Boaz House

營業中

休息中

呢間係喺呢本區內裏十分有特色嘅餐廳，好適合帶埋朋友嚟聚會同埋打卡。以前經過呢間餐廳，見到每一個餐嘅價錢都過$100 ，唔敢入去。今日見到竟然有$58一個下午茶餐，就即刻衝咗入去食。我仲加咗$20要咗一杯菠菜牛油果特飲，好好味。餐廳裏面放着詩歌。除咗以色列菜外，仲有限定嘅中式食物。我今日點嘅係下午茶的牛舌沙律，牛舌煎得又嫩又香，又有大量的牛油果同埋鷹嘴豆，真係物超所值，值得推介！希望佢唔好開開下唔開，香港越嚟越少特色餐廳了。

原本知道因為未能續租因素會結業，在呢間店結業，當晚特登來食最後晚餐，誰知最後租約可以處理到，可以繼續營運真係睇呢間特色餐廳開心。 佢嘅鷹嘴豆醬同彼得包真係冇得輸，普通貝果麵包配特色醬，跟住又超級好食，佢嘅獨特味道真係之後佢先可以食到。 當晚特別嘅係，有一張枱有位叔叔自彈自唱，超級有特色，主要係日文同埋一啲懷舊金曲。即刻氣氛滿滿。叔叔唔止音樂有才，畫工都一流，佢仲即場送咗米奇老鼠唐老鴨圖畫俾我仔仔，跟住仲要喺佢手上高畫咗一隻，仲要加埋閃石，仔仔開心咗好耐。

唔理會任何宗教、政治傾向，純粹想見識下咩叫以色列中東菜。係香港呢類菜比印巴類更少，同一啲本地黎巴嫩菜餐廳比較之下，呢間某啲伴菜、主要飲品都比較港式，可能因為咁，係混合情況底下得出一個相宜價錢。呢度啲主菜好似全部都可以做餐，跟飲品＆餐湯（菜或豆湯）兩者都幾唔錯。唔係出面西餐廳啲紅白湯。米飯有得揀中式或中東，嚟得呢度緊係中東米啦！唔知算唔算Basmati呢，係咪已經係黃姜飯嚟㗎呢？ 【 水波蛋阿拉伯肉醬中東米飯 】除咗係中東飯之外，呢款唔覺得有乜同本地菜色唔同，呢碟普通咗啲。【 菲塔奶酪菠菜沙克舒卡雞肉中東米飯 】 呢款係好奇怪咁賣相麻麻但出奇地好味，絕對有佢嗰種奶酪嘅特色，有肉有菜，又有中東米，一日所需應該足夠啦啩？【 橄欖油紅酒醋古斯米沙律 】可以當係輕食嘅主菜份量，橄欖油出色過啲菜【 中東烤卷 - 雞肉 】好食，肉、菜、醬料夾算係土耳其Kebab風格？【 鷹嘴豆泥（原味） + 比得包 】呢碟菜可能好冷門冇乜本地人吼，但我覺得呢款先係呢間餐廳最代表之選。唔覺本地人對Chana有興趣，比得包更加罕有，以豆泥方式出場，唔試過就真係毫無意義食以色列菜。旋渦視覺中央加入橄欖油為其精髓，令豆泥更

今天去悅來坊味嚐地中海菜，一到餐廳便被裝修吸引，天藍的梳化及餐椅，黃色系列的牆壁，天花掛著繁星似的小燈泡，環境不錯。

我與朋友點「住棚節豐盛宴席套餐2-3人」，感覺到何謂豐盛! 這個套餐可真豐盛，有蘑菇湯、沙律、三文魚意粉、香酥彼得魚、土豆庫格爾、烤羊架及以色列甜甜圈。蘑菇湯沙律土豆庫格爾就是千層薯蓉，質地較普通薯蓉結實好多，而味道就如蘿蔔糕。三文魚意粉好多!香酥彼得魚的外皮脆卜卜，肉質卻十分幼嫩!完全想不到!加上檸檬汁，魚肉略帶酸味，好開胃!蘸點茄汁，味道會更好!以色列烤焗無激素全雞。雞肉吸收了香草，每一口都透出淡淡的香味!烤羊架的羊膏和羊肉各佔一半，羊肉十分具彈性，羊膏則帶有羊羶味!因為避免吃得太飽，只得捨棄香脆的外皮和羊脂。用完這頓豐盛晚餐，來一杯清新的以色列蘋果薑茶可以解膩! 蘋果薑茶有些微香料味道，融入了清新的蘋果和輕微的薑辛，好好喝!以色列甜甜圈就如麵包，哈哈!

