Buddy's Kitchen (已結業)

Buddy's Kitchen 環境尚算寧靜舒適，地方唔大，較適合2-4人進餐。餐廳主打意大利菜，但今日LUNCH所見，可說是多國菜，食客又多幾類選擇啦。每個LUNCH SET 都會有湯/沙律同熱飲送，驟眼睇都幾抵食，試埋食物先~Caesar Salad 凱撒沙律：意外驚喜!醬少夠健康，麵包夠脆、生菜脆甜、配上咸香既煙肉，自是爽脆可口!惟主菜就大為失色啦香煎雞扒配香橙黑加侖子燒汁意粉(可配飯/薯條)雞扒無香橙/黑加侖子/燒汁/既味，就係一塊普通煎熟左既雞扒；意粉小油，但硬度適中，唔會過軟，配菜味道正常。總結：贈送既凱撒沙律甘脆爽口、但整個主菜就係一碟「普通唔難食」既意粉。如果LUNCH 經過，可以一試，畢竟價錢相宜，又唔收加一服務費，雖然只有1-2位員工，但上菜速度頗快。如果是特意前來LUNCH，那就不必了。

是日OT，工作上亦都受左唔少氣，放左工之後即刻約左要好既Buddy去屋企附近既Buddy's kitchen 食晚飯。晚餐有分Set Dinner 同A la carte，我地叫左一個Set，另外一個就散叫。Set有得揀湯或者沙律，再配飲品一杯。是日餐湯: 是日餐湯係洋蔥湯，洋蔥味偏重，飲落有少少滯。黑松露燒雞配燴薯菜: 燒雞份量好多，肉質夠滑唔乾，食落無咩肥膩既感覺。薯菜方面都好特別，無用到典型既薯條或者薯仔，而係將薯仔切片之後用鑊整熟佢。香蒜辣椒海蜆扁意粉: 材料有海蜆，洋蔥，辣椒，香草，牛油，香茜同白酒，意粉份量都幾多，上面有一個大蝦頭，蝦食落幾爽口，而意粉配左蕃茄辣醬，辣辣地幾好食，唔會咁單調。面質方面亦煮得剛剛好，不過如果可以多一隻蝦會更好啦。飲品: 飲品方面本身想叫咖啡，但見咁夜怕訓唔著，所以要左熱朱古力，杯熱朱古力熱辣辣好Creamy，好重奶味，面頭仲加左D drizzle 做裝飾，睇到都開心。呢到夜晚食飯環境唔錯，坐得耐，食物同服務又唔錯，下次都可以再黎試下。

有一段時間沒有來到大圍覓食，加上早前曾留意到一間食店，故今天刻意去大圍走一趟。Buddy's Kitchen 位於大圍道，與美林邨只隔了一條馬路。甫進入去，只是一間小小食店，內裡也坐滿了顧客，而且並沒有華麗的裝飾，只有掛上了午市套餐的黑板，縱使有黑板寫上餐單，桌面也放置了餐牌。餐湯是忌廉湯，稠結度還算是較稀，不太稠結，還有香草在內，增添食味。主菜是秘製醬汁豬肋骨配薯條，豬肋骨並非常吃到的份量，約只有平常的一半。把一條肋骨切開，不用再細分骨肉，直接放進口腔內，一邊啜食豬肋骨肉，一邊吐骨。味覺就是酸酸甜甜，但以酸味較突出。熱咖啡味覺濃郁，富咖啡香味，為一點寒意增添溫暖。吃過午餐，已沒那麼的冷，結賬離開，繼續餘下行程。

餐廳裝修花心思，有一種俾情侣拍拖的感覺可惜門口那張限時的紙就大殺風景當晚去都唔多人，所以無為意我地有無超時只可以慨歎而家舖租貴，商戶都想多翻枱有DINNER SET都算多有得揀我地兩個人每人叫咗一個DINNER SET湯同沙律二揀人南瓜湯~ 香甜濃郁，但我喜歡加少少黑胡椒加添少少辛辣味平時出面多見用碗或者湯碟盛湯呢間就用簡約的杯來，有一點兒特色沙律方面，認為汁太酸，醋略為多了一點，不太適合我口味但烟鴨胸抵讚唔太鹹，夠鬆軟，仲可以食到淡淡的肉汁唔似出面有啲一係鹹到暈，一係硬到好似食鴨乾咁主菜方面兩個都抵讚一來到只係賣相都令人讚歎很美~~~~睇見都想食~~~牛扒~~5成熟控制得剛剛好焗薯皮，平時出面好多都會係薯條或者薯角呢間絶不HEA 做，連配角都好好打扮最讚都係燒蒜惹味，完全無諗過蒜都可以拌菜之一平時多見的都係蘿蔔仔，西蘭花有特色!!!帶子墨魚汁飯，咸味適中香味濃郁但帶子就略為淡味餐飲就應該算最無特別的地方因為有很多都要加錢唔加錢就有普通既檸茶檸水咖啡兩杯都無大驚喜只可評普普通通總結，都值得再去的一個地方地方不太寬敞如果有大袋既朋友可以請待應幫你先存放好地址:大圍積存街20號地下

