Buddy's Kitchen (已結業)

幾位女士約了一起午餐，找了間西餐廳，可以優閒地暢談。鋪位不算很顯眼，不過門口會有一去牌放出來，寫著午市套餐。入到餐廳裡面都可以再看到黑板上的餐牌，每天基本上都會有一個漢堡或熱狗餐、一個意粉或飯餐然後兩個扒餐自行配飯意粉薯菜。餐廳轉型後，增加了一些漢堡餐，套餐亦包括餐湯或沙津和餐飲。是日餐湯⋯涼瓜忌廉湯，餐湯很濃郁，喝得出來很足料，加了忌廉後涼瓜易入口亦不失去涼瓜的甘味，雖然初入口很苦但再喝落去真特別，是好喝的。（+8）跟餐配，左面兩杯是凍朱古力咖啡，右面兩杯是凍朱古力，這間餐廳的凍朱古力是十分濃郁十分好喝的，非常值得推介！（$98）紐西蘭西冷牛扒配黑椒汁跟意粉，牛扒大約都有6成左右，都易入口不會太難咀嚼，意粉煮得剛剛好，不會太軟，跟黑椒汁很配。（$72）燒鴨胸配黑加倫子汁燒汁，醬汁很特別，甜甜的配上鴨胸咸味真好味道，鴨胸煮得很軟，值得一讚薯條很好味道十分脆口，加上小菜，滿足的一個午餐！

首先入到去個感覺都算舒服既 服務員好體貼咁拎個籃比我地放袋 我叫左個白汁海鮮焗飯 加$18有餐湯或沙律☺️☺️我就揀左沙律 但我覺得芝麻醬略少 要問職員加醬 個海鮮焗飯好好味😋 除左有芝士白汁之外 仲有多款海鮮 另外仲有叫左芝士羊肉漢堡 平時少機會食到羊肉漢堡 所以特別叫黎試試感覺羊肉、番茄、芝士同包夾埋一齊係幾好味薯條即刻炸 所以好脆😋😋最後有焦糖蛋 做甜品係好香蛋味既 但就凍左DD如果暖番少少會更好味整體黎講 都唔錯😇😇

一直都念念不忘呢度既厚豬扒...今日終於趕得切lunch hour過來好彩今日都有厚豬扒.... 不過唔係我掛住既蘋果汁.... 而係幾特別 係胡椒忌廉汁... 第一次見...一於試下佢.. 豬扒依然鬆厚嫩滑...肉質好好... 個汁都有驚喜... 忌廉汁帶有胡椒既香辣... 好味！！ 午餐亦包括沙律/餐湯...我揀既係沙律.... 朋友仔就揀左餐湯... 佢既即磨咖啡都唔錯... 夠香... 唔酸又唔太苦... 歎完一杯... 又可以繼續下午既工作啦

喜歡吃漢堡的我，在朋友介紹下，來到大圍的buddy's kitchen，發現這裡的漢堡十分抵食，值得再試！牛漢堡配薯條，份量頗多，味道不錯👍焗肉醬千層面，不過不失。

午餐時段來過數次，最喜歡吃此店的餐包，麥味濃郁，平日去餐廳的餐包，一定唔食的。今次與同事再嚟，都是為了掛住個包，上湯後，問女侍應，點解冇咗個餐包既？女侍應話，係呀！我們減咗價，但冇咗個餐包。心諗，誰在乎您減果幾蚊呢？同事問她，以往的餐包是您們自己出品嗎？她回覆，不是，是交貨來的。Oh...原來我們應去找交貨的麵包店才對。😂😂😂 我們叫了個雞扒飯及焗海鮮飯，兩個飯都平平無奇，以60幾70蚊一個午餐來說，大圍區仍有其他選擇。

上星期一行十人到Buddy's kitchen食lunch，都知人多預先電話booking，我地12點15左右到達，開門同侍應講留左位，一位侍應姐姐由遠處好霸氣兼零帶笑容請我地出返門口睇餐牌order左餐先比我地入去(感覺被趕出門口)，侍應姐姐解釋係唔夠餐牌(...?!)，當時我地咁多人企係氣溫30度既街落齊哂單先入得去，裡面只得2-3檯客人，如果當時全滿要外面等位，落定餐都合理，唔夠餐牌既解釋簡直無稭。其實Buddy's kitchen食過幾次，食物質素真心唔錯。當日我order黑椒汁雞扒跟餐湯芋頭忌廉湯，餐湯真材實料由攪拌器打出，所以比較杰身，食物原味仍然保留，好味。可惜，今次雞扒失手了，切開裡面仲未全熟，以往buddy's kitchen既雞扒係我大愛，外脆咬落juicy。。以為服務態度差，食物可以彌補，都係算。。唔會再幫襯

大圍西餐比較少見，多是快餐酒樓，今日本身又想去大排擋食飯啦，行過見都不西餐都有幾張枱就試下。藍青口意大利飯飯就帶酸，因為係用左蕃茄煮既，份量中等，青口都多既同無沙無腥壞既。特別有脆脆煙肉條，配飯幾好食。意大利飯本身比較軟林，煙肉增加口感。紅花蟹肉闊條麵係好好食，麵少點，可能我好餓！重點係好多好多蟹肉，好爽啖啖蟹肉無殼咁食！蟹肉有海水味既，但唔係腥。紅花原來係蒜頭，哈哈，一開始唔係點知要點食佢，就咁食都好香好香，之後再加落麵到都好食林林地。

