BRICK LANE (已結業)

今晚約左閨蜜食飯吹水，選左呢間 brick lane , 隨便食食吹吹水來說還是不錯的選擇，地方不大，同隔離枱有少少近啦。Pizza 脆脆的，但芝士唔係好夠濃，size 不大，二個女仔都食得晒.呢個 椰菜花 pop corn ... 就無咩必要試了，就是烤菜，有點干都冇咩調味.... egg benedict ... 做得不錯的， 生熟度剛好，蛋味也濃，選了配煙三文魚的，但份量都不大。如果當是高級一點的cafe 來看待的話，是過得去啦。

幫襯咗佢哋嘅All Day Breakfast 4年，水準keep到👍🏻，人流仲越來越多！咖啡都一流！最難得all day breakfast 入面每樣都好味，絕對冇hea嘅成份！要彈嘅係環境太嘈，D枱拍得太密，隔離傾乜完全聽曬😹

知道呢間鋪就快結業，點都要再去食多次！今次冇食All day breakfast，試下其他野，依然好味我地一行三人，因為仲有下場，所以只係叫左少少野，當係一嘗All day breakfast以外既野食首先，叫左個parma ham egg benedict配埋個沙律，兩樣都係開胃野！個egg benedict 好好食跟住叫左個黑松露天使麵，分量都幾多！而且黑松露味好香，又唔會太油，配埋啲菇，好食！但如果再多啲菇就好！另外叫左個pizza，好多芝士，皮薄薄地咁，唔會太濟，比我預期既好食～～野飲當然唔少得叫杯Rose Tea latte ! 甜甜地 又好香 好岩女仔飲！佢今次仲拉左個心俾我添！靚！又睇得又飲得～今次終於唔係再食all day breakfast，而係試下menu上其他野其他我都覺得好味！份量又唔算少，大家share下黎食仲可以試多幾款值得推介！

懷念英國生活的時候，可以黎Bricklane食下。今日天氣晴朗，食返個地道英中先！星期六12點半就黎到，已經座滿7成位啦，但係唔駛排隊都算萬幸！個menu好有要求，紙好有質感，連fonts 都咁濃英味！好集中食all day breakfast，見到可以加black pudding就知地道啦。因為好少見其他cafe有，就連在英國都一樣，只有好傳統的英中先會有，亦唔係人人鍾意食，因為係動物的血、內臟和碎肉組成的，未試過的不妨試試！食量細的可以揀Three-choice ($78) ，芝士、豬肉腸、portobello mushroom係自選，煎蛋配少許沙律菜，材料都幾fresh，鐘意個toast含有蕃茄乾，都幾香。其實英中主要係食豐富的食材和感覺，所需的烹調技巧比較低，呢度嘅感覺唔錯，有落地玻璃，在光線充足下歎個英早真係好爽！食量大的就可以揀Everything ($108) ，就係咩都有D，多左茄汁豆、三文魚、bacon、harsh brown，真係一個好豐富的brunch!Iced latte ($44)都ok，咖啡與奶balance得唔錯。

我在All Day Breakfast的menu上點了一份Everything，我對英式早餐和蛋的煮法種類不熟悉，所以選擇了比較認識的egg benedict，一份有兩隻蛋，份量足夠而且蛋黃醬味道調較得不錯！慢嚐這份everything，再加上一杯英式咖啡，雖然飲品價錢偏貴，但坐在窗邊，看著街外有著仿如置身於外國的感覺，請讓今天繼續懶洋洋下去吧！

今晚一行五人黎食飯。成班姊妹難得一見，點知好失望囉！首先我哋係有訂枱，打電話去訂枱嘅時候有問過呢一間餐廳同另外一間分店有咩分別，職員回答或餐牌上面有嘅嘢都一樣，似係另外一間分店有pizza，不過佢聲稱：「如果我哋想食pizza都可以照叫，因為兩間店其實好近可以拎過嚟俾我哋。」咁我哋滿心歡喜book咗七點鐘喺呢間餐廳食飯。今朝我打去同佢講要留一件朱古力蛋糕，因為其中有一個姊妹生日想準備小驚喜畀佢。點知，我哋食到7788嘅時候，先至知道冇朱古力蛋糕！職員表示只有其他兩款口味嘅蛋糕。excuse me?我今朝早問佢有冇朱古力蛋糕，叫佢哋留一件畀我嘅時候，佢哋又話有。依家準備要拎個蛋糕出嚟嘅時候佢哋先至同我講話無。仲諗住叫我地揀其他兩個味。已經唔係食邊個口味嘅蛋糕嘅問題。而係點解當時同我講話有，嚟到都冇同我講話冇，直至到最後一刻先至同我地講話冇朱古力蛋糕！？咁即係點呀？想我哋硬食另外兩個口味嘅蛋糕？我朋友嬲嬲地話唔食呢間啲蛋糕。至於呢間餐廳嘅服務好差好差好差。啲職員要三催四請先至幫我地加水。問佢哋蛋糕嘅問題又十問九唔應！至於佢哋喺電話度應承過可以叫Pizza係其他分店送過嚟呢間呢件事，我哋現場

三位太太好耐冇聚聚約左星期日食brunch 我最鐘意d食店喺內巷，可以泊車丫麻入到去好多人，環境好嘈，因為星期日的關係吧！沙津好難會不好味吧！All day (everything ) strawberry 奶昔其實個甜品係吾錯的，不過我個人不喜歡太甜的東西