同同學仔上完堂想搵好野食，本來想去的餐廳滿座，但原來唔使可惜，誤打誤撞居然都食到美味的一餐!4個女仔唔太餓，叫左兩個set,分別係肉眼扒同燒雞，另加左個野菌意大利飯，同埋炸薯條&八瓜魚丸~ 掛住傾計都唔記得影相唯有用文字記低前菜:炸薯條: 並非雪貨，仲要係我最愛的粗身薯條 加上胡椒粉同鹽等調味，簡單但好食八瓜魚丸: 非街頭小吃可比美! 表面沒太多的醬汁，但唔會覺得乾，內裏軟綿綿，幾個同學仔都眼前一亮主菜:內眼扒: order 7成，出黎6~7成效果，好juicy! 配菜的焗薯皮亦好特別，上面載住啲切粒菇&蔬果，仲有炸紫薯，蕃薯條，擺盤吸引，瓜果亦能夠減去肥膩感👍燒雞: 份量唔少，肉質夠滑唔乾👍野菌意大利飯: 有溫泉蛋同黑菘露醬係面，味道唔錯，可惜飯有點點生總括黎講，我地都好滿意呢餐~ 覺得可以再encore! P.s. 結果我上黎打評語先知咁多好評，真係有眼不識泰山呀我地😂

個set包埋碗湯，係椰菜花蓉湯，我一直以嚟都好欣賞呢到d湯，個名聽落有d怪，但真係好好飲，好特別，個人大愛紫薯湯♡♡♡♡♡♡好到main dish,個芝士千層麵真係好重芝士，適合d大愛芝士既人，啱啱送上碟d芝士booluboolu，充滿動感碟西冷牛扒就冇想像中咁好食，不過不失咁啦。最後個dessert一上，第一眼睇以為係飲品haha，之後拎枝羹一'不'，d層次好分明，種好過某d甜品鋪，一個字正熱朱古力甜咗少少，而凍咖啡都ok ge到於服務態度呢d姐姐都好nice👍👍👍所以over all 價錢雖然偏貴，但真係物有所值！

沙田返工返咗十幾年,新城市廣場間間餐廳都食過,大部份給我的感覺是貴而hea...無一間會想返啅!而近年大圍隨著多個樓盤入伙,餐廳越開越多,選擇多了很多...從open rice 上看到buddy's kitchen 嘅食物相影得唔錯,於是決定放工嚟個Happy Friday 因為我同我的飯腳都是食肉獸,一豬一牛是必然選擇 ...Rib eye steak: 10oz ,medium 肉質嫩牛味濃，加上沙律菜及燒蒜頭，還有一大杯薯條,微辣香口...味道跟價錢，絶對超值 BBQ ribs：醬汁入味，夠火喉,用刀輕輕一壓就能做到骨肉分離 咬落去...油香四溢,夠晒多汁..，絕對直得推介...但一間餐廳要成功，侍應跟廚師同樣重要，侍應態度差.....食物再好都無用！ 第一次來，看不明餐牌所以問多兩句，她不但沒有解釋清楚，更不滿地拋下餐牌回我一句:你自己再睇...而我食完個主菜,order餐飲時，佢同我講：「仲有甜品喎」...我答佢：「咁好仲有甜品」，咁我要tiramisu....俾錢check 單，甜品每個$50幾！吓....我點完個餐飲，你話仲有甜品，做乜收我錢㗎?佢答我:我係同

