Bread Of Life

營業中

休息中

呢個時候仲有勇氣開舖，剩係呢份熱誠已經真心讚。我經過，買左個開心果撻，味道唔錯，唔太甜，員工態度友善，抵讚。我冇買其他野，但見賣相都好好。希望下次再去幫襯下其他野。

今日經開銅鑼灣，見間舖頭新開，裝修得幾靚，出面有poster話咩有星級大廚坐陣就俾佢吸引左入去，玻璃櫃入面有幾款danish，賣相幾靚，叫左一個開心果danish同朱古力咖啡牛角包。開心果酥:一切落去已經心知不妙，穿左一大個窿！入面咩餡咩醬都冇，完全係零開心果味，仲賣$33.5一個！真係超級失望！！！牛角包都係好普通嘅一個包。咁嘅質素，去隔離bakehouse食唔洗食到一肚氣🤯想中伏就去試啦！！

早幾日行過銅鑼灣利園山道，見到有家歐式麵包店開幕好熱鬧，Bread of Life 主要做歐式麵包、酥類果撻、蛋糕及甜品。首席麵包師傅曾擔任文華東方酒店及麗晶酒店餅師，精心製作的各式歐包、經典牛角酥及創新產品，主打健康無添加，全人手自家製，唔怪得件件賣相吸引，早利亞都忍唔住買咗2件。Sweet corn cream cheese danish $23 酥皮脆身，清甜燒粟米下塗上忌廉芝士，口味特別。而早利亞好鍾意 Pain Suisse $28，有機會睇片就知有幾脆，朱古力甜味剛好。店子還有多款蛋糕，清新麻糬檸檬芝士蛋糕、芋泥麻糬芝士蛋糕、抹茶黑松露忌廉芝士蛋糕、白松露芝士蛋糕及近期大熱的開心果系列，開心果麻糬芝士蛋糕。店子亦提供咖啡、奶茶、奶昔、茶飲等，行街經過可以嚟充充電～

銅鑼灣新開面包鋪，係Hashtag B附近，深色裝修有格調，仲帶啲外國風情～門口就有cheese cake同好靚嘅cupcake,不過就冇試，主要係啲面包好香，想食面包多啲😂好多千層面包，最後揀咗下面三款食：粟米cream cheese千層包新鮮出爐，個千層包非常酥脆，但完全冇油膩嘅感覺，中間有少少cream cheese ，再上面鋪咗新鮮嘅焗粟米，好食。最主要係個千層包好出色，但cream cheese少咗啲～千層酥皮蛋撻新鮮出爐，仲係暖嘅。外形同Hashtag B嘅蛋撻好似，份量都好足，酥皮都好香脆，唔太油，不過略嫌蛋漿唔夠香滑，性價比高，推薦👍🏻唔知咩包呢個包外形好Q，切開咩都冇，係個皮有少少甜甜地，冇特別嘅包，仲有啲乾，可以唔洗試～