Bondi (已結業)

同朋友去荔枝角工廈食生日飯，食品選擇不多，基本上都係一碟一碟咁上菜，邊食邊傾：煙三文魚沙律份量偏小，兩塊煙三文魚配新鮮蔬菜。炸魚薯條炸魚薯條炸到金黃色，感覺都健康D，份量雖然比較小，但薯條大條同飽滿，而且魚肉炸到岩岩好，外脆內軟，配沙律醬同茄汁，味道不錯。吉列蠔粉漿勁厚，蠔好細隻，唔算新鮮，不值一試。越式豬肉春卷春卷色澤偏黃，豬肉份量少，只食到春卷皮味。澳洲肉眼扒點左半生熟，但煮到全熟，肉質好靱似食像筋，不值。大蝦意大利飯飯既份量又係好少，三四啖食哂，但飯質地不錯，煙靱彈牙，而且好入味，可惜隻蝦得個”大”字，又靱又無味。八爪魚長通粉長通粉太乾太硬，無乜味，煮過既八爪魚太老，呢個配搭真係好古怪，呢個菜完全失敗。（份量又係好少）食到9:45，枱面D 野都未食完，店員走埋黎同我地講話收十點，叫我地快D食。得果15分鐘，相又未影，甜品又未上，就叫交枱，真係唔明點解唔早D講，佢D菜又上得慢，根本唔夠時間。但又唔想阻人收工，只好快手快腳食，甜品打包出去門口食算了。打開甜品，見佢地只係將D甜品倒落個紙杯度，勁肉酸。味道麻麻，好似飲奶咁。整體份量細，工廈黎講實在偏貴。之前去過兩個月澳洲，都未食過咁難食

同朋友想搵個靜靜地既地方食下野傾下計，上網搵到一間方便大家既餐廳，位於荔枝角既工廠大廈入面，餐廳地方都幾大，但食客不多，得3台客，所以坐得舒舒服服。晚餐有多款set dinner選擇，但我只點了自家製乾蕃茄香草醬野菌意粉：$128意粉放在白色碟上，碟邊有些紅色醬點綴，帶點藝術的感覺。意粉煮得恰到好處，好A1。好濃郁既蕃茄味道，仲有勁多既野菌。份量好多，一個人食夠晒飽。友人另外加了$28有餐飲同甜品，果Tiramisu好好味，好濃郁既咖啡味，加上軟滑既cream，食到幾飽都可以食得落。一個滿足既晚餐。

耐唔時都會嚟呢度食Lunch~ 雖然lunch百幾蚊，但我又覺得都值既！有餐包，軟淋淋，我通常食一半，因為驚食唔落主菜😬😬沙律都好有成意架！好多款野係裡面，新鮮得嚟，個汁仲好特別，好似自己調咁！Risotto d飯可以再硬d仲好！大大隻蝦🍤呢個意粉看落普通，食落個汁不得了，食到唔停，食完想再食，面硬度岩岩好🍝😋😋😋呢個魚就普普通通啦！配菜唔錯😝雞肉滑喎！外面脆脆地，推介👍🏻見到個咖啡，又係成意之作👍🏻 個個拉花唔同！不過講明，呢間野水吧好慢，最好早d叫😅總括嚟講，呢間野係好食既，最後仲有甜品送！不過中午食抵d😊

荔枝角餐廳見到OpenRice 啲相片就諗住上去試下！點知中伏！工廠大廈三百蚊一個人既晚餐仲未包餐飲同甜品！味道冇，賣相冇，精選牛扒冇牛味，焗春雞就有雪藏味，性價比低！連相都唔想影！都係做返茶餐廳好啲！

