BriKetenia (已結業)

今日又再嚟到觀塘尋找美食，係一個位置低調又隱蔽嘅地方試試法國米芝蓮餐廳-BriKetenia。餐廳內裡裝修簡約寬敞，沒有任何華麗感覺反而走平實路線，入面仲有個半開放嘅廚房，客人可以透過玻璃睇到廚房內嘅情況。我同朋友分別都叫咗Set Dinner，我就選擇咗頭盤-忌廉南瓜濃湯伴香煎帶子配黑松露忌廉；主菜-烤澳洲牛柳配黑松露薯蓉及小甘筍。首先嚟嘅係麵包-法國餐必有嘅餐前小食，呢到嘅麵包鬆軟，另外配自家製嘅醬非常好味，食到停唔到口。然後到忌廉南瓜濃湯，先上一個只有帶子、忌廉泡沫、麵包粒及南瓜粒嘅碗，之後侍應會幫忙倒入濃湯，再拌勻享用，拌勻過程會聞到黑松露嘅香氣；帶子味道鮮味，煎得剛剛好，口感嫩滑；南瓜湯非常新鮮而且打得非常幼滑配埋濃郁嘅黑松露忌廉，味道好正！之後到牛柳，我選擇咗5成熟，肉質不錯，而且比想像中軟腍，油脂亦少，另外薯蓉滲出淡淡嘅黑松露味道口感細膩。最後到甜品檸檬果凍伴青檸雪葩，底下有菠蘿粒，整個感覺酸酸甜甜，可以清清味蕾，好有夏天感覺。-雖然係同區嚟講價錢稍貴，但以法國餐及米芝蓮質素亦可接受，服務員亦親切有禮，食物質素亦不錯。

今日朋友帶左我去食一間來自法國🇫🇷米之芝一星餐廳食飯聚一聚。呢間野就係觀塘站一出附近，都幾昜搵到。入到去餐廳都好大間，好浪漫🌹幾有氣氛咁，播住啲音樂。而且卡座位仲好靚好闊落，坐得好舒服😌點完餐之後，餐廳就會送上法國麵包籃🥖🥨都幾大份喎！仲配有一個 銀魚柳蛋黃醬我地沾。個醬好好味，好濃郁既鹹香味。令到個麵包更加好食。而且麵包仲好鬆脆香口。幾好味！Set dinner 前菜，我揀左雅枝竹沙律伴香脆煙肉烤紅燈籠椒🥗份沙律都幾大碟😁夠哂開胃。食落好清新好 fresh。平時沙律都好常用黑醋汁，搞到我都好厭。但呢份沙律既醬就好唔同喇，好鐘意個沙律醬，酸酸鹹鹹的，好惹味開胃。煙肉仲好脆卜卜，鹹香味超濃烈！主菜:波士頓龍蝦🦞扁意粉🍝 好濃味既一道菜🥰大大隻既龍蝦已拆哂殻，食落好方便，啖啖肉😗龍蝦夠哂鮮味，食落啲肉好彈牙爽口，肉質好好。醬汁令到龍蝦好夠味😂再濃郁既醬汁配埋扁意粉，好好味😌

係觀塘發現左一間米之蓮一星推薦既法國餐廳🥰環境幾大幾靚。座位寬闊，岩哂坐低慢慢傾計食飯😄餐廳有set 🥘 提供，樣樣都幾吸引咁。坐低左之後會先上一份法國餐包配上 銀魚柳蛋黃醬。麵包🥯有兩款，都烘到暖暖的，麵包很鬆軟，好香麥味。好鐘意佢個醬，配上餐包好夾。好濃味。set dinner:前菜可以六選一.我揀左 法式鵝肝焦糖燉蛋🥚呢款好特別，我都係第一次食。平時食燉蛋都係當甜品食，好少鹹食。燉蛋烘到表面既焦糖脆卜卜，好香滑既蛋味。再配上法式鵝肝，令到味道帶出鹹味，平衡一下。好香既鵝肝味，好味道！😗主菜我就揀左：🐂烤澳洲牛柳配黑松露薯蓉及小甘筍🥩牛柳好厚肉，但唔會話烤到好熟。肉質又好嫩，食落仲好重好香既牛味。而且好多肉汁好juicy!再加少少既芥末醬，調出鮮味，食落更滋味🤤再配埋黑松露薯蓉😋黑松露味真係好香滑濃郁，好鐘意食呀😋

