Burger Shot

營業中

休息中

專程再嚟試依間風格特別嘅漢堡包店😊 比上次嚟嘅時候，店內外嘅枱椅擺放都唔同咗，睇落應該多人鍾意坐店內，我個人反而鍾意坐店外，有風扇吹住好舒服，尤其依家天氣冇咁熱！今日遇着有 期間限定嘅「芫茜炸魚柳漢堡」，芫茜控的我點會錯過，最後兩個，好彩嚟咗，有得食😆好香又新鮮嘅芫茜😋炸魚柳好鬆脆可口，醬汁仲係水準之作，配合得好好，包包好好味😋😋加上香脆薯條，另再加洋蔥圈，配上其自家製醬汁蜜糖芥末（有8款選擇），正👍🏻👍🏻👍🏻佢嘅青蘋爆爆珠特飲，啲珠珠爆開流出益力多味，再加上青蘋果汁同梳打，好好飲😊食完仲外賣個「雙層手打牛肉芝士漢堡」套餐畀老公😋

下午經過聞到好香漢堡包味，喺門口見到客人食緊個包都幾靚，就入去試下，叫咗個憤怒鳥炸雞漢堡。一見到個包，嘩！塊雞好鬼大塊，入面有芝士蕃茄辣醬洋蔥，雞好脆，辣辣地幾過癮，辣度算適中，塊雞外面脆入面juicy，正！可能係舊雞太大，食完有啲滯，上顎仲損埋😂😂

好啦～今晚食左餐咩好野呢？ 話說最近開既，但我今年唔知做乜，胃炎，整親再胃炎，最近都係未算好食得野，不過我就黎又要去第二度啦（除非下一份工都係呢頭啦），所以就叫阿男人黎食（係，因為康城無野好食，所以最近一星期都有一兩日黎接我放工！ 之前係西灣河住覺得牛頭角係係沙漠，結果我地搬左個去無野好食既地方就覺得牛頭角都唔錯丫🤣）講番先，呢間野，同事試左個double cheese burger，話88蚊，我話ok啊～當然有人覺得唔ok啦～ 我都癈事理佢，佢要用金拱門黎比我都冇計，根本係兩回事！ 所以就觸發左叫男人黎試既動力啦～ 況且唔係兩塊芝士，係兩塊肉喎，手打喎... 係超市88蚊都買唔到兩塊肉啦！今晚我地叫既係：雙層手打牛肉芝士漢堡 $88我就唔好burger既，但男人好鍾意，我都有試既，個patty一定係手打，因為食到有未斷既筋，有口感，好好食！ 而男人話佢鍾意既原因係因為佢係茄汁底，我就話因為平時如果叫呢D可能會俾BBQ sauce偏甜？ 佢話係啊！所以佢好開心而其實佢menu試既其他野，男人都想試，所以應該好快會再戰黑松露野菌忌廉扁意粉 $68我覺得呢… 佢個汁真係好正啊～ 我好鍾意啊

LUNCH去食野, 見到有間奇怪野冇招牌既?????去到門口先見到間鋪個名先知係食burger好彩我係食肉獸, 入去try try佢, 我原本叫安格斯burger, 但係個店員話手打牛肉好食, 仲話c父日日整, 咁咪轉左手打牛肉burger. 個牛肉好有牛味同埋香草味, 中間有d根位, 彈下彈下, 幾好咬, 仲有菜, 蕃茄咁, 但係洋蔥就少左d, 如果下次食要叫佢加多d蔥.個lunch仲有薯條, 仲要係粗同有皮, 我簡左個wasabi, 開頭真係嚇死我,  個醬就咁睇青bb咁, 但係原來好重味, 唔怪得青色啦, 我見我前面排隊果個簡左辣牆, 我下次又try try佢先.個包係多多肉既, 有2層牛肉同2塊芝士, 好肥但係好正, 一路食d汁係咁流出黎, 下次要帶定濕紙巾去

係e頭工廠區返工試下過去牛頭角搵野食點知今岩見到e間漢堡包店新開張 就決定試下佢啦一入到起間舖裝修一般 但係勝左有幾個後生仔熱情招呼睇到個menu 有漢堡包 熱狗又有意粉 3樣都好想試 但今次就試左熱狗先 仲有d特別野飲我今次就試青蘋果爆爆 大約等左10分鐘就有得食啦 個熱狗好多芝士好好食 個青蘋果爆爆 d爆爆珠加埋梳打水好飲到不得了 下次會試埋其他味聽講佢地d手打牛係佢地師傅親手打既 下次再黎都會試埋個手打牛漢堡 我諗都應該好好味

尋日下午過咗去牛頭角，行到定業街被一間店舖門面吸引，原來係一間新開嘅漢堡專門店，係主打外賣嘅。員工都係後生仔女，好熱情；其裝修都與別不同，工廠風格，店舖劃出有枱櫈等外賣區。我就買了外賣在等候區坐下享用，好chill!!!食個霸氣雙層安格斯芝士漢堡，買$108，即做，食材新鮮，安格斯味道香口，醬汁野味，大大個份量足，對得起依個價錢，加上香脆粗薯條配上其自家製醬汁（有8款選擇），味道很夾；依份套餐，食得飽飽，美味可口，正👍🏻下次經過會試吓佢嘅爆爆特飲😋