Cafe Charm's (已結業)

去深水埗行街，想搵個地方食晏晝，但係又想坐得舒服啲，於是就搵到呢一間cafe。鋪頭喺蘋果商場入邊，都要花少少時間先搵到。手工和牛漢堡可能因為係小店嘅關係，嘢食都黎得幾慢，如果返工嘅朋友要喺度食lunch嘅話，可能就要食得趕啲啦。和牛漢堡上面塊麵包好脆，有咬口，裏面都幾足料，有番茄生菜等等。不過我比較鍾意佢即炸嘅薯條，可能因為即炸，熱辣辣！喺深水埗好難搵到啲坐得舒服啲嘅餐廳，價錢合理，不過就要預多少少時間嚟食啦。

餐牌寫有wifi，問店員話冇，講大話。野飲又貴又難飲。全程都冇service過，問個wifi態度勁差，仲好意思收加一。我點解唔去starbucks or mccafe？。。。。。。。。。。。。。。。。。。。。。。。。。。。。。。

The venue of this cafe is quite difficult to reach, which is hidden in the corner of the floor. Although the coffee shop is quite small, the decoration with French window made me feeling cozy. The taste of food was yummy, wonderful texture of spaghetti with slightly yummy cheese source. The handsome barista made a cup of hazelnut latte for me which was quite impressive. I had seen him on TV show. He told me that he was the cook of this restaurant and the judge of the “beautiful cook show”. 😱😍 I

成日去美食廣場食野，今次當獎勵下自己，見到哩間裝修似cafe店，環境好舒服好靚入去幫襯下，點左個手工和牛漢堡，個包好大個，牛肉配醬汁好好味，仲有薯條，食完都好夠飽。

昨晚和小朋友二人叫了一碟蕃茄肉酱意粉和一碟菠菜忌廉意粉配海蝦，味道好有水準。濃度適中，小朋友都話好味😋。我們又點了一杯飲品，士多啤乳酪沙冰，調得幾好飲呀。最後點左份朱古力心太軟，朱古力濃度好高，不太甜，雪糕又不是太甜，我喜歡。其實好耐之前食过一次，事隔幾年依然keep 到個水準，果次有食個waffle 雪糕皮脆內暖好味，廚師老闆好有心機。E 個價格同味道其實真吾算贵係深水埗已食到。只是坐位有少許劑迫，但平日晚上不太多人，又似宽敞D😁值得下次再去。

話說今日同朋友向到食晏，朋友話之前在黃埔食過唔錯。但深水埗呢間，野食同飲品唔係難食禁簡單，係好狠難食！以示公允我只評價自己個餐。我叫左黑松露蘑菇意大利飯。黑松露得好少好少，無香味，食黑松露杯麵仲香過佢。然後d偽意大利飯硬到好似未熟咁，你估硬倔倔粒粒分明就係意大利飯咩？我食到un胃呀，囧。由於我太肚餓又唔喜歡浪費所以勉強食埋佢。但佢個份量少到我食完仲係好肚餓，個飯收我$94 加一，唔值囉比錢食生米。諗住同朋友傾計就加$15嗌杯大杯焙茶鮮奶（熱）。賣相已經不討好，一黎到個面起晒粒粒泡。嘩我囧，飲完一啖，粉黎既！焙茶得苦澀味無茶味。我攪渾佢睇下有無好d。無呀囧～仲變左屎水咁既色，唔想浪費的我好折墮地成杯唔飲，再飲落去我真係嘔。深水埗有好多好野食，但都有伏野，唔好見佢正皮多過負皮就覺得信得過。我覺得自己好似食緊屎，有圖有真相。

Charm Cafe環境：👣👣👣食物：😋😋😋態度：😊😊😊😊性價比：👍👍👍2個下午茶餐加埋180蚊左右（已加15定18蚊轉宇治抹茶奶）環境方面，係蘋果商場內既一間餐廳，地方固然比較細，6-8張四人枱咁上下，落地玻璃窗見到密集唐樓天台，有特色既。食物：Earl grey用返Twinings，即刻放心左，起碼唔係副廠出。宇治抹茶奶聲稱用日本帶返黎既宇治抹茶沖，但感覺茶味唔太夠，奶味都唔重，整體比較平凡。雞扒配卡邦尼意粉，雞扒份量唔算少，唔會好似一pat仔鵝肝咁，醃過有少少香草味，但又唔會太鹹。意粉汁濃稠，緊貼意粉，做得ok既，煙肉唔會太鹹，ok啦。漢堡配薯條，粗薯條炸到外少少脆少少軟，內裡都軟綿既。漢堡肉成個獅子頭咁，醃過，不過我覺得個味有d怪，少許唔夾，同d肉偏瘦肉feel，要𡁻耐少少。態度方面，我唔想將格離無人張枱同我個張合併，因為岩岩格離玩腳同玩鼻c，店員都無逼我，由我。埋單都有問d野食點，態度ok既。佢近窗有2塊鏡，唔知係咪打卡前執樣呢。

今次我地叫左4碟野1. 番茄蝦意粉 呢個好夠味同好多隻蝦，都好足料。2. 咖哩炸魚柳蛋包飯個咖哩其實可以再濃味啲就更好， 條魚炸得非常之好 層皮同魚差唔多炸到分開， 啲魚肉好嫩，而且好大條。個多好滑同嫩，如果再係面加少少鹽就更好啦。 整體來講呢個最好食。3. 拿破倫雞腿飯個飯夠「結」，但覺得可以再濃味啲，隻雞腿都唔夠入味，只係面層有啲七味粉，同埋啲肉比較「鞋」。4. 雞翼薯條拼盤本身個menu 係冇既， 不過個老闆整比我地。成間鋪差唔多係一個老闆煮。幾好心機的，但係比較貴。