雖然餐廳位於工廠大廈之內，但係位置非常方便，茘枝角D1出囗行一分鐘即到，一入餐廳，感覺好舒服，柔和既背景音樂，配上簡約既裝横，有家的感覺，吃一個下午茶，花一個下午喺度睇書，都是不錯的假日節目。不過今天係同個朋友黎食晚飯，晚飯有好多不同選擇，有pasta & risotto ，又有扒類，加$68可以升級做套餐，又有湯，又有前菜，當然唔少得甜品同飲品。蘑菇湯呢個磨菇湯呈深啡色，一睇就知非常足料，加上聞起來有一陣陣既磨菇香氣，仲有，湯中有好多好多細細粒既磨菇碎，一飲，好滑，好濃郁既磨菇味，而且好有口感，一粒粒既磨菇碎，令到湯既口感更加豐富，呢度湯為這餐晚飯作了一個很好的開始。豬肉春卷豬肉春卷熱辣辣，一咬落去非常之脆，味道剛剛好，非常之好味辣番茄將魷魚扁意粉好香嘅蕃茄味，酸酸哋辣辣地，非常之開胃，而且味道唔係好濃，淡淡的味道，加上魷魚嘅鮮味，口感一流，扁意粉剛剛好可以掛起醬汁，煙煙靭韌，整體食物質素好高有機花茶食過晚飯，嘆番杯花茶，最寫意不過，淡淡的花香味，飲落非常之清，為今晚晚餐畫上完美嘅句號

晚餐約左同事黎呢到食，因同事話呢度雖然工廈，都有佢既特色係度咁話。先黎蕃茄湯，好香濃蕃茄味道，仲有蕃茄皮係度，證明真材實料，實而不華。頭盤仲有煙肉焗蠔添，焗到蠔汁儲晒係裡面，煙肉令蠔肉更鮮，口感仲滑滑地，仲要係打孖上添呀。主菜係蟹肉菠菜忌廉汁扁意粉，蟹肉份量夠多之外，味道仲相當鮮甜呀，配以菠菜將多餘既蟹肉汁吸收晒，所以菠菜食落都有鮮味架，至於扁意粉質感彈牙，仲充滿忌廉汁同蟹汁既精華添。最後食埋個紅莓布甸，口感滑滑，仲滑過雞蛋，紅莓味道帶甜，令整餐更滿足。

今天難得來到荔枝角，當然找朋友食午飯，順道閒談一下。在朋友的帶領下，我們來到Bondi，隱藏在工廈來的特色餐廳。內𥚃地方寬敞，陽光十足，還有很多特色擺設，令餐廳變得更有品味。餐廳設有午市套餐，包一個頭盤，主菜及餐飲，不收加一服務費。是日餐湯酸酸地，蕃茄味濃，內𥚃有些薯蓉，兩者味道很夾，食落幾開胃。粗薯條上枱時仍是熱辣辣，脆脆地地滋味。慢煮肉眼扒配自家製燒汁經過長時間烹調，牛肉味香濃，肉質嫩滑，食落還有肉汁溢出。最後享用甜品和冰咖啡，十分滿意的一餐

月尾出咗糧，第一件事想奬勵自己食餐好。舊同事介紹之下，話帶我去工廈食好啲。裏面環境舒適、地方闊落。我叫了set lunch,價錢大約是100至150左右前菜可揀沙律或湯，沙律味道清新。精選魚柳-鱸魚，外皮煎香，上面加上一啲香脆嘅香料，肉質很滑，蔬菜也很入味如果份量不夠可以加粗薯條，新鮮炸嘅薯條內軟外脆Iced mocha 嘅甜味適中,小冰和小忌廉嘅要求也達到。不得不讚甜品牛奶布丁、奶香濃郁得嚟甜而不膩。

荔枝角貴為香港既傳統工業區 一向俾人感覺較悶熱擠迫 食野既地方通常都係打工仔飯堂但隨住 D2place 等"文青系"商場進駐後 野食既選擇越黎越多 連周邊既工廈亦偷偷起革命 開多左好多有質素既餐廳 其中一間就係Bondi其實早兩年小妹同小胖男友都去過中環既Bondi食過lunch覺得幾好食(唔知係咪同一間黎架呢 )餐廳地方寛敞 簡約 播既音樂亦非常有品味 當日就聽到日本樂隊Love Psychedelico既歌我地兩個人各自點左一個set lunch不得不提 跟餐既自家制麵包非常好味 小麥味濃厚除左餐包同沙津 我地仲追加左炒什菌同咖哩薄餅 估唔到餐廳既薄餅都唔錯無懼肥胖 main course我點左超巨型既burgerCheese Burger味道濃郁 每一啖都係濃濃既芝士同牛肉味 而且份量好大 一個人勉強先食得晒成個另一邊廂 小胖男友就叫左個慢煮鴨胸由於小妹唔太食鴨 所以無試到嘆住精緻既飲品同甜品 過左一個悠然既週末下午