今日出觀塘食野，突然想鋸個靚扒，搵到呢間獲得米之蓮一星嘅法國餐廳，午餐價錢唔算好貴，環境又幾雅緻寧靜，質素應該唔錯，於是就入去試試。我哋坐卡位，沙發設計高尚，環境寬闊、舒適，唔會聽到其他客人既談話內容，裝修幾特別，仲有開放式廚房！落單後店員即刻遞上暖笠笠嘅麵包，仲有醬可以點！係自家制既銀魚柳蒜蓉蛋黃醬，非常惹味！麵包焗得外脆，內濕潤鬆軟，口感好好，忍唔住要refill多轉。首先頭盤揀左《忌廉南瓜濃湯伴黑松露忌廉》南瓜湯濃稠度恰好，口感好幼滑，唔會有楂，而且南瓜味濃香甜，配上麵包粒同黑松露忌廉，層次豐富，好好味。Main course 《烤澳洲肉眼扒配新薯及小甘筍》$238呢件肉眼扒絕對係我食過之中最juicy的，粉嫩多汁，肉既油脂同肉汁融合，牛味亦濃，而且質感夠軟淋，不必太費牙力，好出色，十分推介！觀塘區來講，價錢有小小貴，但係服務好好，食物質素高，環境又寧靜，係個用餐既好地方🤤

觀塘有不少隱世好餐廳，但有時喺廠廈，就算裡面裝修幾靚都未必啱約朋友/見客。位處電訊一代，近地鐵站又有靚lobby，約個lunch meeting最適合。黎呢度食最好有1.5-2hrs嘅lunch time，前菜可以選Salad bar有不錯嘅選擇，有budget可以加生蠔飲杯wine慢慢hea。Main course沒有期待咁impressive，portion都算大，不過呢個價錢咁嘅setting，食環境計還可以～

馬不停蹄的工作，真的讓我抖不了氣，此刻我需要下班後慢活一番。要好好享受慢活，一定是吃法國菜，法國人素來是慢活的佼佼者，做事不慌不忙。我和朋友最後決定去BriKetenia感受法式風情，BriKetenia來頭不小，是法國米芝蓮一星餐廳，我們說笑不用飛往法國就吃到正宗法國菜，多節省。可能BriKetenia位於工廠區關係，晚上人流相對少，不過亦有一堆食客在廂房聚餐，其他食客則在梳化餐桌用膳，目測有三桌食客。先來一籃子的麵包，麵包有類似牛角包那種香脆多層次的麵包脆條，亦有鬆軟的麵包，一次過細味兩種風格的麵包，若麵包沾點附上的銀魚柳蛋黃醬吃更為味美。法式鵝肝焦糖燉蛋一入口就吃到濃郁細綿的鵝肝醬和燉蛋的焦糖薄脆，香甜迷人，兩者結合在一起的滋味很棒呢。旁邊還有鬆軟的麵包，供朋友搭配鵝肝焦糖燉蛋吃，他說這超好吃，給他吃數份絕無問題。西班牙黑毛豬扒伴甘筍蓉，泰國蘆筍及肉汁不管是外型還是顏色都非常討喜。黑毛豬扒外層微脆焦香，內裡卻軟嫩無比，不失油甜的肉質，越嚼越滋味，相當有水準的一道肉品。我這個龍蝦控，整頓晚餐都以龍蝦為主。頭盤我選擇了法國干邑龍蝦湯，店員拿了一隻具有熱力的碟子，將龍蝦湯注入碟裡，相信

嚟到觀塘，第一時間一定係諗到APM，雖然野食眾多，但都唔係我嘅心水。其實觀塘一啲唔出名既小商場同工廈隱藏左好多好野食，今次就黎到呢間係法國拎米之蓮一星嘅法國餐廳食午餐。雖然裝修唔算好豪華，但同樣帶有西方風格既陰暗，佈置上都幾有格調，沙發位都突顯到高尚既感覺👍🏻呢度主要係以套餐為主。落單後店員馬上遞上暖笠笠嘅法包，配上自家制既銀魚柳蒜蓉蛋黃醬，十分惹味！麵包外脆內鬆軟，口感好好，所以我地要refil多轉。首先頭盤揀左《蕃茄水牛芝士沙律》估唔到都幾大份，沙津菜新鮮爽口，配上橄欖油、黑醋同水牛芝士，感覺好清新同健康。Main course 《波士頓龍蝦扁意粉配龍蝦汁》$258龍蝦肉爽彈鮮甜，龍蝦汁濃稠，味道亦好濃郁，量唔會太多既同時，麵條掛汁力好高，不過太膩太咸。麵條偏淋身，唔係我喜好，不過整體都幾好味。 價錢雖然小貴，但係服務好好，食物有質素，又坐得舒適，以觀塘區黎講已經十分不錯。

