的風味！

見到新開 ,又少人 ,以為好伏 .哈哈哈！入面乾淨,坐得舒服,服務幾好！叫咗大醬湯，送白飯，係珍珠米。非常好 ，份量足，夠飽。另外，我老公叫咗 牛肋骨湯，好味清甜，牛肉好腍、好入味。見到佢新開咁少人，所以決定寫返個食評，但可惜想寫食評嘅時候先發現冇影到相。

金巴利道有好多間韓國餐廳🇰🇷自去過幾間都高質，最近又有一間開咗，呢間環境比較偏向簡約，小店價錢又相對親民。✿ 魚糕串 $15魚糕串令我諗起平時食韓式火鍋裡面有數串魚糕串，軟稔中帶煙韌。✿ 海鮮辣豆腐湯 $85海鮮控黎到當然冇放過海鮮辣豆腐湯，海鮮有大蝦🦐青口 魷魚🦑數款海鮮同樣新鮮，豆腐又夠滑溜🤍辣豆腐湯送飯一流🍚✿ 辣炒年糕 $65同朋友成日睇韓劇都見到男女主角食年糕😂諗起又想食吓。呢度菜式同樣有魚糕，年糕充滿嚼勁🤍辣炒方式使得魚糕同年糕更入味❤️✿ 韓式雞肉蓋飯 $89好中意食韓式蓋飯，辣炒雞肉雞肉好嫩滑🐔辣炒令香氣撲鼻👃🏼味道偏向濃郁，食多啲白飯先調和到。

落單後附4款小菜，有茄子🍆、魚乾、涼拌芹菜、泡菜，前3款外面少有，店鋪亦有做醃菜外賣，味道有保證～韓式魷魚蓋飯(89hkd) 魷魚🦑比飯多😂加入洋蔥翠玉瓜翻炒，增添少少甜味，魷魚爽脆有咬口，不算重口味，醬汁微微辣，拌飯剛好～鐵板牛仔骨(179hkd) 味道偏甜，醬汁濃郁，牛肉一半帶骨，一半不帶骨，對懶人非常友善，肉質軟腍，筋位不多，份量足料～魚糕(15hkd) 水準發揮，韓式風味，思鄉必食😂#foodiblum韓式

#20240908 📝📍 BIG MAMA @bigmama_korea 尖沙咀金巴利道61-63號嘉新大廈地下A號舖➖➖➖➖➖➖➖➖➖➖➖➖➖➖➖➖➖#前菜 💭 無好靚裝修，一入就係去左飯堂咁，有種親切既感覺，叫完野食尼左4個前菜，有走唔甩既泡菜、仲有菠菜、翠肉瓜同醃蘿蔔，有清淡既又有酸既，食住等啲主食可以開下胃先～.#大醬湯 $85 🥢 #白飯 💭 所有湯都會免費跟碗白飯，湯入面有蜆、豆腐、翠玉瓜、洋蔥等等🧅蜆食落好鮮甜，發現用泡菜溝落啲湯度辣辣地仲好飲，然後用啲料同埋湯撈飯食味道岩岩好，一個人尼食叫一個有湯有飯又有菜好滿足🍚.#鐵板牛仔骨 $179 🥢 #生菜 +$20 💭 成個鐵板上面鋪滿晒牛仔骨好有誠意，每舊都大大塊唔會淨係得骨，而且好淋身，就算連骨果啲筋位都好易咬得開🐮強烈推薦叫埋個生菜一齊食，自製菜包肉，因為牛仔骨個燒烤汁甜甜地，夾菜食係一流🥬.#魚板串 $15/串💭 既然間野感覺咁親民又點可以唔叫啲街頭小食食下呢，魚板一串都好大塊，索晒啲湯汁但無令到佢口感變淋，仲keep到有咬口，除左魚板仲有少少湯同煲湯啲白蘿蔔一齊，如果鐘意關東煮既朋友應該都會鐘意架🍢.#尖沙咀美食

今日試咗喺尖沙咀新開嘅韓國餐廳🇰🇷門面望落好闊落，店員友善有禮，坐嘅位置都好夠空間～點餐後店員好快送上前菜，今日有四款，包括泡菜同芽菜，食住微辣泡菜等寧舍開心😍韓式雞肉蓋飯🍗：雞嘅肉質經烹煮後仍然保持嫩滑質感，加埋配菜同微辣嘅醬汁送飯一流👍🏻海藻海鮮刀削麵💚🦐：好鍾意呢款！湯好清，飲落順口。刀削麵保持彈性唔會煮到太腍，加埋海藻特別嘅味道更清新！海鮮有蝦、蜆同青口，唔會煮得太耐而老咗同鞋口，加埋有海藻嘅湯令海鮮更加鮮甜😋韓式煎餃子🥟：煎到金黃唔會有微燶，咬落脆口，餃子皮唔會太厚，同入面餡料份量都恰到好處！同埋食落冇乜油膩感🤤店員仲話食得海藻多皮膚會白，下次要再嚟食！

大食妹最愛泡菜國食物，三不五時會去轉韓國街食下韓國野今轉去到韓國街見到有新野試，就試左呢間韓式快餐店Big Mama 作為韓式快餐店系列，主打平、靚、正，上菜快，食物大大份實夠飽食韓國野快備韓式小菜，泡菜少少辣酸酸爽爽，脆肉瓜有麻油香煎餃子$75一份煎餃子六大隻都只系$72，相當實惠餃子內餡有豬肉餡同粉絲，相對坐肉餃無咁膩韓式豬肉蓋飯$89炒豬肉少少辣，配白飯食幾好送飯韓式紫蘇薯仔刀削麵$99紫蘇薯仔比平時食開的薯仔口感更鬆散，入口即溶刀削麵彈牙有口感，同薯仔的texture 相映成趣