我個人其實好簡單，開心又要去食一餐，唔開心又要去食一餐。今日，就係因為唔開心，所以要去食餐好多肉好多肉嘅晚餐。自己一個人，搵咗間靜靜地嘅餐廳開餐，放下空。餐牌簡簡單單，大約有10幾款食物，食肉瘦自自然然就揀咗煎焗有骨豬扒做主菜。餐牌上面嘅食物可以加＄68轉餐，或者加＄28有餐飲同甜品。今日唔想飲湯，於是就選擇左＄28嘅配搭。花茶有幾個選擇，我選了green tea tropical，花茶係一壺咁上的，無限添飲，可以一路發呆一路慢慢嘆茶。再呆坐左一陣，厚切嘅豬扒就來了Wohoooo ，見到咁厚身嘅豬扒，加埋我喜愛嘅菇菇作為配菜，精神頓時為之一振！切開塊豬扒睇下，見到嘅係嫩嫩嘅粉紅色剛好熟嘅豬扒肉質嫩滑，味道濃郁而不帶豬肉的腥臭味；可見師傅選料上乘，廚藝功架一流另外，自家製蘇梅醬亦係好特別的。個醬汁略帶酸味，同豬扒配埋一齊頗為突出，但又不致於喧賓奪主。食完主菜，侍應問我要咩甜品。跟餐的甜品是小小的一杯芝士蛋糕，但我覺得，既然心情欠佳，就要多食一啲甜品去取悅自己我見到甜品餐牌上有心太軟，就決定要食呢個，不過就要再加＄35 等左大概15分鐘，一個小小嘅，熱辣辣嘅心太軟就出現咗喺我面前。呢個甜品

前幾日去咗D2探一個開市集攤檔嘅朋友，趁食飯時間就拉咗佢去附近食飯。係朋友嘅建議下，就去左對面既工業大廈揾食。因為時間比較早嘅關係，所以餐廳仲未有好多客人，唔洗等位。餐廳主打澳西菜，所以連牆壁都印有一大隻樹熊，好可愛！而傢俬方面就主要以黑、白同紅色為主，現代感重。午餐嘅餐包，有微焗，保持暖身，配埋牛油就更正。午餐除咗主菜同餐飲，仲可以係沙律同餐湯二選一，而我今次就揀咗紅菜頭芝士沙律。相對其他田園沙律、凱撒沙律，比較少餐廳會選擇以紅菜頭作為前菜沙律，紅菜頭顏色鮮艷，幾引起食慾，另外，芝士味唔算太濃烈，唔會蓋過沙律嘅鮮味。主菜方面，我就揀咗炸魚薯條，兩者顏色炸至金黃色，食落卜卜脆。薯條粗切，有手指公咁粗，即叫即炸，食落熱辣辣；而炸魚嘅炸粉唔會過厚，魚肉唔會煮得太久，保持到鮮嫩。食之前我習慣加啲檸檬汁，再配合清爽微酸嘅他他醬，酸酸地好開胃。朋友呢個食肉獸就叫咗慢煮澳洲肉眼扒。除咗肉眼扒，仲有薯菜做伴碟，炒雜菇同翠肉瓜，味道比較清淡；肉眼扒半肥瘦，脂肪比例尚算均勻，用慢煮可以保留肉汁，感覺都幾juicy !

