Boundary Western Cuisine (已結業)

上年因為各家人都事忙，結果沒有為胞姊舉行生日飯這一個活動，這一年，我同兄長二人，決定吃好一點。不過，找地方食西餐其實是一個小難題，因為唔想太普通，又唔想太貴，要中上價錢而且要在九龍區的話，的確要想了又再想。想想下，記得兄長同我說，在太子近界限街，有一間不錯的西餐廳，於是，我便建議大家一於去試下這一家大哥時常掛在嘴邊的好店，而我兄長所說的好店，名字就叫做《Boundary Western Cuisine》。這《Boundary Western Cuisine》不是什麼大餐廳，地方小小有 boutique 的感覺，環境簡潔，燈光柔和，用餐的感覺，是舒服的。加上空間感好，我們雖有少少嘈雜，但沒有亂耳的感覺。店子用上了許多的小擺設，除令到小店有 boutique 的感覺之外，也有少少雅致。這是一入門口就可以看到的，很可愛，很舒服。未點餐，每人有一份前菜，是在一片脆餅上加了一份三文魚肉碎，入口軟綿綿，咬落底帶脆，是很可口的一份輕食。前菜之一，是 Black Truffle & Octopus，味道鮮甜，入口煙韌的八爪魚肉，加上味道非常濃郁的黑松露醬，濃郁的味道加上海鮮的獨有鮮味，既香口又開胃。另

這間西餐㕔是在太子附近水準比較好的一間西餐、因此我們不時也會到此品嚐。今晚我們選擇了、凱撒沙律、薯仔沙律、青口忌廉湯、鲜三文魚扁麵、加拿大頂級豬柳配燒甜薯。大廚先送上二支試管、原來是蕃茄清湯、湯內加入幾絲羅勒、清新悅口，頓時令胃口大開。凱撒沙律 ～ 長長的二條生菜，一看到就感覺很像兔仔的長耳朵，很可愛，加上麵包粒，烘過的Parma Ham及沙律醬，簡簡單單的一味菜，就看你有沒有心思。青口忌廉湯 ～ 一上桌濃濃的香味便撲鼻而來，一入口滿滿的青口鮮甜更是充拆口中；只因大廚毫不吝嗇的放了大量的青口，將之打溶後加入少量的薯泥一起烹煮，一喝便停不了下來！薯仔沙律 ～ 這味看似簡單，卻其實越簡單反而越難做得好，這也是要點這味的原因。毫無疑問醬汁就是這味的靈魂；這蛋黃醬怎麼這樣惹味呀，不似平常吃到的那般膩口，細細品嚐下感到裏面應該混了芥末，但好像還有點什麼，卻是説不上來，隨後大廚開估了，蛋黃醬的確混入了芥末，而且還添加了打溶了的酸青瓜，難怪帶有點點酸味，平衡了這道菜比較滯口的情況。能夠在這些不起眼的地方花心思，想來廚師也是一個對食物質素要求很高的人呢。同樣的菜餚落於不同人的手中也有不用的表現，做菜的

這家小店就是服務好，但客人不多，hea 的最好選擇... （對不起店家，我知道在香港經營是困難的😅） 今天點了個三文魚吐司，三文魚很新鮮，上面放了滿滿的新鮮沙律菜配咖啡才 $48。