星期日傍晚，與朋友於觀塘聚舊後，想找個地方吃好一點，朋友介紹在觀塘的工業區，有一間米芝蓮法式餐廳，從觀塘地鐵站只需步行約2分鐘，便可到達 BriKetenia，他說絕對值得一試。BriKetenia的座位寬敞，坐得舒服，枱與枱之間有不少空位，配上天花板一列列的烏絲燈泡，加上法國的歌曲，感覺休閒舒適及高格調。首先上場的是賣相美美的法式麵包。忌廉南瓜濃湯伴香煎帶子配黑松露忌廉，湯底幼滑甜美，濃度恰到好處，帶子鮮味可口，還有麵包粒及南瓜粒，口感豐富。法式鵝肝焦糖燉蛋，外觀精緻吸引。焦糖燉蛋鹹鹹的，加上脆口的麵包及新鮮的蔬菜，別有一番味道。波士頓龍蝦扁意粉伴龍蝦汁，去了殼的龍蝦肉，鮮味香甜。彈牙的扁意粉，配上濃郁的龍蝦汁，再加上不少的菇仔，真是非常好味。烤澳洲牛柳配黑松露薯蓉及小甘筍，牛柳幼滑鮮嫩，肉質極佳，入口便品嚐到牛柳的鮮味，配上味道濃郁可口的薯蓉，還有小甘筍和紅蘿蔔，真是一邊吃一邊能享受。最後我們選了兩個飲品，熱檸水及熱奶茶，奶茶香滑。兩個人用中等的價錢而品嚐到米芝蓮的法國套餐，加上舒適的環境情調，讓我們能在愜意中度過愉快的一晚，我朋友介紹得真不錯!

BriKetenia 是一間來自法國的米芝蓮一星餐廳在港的首家分店，只是聽個背景都好厲害。所以今次我加了人工，我都要食餐好D，我和朋友訂了枱早早來到。餐廳樓底很高空間感很強，設計簡潔舒適，給人和諧的氣氛，很適合聊天、聚會。晚上有set dinner，也有不同的食物種類供客人選擇。坐坐下不久，侍應即刻送上一籃餐包給我們享用，餐包用布袋盛著幾有風味。法包很好吃，有的鬆軟、有的香脆可口，伴著一小碟蛋黃忌廉醬一起吃，更加能增加味道的層次。我要的是忌廉南瓜濃湯伴香煎帶子配黑松露忌廉，我喝得出南瓜濃湯絕對是用新鮮南瓜蓉攪拌成的，湯裡亦放有南瓜粒及法國麵包粒，湯喝起來非常之清甜，再配上新鮮大大隻的帶子和忌廉，又非常搭配及美味。帶子好鮮甜，好大隻和厚肉，能帶出這道湯的靈魂。我朋友的是法式鵝肝焦糖燉蛋，嫩滑的燉蛋配上甘香的鵝肝，味道很醒神很特別，絕對有別於一般的燉蛋，在其他餐廳很少機會能吃得到的，再配搭沙律菜一起吃，真的很夾，特別美味。烤澳洲牛柳配黑松露薯蓉及小甘筍，牛柳中間帶着粉紅色，證明廚師控制火喉 剛剛好，所以牛柳吃起上來又軟及帶濃濃的牛肉香味，真是值回票價。我又試了新鮮的波士頓龍蝦肉配上龍蝦汁，

諗住食好d同食豪d，所以揀左間攞星既法國餐廳。五百幾蚊一個set dinner，還未計加一，雖然唔係頂級，但亦唔係平。這價錢應該可以to be served better。首先，餐湯揀咗波士頓龍蝦湯，這是需要額外加費的。上枱時，因湯碟內還沒有放湯，所以驟眼見到碟底約有三幾粒龍蝦肉。其次，肉眼排本來要五成熟的，黎到時冇乜血水及較乾身，感覺似七成熟多d，而且仲有一條大根。食物以外，勝在待應的服務尚可，每次上菜都會簡單介紹一下菜式食材或用料。