一提起大圍，首先想到的是雞粥還有大排檔。週五晚上去試了這家在一群大排檔雞粥邊爐中異軍突起的西餐Buddy Kitchen。其實基本上做的是意大利菜。門面是長這樣的，店內裝潢也很簡單。除了日常的menu，是日的set寫在了兩邊的小黑板上。我們三個人都加錢轉了餐，可以選salad或者湯，還有餐飲。上來的鴨胸沙律是這樣的，配上了少少的黑醋和橄欖油。湯是椰菜花湯，應該加了香料，有種蘑菇湯的味道，味道圓潤，蠻有層次的。還叫了蒜蓉包來吃吃。 這裡的麵包沒有用法棍，加了很足料的蒜蓉，烤過之後，味道類似pita chips。先上來的是這盆咕嘟嘟冒泡的芝士肉醬千層麵。放在圓形的鐵盤里，牛肉醬洋蔥番茄西芹，厚厚的一層芝士，烤的金黃誘人。端上來的時候看的我心曠神怡。諾，橫截面是這樣的。 滿滿的肉醬和芝士，熱氣騰騰地包裹著面，一口就可以吃到意大利的熱情和火熱。我要的是辣茄汁大蝦扁意粉。結果上來一只做著瑜伽的大蝦，動作非常之銷魂。Sauce很多，辣椒和番茄還有香料炒得極香，扁意粉也煮的恰到好處，吃到後面也不會覺得軟。But...我覺得有點辣，喜歡吃辣的小夥伴可以放膽一試！朋友吃素，點的是Wild mushroo

前幾日媽媽冇煮飯，所以我地諗住係樓下食d野就算..呢間西餐廳係正我地屋企樓下，門面裝修都幾靚，係入面細左少少。其實佢岩岩開既時候已經食過幾次，都幾滿意架，不過次次都唔記得影相...今次終於有影相啦6點幾去到，入面一個人都冇所以唔使等位。我同媽媽分別叫左個Dinner Set(佢地既dinner set應該會隔一個禮拜到轉一轉，想食到自己鍾意食既都要靠運氣haha)，媽媽叫左個香煎龍脷柳set(唔記得影相)，我就叫左個厚切西冷配香煎薯皮一上枱見到都真係幾厚喎！食落都幾好味，食得出唔係d cheap cheap扒，但可能因為厚得滯所以有d難切不過整體都唔錯，野食黎得都幾快，服務還可以啦，因為鋪頭細所以得1個樓面，但因為我地食個陣冇乜客所以都ok~順帶一提，佢杯凍朱古力都幾好飲(又唔記得影相haha)，唔係普通茶餐廳凍朱古力，佢呢杯上面有層cream架，雖然肥但好好飲，次次都會叫

上網見到呢間有d名氣既餐廳，即刻致電book位，6點30到不過要8點交枱，個半鐘其實ok，我地四個都不介意。然後我地提前少少到，眼見大把位都真係唔洗特登打電話黎book都得，女侍應亦無問我地係咪book左位。anyway，我地一次過叫左兩set dinner 唔洗揀。薯仔吞拿魚～d薯仔食落去感覺唔會好重手，甜甜地好香口，亦唔會太油。吞拿魚比平時普通茶記食到既偏淡味，好清，食多少少都唔會濟。魷魚沙律～個魷魚好動L咬落彈得黎好好嚼口，完全食唔到擦子膠感覺，有好感！墨魚仔義大利飯～佢本身果隻材料唔新鮮（可能無貨都唔出奇），所以轉左墨魚仔比我地。我就皇帝試菜，食左少少呢個姐，因為個墨魚仔好肥美，食一隻唔敢食多隻，怕膩到個胃口。而個義大利飯果隻米就同平時食既義大利米唔同，你懂的！炒扁意粉！呢個真係不得不提：我好想試下大廚炒一次乾炒牛河！因為佢炒功好有水準，我食炒扁意粉果刻就好似置身大排檔叫左碟炒牛河咁！唔錯，就硬係食唔到西式炒扁意粉既感覺。好難拿捏。慶幸其中一位友人超愛呢隻感覺！你懂的紙包三文魚！呢碟算係成晚之中最有水準既一道菜式！可能因為佢串番茄係我最愛！成串無人吼但比我清左！三文魚好有脂肪感