點咗兩份午餐，先嚟餐湯，薯仔忌廉湯。用全不銹鋼煲仔上枱，少女侍應放底時提示小心煲熱。但佢放底嗰位又唔啱，又冇底碟、煲墊。個煲咁熱，要自己移啱位好狼狽！主菜係海鮮意粉同牛柳。海鮮意粉畀刀义，食到中途先攞隻匙過嚟。牛柳冇主動畀芥末醬，但之後隔離枱同樣叫牛柳又有主動畀喎，但又係中途先畀人哋。食物方面，好一般，近乎差。薯仔湯冇薯仔味，亦冇薯仔質地，唔講我仲以為係普通忌廉湯。而且份量極少，唔係一般expect嘅份量。我又唔覺得佢去到fine dining嘅級數，重質唔重量。伴湯嘅麫包條，只有烘過，冇之前呢度啲人影咁有味料。牛柳算係最OK嗰樣。但伴碟嘅薯仔我覺得似烚煮再加焦個面。伴碟嘅沙律完全冇dressing，一啲都唔符合呢間餐廳想做嘅風格/級數。最差係海鮮意粉，收一百二十幾蚊，餐湯嗰度已經慳唔少㗎啦，海鮮都咁慳！得兩隻蝦，一舊魷魚，三塊細過手指公嘅薄切三文魚，仲要腥嘅！最得意係，埋單時個少女問覺得啲嘢食如何。我見佢都係十吓十吓又唔係話得事，所以都唔想答佢，只係微笑咗一吓。點知佢再問，咁我唯有話「一般啦！」點知攞番張單番嚟嘅時候換咗另一位男士攞嚟。呢位男士，由我哋一入嚟嗰刻開始，一直大部份時間都

今日星期三又係喺太子返工嘅時候，之前都嚟過呢間食lunch，記得都係幾好食架，位置又近我公司， 所以今次都黎再試一次，一入到去見到室內裝修都好花心機，入到去有個好舒服嘅感覺坐得好舒服，窗外的光射到入室內份外覺得和暖，但係入面嘅客人唔多，只係有兩三枱客人，可能係間食店嘅位置問題啦！Set Lunch starter 我揀咗是日餐湯，個湯係南瓜湯，味道好濃好creamy.幾好味！主菜揀咗牛肝菌雞肉扁麵，入口有濃沃芝士味，好香好野味，但由於太多芝士，食落都有D漏因為早上自己飲過咖啡，所以叫咗奶茶做餐飲，點知都有驚喜，奶茶好香滑，完全無茶的苦澀味！原本加＄20可以加甜品，但係我太飽，下次再試啦總括黎講，感覺喜歡呢間小店，覺得佢地用心去做好食物，絕對唔係一般貨色，但可惜食店位置，可能係少人幫襯的原因吧！有時間會再來支持一下

住在附近，卻總是走到老遠找吃。被問到太子有甚麼好吃，實在答不上。原來，太子已變天，食肆林立，越開越多，而且質素越來越高。還以為這段通菜街只有酒吧？太Out了。這夜，由住在港島的友人介紹，來到Boundary Western Cuisine。深啡色的門口，毫不起眼。黑夜中，只靠一顆射燈照亮門牌。走近看，才看到優雅的斜體Boundary。窗外看進去，白色木簾中間，看到吊燈和整齊的擺設，甚有歐洲小島的風情。終於明白跳出框框，世界可以很大。隔著窗框看進去時，沒想到店面原來頗大。座位放得不多，大概30個，樓底夠高，空間感強。吊燈、掛畫、酒瓶，簡單的擺設，足以營造柔和、輕鬆，又不失格調的氣氛。晚餐可從頭盤、湯、主菜和甜品中，選2/3/4道菜，配咖啡或茶。先上餐前小吃－煙三文魚卷。在這裡有Amuse-bouche，喜出望外，頓時高級了幾倍。乾乾的，不夠香，不算特別。意料之外的小吃，成功打開心扉，但欠開胃之效。餐前小吃，還是選濕潤的、清新的，甚至微酸的，效果更佳。頭盤有數款沙律。凱撒沙律的賣相跟MIC Kitchen有幾分相似，都是排得整齊、沒有散開的生菜，淋上醬汁，比混著沙律醬、一遍凌亂的沙律，賣相

尋日去左朋友生日派對，去咗太子Boundary食海鮮餐。環境氣氛好，食物夠新鮮。估唔到當曰大廚出嚟serve我地， 同佢傾左幾句。佢有十幾年經驗，係香格里拉酒店Petrus同埋Isola餐廳學師，喺Tasting Room做過head chef 同埋喺Steak Kitchen做sous chef。唔怪得知啲嘢都幾好食。一個香港大廚都可以做倒唔錯的菜式。海鮮餐有五個菜，每人消費＄500。大廚好有心，成個食嘢啲過程冇大型集團式餐廳啲侷促，食得好舒服。下次一定會再嚟。間餐廳冇酒類飲品，係BYOB，愛酒之人就啱晒啦，有美食配合自己鍾意飲嘅酒。