環境好靚，打卡一流。烤雞好肥美，多汁，外脆內軟，啲醃料都好特別，平時冇乜機會食到嘅味道。碟上嘅蔬菜都好新鮮，同埋啲烤雞一齊食特別好食！😊仲飲咗杯鮮榨薄荷檸檬好好飲！呢間餐廳，絕對值得一試！我甜甜圈都好好味，最好熱食！

我第一次寫食評！真心比讚👍👍👍！我已是今個月第3⃣️次幫襯，第一次朋友帶我們來食，第二三次我帶家人及朋友來食，大家都有驚喜，個個都比👍👍👍，今晚叫咗住棚節餐2-3人，彼得魚🐟皮脆肉嫩，魚鰭炸🉐️卜卜脆，魚肉仍然軟嫩多汁，羊排🐑不太肥但好有羊味，燒雞🐔連雞胸都好juice, 落刀切真係爆汁，土豆庫格爾外脆內軟，個醬超好味，沙律菜原來係水耕菜🥗，碟碟份量都大，side dish 食唔晒。欣賞上菜的食物好夠熱度，連甜甜圈🥯都熱辣辣，食得出老闆的誠意！

一行15人9月完了以色列之旅，大家仍念念不忘，要再聚埋一起來食以色列餐，超好食，超正，分量十足，個個食到讚不絕口！老闆用心介紹菜式，服務周到！值得推介，一定會要嚟！

人生第一次食以色列菜，見呢間有花牆好靚，決定入去試下，點咗Boaz 二人套餐。✨是日餐湯今日係南瓜湯，沒有加忌廉都好飲，濃郁鮮甜！✨橄欖油紅酒醋古斯米沙律古斯米口感特別，有點兒似飯，沙律菜好多，有洋蔥片和小番茄。橄欖油紅酒醋的做法，讓人更加開胃。✨以色列傳統小食拼盤土豆庫格爾，類似香煎蘿蔔糕，但比蘿蔔糕更好食。傳統蔬菜球，蔬菜丸好味，而且唔油。✨彼得魚（一條）好大條魚，超抵食，魚外皮炸到好脆，魚肉唔亁身，口感極好，味道又唔會過鹹。✨以色列烤焗無激素全雞（一隻）烤雞肉質超鮮嫩，啖啖都係肉，無激素夠曬健康，味道好香。✨甜品流奶與蜜兩杯，有玫瑰肉和醬，底層類似燉奶，好味。✨特飲兩杯點咗兩杯鮮薄荷檸檬汁，開胃又唔酸，薄荷好涼快，夏日炎炎好啱飲！

這是香港絕少的特色地中海餐廳，當天意外也認識了餐廳的老闆娘，因為之前做珠寶生意的關係，經常出差去地中海，發現地中海菜很好吃也很有特色，自己就開始去研究，並開了Boaz House ; 餐廳的名字亦是以基督教裏面的人物而命名。當天跟朋友一起點了餐廳的特色Menu ；當中很欣賞彼得魚，外皮做得很脆口，內裏的魚肉很嫩滑👍🏼我認為是餐廳必點菜式，另外茄子也很出色，我平日不太喜歡吃茄子，但是這個茄子燒得很香、醬汁亦很有特色。餐廳的用料很新鮮，好像沙律都是用水耕菜、羊膝也很大件很有份量👍🏼不得不提這裏的特色甜品、甜甜圈，很喜歡他煙煙韌韌的質感亦不太甜；還謝謝老闆娘請我吃鷹嘴豆醬及特色麵包、還說不少在香港的以色列及地中海人都說在這裏吃到家的味道☺️😋😋如果大家想吃特色及正宗的地中海菜、一定要來試試❣️

