影片
港鐵佐敦站 D 出口, 步行約9分鐘
繼續閱讀
電話號碼
64612771
附加資料
可預約包場
營業時間
今日營業
12:00 - 23:00
星期一
全日休息
星期二至日
12:00 - 23:00
以上資料只供參考, 請與餐廳確認詳情
有關獎賞計劃
朋友自從上次食完Burger 後，激起佢內心嘅burger魂，不斷尋找香港好食的Burger，今次佢帶我去尖沙咀去食主打美式傳統漢堡的burger 小店，果然無介紹錯，正👍🏻雖然是小店，但製作非常用心，麵包與漢堡排都堅持每日新鮮製造，所以數量有限，售完即止!佢地嘅漢堡排有2款，分別採用USDA Prime安格斯牛肉或日本和牛牛肉去製作，所以品質絕對有保證，當日夜晚去到，日本和牛就已經賣完了~店主特別介紹，佢地嘅漢堡麵包是香脆crispy 的美式路線，與香港一般食到的鬆脆麵包不同，果然是大不同！🍔蘑菇安格斯牛漢堡($105)麵包壓到偏身，好香脆，配上安格斯牛肉做的漢堡排，油脂香充足，肉汁滿滿，再配上大量蘑菇，以及生菜、蕃茄、洋蔥等必備的配料，再加上自家制醬汁，分量十分充足，吃完大滿足🤩🍔瑞士芝士安格斯牛漢堡($85)都是用上安格斯牛肉做成的漢堡排，滿滿的牛肉香味及肉汁，同樣配有生菜、蕃茄、洋蔥等配料，但再加上瑞士芝士醬汁，更加香濃惹味😆🍔黑松露薯條($65)即炸粗薯條，熱辣辣，再加上大量黑松露醬，超好食!🍔雞翼8件($65)雞翼大隻夠厚肉，炸得香脆入味，而且不油膩，微辣好惹味😋🍔飲品：可樂及啤酒除咗汽水，重有draft beer揀，超match 💯
繼續閱讀
媽咪知我中意食burger, 今晚帶我去咗尖沙咀呢間Burger小店試試, 果然令我一試愛上。餐廳製作Burger好有誠意, 跟一般快餐店質素真係不可比! 店方由外國人主理, 每日漢堡限量新鮮製, 更採用純天然安格斯牛肉製作。Burger大多設定為安格斯牛, 另有少量款式比唔食牛嘅朋友, 而質素同份量同樣足料。【黑松露蘑菇安格斯牛漢堡】HK$125賣相已經非常豐富同吸引, 安格斯牛肉生熟度控制得好好, 肉嫩多汁, 味道濃郁, 配上了新鮮生菜、多汁蕃茄、醃洋蔥、蘑菇, 再加上黑松露醬同埋千島醬, 每啖都流出大量汁醬同肉汁, 味道同層次同樣豐富, 大愛!!【日式天婦羅蝦漢堡】HK$105以多隻香脆天婦羅炸蝦取代傳統burger嘅牛肉, 同樣配搭生菜、蕃茄片、芝士, 再加上千島醬, 岩哂唔食牛嘅朋友, 同樣可以嘆到burger嘅美味。【黑松露薯條】HK$65即炸薯條香脆不油, 加咗大量黑松露醬, 美味非常。【Banana milkshake】HK$35口感香滑, 飲到少少香蕉果肉, 蕉味突出。
繼續閱讀
香港漢堡店多不勝數， 呢間Burger Mate 可以脫穎而出，就係每日手打USA Prime 嘅漢堡扒，一日只售200 個，售完即止，想食就要等第2日啦！🖤黑松露蘑菇安格斯牛漢堡🍔 ($125)真係好足料嘅一個Burger, 首先將漢堡扒煎至7~8成熟左右，然後加上生菜🥬酸瓜蕃茄🍅等配料，最後炒熟埋啲蘑菇洋蔥🧅再加入黑松露醬，新鮮又好味。 漢堡🍔緊實多汁非常juicy💦，牛味濃郁，黑松露醬未食已經聞到好香，食落濃郁creamy但又唔會搶走牛肉鮮味，加上麵包本身嘅香味同其他配料，口感好豐富，味道好有層次。不過要小心食到成手都係🤭·🖤雞翼用左祕制醬料醃製，食落微辣，新鮮炸起炸到外脆內嫩，相當有水準💖
繼續閱讀
weekend約左朋友行街行到肚餓朋友話想食Burger我地誤打誤撞入左間幾高質既小店主打美式傳統漢堡用美國靚牛製作手工漢堡每天新鮮製作麵包我覺得黑松露控一定會中意♥️♥️♥️BLACK TRUFFLE MUSHROOM BEEF $125黑松露蘑菇安格斯牛漢堡🍔Burger好巨大！超級足料！漢堡包皮烘到微脆，黑松露醬好香，夾住蘑菇、菜、蕃茄洋蔥同埋和牛🐂。肉味香濃，口感柔軟、豐富。松露控必點‼️SWISS CHEESE BEEF $85瑞士芝士安格斯牛漢堡朋友就叫左呢款🍔Burger，餡料基本上一樣，但就用左瑞士芝士。瑞士芝士味道比較清雅，帶淡淡乳香，食落冇咁膩。BLACK TRUFFLE FRIES $65黑松露薯條食完burger，薯條仲係好香脆，配埋黑松露醬，抗拒唔到😝🍌BANANA MILKSHAKE $35香蕉奶昔真材實料，味道天然健康。順帶一提，食漢堡包最怕食得好狼狽，小店提供埋手套，超貼心♥️
繼續閱讀
尖沙咀一間隱世漢堡包小店, 麵包同漢堡扒都係新鮮製造, 所以限量每日200份, 售完即止! 可見老闆對手工漢堡包既堅持, 絕對係值得支持既小店.🍽️ 車打芝士安格斯牛漢堡 $85店舖所有漢堡扒都係用天然安格斯牛肉, 所以食落肉味香濃多汁, 麵包表面亦煎到香脆但咬落鬆軟, 中間夾住滿滿車打芝士, 香味四溢！🍽️ 黑松露蘑菇安格斯牛漢堡 $125鍾意黑松露既朋友一定要試呢個, 因為個黑松露醬多到好似唔洗錢咁, 每一啖都食到濃郁松露香, 再配上juicy既安格斯漢堡扒, 加上酸瓜、蕃茄、生菜等平衡口感, 食完真係大滿足!🍽️ 黑松露薯條 $65身位黑松露愛好者, 當然要叫埋佢地個炸薯條, 上面又係淋上大量黑松露醬, 一上枱已經聞到香味, 薯條唔會太粗身, 炸得勁香脆!🍽️ 香蕉奶昔 $35奶昔加漢堡真係最邪惡既配搭! 欣賞佢地個奶昔係真材實料, 非常杰身, 香蕉味濃郁!
繼續閱讀