影片
港鐵佐敦站 D 出口, 步行約9分鐘
繼續閱讀
電話號碼
64612771
附加資料
可預約包場
營業時間
今日營業
11:00 - 23:00
星期一
全日休息
星期二至日
11:00 - 23:00
以上資料只供參考, 請與餐廳確認詳情
有關獎賞計劃
BURGER🍔一定要夠高身，一啖咬唔晒既就最滿足🥰餐廳主打美式傳統漢堡🍔，用料講究👍🏻Patty用靚牛製成🐃美國農業部認證🇺🇸USDA PRIME安格斯牛肉🥩加埋店家每日新鮮自家製手工漢堡😋~•~•~•~•~•~•~•~•~•~•~•~•~•~•~•~•~•~•~• ▪黑松露蘑菇安格斯牛漢堡 ($125)麵包表面煎時會壓扁少少，2面都煎至香脆，夾住🤲🏻美國安格斯肉餅🥩牛味濃，唔會實的的 • 滿滿肉汁好Juicy💦蘑菇🍄🟫 • 洋蔥🧅炒香再加黑松露，味出得黎又唔會過搶。加多左塊車打芝士(加+$12)半溶真係好正🧀配料仲有生菜🥬 • 蕃茄🍅 • 酸瓜🥒.BURGER🍔仲有日本和牛款式。(*唔食牛既朋友可揀) 天婦羅蝦🦐 / 素食🌱 / 雞扒🐔.▪黑松露薯條 ($65)BURGER🍔同薯條一定要同時出現粗薯條🍟表面既黑松露落得好重手🖤 再加埋瑞士芝士(加+$12)，邪惡但勁滿足😈.▪雞翼 ($65/8件)單骨雞翼，炸到脆卜卜💥配左個蜜糖芥末醬可以點埋🤍.▪香蕉奶昔 ($35)真香蕉！唔係假甜💛 蕉味勁濃郁🍌.~•~•~•~•~•~•~•~•~•~•~•~•~•~•~•~•~•~•~• 🔺Menu有素食選擇🌱~•~•~•~•~•~•~•~•~•~•~•~•~•~•~•~•~•~•~•
繼續閱讀
Burger Mate 店舖由外國人主理，屬小店式經營，但製作用心，漢堡包🍔是每日新鮮製造，漢堡扒選用USDA Prime安格斯牛肉🐂手打而成,，保證食材新鮮質素佳，食客食得安心，又可享受高質漢堡😋。店舖面積雖小，環境整齊乾淨，落地玻璃的設計，視覺開揚又望到街景，感覺零舍chill🥰。車打芝士安格斯牛漢堡 $85漢堡包🍔每日送到，保證新鮮，煎至外脆內軟，自家製漢堡扒煎至焦香🥰，肉味濃肉汁滿滿，配埋新鮮生菜🥬、蕃茄🍅、酸瓜、芝士🧀及沙律醬，非常邪惡，勁好食🤤。黑松露蘑菇安格斯牛漢堡 $125加咗黑松露醬🍄嘅漢堡扒🍔，除咗濃厚的牛肉味，黑松露香味同樣突出，再配搭新鮮生菜🥬、蕃茄🍅、酸瓜，味道更加豐富，令人回味無窮😋。炸薯條 $45薯條🍟十分出色，外層非常鬆脆乾身，内層粉糯香甜，滿滿的薯香味，好食到停唔到口😋。炸洋蔥圈 $45洋蔥圈🧅炸得脆口乾身，包住香甜濕潤的洋蔥，十分香口😍。雞翼8件 $65單骨雞翼🐓食嘅時候十分方便，外層炸獎酥脆乾身，帶微微的香辣味🌶，肉質鮮味濕潤，惹味又好食😋。
繼續閱讀
橫風橫雨，想搵個地方避雨兼食個快飯，結果食咗個 Super Heavy嘅Burger…“Burger Mate”喺尖沙咀近天文臺道嗰頭嘅Burger Mate，門面貼咗大量嘅burger同做法。當中比較有特色嘅係”黑松露蘑菇安格斯牛漢堡”同”頂級A5上州牛和牛漢堡”。另外每個burger都仲可以加芝士。黑松露蘑菇安格斯牛漢堡 $125 (另加車打芝士+$12) - 個burger未嚟到，已經聞到黑松露嘅味道。正確嚟講，當隔籬枱嘅同款burger嚟嘅時候我哋已經聞到😂。漢堡扒牛味好濃，煎得好香口，洋蔥已經熟晒，就連我都食到😂。另外蘑菇蕃茄份量非常多，就算係鬆軟較薄嘅麵包之下都好難一啖咬得晒，再另加芝士，係絕對嘅重量級之作。頂級A5上州牛和牛漢堡 $130 - 同樣重量級，但用上A5上州牛和牛打造嘅漢堡扒。問題嚟啦，和牛做嘅漢堡扒有咩唔同呢？答案就係質感。和牛打出嚟嘅漢堡明顯滑身啲，而且脂肪感較強，咬落去會比較順滑舒服。