朋友搬屋,近近地搵間西餐試下,發現這間小小的餐廳,入去試下發現原來有驚喜的,點了廚師沙律,糖芯蛋是花花型狀,而焦糖合桃簡直可以叫支啤酒一齊食,甜甜地好味炸漁夫藍亦有魚,蝦慢火煮羊膝,夠哂味,好林,連埋薯蓉一齊食仲正豬豚肉夠肉汁,真心想請教廚師點樣可以保留肉汁唔鞋口美國西冷扒,有口感,牛肉味夠濃,叫半生熟剛剛好最後點了甜品,焦糖燉蛋加多杯熱薑蜜,夠哂薑味誠意推薦支持小店,食物質素好好

唔知點解要規定 "每人嗌一個set" 呢條rule😡餐牌上無註明，我覺得係隨佢意思想屈你一筆，所以才突然告知！態度差，吹來吹去，吹落單，main courses 都未到就上飲品，未食唒就想拎走，乜都吹一餐😡

收工同事約食飯，喺openrice搵搵下就搵到呢間餐廳，門面細細，大約可招呼24人。入座前見到佢地有個3週年優惠，只要喺facebook 公開讚好及分享食物相片，就可以免費升級cappuccino或有甜品。今天一行3人，叫了2個單人餐連沙律，美國自然豬鞍配薯蓉扒蘋果 及 香煎比目魚脆炸大蝦配薯蓉燴雜菜。跟餐有湯或沙律，兩個餐都要湯，因為單點了凱撒沙律。今天的湯係芋頭忌廉湯，第一次飲，都幾好味和特別。兩個主菜的伴碟都好靚，薯蓉唔係creamy嗰個質地，仲有少少咬口，而且幾香薯仔味，都幾啱我。個美國自然豬鞍配薯蓉扒蘋果，好彩個豬鞍厚得嚟，又唔會好硬，不過又唔係太算好juicy，不過我都幾鍾意。輕輕煮過似菠蘿的蘋果，都幾有趣，唔鍾意煮過嘅生果嘅我，都叉咗兩舊食，另外，墊底的紫椰菜清清地，配返個豬鞍，正。香煎比目魚脆炸大蝦配薯蓉燴雜菜，份量就好似少咗啲，不過個魚皮香脆的，個炸蝦就一般啦，燴雜菜都一般般。最後送的甜品係木糠布甸，我覺得唔夠凍和唔夠硬身，不過味道還可以啦。PS:雖然安排入座的情況一般，不過我鍾意餐廳職員唔洗叫都自己會斟水的服務。

People call this place Italian, but I'd say otherwise. An Interesting menu on offer but relaxed and comfortable even if it's on the smaller side. A word of advice, don't sit near the main door, its forever opening and closing therefore the heat does make it a little uncomfortable (the little fabric box for your bags under the chair is a nice touch)So on to the food. We arrived at lunch after reading other reviews on the place. The menu was a mix of western style with touch of Italian and other E

晌Buddy’s Kitchen食晏，叫咗兩份午餐，分別揀咗甘筍橙湯同雜菜沙律，甘筍橙湯飲落真係幾香橙味，甜甜哋都幾討好。英式早餐，有煎蛋、薯餅、牛仔腸、煙肉同焗茄汁豆，賣相都幾靚。原來煙肉下面仲有炒雜菌同法包多士，雖然油份略多，不過都OK。朋友嘅醬汁燒豬仔髀，佢揀咗配薯菜，同我一樣都係有炒雜菌，佢話個豬仔髀冇燒得太乾身，食落仲有肉汁。個餐仲包咗飲品，我哋分別叫咗熱檸茶同凍咖啡，不過冇影相。

Baby Rack Of Lamb With Crushed Potato, 羊架肉質嫩，7成剛剛好，手壓薯蓉內有芝士洋蔥，好好味Norway Salmon Papillote With Sweet Potato, 用紙包著三文魚，內裡用炒過的菜包在一起，好特別，三文魚唔(鞋) 口Creme Brulee在外都是雲尼拿，這店特別用上新鮮班蘭，口感清新Tiramisu香濃咖啡味，口感不錯CappuccinoFresh Ginger Honey 好好飲朋友介紹晚餐，環境簡約，open kitchen, 等主菜時可以見到2位廚師認真烹調，伴碟亦相當細心，用醬汁拉花，制作誠意十足，2款甜品好味，咖啡濃郁，想不到小小餐廳有酒店水準，值得推介

2人用餐，餐牌上有至愛蘋果，二話不說頭盤選了鵝肝配焦糖蘋果，洋蔥醬。蘋果上插了沙律菜，靚！ 鵝肝夾焦糖蘋果一流，不可不提洋蔥醬，都是甜甜的，可去除油膩感主菜選了晚餐C美國自然豬鞍配手壓薯蓉豬鞍唔(鞋)口，有肉汁，好味晚餐D安格斯西冷牛扒配野菜，風登薯牛扒超好味，薯仔特別細心制作，所有碟都畫得好靚加25蚊有甜品，朋友話太飽，下次再試過

同老公路經大圍,入左呢間餐廳食LUNCH,黑板上寫左LUNCH SET,係我唔太肚餓情況下叫左個A餐美式熱狗配薯條,老公當然叫左佢至愛夏威夷焗豬扒飯啦!跟餐有湯或沙律,椰菜花忌廉湯田園沙律,油醋唔太酸美式熱狗配薯條,熱狗腸內有芝士的,驚喜配蕃茄青瓜,伴碟仲有少許酸菜,感覺清新夏威夷焗豬扒飯,試左一啖飯一舊豬扒之後就比老公秒殺左,份量十足既芝士,豬扒夠味,個汁仲好多蕃茄見到餐廳內有部咖啡機,當然試一試啦,餐飲叫左2杯凍咖啡,飲落果然香濃老公話下次黎要再食焗豬扒飯,本住8婆心態問下幾耐會轉LUNCH MANU?原來SET LUNCH 2日轉一次,餐湯每日得一款, OH NO.....睇下D食評,多數都講DINNER,下次黎試下先....