📍Boaz House (荃灣)👩🏻間唔中都會食地中海菜，不過今次試完以色列菜🇮🇱真係大開眼界。💕BOAZ 2人套餐 $780✨是日餐湯：蘑菇忌廉湯🥣比較重蘑菇嘅顆粒感，味道頗濃。✨橄欖油紅酒醋古斯米沙律用嘅係本地水耕菜，特別新鮮清甜。✨以色列傳統小食拼盤💕土豆庫格爾薯仔切片再疊起，焗得香口，幾重洋蔥味。💕傳統蔬菜球即係地中海菜中常見嘅falafel。口感係偏扎實嘅豆泥，香料味道好重。✨彼得魚一條亦即係鯽魚，魚皮炸得香脆，魚肉雪白嫩滑。✨以色列烤焗無激素全雞一隻雞皮烤得金黃，一切開就流晒肉汁。出乎意料地連雞胸都咁嫩滑。✨甜品：流奶與蜜兩杯奶味好重，配搭玫瑰蜜味道好優雅。特飲兩杯💕以色列傳統 鮮薄荷檸檬汁 味道酸酸甜甜，加上淡淡薄荷味道好清新。💕以色列盛產 石榴茶有唔少石榴果粒同無花果籽，味道清甜帶微酸。📍Boaz House (荃灣)荃灣荃華街3號悅來坊B1樓B122B號舖

位於荃灣悅來坊< 𝐁𝐨𝐚𝐳 𝐇𝐨𝐮𝐬𝐞 >, 一間地中海餐廳, 設有粉系花牆配搭海藍色座椅, 而餐紙印有聖經金句, 店內播放悅耳詩歌。ʙᴏᴀᴢ 二人套餐 $⁷⁸⁰是日餐湯:番茄湯加入雜菜及鷹嘴豆, 味道清甜。前菜:橄欖油紅酒醋古斯米沙律配以紫洋蔥、車厘茄及紅椒, 開胃健康。以色列傳統小食拼盤分別是土豆庫格爾及傳統蔬菜球, 前者土豆香綿, 薯香味濃；後者外脆內軟, 以香草調味。主食:彼得魚一條魚皮烤至香脆, 肉質嫩滑不帶腥味, 重魚香, 旁邊配上軟綿薯角及新鮮雜菜。以色列烤焗無激素全雞一隻烤至金黃色, 雞肉緊緻香嫩, 以鹽及香草作調味, 配搭薯仔、紅蘿蔔及紫洋蔥, 份量十足, 這個推薦！甜品:流奶與蜜兩杯濃郁牛乳奶凍, 面層放有果仁碎、蜜糖及薄荷葉, 甜度適中。特飲:蘋果蘆薈冰茶香甜蘋果果汁配以蘆薈果肉, 很有咬口。酸甜百香梳打酸甜百香果果肉配上椰果啫喱, 解渴一流。Boaz House (荃灣)📍荃灣荃華街3號悅來坊B1樓B122B號舖