服務質素極差，絕對無下次。食物質素一般茶餐廳水平，值40元而絕不值這個價格唯一可取之處係環境不錯 坐位舒適最離譜係杯凍檸茶，明明餐牌寫凍飲加三元但結帳查單先睇到收左30蚊(帳單餐牌已附)問店員先知凍檸茶要單點但餐牌又唔寫出來再問兩句店員就不斷人肉錄音帶指落單時講左但我同朋友兩個人四隻耳都無聽到黎呢間野一定要小心Check 單，此店極不老實

星期五陪呀女遠道而來西九龍中心行經7樓蘋果商場，發現呢間西餐廳，抱住姑且一試心態。裝修佈置舒服，好啱傾下計，可能鋪面細，坐位間空間不大，有少許迫。食物味道不錯，比預期中好，雞扒沙律，醃肉香料及煎時落嘅牛油稍濃，呀女話蕃茄肉丸意粉及Oreo沙冰好味，勁讚~看過餐牌其他食品，除set dinner外，其他單點食物,在深水埗來講真係貴咗d,呢個純粹個人感覺，不喜勿插~

今日嚟開呢邊，見夜夜地就唔喺街游盪搵餐廳嚕直接入左西九諗住求其食D 野上咗電梯就見到塊廣告～唔想食連鎖餐廳嘅情況底下就揀咗佢嚕小店匿咗喺巷尾，周圍比d 格仔舖圍住我心諗，er...博下啦，唔通又老麥，kfc 咩叫咗兩個dinner set先黎個什菌湯omg!!好飲過好多出名西餐廳～超級驚喜湯好香又creamy, 啖啖都充滿菇粒有咬口可能貴精不貴多嘅關係，"杯"湯幾啖就飲哂嚕主菜比起個湯就差D芝士蘑菇餡餅，勝在夠新鮮熱辣烤到脆卜卜，好食～個意粉就淡得滯喇不過好在d 蝦都幾大幾實淨，加返分個甜品就天氣不似預期喇好明顯overcook, 個窩夫脆到成舊餅乾咁另外一讚。餐飲有earl grey可以揀~唔係一般檸茶凍啡～以咁嘅價錢有呢個質素係唔錯嘅～加油吧！

呢間野，個位都幾隱閉，唔專登黎真係唔知有起度我同另一半第一次約會都係起呢度, 食完飯去睇球拍，都幾有回憶架雖然一樣細細地，但都保持都一貫食物水準同服務杯野飲都沖得好靚，拉花有成個熊仔頭起度呢個野食同樣好高質，口感鬆軟，好香口飯每一粒都好有質感最愛食雞嘅我地緊係都要食下雞，肉質嫩滑，表皮脆點埋個醬仲惹味，不過我又唔會點太多，點得多就蓋過左食物本身個味道啦真係可惜唔記得影menu，搞到價錢同菜色名都唔記得添不過價錢都唔重要啦，最緊要呢度好有我地第一次嘅回憶

同幾個朋友行街, 係附近西九龍中心食野，發現原來有間細細間café仔,價錢都算合理! 西九龍中心都好多選擇,平有FOODCOURT, 貴少少都有唔少餐廳, 呢度細細地, 但有WINDOWSEAT 既CAFÉ唔多~ 呢度係可以坐下 同朋友傾下計!我地叫左意粉, 焗薯, 黑松露薯條有好重嘅黑松露味, 好香, SALAD 沙律菜爽脆新鮮! 雜菌薯皮香脆黃芝士少少咸但接受到~佢呢度SIGNATURE 既一定係個雪糕窩夫, 新鮮即叫即整就會好脆, 賣相好吸引, 加埋D cream好香滑, 雪糕溶化少少就剛剛好,一口雪糕,一口窩夫就最正啦~~~今日叫左紫薯口味雪糕窩夫, 紫薯同CREAM都好多, 一口咬落去, 好多CREAM走哂出來!!! 

呢餐老婆叫到，話間野有師奶朋友食過幾正，咁我就陪佢黎食下呢頭都好多年輕人野，黎到好似個人都年輕左咁呀仲有得溜冰，諗起後生那時都成日溜冰，依家日久生疏，老骨頭都一跌都非同小可，都係唔玩啦今日我就擇左呢個，唔記得叫咩牛油菇意粉總知就好食，個意粉好軟滑，配上D香蔥好香，當然個菇都唔講得笑，又大又軟滑係好食，不過入面地方細枱唔多，真係要早D黎先有得食呀呢度都好多情侶黎食，唔係情侶黎食嘅話反而會唔係幾自在，哈哈下次叫朋友黎食，都要提佢早D先有得黎食

中秋節翌日同閨蜜黎吃下午茶。四五點去到唔使等位。我地叫左 芝士黑松露炒蛋多士、士多啤梨雪糕窩夫。👌🏻芝士黑松露炒蛋煙肉多士 $56：炒蛋、黑松露、芝士 幾夾，味道唔錯。份量好少而且多士好薄，塊包既面積厚度係一般方包。以呢個價錢唔值。👌🏻士多啤梨雪糕窩夫 $68：窩夫咬落去好似有一粒粒糖，口感麻麻。上面有雪糕隔離仲有好多cream，個人認為有雪糕就唔使落cream。🏠正常西式cafe裝修，有小小迫。