好開心老公有心思帶我來這裹吃晚餐。餐廳位置雖然在工廠區內，從apm/mtr行跟約5分鐘左右，好方便。六点正到，未有其他客人，有包場感覺。一坐下点餐後便奉上暖暖法式麵包，前菜for grass creme brulee 一定要試，好rich好溶在口中。另一前菜salad合格ok. 主菜牛柳又是十分值得吃，肉汁肉味及口感都是上乘食材，另一主菜鱈魚也不錯，煎得好香。甜品我們沒有点餐加50元的是日甜品brownies 加雪糕，我們点了開心果parfait伴燉梨肉，很清新美味。今次有85折，兩人吃了7百多元，這讓食物質素真的好超值。

呢間門面唔太起眼既餐廳，原來係入選米芝連既法國菜餐廳。餐廳座位寬闊，有唔少情侶係到進食晚餐。法國菜一向比我既印象都係好貴同好貴，但呢度既set dinner都係兩百零蚊起，價錢親民，食物質素都相當高水準，相信我之後都會同朋友再黎！麵包香氣誘人，食到暖笠笠又香軟既麵包真係人生一大樂事呀！忌廉蘑菇濃湯配芝士多士，店員會即席將湯倒進碟內。湯汁香濃，口感濃厚，蘑菇及忌廉比例完美，芝士多士脆身，好好食！法式凍肉拼盤伴酸青瓜，凍肉咸香，味道較重，配合酸一齊進食，有中和之效。西班牙黑毛豬伴普羅旺斯雜燴及肉汁。能夠食到咁高水準既黑毛豬，好幸福。香軟無比既口感，配上特製醬汁，令人回味無窮。而薯蓉充滿奶香，每個細節位，配料都令人好滿意！

已經是第三次來這家餐廳，今晚既食物保持水準，與三兩知己聚會最適合不過。我們點了個set dinner, 蝦沙律和南瓜湯都好好味，主菜個魚雖然唔係好大份，但女生份量已好足夠；意大利飯反而好大份。朋友生日，特別叫廚房幫忙寫上祝福在甜品上作為今次晚餐完美的結局。這家餐廳無令我失望！

觀塘一直都有好多美食😚今次就發現到呢間黎自法國西南部曾獲法國米芝蓮一星既餐廳🌟🍴價錢同普通西餐廳差唔多 放假就去試試佢😍餐廳環境闊落舒適 座位距離寬敞 裝修簡約未算高級 但整體都好舒服啱傾計 慢慢品賞美食🤤(14:00後Set Lunch 8折！).法國餐必出現既麵包籃🍞原本以為平平無奇 點知有驚喜😍黎到時候暖暖的 即焗👍🏻有法包同款較鬆軟的麵包🥖法包外脆內軟內裏帶點煙韌口感 外面焗成脆脆的不會硬 配埋自家製銀魚柳蛋黃醬 同麵包更夾 份外滋味👅Started🍴簡咗忌廉蘑菇芝士濃湯😚放低個陣已經聞到好香濃既蘑菇味🍄份量好大碗 飲唔曬🤣最欣賞落咗粒粒芝士🧀慢慢細嚼芝士再融係口腔 超正🥰濃湯入口順滑 食到粒粒蘑菇 味道勁香濃❤️Main Course🍽波士頓龍蝦扁意粉配龍蝦汁 超滿足的龍蝦意粉🤤龍蝦新鮮彈牙啖啖肉😚龍蝦鉗肉亦好鮮甜🤤扁意粉口感Q彈 硬度適中 而且掛汁一流🍝龍蝦汁食得出真材實料 濃郁得黎食完都唔會覺得漏既意粉 配埋新鮮雜菇🍄完全滿足曬我呢個鍾意龍蝦既意粉控🤤烤澳洲西冷牛扒配新薯及小甘筍 簡咗7成熟 牛扒煎得好靚 切開仲呈粉紅色🤤鎖住肉汁 咬落去肉嫩有肉汁 牛味香濃～特級牛肉漢堡

每次開飯唔係茶記，就係快餐，日日係咁會好無癮。所以，我鐘意耐不耐都食唔同種類的菜式，今次揀左食西餐。落單冇耐，即奉上餐飽，我喜歡點湯飲 (雖然我唔知咁食法係咪正確，anyway個人喜好)龍蝦湯味道濃郁，內有波士頓龍蝦肉，也有露筍增加口感。大大隻的鮮帶子，未送到上枱已聞到陣陣的煎香，配埋煙煙韌韌的燴意大利飯，很夾，真的很夾。甜品明知是 "邪惡"的食物，但偏偏惹人喜愛，我就是甜品控...所以我是健身室常客。