要找一個又寧靜又有出色美食的場地，來辦個私人派對，並不是易事。早陣子應友人邀請，來到Boundary Western Cuisine參與私人美食派對。已不是第一次光顧，但今次經友人介紹下，認識到總廚Angelo之前曾在多家著名餐廳工作，難怪食物在賣相及細緻度都比得上各大餐廳。是次派對的菜單是廚師悉心設計和安排，也花上了不少時間準備。每道菜的精心擺盤彷如美侖美奐的藝術品，兩道前菜已可見一斑。頭盤Blue & Red以龍蝦和意大利紅蝦組成，砌起來一半熟一全熟，食味也甚有層次。而蕃茄盒子上菜時非常精緻，內裡亦有乾坤，釀了粒粒豬耳和菇菌，甚有咬口，賣相與食味亦出眾。廚師亦相當有創意，Mix & Match食材做出菜式。例如在意大利飯混入了珊瑚蚌，增加彈牙的口感，是不錯的嘗試。主菜和牛小牛排配薯蓉，紅酒燴牛尾，小妹真的沒想過兩道不同菜式合在一起，但它們真的相配，口感上截然不同，小牛排肉質軟滑，牛尾膠質甚重，真的佩服師傅的用心。 再者，另一主菜煙鴨胸二食，其中一邊配上青蘋果，感覺清新，一洗厚重感。甜品環節交到給餐廳裡的女廚師主理，食得出廚師的青澀，但也感覺到她的勇於創新。豆腐布甸配上黑糖糖漿，簡單

環境簡約，枱之間幾寛闊，同區小見。偏白燈光和椅子不太舒服，如果晚上賣酒，應該坐唔耐。服務員應該係新仔，不過幾有Heart，1.會提示小心碟邊熱; 2.清理完前菜，之後才上主菜; 3. 2 份主菜同時上枱(基本禮儀，但港式多數飛走)。前菜和牛柳好出色，闊麵可能等牛柳同上，乾左小小。甜品雪櫃內的甜品Display用保鮮紙包到似木乃伊咁太樣衰，不過上碟好靚丶味道又好。最可惜當天咖啡機壞了，試唔到呢！值得我下次再去。

星期六想搵個地方飲杯靚咖啡，食個令人放鬆既午餐，講真好少會諗起太子。最近係呢頭上堂先知原來有不少好餐廳～Boundary無論廚房，侍應都係年輕人，態度友善又認真^^ 佢不停幫得加水，又提我洗手間有人話vancant 就叫我，抵贊👍食物方面甘荀忌廉薑湯係原先餐湯賣曬臨時改既，聽個名原洗都無咩期望.....但係一入口，不得了！ 真是好好味～個薑原來可以同忌廉甘夾！我覺得呢個湯應該做正室上餐牌先岩！其他食物整體不錯，而且收費唔算貴，我會為左呢度既服務同湯返轉頭。

許多人都知悉這裡的前身是一所頗有格調而又寧靜的咖啡室，曾偕同小友來試過一次，水準確是不俗的，但料不到過不了半年後便要退隱江湖了....之後再度路過此地就發現她已搖身一變變成一間西餐廳。驟眼看下去倒是頗合小弟的眼緣，而且最重要是她的位置和太太工作的地方只屬兩街之遙。基本上隔日便來的我，要和太太偷點時間拍個拖吃個午餐，這兒可算是一個新的選擇....店子裡頭的裝修基本上和前身是一模一樣，不同的只是菜單上的選擇類別有些許的出入。從前在午餐set內您是找不到扒類的主菜的，但現在則無論輕食如三文治以至重份量的如牛扒也有得供應....這裡有一個很大的特點，就是上菜的速度是異常的慢，不知和新開廚房不太熟知環境是否有關呢....是日的daily soup是南瓜蕃茄湯。不要看它好像是一碗普普通通的蕃茄湯，一喝下去竟發覺是相當的辛辣；南瓜帶來的杰杰質感是存在的但味道卻很可惜地被濃烈的茹酸及辣蓋過了；伴食的條狀香草吐司是焗得既熱燙又香脆。用之來醮湯吃是一流的....凱撒沙律看上去不太吸引，但菜倒是咬下去嗦嗦有聲屬甚新鮮的貨色，醬汁則是下了少許像雞肉的東西的dressing，稍嫌是它的份量是偏少了；另外巴馬臣芝