又試英式早餐， 遊尖沙咀想搵食其實唔難，難就難在唔知搵麥食，我地四維行結果途經一間轉角位又幾有英式風格餐廳，我們就決定落腳了好英倫風餐牌牆上怖置竟然用架古舊單車做裝飾，這都是為了餐廳設計互相配合煙三文魚沙律，清清爽爽最佳開胃菜，煙三文魚份量仲好多班尼蛋 ，英式全日早餐都小不了這主角，呢度「班尼蛋」煮法同樣用雞蛋配上蛋黃醬，中間層是火腿底層麵飽，夾住一齊食好豐富感覺，尚算不錯👍炸魚薯條 ，算是外脆內軟，但不夠乾身天使麵，麵身彈牙，芝士粉份量恰好，略嫌油份比較多還好彩的是欖油

朋友生日想食西餐，結果我就帶佢黎呢到食喇，佢仲話好想試朱古力綿花糖好耐。首先我叫左自己平日都好中意飲既rose latte啲泡打得適中，玫瑰味道唔會太甜，同latte好平衡👍🏻之後叫左個Parma Ham Eggs Benedict, 又係我最愛既西式早餐之一。Parma ham同個檸檬蛋醬真係好夾好開胃。呢個smoked salmon angel hair本人就覺得不過不失。似係經常食到既番茄醬意粉，只能夠話好濃番茄味同好多唔同配料。最後就叫左個Sizzling S'mores, 呢個真係不得了。將餅乾放入綿花糖，熱辣辣既朱古力香味就盤底湧岀黎。加上烤脆左既綿花糖面真係好令人回味，個份量大慨係兩至三個女仔食就完美喇☺️是次消費$479/2 person

今天相約了一個好久沒見的大學同學見面，他是個時裝界棟樑，性格有趣隨意，所以選個casual可以吃brunch，喝杯咖啡的地方是最好不過了。由於我們一個住港島，一個住九龍，於是只好選大家的中間點-------尖沙咀，而這家bricklane則符合所有條件。它位於尖東白蘭街，清静得來又在K-11隔離，不用人逼人但又可以閒逛。Bricklane的menu主打all day breakfast和一些西式主食例如pasta, risotto, 我就已經決定要吃all day breakfast 了。 All day breakfast 亦分三種且不同價錢，主要是分量和配菜不同吧。我決定取中庸之道，選分量和價錢都屬中等那個，比最高價錢最豐盛的差兩個pudding 和一個beef，但我認為夠吃了，要不然就太大份吃不完。All day breakfast 比我想像中豐富，而且當中的大蘑菇和煙肉煎的很香口，尤其蘑菇不帶一點苦味，反而香甜，其他配菜例如煙三文魚，薯餅，烤麵包和煎香腸都沒有特別，不過不失。不過蛋就反而有點失望，因為煎過頭了，吃下去有點老。 總括來說這裡的食物質素不過不失，但勝在地點方便清淨，

PARMA HAM ROCKET PIZZA ($ 155)薄薄的pizza底加上芝士同菜 仲有好好味既Parma ham🐷呢個配撘幾好 豐富得黎又唔會太heavySIZZLING S'MORE ( $128)溶左既朱古力漿加燒過既綿花糖 混合左一齊 好邪惡😱但食得太多 有少少膩😳仲有餅乾太少啦 得四塊🙊因為有餅乾的話 可以減少膩既感覺 可以有野送d朱古力ma☺️同埋太貴啦 性價比唔高😳

Got here at 12:00 on a Friday, the restaurant isn't in the nicest of locations but the interior is very well done. Got the classic eggs benedict. It was good except it was smothered in far too much hollandaise and I would have preferred the whole dish a little warmer. My friend ordered a full English breakfast and polished it off so it couldn't have been too shabby! The nice touch to the brunch was that we ordered mimosas off the menu and the lady serving us was kind enough to throw them togethe

週日瞓到好晏先起身, 友人提議去Bricklane 食個all day breakfast 醫肚。今次第一次去, 原來餐廳係以單車作主題的餐廳, 配以工廠風裝修, 感覺很有英倫格調呢! 由於我不算太餓, 就只點了smoked salmon egg benedicts 和ginger latte。smoked salmon egg benedicts的蛋是半熟的, 一切開後, 蛋黃汁已流出來了, 麵包吸了蛋黃汁, 再夾著三文魚吃, 味道一流呢。ginger latte 也不錯, ginger 味淡淡的, 沖走了只得奶味的單調感。

朋友推荐，来试下，炸鱼薯条鱼极度不新鲜，外面裹着的面也很难吃，很失望，不会再来。mojito 还不错，不过杯子很小。没有水，另外收费。环境ok，服务人员态度也ok。

都幾喜歡Bricklane既食物, 因為真心覺得似英倫口味, 特別係個egg benedict, 每次都會叫, 佢既蛋係煮得好好, 半生熟, 切開應該係慢慢流D蛋黃出黎, 唔係好似未煮過, 一切開就瀉晒出黎, 成碟都係, 嘥晒D蛋汁同食唔到蛋白, 再加埋個蛋黃醬, 最底既鬆餅索晒D汁係超正!至於Fish & Chips, 呢個就普通左D, 魚炸得乾左少少, 而且醃得唔夠, 有少少雪味, 份量都比較"港式", 即係唔及係英國既size, 正常係英國用甘既價錢食到, 應該係大個隻手掌~Meat ball spaghetti, 看似普通, 不過又係我既comfort food, 粒粒肉丸似係猜過, 唔會死死實實果種, 意粉就索晒D茄汁, 加埋面頭既芝士碎, 對於我黎講真係懷念既味道~尖沙咀舖, 舖頭細細, 附近又有酒吧, 感覺好似係英國既Soho甘, 去唔到英國, 不妨去Bricklane食下野, 感受一下果種味道~