今日去咗D2 Place行街街拍拖，睇咗好多手作嘢，成個人感覺即刻文靑左！不過文清都要食飯嘅，男朋友就話不如去工廈搵間餐廳醫肚。咁我哋就行左過黎億利中心，本來想食牛肉麵，不過男朋友就話想食西餐，所以就嚟咗Bondi。可能因為比較夜嘅關係，我哋去到Bondi嘅時候已經唔係太多人。間餐廳入到去好闊落，燈光柔和昏暗，感覺幾舒服喎。睇吓餐牌，食物選擇唔算好多，不過我哋一下就揀到想食嘅食物！我揀咗蟹肉菠菜忌廉汁扁意粉，男朋友就揀咗煎焗有骨豬扒配自家製蘇梅醬。我地仲加左＄68upgrade左1個set dinner，有湯有餐包有沙律。我蘑菇湯係味道好濃郁嘅蘑菇湯，有好多菇茹粒係湯入面，而且好creamy，好味道！個餐包無乜特別，勝在鬆軟熱辣辣。Bondi沙律就幾好食，啲蔬菜全部都好新鮮爽口，最鍾意佢個自家製醬汁，酸酸哋鹹鹹哋，非常開胃。再等多一陣個意粉就到咗。一開始睇佢細細碟，仲驚唔夠食，點知食下食下都幾飽！個扁意粉煮得啱啱好，夠哂al dente，蟹肉嘅份量都唔少，加埋忌廉汁一齊非常搭配，感覺又唔會好滯，唔錯👍🏻男朋友個豬扒就等得耐少少，不過絕對值得等，因為個有骨豬扒真係好厚身，但一啲都唔鞋，入

今日去億利睇下有咩食，睇睇就去左Bondi食，點知中大伏前菜: 水牛芝士蕃茄沙律 正正常常，但啲水牛芝士，細粒過啲車里茄都算，仲要得嗰幾粒。羊架叫Medium 啲筋多到喊出黎海鮮意大利飯一個唔脆嘅軟殻蟹。個餐包同個甜品，仲難食過飛機餐。埋單500幾都算喇，當自己細路仔唔識世界。之後睇番openrice有106個，有無搞錯一係就易左手，一係嗰106個人條脷生青苔，仲有個人話異國風情！？除左似飛機餐之外都諗唔到有乜似。

點解可以咁多人話好食一黎個餐包已經嚇一嚇係咪石器時代運黎……硬到呢pesto mozzarella salad又細份羊架咬唔開，已經叫medium海鮮risotto唔識講咁難食，個帶子腥到，即刻落pepper，但都係唔敢食個個蝦同軟殼蟹個dessert係cheesecake,見佢杯上都幾特別，點知係特別難食，未食過咁難食嘅cheesecake有冇食過飛機餐嘅dessert? 好食過佢！！話佢係飛機餐都係讚佢點解可以咁多人話佢好食！！！！唔係打手就係香港啲人已經唔識分咩叫好食咩叫唔好食！唔怪得呢間唔使book位唔使等位都可以有位啦！我地依家去食第二餐晚餐！

一直都有聽聞工廈有很多美食，但礙於我對工廈地區不熟悉，所以還沒有試過。這天與朋友敍舊，她向我推薦Bondi，便相約在此吃飯工廈位置便利，地鐵站出來，過馬路到對面便是。大廈燈火通明，與我想像不同呢 (可能看太多電視電影，總以為工廈是陰暗的)餐廳地方頗闊絡，枱與枱之間並不迫狹。很值很一讚的是員工的服務態度，從安排座位起，以至整個用餐過程，都很有善細心，會不時為我們加水及清理枱面這裡有pasta/risotto ($130-180)和mains ($180-300)，可加$68 upgrade為set dinner，即多加一個湯和前菜。我和朋友都點了意粉，並upgrade了做set dinner。餐湯可選野菌湯和是日餐湯(當天為南瓜湯)，我們兩個都有點。野菌湯(上)及南瓜湯(下)：個人很喜歡這個野菌湯，菇味很香很濃郁，喝下去時滿咀都是菇碎南瓜湯不是creamy的那種，喝湯時可以感覺到南瓜的小顆粒。跟湯的小餐包上枱時是熱的麵包很香，單食或沾湯吃都很好味！前菜有四個選擇，我們選了兩款沙律，水牛芝士蕃茄沙律(上)及Bondi沙律(下)。前者有 mozzarella cheese的芝士香，後者則更清