此店前身是間cafe,上星期路經發現已轉手，店面顏色改變，但店內裝修大致一樣，今日跟媽咪去試下，Set Lunch有5款選擇，叫左2個lunch,每個set都可選擇沙律或DailySoup,當然我哋揀左一沙律一湯啦，【蕃茄茄子沙律】一上場就睇得出廚師嘅誠意，車厘茄上面係用芝士烤過嘅茄子，上面再加上泡沫sauce,而今日嘅湯係【香蒜薯蓉湯】我哋揀左【巴瑪火腿長通粉】，蕃茄茸醬汁幾開胃，但長通粉偏硬而另一款【黑松露野菌意大利飯】，黑松露味很濃郁Set Lunch加$20~$30，可配甜品，我哋揀左一款可愛 一款高貴。【芒果笑笑】，味道清新，香滑另一款【海鹽紅桑子蛋糕】十分有驚喜，咸味與甜味混合，十分好味到最後當然係咖啡啦，可愛嘅立體熊仔拉花真係唔捨得飲呀整體食物水準唔錯，下次會試Dinner,順帶一提，staff十分友善，亦主動介紹，值得一讚

從朋友口中聽到這家誠意小店，這夜特意來到太子試試。小店裝修簡約，木質餐桌更形容出輕鬆的氣氛。晚餐可自選配搭湯、前菜、主菜和甜品。前菜甘筍橙沙律，賣相吸引，侍者上菜時細心介紹食法，先由分子料理原理做成的啫喱，再食醃製橙皮，再到甘筍沙律，味道層層遞進。周打蠔湯，侍者推介的湯，是廚師新研發的，也滿有興趣的試試。上菜時，侍者先將只有茴香和羅勒的碟子帶上，再慢慢的把湯倒入。非常濃郁的，而茴香爽口。主菜三文魚二重奏，賣相仿如藝術品，一件是慢煮三文魚，非常軟滑，清新而不油膩。另一件香煎三文魚，剛好煎到魚油滲出來，濃郁香口。一濃一淡，很不錯的配搭。海鮮墨汁意大利飯，是菜牌上最香濃之選。 黑漆漆的墨汁，配上煎至金黃色的海鮮，賣相出眾。

第一次入依間餐廳..室內環境好..唔會覺得窄..下午系入面聽到隔離學校既鐘聲會令人勾起學生時代既畫面..lunch火腿治..汁醬好特別..應該系自家制..唔算咸..中間有個沙律..放有甜橙...絲...皮...(原諒我記性唔好..唔知應該點講..）两樣輪流食系唔錯既選擇..一咸一甜..火腿卷無得彈..個汁好特別..我形容唔到..但絕對好食..成份野睇得出有放心思落去..我覺得十分岩無咩胃口或心情唔好既人食..但系我覺得你會好快又會搵野食..因為出品好態度好笑容好..食完心情都靚D..胃口都好D

朋友家附近有新Cafe開張，見取價公道便前來試試，店內環境簡約別緻，雖然沒有華麗裝修，但我十分喜歡這種親切平實的感覺。晚餐四道菜收費都係$300多，價錢算抵食。老公點了蝦湯+牛二重奏，我點了蘑菇湯+海鮮薈。大廚將打得細滑的餐湯盛在預先加熱的湯碟上，令湯可以喝到最後一口也能保持溫度，十分細心，主菜牛二重奏的份量亦比想像中大份，老公都話吃得好飽。另一主菜海鮮亦很足料，有魚、蜆、帶子、蝦等，大廚將海鮮包著處理原汁原味，鮮味濃郁！唯美中不足是餐廳未有酒牌，未能供應餐酒配菜，有點可惜！