在和老婆仔的紀念日一起踩過單車後回到大圍還車我們都開始肚餓了之前已上網搜尋了這間餐廳就在這裡慶祝我們的紀念日這間餐廳的價錢有點貴但作為西餐廳來說還算差不多我們叫了個78元的雞肉凱撒沙律118元的野菌意大利飯配溏心蛋最後也點了46元的法式焦糖燉蛋作為甜品沒想到這個雞肉凱撒沙律是微熱的主要還是因為雞似是新鮮燒出來的燒得很香整個沙律很夠味有很多醬料很適合口味較為重口味的我們值得推介至於野菌意大利飯配溏心蛋賣相一般不過意大利飯本來就很難有好的賣相但這個飯確算不錯很久沒有試過吃這種較為乾身的意大利飯了甚至比起我們在意大利吃的更美味雖然配料不多基本上只有蛋但蛋也算不錯, 也很大個所以也值得推介最後送來了法式焦糖燉蛋看到綠色的燉蛋我們都嚇了一跳還以為是薄荷味一問之下才知道是班蘭味原來這樣製作也很好味甜味當中竟也帶點清新感覺為我們的慶祝晚飯帶來一點不平凡的甜

14.3.2015白色情人節,晚餐💕係大圍經過幾次已經想試!果然味道比起連鎖式扒房有水準得多 一心想食牛扒,但估吾到個南瓜大蒜煮蜆意大利飯,係咁好食,份量足,味道夠cream,又多蜆! 真係推薦一試10oz肉眼牛扒,份量十足,賣想亦都非常之吸引!! 拌碟嘅薯條亦係即炸,沙律菜配芝麻醬清新可口!!一間難得會出現係大圍嘅出色嘅西餐廳,真係希望能夠長做落去!!一定會再食同介紹朋友去😄🙆

星期六嘅悠閒下午，真係咩都唔想做，邊度都唔想去於是就響屋企瞓到日上三竿，反正假期就係唔應該做嘢㗎啦~瞓到咁上下，都係時候食晏，突然醒起屋企附近間Buddy's Kitchen佢係連星期六都有set lunch。嗯！就去食啦甘筍忌廉湯Set lunch可以揀沙律或湯。公主我唔係好想食樹葉，所以就飲湯啦Buddy嘅甘筍忌廉湯真心一流熱辣辣但唔燙咀，忌廉湯嘅忌廉奶味唔太重，唔愛奶味嘅人都啱飲每一啖都飲得到好濃沃嘅甘筍味同甘筍蓉，而且完全無公主我討厭嘅草青味真係好出色，令我完全愛上甘筍香煎魚柳配水瓜榴牛油汁主菜公主我揀咗香煎魚柳配水瓜榴牛油汁魚柳煎得好香脆，外脆內軟而且腌得入味，多汁之餘又唔腥水瓜榴牛油汁好出色，牛油令香脆嘅魚柳更惹味，同時帶酸味嘅水瓜榴就中和咗牛油汁嘅肥膩感，非常開胃而配菜嘅雜菌同翠玉瓜又好清爽，完全唔會膩Buddy嘅set lunch係無甜品包，不過就有熱杯嘢飲佢杯凍檸茶好香，檸檬唔會太澀，而且個茶應該係Earl Grey Tea(如果無錯的話)，真係好清香，正！總結：唔止個湯，連主菜都飲品都唔錯，值得再食

同男朋友去食聖誕餐 頭盤係蟹餅，連下面啲柚子一齊食好得意，配黃色一粒粒檸檬啫喱 芹菜頭黑松露湯，上面麵包條脆的，成個湯好香芹菜味，忌廉黑松露夠滑 慢火烤火雞，心理上覺得火雞一啲味都無，又鞋口，但估唔到有味道之餘一啲都唔鞋，無渣，侍應話廚師用另類方法烤熟，所以肉質唔鞋 澳洲和牛配虎蝦，虎蝦彈牙，和牛半生熟好香 到我至愛甜品，有綠茶蛋糕，細樽係oreo布甸，伯爵茶燉蛋，3款甜品好出色，侍應話全部自家制，真係好好味 最後叫杯朱古力咖啡結尾總結成個餐都低食，可惜既餐廳無聖誕歌配合

朋友介紹，又見食評不錯，就試這間小店！青檸梳打，清新感覺蒜蓉包，加上辣粉，脆口！野菌意大利飯配糖芯蛋，濃厚芝士，菇味好香，糖芯蛋別緻，滑滑的，混合一起吃，正～主菜1：燒原條海魚 ，魚面上汁醬打成泡沫的侍應介紹特別主菜2： 慢火燴羊膝，好入味， 一絕 整體好味，值得再試！