餐廳：Boaz House (荃灣)地址：荃灣荃華街3號悅來坊B1樓B122B號舖荃灣悅來坊呢間Boaz House主打地中海同以色列菜式🇮🇱，香港少有。仲記得2019年去咗人生第一次以色列，嗰陣喺加利利海附近食過一次彼得魚(Peter Fish)就深深愛上❤️，今次再食以色列菜真喺勾返起好多回憶🥰老闆專誠搵嚟喺半島酒店做過嘅總廚去設計餐廳嘅菜單同調配醬汁嘅recipe📃，食物有質素保證；餐廳佈置落足心機，大有大量同基督教有關嘅裝飾：印有經文嘅掛飾🖼、掛喺天花嘅鴿子🕊️、打卡一流嘅花牆等🌸。餐廳不時會借出場地去舉行宗教聚會、敬拜、活動，希望每個嚟到嘅人都可以感受到呢份基督嘅愛與同在🙏今次叫咗佢哋嘅「Boaz 2人套餐」，可以食到好多香港少有嘅以色列特色傳統食物，最重要$780有夠3個人食嘅食物份量，2個人喺完全食唔晒🤣，因為當中有原條彼得魚同全隻烤雞，仲有大量薯角同薯仔做伴碟🥔，真喺食到捧住個肚走之餘仲要打包拎走🥡先飲咗個足料蘑菇忌廉湯，每啖都食到粒粒蘑菇碎🍄，有豐富嘅蘑菇香而一啲都無死鹹味道；之後有橄欖油紅酒醋古斯米沙律🥗，原來老闆有9萬呎農地去種菜，呢個沙律所用嘅菜都喺自己種嘅水耕菜🥬

為左去花花場打卡放假專登同朋友去左位於荃灣悅來坊嘅Boaz House有個超大嘅花花牆可以打卡，而餐廳以湖水藍作為主調，配搭白鴿燈，營造悠閑舒適感ꔐ二人套餐（$780）2人餐每個菜色都份量十足，絕對唔馬虎ᜊ蘑菇湯 濃杰度剛好，仲帶粒粒蘑蘑蓉ᜊ橄欖油紅酒醋古斯米沙律第一次接觸古斯米，有啲飲椰菜花蓉嘅口感沙律菜係店家自己種植，非常有誠意dressing酸酸甜甜幾好開胃ᜊ以色列傳統小食拼盤係特式小食，土豆庫格爾拼傳統蔬菜球前者口感綿密，仲食到薯仔切絲後嘅口感而蔬菜球用咗好多香料調味，所以食落好香濃，好有特式ᜊ彼得魚彼得魚即係鲫魚，炸到魚皮超級香脆火喉控制得宜，裡面仲保持鮮嫩，廚師簡單嘅調味令魚鮮味更明顯ᜊ以色列烤焗無激素全雞一上枱被全雞份量嚇親，真係好大隻切落去仲嘶嘶聲，證明烤到非常酥脆，最驚喜係超多肉汁，完全唔乾唔柴！雞肉有預先調味，食落好惹味，以為要打包，最後食到剩番棚骨🤣ᜊ流奶與蜜用鮮奶同忌廉製成，口感介乎奶酪同布甸中間，好creamy綿密；再添加玫瑰糖同花生碎開心碎，令口感層次好豐富ᜊ青檸梳打ᜊ草莓梳打兩杯飲落都好清爽，不過我鍾意草莓嘅香甜感多少少

Boaz House 是一家位於市中心的餐廳，提供了一系列美味的佳餚，其中橄欖油紅酒醋古斯米沙律真是令人驚豔。這道沙拉採用了新鮮的蔬菜和香氣四溢的橄欖油，加上紅酒醋的微酸味道，讓人回味無窮。另一道令人印象深刻的菜品是土豆庫格爾，使用了新鮮的土豆，口感豐富，讓人吃了之後回味無窮。Boaz House 的傳統蔬菜球也是一道令人驚艷的菜品。這道菜使用了新鮮的蔬菜和香料，口感鮮美，色彩斑斕，讓人一口接一口。如果你是愛好海鮮的人，那麼 Boaz House 的彼得魚絕對是你不能錯過的菜品。這道菜使用了新鮮的魚類，經過精心的烹調，口感鮮嫩多汁，配上濃郁的醬汁，讓人食指大動。最後，Boaz House 的烤焗無激素雞也是一道不容錯過的菜品。這道菜使用了新鮮的雞肉，經過精心的調味和烤焗，口感鮮嫩多汁，讓人食欲大開。總的來說，Boaz House 的菜品真是令人驚豔。無論你是愛好沙拉，還是喜歡海鮮和肉類，這裡都有讓你滿意的菜品。如果你正在尋找一家優雅的餐廳來享受美食，那麼 Boaz House 絕對是一個不錯的選擇。