當然個drawback就係牛味比較少，煎香嘅味道亦比較少。黑松露薯條 $65 (另加車打芝士 $12) - 原來呢個先係隱藏之作。當超多嘅芝士同超多嘅黑松露醬走埋一齊，就會成為世上最邪惡嘅零食。同burger一樣，黑松露薯條嚟嘅時候香味已經極之攻鼻，而咬落去嘅時候就以芝士味為主，係攻守兼備嘅終極小食。香蕉奶昔 $35 - 飲落啲香蕉味好似係新鮮香蕉整出嚟咁。舊凍，但唔太甜，食burger有呢啲嘢飲吓，其實不下於汽水。Burger Mate嘅漢堡，新鮮、大份、重香味，重口味。無論係麵包、牛肉、配料，甚至係薯條，都係以最新鮮大份嘅形式現身。得閒經過，真係可以試吓咩叫重量級。
繼續閱讀
尖沙咀世一漢堡店，食漢堡我比較喜歡幫襯小店，每一家都有佢哋獨特風味，位於尖沙咀金巴利道的「Burger Mate」，想食漢堡我一定會喺呢度，特別喜歡佢哋牛肉好有口感非常Juicy，仲有老闆特登喺意大利訂返嚟嘅黑松露醬，配合漢堡包或者薯條真心非常好食👍🏻👍🏻🍔▪️Black Truffle Mushroom Beef USDA 黑松露蘑菇安格斯牛漢堡，我揀咗呢款漢堡材料相當豐富，麵包是老細特別訂做，外層口感豐富內裏鬆軟，雙層牛肉漢堡扒即點即煎Juicy到不得了，大量嘅黑松露蘑菇，我自己再追加了瑞士芝士、車打芝士，加上生菜、蕃茄、洋蔥和自家製嘅秘製醬汁，睇埋相都知道相當好食，小店就是有這個好處，喜歡多啲芝士就可以自己追加，迎合我個人口味👍🏻🍟▪️Black Truffle Fries黑松露薯條，店家招牌產品，新鮮炸起嘅薯條外脆內軟，非常香口，添加左大量既黑松露醬，香氣撲鼻，配搭薯條真係好美味🍌▪️Banana Milkshake 香蕉奶昔，食漢堡唔單止淨係飲汽水或者啤酒，絕對可以試吓新鮮即打香蕉奶昔，就只有香蕉和牛奶完全冇添加，飲下去就只有本香蕉的甜味，新鮮又健康
繼續閱讀
漢堡包系美國食物，美國人食嘢當然大大份，要食到傳統嘅，普通嘅快餐店又點能夠滿足到！但係點樣先係正宗，其實好簡單，就係夠新鮮。肉要新鮮，菜要新鮮， 即整即食，其實無論中西菜式，咁就為之正宗。 我有留意呢間餐廳一段時間，所以嚟到嘅時候反而更加有選擇困難，因為樣樣都好似好正，店長又唔怕我問長問短，就傾多咗兩句。我本來想叫一個黑松露牛肉漢堡同一個天婦羅炸蝦漢堡，佢話如果唔係特別唔鍾意食牛，一律推介牛肉類嘅漢堡，因為每日牛肉都係早上即整，最多做200份，賣完即止，所以絕對新鮮，而且都係用靚和牛，其實我本來就係想叫兩份牛，不過個朋友怕太多肉，既然店長推介我就有藉口食全牛宴。所以叫多個double cheese burger。 🍖兩個包肉質真係冇得頂，double cheese作為signature真係唔係浪得虛名，芝士味當然濃郁，牛肉嘅咬感，柔軟又唔散，油香四散，外層微焦，少少脆，加強層次。生菜同蕃茄，超級新鮮，除咗芝士仲有少少沙律醬，更加惹味。 🍖另一個芝士漢堡配搭黑松露醬，黑松露醬本身係屬於濃味道嘅嘢，但係都唔會蓋過牛肉嘅肉香味， 證明用既牛肉真係高質素，亦都處理得宜。黑松露醬混和肉汁，就香上加香。我哋仲點咗黑松露醬薯條，雖然醬汁重複，但係配落薯條度又唔一樣。黑松露帶出香脆薯條嘅味道，呢種係唔會喺肉類上顯示出嚟嘅強大澱粉質威力。 🍖順帶一提，我哋本來諗住兩個包叫佢哋幫手切開一半，一人分啲，俾佢哋禮貌咁拒絕咗，食完之後我哋知道原因啦，普通嘅漢堡係可以切開而唔污糟，因為預先做好嘅牛肉patty，肉汁已經係個過程之中流失咗，但係如果新鮮牛肉即做，就會保留大量肉汁，又自己親口咬開，感受肉汁嘅爆射，先係最好嘅口感。果然有先見之明，亦都係對食材最高嘅尊敬！
繼續閱讀